رواية انتقام السلطانة الفصل السادس 6 - بقلم شهد وائل

مازن بخبث: الله الله يمرات ابويا مش كان من شويه قريبك ده انتي طلعتي خبرة. وياترى عيالك برضوا كده؟ هاني بغضب: انت عديت حدودك معانا أوي يا ابن رفعت. مازن: ومقدرش أمسك دول عليك. ريان بضحكة خبيثة: غلطت يا سطا وده عقابك. وقرب منه بتوعد: أمي خط أحمر، خط أي تلاتة كده، وأخواتي أربعة، ستة! وانت اللي حكمت على نفسك. وصفعه بقوة. بيجاد: مينفعش كده ياريو تضرب لوحدك، مينفعش. اديني يروحي أدبه معاك. ريان وضحك: اتفضل يا حبيبي استلم.

وزق مازن لبيجاد وضربه. وبعد وقت كان نايم مازن في الأرض بسبب الضرب. مازن بتعب: والله لوريكم كلكم، والله لتشوفوا. وطلع يجيب حاجة ونزل وخرج برا البيت. شمس: شبه أمه بومة زيها كده، يلهوي عليهم. عيلة كلها جميلة، معرفش إزاي إحنا منهم. المهم سيبكم منهم، نفكر في الجديد. سلطانة: الجديد ده بتاعي أنا وهاني، إحنا اللي هنلعب عليهم وجامد كمان، صح يا هاني؟

هاني: صح يا قلبي. أول حاجة، مكالمة صغيرة كده، المخزن بتاعك ولع يا رفعت باشا، الحق بسرعة. حور: دماغكم دماغ شياطين مش ناس زينا. لا تصبحوا على خير، تعبانة، نوم. وطلعت، وبعدها الجميع. رفعت: سلطانة رجعت ومش هتسبنا يا فردوس، رجعت بشخصية غير شخصيتها. فردوس: أنا خايفة منها يا خويا. وانت يا خويا ملكش دعوة بيها، دي ولية مفترية، انت مش فاكر يوم مكانت هتموتلك عيال يا رفعت؟

رفعت: وأنا أقدر أنسى. كان نفسي أقتلها يومها عشان متجيش تاني، وآخد العيال أربيهم بدل تربيتهم دي. فردوس: البت شمس طالعة شبه أمها أوي يا خويا. شوفتها بتكلمك إزاي دي، راسها في السما أوي كمان. رفعت: هخلي راسها في الأرض، بس استنى عليا يا فردوس. يلا قومي نروح بدل القعدة دي، وبكرة هنيجي نشوف أمي. فردوس: يلا يا خويا قوم نمشي، يلا يا فرح، قوم يا مالك، نمشي. بكرة هتيجي.

رفعت: يلا يا محروس هات مراتك وبنتك ويلا. القعدة هنا ملهاش فايدة، نروح بيتنا. قوموا وصلوا البيت. وفتحت الخدامة وطلعوا الأوض، ومكنتش بتفتح. فردوس: الباب مش راضي يفتح يا رفعت، انت نسيت المفتاح جوه يا خويا؟ رفعت: مفتاح إيه يوليه يا غبية! وكمان هقفل الباب إزاي يا ذكية؟ عايزك تفهميني. فردوس: الله خلاص بقى، مكنتش كلمة. أكسر الباب. ورفعت لسه كان هيكسر الباب، اتفتح الباب.

هاني وجنبه سلطانة: خد هدومك أهي، انت واللي جنبك، ويلا تحت في أوضة الخدم هتناموا فيها كلكم. محروس: كلام إيه ده؟ انتوا مجانين بقى ولا إيه؟ انتوا اللي مفروض مكانكم تحت مش إحنا. شمس وفتحت الباب: لأ عندك يا عمي، هنزعل كده. البيت ده باسم شمس، اللي هي أنا، واللي أخوك من خمس ساعات كتبوا باسمي يا عمي الغالي. ف خليكم شاطرين كده ويلا تحت. رفعت: وانت بتعمل إيه في أوضتها يا هاني؟ إيه يا سلطانة فتحتيها ولا إيه؟

ونزلت صفعة قوية من سلطانة على وشه. سلطانة: قطع لسانك انت وأي حد يقول عني كلمة في حقي وفي حق شرفي. متشوفش انت يا رفعت اللي فتحناها يا خويا من ورا ضهرك، وانت المغفل. في رواية أحدهم، وأحب أعرفك، هاني يبقى جوزي. رفعت: قصدك إيه يا سلطانة بكلامك ده؟ وكمان جوزك؟ طب كويس يا هاني إنك اتجوزتها، بس بعد إيه بقى؟ وهي مطلقة ومعاها خمس عيال؟

