رواية انت وعدي الفصل التاسع 9 - بقلم هاجر محمد

روان بصدمة: يعني أنا ليا أخ؟ فضلت تكسر في كل حاجة. إياد سمعها وراح عندها: روان. روان قعدت على الأرض وفضلت تعيط. وإياد مش فاهم حاجة. عند وعد. كانت قاعدة تذاكر. دخل زياد وشافها. قعد جنبها وقال: بتذاكري المحاضرة بتاعتي؟ وعد ببرود: لازم أحضر عشان ما أتكشفش قدام الكل. زياد قرب منها وقال: يعني أنا هقدر أعمل كده؟ وعد بنفس البرود: وهو المفروض الدكتور يقرب من طالبته؟ زياد

بابتسامة وقرب أكتر وقال: في الجامعة دكتورك، لكن هنا أنا العاشق♡. قالها وسابها ومشي. وعد برقت له وقالت: عاشق! إيه ده؟ عند أميرة. كانت قاعدة في الكافيه بتشرب قهوة. شافت زين بيطلب حاجة من الجرسون. أميرة شاورت للجرسون وأخدت منه القهوة وحطتها قدام زين. زين بص للقهوة لقي مرسوم عليها إيمو حزين. استغرب ولقى أميرة بتقعد على الكرسي. أميرة: نكدي، عصبي، مبتحبش تتكلم كتير، إيه ده؟ أنت كل الصفات دي فيك؟

زين ببرود: وأنتي إيه عرفك إن كل الصفات دي فيا؟ أميرة: واضح أوي، أنت مش بتضحك خالص. زين ضحك، وأميرة سرحت في ضحكته وقالت: لو كنت أعرف إنها كده ما كنتش خليتك تضحك. زين: نعم؟ أميرة فاقت من شرودها وقالت: لا، بقول على القهوة بس، كويس طلعت بتعرف تضحك. زين كان بيراقب حاجة معينة. وأميرة لاحظت فقالت: في حاجة؟ زين عشان أميرة ما تشكش إنه نقيب، قال: لا عادي. أميرة: متأكد؟ زين لسه هيرد سمع صوت ضرب نار. في الجامعة.

زياد: النهاردة هنتكلم عن قواعد الرسم المعماري. فجأة دخلت وعد المحاضرة. بص زياد في ساعته لأنها اتأخرت. وعد: أنا آسفة، اتأخرت. زياد: تمام، بس بعد كده ما فيش تأخير، لأن دي أول مرة تتأخري فيها، فهعديها، وإلا... بنت قعدت تتكلم على وعد وقالت: إزاي تتأخر في محاضرة الدكتور زياد؟ أنا ممكن أفضل اليوم كله في الجامعة عشانه. في الكافيه عند زين وروان.

كان كل اللي في الكافيه مربوطين، وفي مجموعة ناس لابسين أقنعة وموجهين مسدساتهم عليهم. واحد من العصابة: بص لأميرة بتعجب وقال: مينفعش تكوني معاهم، لأن ده مش مكانك. قرب منها وقال: بتيجي معايا أحسن؟ أميرة بصت له بقرف وقالت: لو هموت على إني أروح معاك. زين اتضايق جداً وحاول يمسك شيء في جيبه، كان زر لو ضغط عليه هيوصل كل المعلومات لأصحابه. لكن زين فشل إنه يلاقي الزر. شاف شخص من العصابة ومسك الزر وقال: أنت بتحاول تغشّنا؟

أنت نفسك اللي بتدور علينا. زين: فكني. ضحكوا كلهم وقال: هفكك حاضر، لكن لو فكيتك مش هتكون موجود أصلاً. زين: فكني وهعرفك أنا مين. قائد العصابة قال: عارفينك كويس، أنت النقيب زين. أميرة بصدمة: نقيب...