رواية انت مرادي الفصل الثاني والعشرون 22 - بقلم يارا ابراهيم

في لندن...... كانت ليلي في الشركة فقالت لنرمين: ليلي بجدية: يارا جاية. نرمين: بجد.... أنا فرحانة أوي والبنات هتفرح. ليلي: بس هي قالتلي نتصل نعرف الأطفال إنها طول مدة وجودها هترجع تعمل محاضرات دينية بس من نوع تاني. نرمين: بجد الأطفال هيفرحوا أوي.. بس إزاي من نوع تاني. ليلي: هي خلصت تعليمهم كل حاجة عن الدين عشان كده وقفت المحاضرات دي بس هي رجعت قالت هتعملها طول مدة وجودها هنا.

نرمين بحماس: شكلنا هنرجع أيام الشقاوة تاني. ليلي: هههه حمستيني بزيادة. نرمين: طيب هروح أشوف أرقام الماميز بتوع الأطفال وجاية. ليلي: هههه طلعتي أهطل مني. نرمين: هههه يا ستي بما إنه مش بنعمل حاجة حرام يبقى إيه المشكلة. ليلي: بحيث كده. نرمين: إيه.. لا لا أوعى يكون اللي في بالي صح. ليلي: هههه تؤ هو يا أختي. نرمين: ربنا يستر. *********************** عند يوسف....... ركب عربيته وساق بس فجأة وقف وهو بيقول:

يوسف: بس أنا مش عارف المكان. يوسف: طيب هعمل إيه دلوقتي...... بس لقيتها. وبدأ يرن على حد فقال: *********************** عند مراد ونهى وريماس في الكافيه............. كان مراد قاعد وبيسمع لي ريماس اللي اعترفت بكل حاجة وبعدين بص لنهى وقال: مراد: يلا دورك. نهى بتوتر: أنا معملتش حاجة عشان أقول. مراد بغيظ: لا ده الكلام ده عند أمك مش تستهبلي عشان مش تعصبيني عليكي. نهى كانت لسه هتتكلم بس تليفونها رن وأول ما شافت

المتصل اتوترت فقال مراد: مراد: ردي وافتحي الاسبيكر. نهى: لا ماهو دي واحدة صاحبتي. مراد بحدة: أنا قولت ردي وافتحي الاسبيكر مش هعيد كلامي تاني. نهى بخوف: حاضر. عملت نهى زي ما مراد قالها بالظبط وفجأة ظهر صوت راجل وهو بيقول: الشخص: الو يا نهى. مراد بسخرية: واحدة صاحبتك أه. نهى: الو يا يوسف. يوسف: معلش كنت عايز أعرف مكان بيت عائلة الألفي. نهى بصت لمراد اللي استغرب بس شاور لها إنها تسأله ليه فقالت: نهى: وانت بتسأل ليه.

يوسف بتوتر: لا بس كنت عامل مع الأستاذ خالد صفقة وهو قالي أجيله البيت بس نسيت أسأله. نهى بصت لمراد اللي قالها تديله العنوان وفعلاً قالت نهى العنوان ليوسف وقفلت فقال مراد: مراد: يوسف.... يوسف الاسم ده بشبه عليه والصوت كمان.... بس انتِ تعرفيه منين. نهى كانت لسه هترد فقال: مراد: من غير كدب عشان أي كذبة تانية اعرفي إنك بتأذي نفسك. بدأت نهى تحكي كل حاجة وإن يوسف كان متعاون معاهم بس فجأة انسحب فقام مراد بسرعة وهو بيقول:

مراد: تمام كده المهمة الأولى خلصت. مش فهموا قصد مراد بس مش علقوا وأول ما خرج مراد قاموا ولسه هيطلعوا بسرعة بس فجأة دخلت الشرطة وقبضت عليهم تحت صياحهم بإنهم ماعملوش حاجة فقال الظابط: الظابط: فيه تسجيل صوتي بكل اللي عملتوه فكده كده هتتحبسوا. ريماس: للمرة التانية معرفتش أدمرك بس ماشي يابن نجلاء.... مش هسيبك يا مراد. نهى كانت عمالة تعيط بس وهي بتقول: نهى: لا أنا معملتش حاجة أنا. *********************** عند يارا........