هاني: على قلبي زي العسل، أحسن ما أكون مكتوب في البطاقة راجل ورامي عيالي. واي يا رفعت، مكنتش حبك القديم برضوا؟ ولا اتجوزتها لما عرفت إني بحبها؟ رفعت: لحظ كلامك يا هاني. والقلم ده عمرى ما هعديه يا سلطانة وهتشوف. وخد العيلة ونزلوا أوضة الخدم. هاني: أهدي يا حبيبتي خلاص بقى يا سلطانة. جاية دلوقتي وتكوني ضعيفة؟ لا أنا مش عايز كده. إحنا جايين عشان حاجة واحدة، الانتقام. سلطانة ومسحت دموعها: فعلاً معاك حق. ودخلوا يناموا.

وتاني يوم الصبح نزلوا يفطروا. شمس: إيه ده؟ ومين قالكم إنكم هتفطروا معانا؟ انتوا مكانكم في المطبخ من هنا. فردوس: لا بقى انتي اتعديتي حدودك معانا جامد. إيه يا رفعت هتسكتلها ولا إيه؟ قوم اضربها تفوق لنفسها. قمر: بلاش انتي يا مرات أبويا، بلاش انتي وهترجعي تعيطي وتصوتي. أنا قولتلك بلاش تقفي قدام شمس. حور: لعبتي في عداد عمرك يا روحي، تستحملي بقى. وشموسة مبترحمش حد.

روح: كانت ولية شريرة، ومشيتي هتخليها تقابل وش كريم. ربنا يرحمك. شمس: اسمعيني كده تاني يا شطورة، قولتي إيه؟ متردي، قولتي إيه؟ انخرستي دلوقتي. أنا ممكن دلوقتي أقوم أجيبك من شعرك اللي فرحانة بيه ده، وأدفنك هنا. فرح: انتي مين يا بتاعة انتي عشان تكلمي أمي كده؟ انتي واحدة مشوفتيش تربية بربع جنيه. شمس: تعالي انتي بتاعتي النهاردة. ومسكتها من شعرها. شمس: سيبوني عليها بنت فردوس.

ونزلت في فرح ضرب وعض. وبيجاد شالها من عليها وهو بيضحك من منظر فرح اللي كان يضحك. شعرها منكوش والميكب ساح على وشها وكانت حالتها حالة. فرح بعياط: شايف يابا عملت فيا إيه؟ جبلي حقي. دي ولية مفترية. رفعت: خلاص يا فرح. قومي يافردوس، إحنا فعلاً مكانه مش هنا. وبكرة هنشوف بيت نقعد فيه. سمر: يعني إيه هنسيب بيتنا؟ مترد يا محروس ساكت لي؟ يجوا عيال سلطانة ياخدوا كل حاجة على الجاهز. محروس: اسكتي، اسكتي يا سمر.

وسحبها من إيديها على مطبخ ورا رفعت وعياله. رفعت: سلطانة جاية تنتقم مني، مش هتسبني. ورن هاتفه: الو، في إيه؟ ـ المخزن يا باشا بيولع، ومنعرفش النار دي جات إزاي. تعال بسرعة يا باشا. رفعت بصدمة: مخزن إيه يا ضنا؟ المخزن بيولع. قوم يا محروس، مستقبلنا بيولع يا محروس. وطلعوا وهما بيجروا. فردوس: يمراري، يلهوي، مخزن إيه؟ إحنا كنا ناقصين. يارب استرها. قمر: وداخلت تشرب ميه،

وقالت بسخرية: هيسترها يا مرات أبويا، متخافيش. واه صحيح، انتي تعرفي ربنا؟ أول مرة أعرف إن إبليس يعرف ربنا، اللي هو انتي يعني. فردوس: ومسكت السكينة وقربتها من قمر وغزتها في بطنها. بكرة وغل أمك السبب. أمك السبب. لازم تموتوا كلكم، لازم تموتوا يا قمر. لازم. قمر وبتاخد أنفاسها بصعوبة: شمس... ما... ما الحق... الحقوني. ورقعت على قدميها أمام فردوس وزقتها. روح: بستغراب، قمر اتاخرت أوي، هدخل أشوفها.

ودخلت تشوفها ولاقتها مرمية على الأرض والدماء تسيل منها، وفردوس ماسكة السكينة ودم اختها عليها، وصرخت و..........