رواية انتقام العاشقين الفصل السادس 6 - بقلم منة مصطفى

ادهم: أنا مش عايزك تعملي حاجة تندمي عليها. حور: لا متخافش. دخلت حور واتجهت ناحية مراد وهمست في ودنه: مراد بفرح: استني يا مولانا، إحنا هنكتب الكتاب. تحت نظرات صدمة، وخصوصاً يوسف. يوسف بغضب: مالك يا يوسف، بدل ما تقول مبروك. مراد: احم، لا مش قصدي، أصلها مفاجأة. حور: حلوة مش كده؟ يوسف: طبعاً. بارك الله لكما وبارك عليكما وجمع بينكما في خير. ألف مبروك. وخلص كتب الكتاب، وكل واحد راح بيته، ومفيش أي أحداث تذكر للطرفين.

وجيه يوم الفرح. ودخلت حور، وكانت قمر 14. وكانت حاطة ميكب سمبل، هو آرتست بس مش تقيل خالص، وفستان طويل فضي، وشعرها القصير، وهيلز فضي تحفة. ودخل مراد القاعة، والأنظار عليه، والإضاءة بتاعت النجوم دي، وبدلة سودة، وبيبيون، وساعة فضي زي الفستان، ومنديل أحمر اللي بيبقى في الجيب ده، وحزام جلد. دخل يوسف القاعة، وكان عليه نفس الإضاءة. كان لابس بدلة رمادي، وباين فيها جنتل، ولون عيونه الخضراء.

أميرة بفستانها الأبيض، وكانت بشعرها، لكن كانت حاطة الطرحة اللي بتبقى من ورا، ودخلت. بدأ الزفاف برقصة Slow. وانتهت. وقال مدير القاعة في مايك: آنسة مدام حور محضرة مفاجأة. وبدأ الكل يبص على حور، وهي ماشية بثبات على الـ stage. حور، وهي بتبص على مراد: جاني بهداوة دا وجرح قديم وجدد روحي. راحت مني، نني عينه خدني غصب عني. هوبا، علم علامة جوه قلبي. يالي بصمة بسمة العيون ورسمة الشفايف. مش قادرة أنسى كل همسة لمسة.

وبس هو اللي بحبه، وجنبه بحس بالقوة. وكملت الأغنية، والمعازيم كلها قامت وقفت وصقفت. وجري مراد على حور وشالها ولف بيها، وتحت عيون يوسف اللي كان بيمسح دموعه. أميرة: يوسف. يوسف: نعم. أميرة: غنيلي. يوسف: بس... أميرة: هو أنا مستحقش؟ قرر يوسف يغني بالعند في حور. وطلع الـ stage وغنى: حبيبي بـ... وخلص غنا. ووقفوا في الكوشة، وطلع يبارك ليهم المعازيم. ليان: مبروك يا حور.

طلع شخص غامض تماماً، وطلع ليوسف وأميرة، مكنتش واخدة بالها. الشخص: ألف مليون مبروك يا يوسف. ولا أقولك، ربنا يعينك. أميرة دي مية من تحت تبن. أول ما شفته، أميرة بلعت ريقها. يوسف بشك: انتِ تعرفي يا أميرة؟ أميرة: ها، لا أبداً. هعرفوا منين؟ يوسف: بجد؟! أميرة: هو في إيه يا يوسف؟ يوسف: خلاص يا أميرة. مراد: مبسوطة؟ حور: ...... مراد: حور. حور: إيه؟ مراد: انتِ مش معايا. حور: معلش، بس إيه كل المعازيم دي؟

مراد: كلهم أصحابي ومعارفي. حور: مين؟ مراد: خدي عندك، يا ست زين الجرحي، وأدهم الكيلاني، وسيف الكيلاني، مازن المصري، محمد حسني، وإلخ. حور: إيه كل دا؟ انت عازم القارة كلها؟ مراد: طبعاً، دا فرحي على أجمل عروسة في الدنيا. مراد: المهم، مبسوطة؟ حور: جداً. وبعد ما الفرح خلص، روحوا بيتهم. مراد: حور، أنا بحبك. حور: بص يا مراد، أنا عايزة أقولك على حاجة. مراد: اتفضلي.

حور: أنا ممكن مكنش أول ما وفقت عليك كنت معجبة بيك. أنا وافقت عليك عشان أنتقم من يوسف ابن عمي. وحكت حور لمراد كل حاجة. مراد: يعني انتِ مش بتحبيني؟ حور: مش قصدي... مراد: مش قصدك إيه؟

أنا قولتلك فكري، انتِ أنانية، متفرقيش حاجة عن أميرة اللي بتحكي عليها. انتِ لعبتي بمشاعري لمجرد انتقامك، ونار الانتقام عمياكي يا حور. أنا خليتك، واتمنيتك، وفكرتك موافقة عليا، لكن كل دا عشان تنتقمي من يوسف. مكنتيش تدخلينا في تفاصيل أو حكايتك. مكنتيش تعلّقيني بيكي. لا، وكمان بتغني في فرحك كأنك بتحبيني يا شيخة. ربنا يحرق الكره والانتقام وكسرة القلب. حور بعياط: أنا مش قصدي. لو عايز تطلقني... مراد: أطلقك؟

حور: لو دا اللي هيرضيكم. مراد بغضب: أنا مش هطلقك عشان فرحك كان انهارده، والناس متتكلمش عليكي بكلمة. بس انتِ خسرتي حبي وثقتي فيكي. خلي نار الانتقام تنفعك. خرج مراد من الأوضة وهبد الباب. أميرة ببرود: طلقني يا يوسف، مش عايززك. واسمع يا حلو، بقي أنا اتجوزتك بس عشان أقهر حور، وأديني نفذت. طلقني. يوسف بصدمة: