رواية انتهك طفولتي الفصل الأول 1 - بقلم سمية عامر

بابا انت بتقول إيه؟ مين دي اللي جوزتها ومن غير علمنا؟ جوزت بنتك اللي لسه ١٢ سنة؟ محدش يتدخل منكم. اه جوزتها، مش أحسن ما تجيبلي العار. تغور خلفه البنات، واحمدوا ربنا إني استنيت أما بلغت. خرجت نوران من أوضتها وهي واقفة مش فاهمة حاجة. تفرح ولا تزعل؟ قربت من أخوها الكبير وحضنته. هو في إيه يا أبية؟ بصلها وهو زعلان وخدها في حضنه أكتر. متخافيش، مفيش حاجة هتحصل. رجع بنظرته لأبوه مرة تانية.

مستحيل أسيبها تخرج من هنا. مستحيل أخليها تقع في وس*ختك. حرام عليك، دي لسه صغيرة. قام أبوه ضر*به بالقلم. بليل هوديها لجوزها، ومش عايز نقاش تاني. ومسمعش صوتك أو صوت أي كلب فيكم. كفاية إني بأكلكم وأشربكم. خافت نوران ودخلت أوضتها تاني وهي مش عارفة إيه جريمتها عشان أبوها يرميها. عدى الوقت كأنه دقايق، ونوران مش فاهمة حاجة من زعيق أبوها. دخل عليها أبوها ومعاه شنطة بلاستيك ولم هدومها فيها. وشدها من أيديها بكل قسوة.

اخرجي يلا، هوصلك لبيتك. بابا ده بيتي، ونبي سيبني هنا. أنا خايفة بالله عليك، أنا هم*وت من غير أخواتي. كلامها مأثرش فيه، وخرج بيها على بره. ركبها التاكسي اللي هو بتاعه، وركب وطلع بيها بسرعة قبل ما محمود أخوها يرجع من صلاة العشاء. وصلوا بعد ساعة لبيت كبير مقفول من كل مكان بأسياخ حديد، وواقف راجل برا في عمر الخمسين بيبتسم لهم. خرج أبوها ومعاه نوران وهي بتحاول تبعد أيده وبتعيط بكل قهر وخوف.

بالله عليك، ارميني في الشارع بس متعملش فيا كده. رماها أبوها للراجل وخد بقية فلوسه ومشي من غير ما يحس بوجع صراخها اللي كان يحرك الجبل. شدها الراجل لجوه وهو بيزعق فيها. ادخلي بقى، بلاش قرف، وإلا همد إيدي عليكي. رماها في الأرض وقفل الباب. قامت من على الأرض وجريت على الباب عشان تفتحه وهي بتعيط، بس معرفتش. قرب منها الراجل وقعد على الكرسي. ارجعي اقعدي مكانك على الأرض، وإلا هتشوفي وش تاني. صوّتت وهي بتعيط.

انتو عايزين مني إيه؟ أرجوك خرجني من هنا. دخل شاب في عمر العشرين قاعد على كرسي متحرك. تعالي هنا. نوران: انت مين؟ بقولك تعالي هنا قبل ما أتعصب. دخل واحد تاني. ريان سيبها دلوقتي تتأقلم، وبكرة هتتعود. وانت مالك يا عُمران. عيطت وقربت منه وهي بتترعش، وواضح على جسمها الضعيف إنها مش قادرة تقف. شدها من أيديها نزلها في الأرض. شايفة رجلي المش*لولة دي؟ انتي السبب في إني أكون قاعد على كرسي. شدت نوران نفسها منه وبعدت عنه.

انت إنسان حق*ير، وربنا عمل فيك كده عشان اتجوزتني غصب عني، وانت بغل كبير وأنا طفلة قد عيالك. ضحك عُمران أخوه من كلامها اللي قالته بتلقائية، بس من غير ما حد ياخد باله. ريان بصوت عالي: اتجوزتك؟ ده اللي أبوكي قالهولك ها؟ أحب أقولك إني متجوزكيش، أنا اشتريتك. وأحب أقولك كمان إنك هتشوفي أسوأ أيام حياتك هنا.