رواية انت نوري الفصل السابع والعشرون 27 - بقلم شيماء حمادة

بتصحى فتون من النوم وبتلقى نفسها نايمه فى السرير وادم على الكنبة. فتون بتستغرب: هو جه امتى؟ هى كانت مستنياه فى البلكونة، وايه اللى نايمه على الكنبة؟ فتون براحة: ادم. ادم بنوم: اممم. فتون: قوم نام على السرير. ادم بيقوم: لا خلاص قومت، روحي البسي علشان هنروح اتيليه تشوفيلك فستان علشان فرح محمد. فتون بصدمة: هو احنا هنروح؟ ادم بضيق: اه. وبيسيبها ويدخل الحمام. فتون: احنا مخلصناش كلام، بتمشي وتسبني ليه؟

ادم مش بيرد وبيكون مضيق من نفسه واللي عمله البارح، وانه كان ممكن يؤذيها بسبب غيرته. فتون لنفسها: طيب والله لخلك تتكلم غصب عنك. فتون: اااه رجلي، اااه. ادم بيطلع بسرعة بقلق: مالك؟ في إيه؟ وبيشلها ويحطها على السرير، وبعدين بيمسك رجليها ويحط عليها، بس الغريب أنها مش بتصوت أو تدي أي رد فعل. فتون بتكون مبسوطة أنه خاف عليها. ادم بيقوم بغضب ولسه هيمشي، فتون بتمسك إيده. فتون: ادم ممكن أفهم في إيه؟ ادم بيزق إيدها ويمشي خطوتين.

فتون بتقوم بسرعة وتحضنه. ادم بضيق: رجلك بقى كويسة أهو. فتون: هي مكنتش بتوجعني أصلاً. ادم: انتي عايزة إيه دلوقتي؟ فتون: عايزة أعرف مالك يا ادم، مش متعودة منك على القسوة دي. وبتبص ليه وهو بيفتح زراير القميص. ادم بيمسك إيدها وبيقول وهو بيحاول يتماسك قدامها وميضعفش: البسي علشان هنتاخر. فتون بغيظ: مش رايحة. ادم بمشاكسة: أحسن بردو علشان آخد راحتي. فتون بتصوت بفيظ وبتروح تغير هدومها وهي عاملة تبرطم.

عند يحيى بيكون نايم وواخد فيروز في حضنه. فيروز بتصحى وتفضل تتأمل فيه وبتحرك إيدها على خده. يحيى بيحرك رأسه ويبوس إيديها. يحيى وهو لسه مغمض: صباح الخير. فيروز بحرج: صباح النور. وتتحول تقوم بس يحيى بيرجعها لحضنه تاني. يحيى: رايحة فين؟ فيروز: هقوم. يحيى: هو أنا قمت؟ فيروز: لا بس أنا عايزة أقوم. يحيى وهو بيدفن رأسه في رقبتها: لا مش هتقومي غير لما أنا أقوم. فيروز: طيب وانت هتقوم امتى؟ يحيى: امم انتي وشطارتك بقى.

فيروز: ازاي؟ يحيى بخبث: يعني…. بس تلفونه بيرن، بياخده بسرعة ويطلع يتكلم في البلكونة. فيروز بتكون بصاله باستغراب، هو أول مرة يعمل كده. في الاتيليه، ادم بيدخل ومعاه فتون واللي بيبان عليها الزعل. بيتفرجوا على الفساتين. فتون: إيه رأيك في ده يا ادم. ادم بيقيم: اممم يعني. فتون: هاخده. ادم: انتي حرة. يلا علشان نحاسب. بيروحوا عند الاستقبال ويحاسبوا، بس هما ماشيين بيجي ولد من الشغالين في الاستقبال. عادل: فتون عاملة إيه؟

فتون بتوتر وبتبص لادم: كويسة. عادل: فينك مش باينة. فتون بتكون قلقانة من سكوت ادم. عادل: روحت فين يا روحي؟ ادم بيسمع الكلمة دي وبينزل فيه ضرب. ادم: طلعت روحك يابن ***. فتون: خلاص يا ادم كفاية. ادم: مش بيبعد لحد ما بيجي أمن المكان ويوقفوا الاشتباك. عند فيروز ويحيى في الاتيليه. فيروز بتكون منبهرة بأشكال الفساتين ومش عارفة تختار. فيروز: يحيى اختار معايا. يحيى: حبيبتي كله هيطلع حلو عليكي. فيروز بغرور مصطنع: ما أنا عارفة.

