رواية انتقام العاشقين الفصل العاشر 10 - بقلم منة مصطفى

نزل أدهم وقعد مع مراد، ومراد حكاله على كل حاجة بالتفصيل. مراد: بس كده، والله ما كان ليا ذنب. وأنا لو ما كنتش عاوز حور ما كنتش جوزتها. دا أنا قبلتها عندي في الشركة عشان نتصالح. أدهم: أنا هطلع أندهلها. ونفس الدقيقة لقوا باب حور بيتفتح وطلعت منه حور. حور: طلقني. مراد: اسمعيني. حور: بقولك طلقني. مراد: حور. حور: طلقني. شدها مراد من إيدها وطلع بيها بره تحت صدمة الكل. ودخلها العربية وقفل. حور: افتح باب العربية. مراد: لأ.

حور: عاوز إيه؟ مراد: اسمعيني وبعدها احكمي. طلع مراد من التابلو بتاع العربية تابلو وقالها اتفرجي على الفيديو. فتحت الفيديو لقت: مراد: وتجيبي كل الورق المطلوب للإجتماع دا مهم جداً. ميرا: حاضر يا فندم. مراد: وصفقة مع شركة زين الجرحي تتم على خير. ميرا: تمام. مراد: وهاتيلي ملفات المتقدمين للشغل عشان نديهم معاد. ميرا: حاضر. وجت تخرج ميرا من الأوضة لقت حور جاية. رجعت بسرعة وحضنت مراد. مراد: إيه اللي بتعملي دا؟ مراد: شفتي؟

أعتقد إن كل حاجة قدامك صوت وصورة دلوقتي. حور: ما أنت كنت بتحضنها. مراد: يا لهوي، كل دا مصدقتيش؟ حور: كان المفروض تديها قلمين على وشها وتزقها وترفضها من الشركة. مراد: والله رفضتها. حور: بسم... مراد: خلاص بقي، هترجعي؟ حور: أنا قدمت استقالتي. مراد: كده كده انتِ مراتي. حور: مراتك؟ أومال ميرا عشقتك؟ مراد: خلاص. وجاب من الكرسي اللي وراه شنطة قطيفة جواها علبة قطيفة، وطلع منها خاتم بفص ألماس تحفة ورقيق. مراد: آسف.

حور: آسفة أنا كمان. مراد: أنا ما كنتش قلبتك لولا عرفت إنك بتحبيني. حور: ها؟ لأ طبعاً. مراد: بحبك يا حور. حور... مراد: إيه يا بنتي متنحة ليه؟ حور... وقعت حور على وشها. مراد: حور! إيه دا؟ دم! وكانت واخدة رصاصة من قناصة على بعد مئات الأمتار. مراد بصدمة: حوووور! ردي عليا يا حور! وجري بيها على أقرب مستشفى. مراد: دكتور بسرعة! دكتور! أنتو بتتفرجوا عليا؟ هتموت!

جت مجموعة من الممرضات وخدوها على الترول وجري بيها. ودكتور بيقيس نبضها. دكتور: على غرفة العمليات بسرعة. وراحوا بيها على غرفة العمليات. مراد: حوررررر! قومي ردي عليا، متسبنيش. نبي أنا مقدرش أعيش حياتي من غيرك. مش أنتِ بتحبيني؟ ليه هتسبيني؟ تن تن تن. مراد: الو! يا أدهم! الحق حور خدت رصاصة معرفش منين، احنا في مستشفى ******. أدهم: إيه؟ أبي بتقول دا؟ أنا جاي حالاً. بيلا بخضة: إيه؟ في إيه؟

أدهم: حور في العمليات، اتضربت رصاصة. بيلا: إيه؟ أنا جايه معاك. وطلعت بيلا تلبس ونزلت جري. أدهم: طلعت. مراد: بقالها ساعتين جوا. *** في مكان تاني مهجور. الشخص ١: كان لازم التنفيذ بإيدك. الشخص ٢: عشان أفش غلي، هي اللي عملته فيا مش شوية. الشخص ١: أنا مهمتي خلصت، وأديتك السلاح. عايز فلوسي. الشخص ٢: نعم يا حبيبي؟ هو دخول الحمام زي خروجه؟ أنت هتموت وسري يدفن معاك.