كانت خلصت ترتيب الشنط وبعدين قعدت على السرير وهي بتنهج: يارا: يا خرابي ده كله عشان أرتب الشنط. وبعدين بصت لبطنها وقالت: يارا: شكلي هشوف أيام عنب. طلعت يارا موبايلها ورنت على غيث اللي رد وقال: غيث: الو ها خلاص جهزتي. يارا: جهزت بس تعال خدني. غيث: ليه في حاجة انتِ تعبانة. يارا: اهدي أنا كويسة بس الشنط تقيلة مش هعرف أنزلها. غيث: طيب أنا جاي. قفلت يارا مع غيث وبعدين بصت على رقم مراد وهي بتقول:

يارا: مش عارفة هشوفك النهارده ولا لأ بس أنا. قاطع كلامها صوت فتح باب الفيلا الداخلي فعرفت إنه غيث فقامت وفجأة خبط باب الأوضة فقال: يارا: ادخل..... شيل يلا. غيث بغيظ: استغفر الله العظيم يارب. يارا: امم وكمان مش طايقني. غيث: يا بنتي هو أنا جيت جنبك. يارا: وكمان بترد عليا. غيث بصدمة: يعني إيه...... يعني أنا مضطر أستحمل هرموناتك دي تلت شهور. يارا: تكونش مش طايقني قول مش تخبي حاجة في نفسك.

غيث في نفسه: يارب هون عليا أنا لسه صغير ونفسي أتجوز. غيث: يا حبيبتي يلا عشان لسه هنروح نسلم على العيلة وبعدين نروح المطار. يارا: ماهو ده اللي بقوله بقالي ساعتين وانت مصمم تكمل رغي. غيث: ده أنا. يارا برفعة حاجب: أمال أنا يعني. غيث: لا هو حد يقدر يقول كده.... أنا هنزل الشنط وانتِ اتأكدي من حاجتك. يارا: ماشي يا خويا. نزل غيث وهو بيدعي ربنا يعدي التلت شهور دول على خير عشان هو خلاص جايب آخره.... نزل غيث الشنط

وبعدين طلع لي يارا وقال: غيث: اله منزلتيش ليه يلا عشان نتأخر. يارا: هو البعيد أحول. غيث بغيظ: أنا عملت إيه دلوقتي. يارا: أنت مش شايف السلالم دي كلها افرض رجلي اتزحلقت ووقعت وبعدين لا قدر الله ابني حصله حاجة وبعدين أنا هدخل في اكتئاب بقى و. لسه هتكمل فقال غيث: غيث: بس... الحوار ده كله عشان تقوليلي أشيلك. يارا: أخيرا البعيد فهم. غيث: يلا... يكش نخلص في اليوم اللي مش باينله ملامح ده. غيث لسه بيرفع يارا بس نزلها وقال:

غيث بصدمة: إيه ده. يارا: في إيه. غيث بوجع: ضهري. يارا: ماله مانت كنت سليم. غيث: انتِ تخنتي أوي. يارا: مش حجة هتشلني يعني هتشلني. مسك غيث موبايله فقالت يارا: يارا: ده وقته لعب في الموبايل. غيث: أنا مش بلعب أنا بشوف ونش. يارا: ونش ليه. غيث: عشان يشيلك لإن مش هقدر. يارا وبان عليها ملامح مخيفة وهي بتقول: يارا: نعم.! غيث: انتِ بتبصلي كده ليه صلي على النبي كده. يارا: عيد تاني قولت إيه. غيث بدأ يقول الشهادتين فقالت:

يارا: هتشلني ولا أجيب أنا الونش يشيلك. غيث بخوف: هيا دي فيها كلام هشيل طبعاً. يارا: ناس مبتجيش غير بالعين الحمرا.