يحيى بابتسامة: حلوة الثقة دي. فيروز: امال. طيب إيه رأيك في الفستان ده؟ يحيى: جميل يا حبيبتي. وبعدين بيبص لبنت وبيحرك رأسه. فيروز بحزن: عجبتك؟ يحيى: هي مين؟ فيروز: البنت اللي بقالها ساعة واقفة قصادنا. يحيى: فيروز اعقلي. فيروز بحزن: طيب يلا نروح. بتيجي بنت وبتقول لفيروز: ممكن مساعدة والنبي. فيروز بتبصلها بضيق عشان هي دي نفس البنت اللي يحيى بصالها. فيروز: لا. البنت: والنبي أنا هتطرد من الشغل لو مسعدتنيش.

فيروز باستغراب: وأنا هساعدك إزاي؟ البنت: بصي في عميلة كانت هنا امبارح وحجزت فستان وأنا نسيت هو أنهي مقاس. فيروز: أيوا وأنا هعمل إيه؟ البنت: هي في نفس طولك كده. انتي بس هتقيسي الفساتين واللي هيجي عليكي هبعته ليها. فيروز بتبص ليحيى. يحيى: روحي يا حبيبتي وأنا هستناكي هنا. فيروز بغيرة: لا تعالي معايا. يحيى بيبتسم على نجاح خطته: ماشي يلا. فيروز بتروح تقيس تلت فساتين وبيكونوا جمال أوي وكلهم على قدها.

فيروز بحيرة: هتعملي إيه دلوقتي؟ كلهم على قدي. البنت: أنهي أحلى واحد؟ فيروز: ده. البنت: تمام شكراً. يحيى: اقلعي بقى. فيروز: مش هاين عليا. يحيى ابتسم: طب معلش اقلعي اتاخرنا. فيروز: طيب. وبتروح تغير. في الاتيليه بتكون نور ومحمد بيختاروا فستان الفرح والبدلة. نور: يوووه هو مفيش حاجة عجباك خالص؟ احنا بقى لنا أسبوع بنلف على حاجة تعجبك مش لاقيين. محمد: ما انتي اللي بتنقي حاجات غريبة، يا إما ضيقة يا إما دلة.

نور: ما هي دي الموضة. محمد: موضة زفت، نقي حاجة عدلة يا نور. نور: اوووف، طب إيه رأيك في ده؟ محمد: تمام حلو. نور: أخيراً. محمد: يلا بقى علشان تنقي البدلة. نور: هتجيبها بيضا؟ محمد: طيب. وبيروحوا ينقوا البدلة وبيمشوا. بليل في بيت الدمنهوري. فتون بدلع: ادم دومي. ادم مش بيرد. فتون بتروح تقعد جنبه على السرير. فتون وهي بتلعب في شعره: انت زعلان مني؟ ادم بيبصلها وبيسكت. فتون بتُبوسه من خده: طيب متزعلش. ادم: كده اتصلحت يعني؟

وبيبعد عنها. فتون: ادم هو في إيه؟ كل ما أقربلك بتبعد، انت معتش بتحبني. وبتِعيط. ادم: يابت الهبلة. وبيروح لها. ادم: انتي بتعيطي ليه دلوقتي؟ فتون: انت معتش بتحبني. ادم: مين قال؟ فتون: امال بتبعد ليه كل ما بقرب؟ ادم بتنهيدة: علشان أنا مضايق الفترة دي ومش عايز أذيكي، واديكِ شوفتي حصل إيه المرة اللي فاتت، شفايفك ليه ورمة أهو. فتون وهي بتمسح دموعها: يعني انت لسه بتحبني؟ ادم بيبوسها على رأسها: لأ. فتون بتبصله بصدمة.