الشخص ١: بس يا معلم، أنت أمرت وأنا نفذت. أنا مش ذنبي حاجة والله. الشخص ٢: اتشاهد على روحك. الشخص ١: أنا عندي عيال، نبي اعتقني. الشخص ٢ بدون رحمة ضربه بنار فسقط ميتاً. مفيش من الشخص عديم الروح دا. *** يوسف: ليل! ليل: نعم. يوسف: أنا بحبك. ليل: إيه؟ أنت بتقول إيه؟ يوسف: بحبك. ليل: وأنا قلتلك نكون صحاب. متحبنيش. تحبني عشان سابني؟ ولا تخوني زيه؟ هو هو ميستهلنيش، وأنت جاي تكمل اومال إيه؟ يوسف: هو مين؟

قعدت ليل على الكرسي في الكافيه الإزاز الجميل وبصت على القمر. ليل: زياد. زياد دا معايا وأنا صغيرة. ملقتش حد غيره في الدنيا دي. كان صاحبي، حبيبي، وكل دنيتي. عرفته في الجامعة وكان سند بعد ما بابا سابني وسافر أنا وماما. ولا كأني بنتهم. أنا مش عاوزة أسافر بره، عاوزة أكون في بلدي. هو كان كل دنيتي. وفجأة اختفى. حب غيري عشان كنت مكتئبة. قلت بابا وماما ميهمنيش، بس عارف كان بيعمل كل دا ليه؟ يوسف: ليه؟

ليل: عشان الفلوس. فلوس إيه؟ إيه؟ تعمل كل دا بقى؟ تمثل كل دا عشان فلوسي؟ يوسف: وخد فلوسك إزاي؟ ليل بدموع: جالي مرة وكان مخنوق وبيعطس وقالي ماما محتاجة عملية بـ ٢٠٠ ألف جنيه. وأنا من غبتي ادتهملو، وقولتله: مامتك هي مامتي. يوسف: وبعدين؟ ليل بصدمة وحسرة: اتجوز بيها. اتجوز بيها أكتر إنسانة بكرهها. إنسانة متكبرة ومش محترمة. و... و... ليل... يوسف: ليل مالك؟ ليل... يوسف: إسعاف بسرعة. وجت عربية الإسعاف وجدت ليل. ***

ميرا: شوفتي يا عمتو؟ شوفتي؟ سابني عشان مين؟ عشان اللي متتسواش. لأ! وأي كل دا وتردني؟ ربنا ياخدها. عمتو: انتِ اللي هبلة. ملقتيش عليه وهو أعزب، هتلفي عليه وهو مجوز؟ ميرا: سفرية الساحل دي منيلة بطين. من يوم ما شفنا عيون لمعت لمعة ميُعرفهاش غير اللي بيحبوا. عمتو: يعوض عليكي يا بنتي. ميرا: مش هسيبها في حاله. ويا أنا يا هي بقي. *** يوسف بخضة: ها يا دكتور؟ إيه الأخبار؟

دكتور: للأسف، هي في غيبوبة لأنها اتعرضت لصدمة نفسية نتيجة لحاجة. هي كانت متعصبة. يوسف: لأ، هي كانت بتحكي عن حاجة وفجأة لقتها كده. دكتور: كانت بتعيط؟ يوسف: لأ. دكتور: هي للأسف الشديد من الكتمة سببتلها صدمات نفسية. يوسف: طب هي هتفوق إمتى؟ دكتور: الله أعلم. ادعيلها. وقف يوسف عند إزاز الأوضة ودموعه نازلة. يوسف: سبتيني ليه يا ليل؟ أنا من يوم ما عرفتك عرفت الحب معاكي. عرفت الطيبة والحنان. أنا فعلاً بحبك يا ليل. قومي بقي.

*** بعد خمس ساعات. مراد بانهيار: هي كل دا جوه؟ طلع الدكتور من الأوضة. مراد وأدهم: ها يا دكتور؟ إيه الأخبار؟ دكتور: الحالة م...