ادم: بعشقك. بعد مرور أسبوع. في إحدى القاعات بتنزل نور بفستانها الأبيض الجميل ومحمد ببدلته البيضاء برضه وبيكون بيبان عليهم الفرحة. وبيبدأ كتب الكتاب ونور بتكون في غاية السعادة. (نسيت أقول لكم نور كل أهلها ميتين) بعد كتب الكتاب بتبدأ الأغاني والرقص والفرحة تنتشر في جميع أنحاء القاعة. على طاولة فيروز ويحيى. يحيى بيكون بيكلم حد واتساب ومركز أوي. فيروز: يحيى. يحيى مش بيرد. فيروز بتزعل وبتسكت.

يحيى بيخلص ويقفل التليفون بس بيلحظ حزن فيروز. يحيى: مالك؟ فيروز بزعل: مليش. يحيى: قولي إيه اللي مزعلك. فيروز بغيرة: كنت بتكلم مين و مندمج أوي معاها لدرجة إني ناديت عليك مردتش. يحيى: حبيبي الغيران. فيروز: أنا مبهزرش. يحيى: طيب يلا نرقص وهحكيلك كنت بكلم مين. فيروز: لا. يحيى بيشدها ويروحوا يرقصوا سلو. فيروز بكسوف: الناس كلها بتبص علينا. يحيى: متشغليش بالك، ركزي معايا بس. فيروز: لا أنا زعلانة منك.

يحيى بمشاكسة: وأنا ما يهونش عليا زعلك، ومستعد أصلحك قدام الناس دي. فيروز بتحط إيدها على بقها. يحيى بيضحك: إيه السفلة دي يابت. أنا كنت هقولك أسف بس. فيروز: اعمل إيه ما انت اللي قليل الأدب. يحيى: يا جدع من قلبك. فيروز بتسكت. يحيى: من قلبك. فيروز: انت قلبي. عند عمر وندى وايسل. عمر: يلا نرقص. ندى: وأيسل. عمر: نوديها عند مامتك. ندى: ماشي. ندى بتاخد ايسل وتروح بيها عند رقية. ندى: ماما خلي ايسل معاكي لحد ما أرجع.

رقية: ماشي. ندى بتمشي وتروح ترقص هي وعمر. ايسل بتعيط وبتكون عايزة تروح لهم بس رقية بتشلها وتحاول تهديها، لحد ما بييجي ولد صغير. حمزة بن مصطفى: هاي، أنا حمزة. وبيمد إيده بالآيس كريم. ايسل بتاخدها وبتكون مكسوفة. حمزة وهو بيحرك إيده على شعرها: انتي اسمك إيه؟ ايسل بصوت واطي: ايسل. رقية: ابن مين يا عسل؟ حمزة بقرف: اسمي حمزة مصطفى وبابا هناك أهو. وبيشاور على مصطفى. مصطفى بيجي. مصطفى: أسف لو ضايقتك بس هو كان عايز يصالحها.

رقية بابتسامة: لا عادي ولا يهمك. حمزة: حمزة أنا هاخدها معايا. مصطفى: فين؟ حمزة: البيت وهتجوزها. مصطفى ورقيه ومحمد بيضحكوا. محمد: تتجوزها كده على طول من غير حتى ما تتقدم لها. حمزة: امممم صح. بس هو فين أبوها ده؟ سيبها تعيط ورايح يرقص. مصطفى: حمزة عيب. محمد: لا سيبه. ويوجه كلامه لحمزة: بس هو سابها مع جدها مش مع حد غريب. حمزة: ولو مينفعش يخلي العيون الحلوة دي تعيط. رقية بصدمة من كلامه: انت عندك كام سنة؟ حمزة: تسعة ونص.

محمد: طيب هات باباك بكرة وتعالى اتقدم لها. حمزة: وليه بكرة؟ ما بابا هنا أهو. محمد: بس انت لازم تطلبها من بابها. حمزة: مش انت بتقول إنك جدها. مصطفى: حمزة عيب كده يلا امشي. مصطفى: إحنا آسفين يا جماعة لو أزعجناكم. محمد: لا ابداً. رقية: ده عسل خالص. على طاولة فتون وادم. فتون: ادم يلا نرقص. ادم بغيرة: فتون اعقلي. فتون: اشمعنى يحيى وعمر؟ ادم بغيرة: عدى اليوم يا فتون بدل ما أروحك دلوقتي. فتون بتزعل وبتسكت.

تصعب عليه، بيخدها في حضنه. ادم بهدوء: نتكلم بالعقل شوية. فتون مش بترد. ادم بيكمل: ينفع أخلي مراتي ترقص قدام الناس؟ فتون: ما يح… ادم بيقاطعه: أنا مليش دخل بأحد، انتي مراتي وأنا بغير، ومن غير حاجة انتي زي القمر في الفستان ده، مش عارف عقلي كان فين لما خليتك تشتريه. فتون بتضحك. ادم: وبعدين يا ستي عايزة ترقصي، تعالي نروح ورقصيلي. وبغمز لها. فتون بتضربه على صدره: اتلم. محمد بيكون متابع فتون وكل شوية بيبصلها.

نور بزعل: هي دي فتون. محمد بانتباه: ها مين؟ نور بزعل وغيرة: اللي انت كل شوية تبص عليها. محمد: مش ببص على حد. وبعدين حد يسيب القمر ويبص على النجوم. (بيغير الموضوع) تعالي نرقص. بتقوم نور وهي بتحاول تقنع عقلها بكلامه. بعد الفرح. نور بتدخل وتقفل الباب على نفسها. محمد: نور خلصتي؟ نور بتوتر: أخلص إيه؟ انت عايز إيه؟ محمد: هكون عايز إيه يا حبيبتي؟ عريس وفرحه كان النهارده، هيكون عايز إيه؟ نور بشهقة: يا قليل الأدب!

أنا مستحيل أعمل كده. محمد بيطلع مفتاح تاني وبيفتح الباب. نور بتصوت وتطلع تقف على السرير. نور: انت دخلت إزاي؟ أنا قافلة الباب. محمد: ده بيتي. إيه ده انتي لسه بفستان؟ نور: ماهو… انت مالك؟ محمد: هو بين لها ليلة مش معديها. محمد: بصي ياحبيبتي روحي غيري في الحمام وأنا هجهز الأكل. نور: بجد؟ محمد بابتسامة: أه. نور: وعد؟ محمد: هو في إيه؟ انتي ناقصة تحلفيني على الصُحف. وبيسبها ويطلع وهي بتدخل تغير. في العربية عن فيروز ويحيى.

فيروز: احنا رايحين فين يا حبيبي؟ يحيى: لما نوصل هتعرفي. فيروز: مكان بعيد؟ يحيى: اه. فيروز: طيب حلو. نور بتطلع من الحمام وهي لابسة بيجامة بكم وواسعة، بتكون متوترة. نور: محمد، محمد. محمد: تعالي يا نور أنا تحت. على السفرة بيكون محمد محضر عشاء خفيف عبارة عن جبنة ومربة وكده. نور بتقعد تاكل بتوتر. محمد بيبتسم لما بيشوف لبسها وتوترها وبيحب يطمنها. محمد: نور اهدى، أنا مش هعمل حاجة غصب عنك. نور بتوتر: أنا بس خايفة شوية.

محمد: متخافيش، واثقي فيا. وبيخد حتة من الجبنة ويوكلها في بوقها، وبتعمد يلمس شفايفها. وبعدين بيقرب منها وبيُقبّلها بكل رقة دوبتها وخلتها تروح عالم تاني. بس بتفوق منه لما بتسمعه بيقول. محمد وهو مغيب: ف.تون. نور بتزقه وتطلع تجري وهي بتعيط و…….