رواية انتقام انثى الفصل التاسع 9 - بقلم رشا منصور

مروان….مش عارف ليه فجأة بقيت حاسس بلا مبالاه، مش فارق معايا إذا كنت هتجوز ولا لأ، حتى جيلان بقيت مش طايق أتكلم معاها، عاوز أفضل ساكت على طول. طلعت البلكونة وشوفت لمياء خارجه مع عمتي وبتضحك. ياااااه إزاي مخدتش بالي من جمالها. وفجأة لقيت عمتي إحسان.

…أول ما خرجت من باب الدار ولسه هتكلم مع لمياء، بصيت ورايا وفوق، أحسن حد يسمعني. ولقيت مروان مركز عينه على لمياء وكأنه أول مرة يشوفها. روحت شاورت بأيدي لحد ما خد باله إني شيفاه. اتلخبط وبص حواليه. قلت له: كلها أربع أيام يابن خوي وتمتع نظرك براحتك. ولقيت لمياء بصتلي وباصت فوق لقت مروان وظهرت جيلان وراه. وراحت شاورت لـ لمياء. قلت لها بصوت واطي: شاوري لها واضحكي. لمياء….سمعت كلام عمتي وضحكت وشاورت لـ

جيلان وقولت لها: أنا كنت بلعب مع أحمد. خدي بالك منه أحسن يطلع بره الدار. صحيح يا مروان عندك بدلة للفرح ولا أخلي عبد الرحمن أخويا زينة الشباب يجيب لك معاه؟ ده ذوقه حلو أوي، جاب أوضة النوم بتاعتنا تحفة، حتى اسأل مراتك دي عجبتها أوي. ولقيت عمتي قالت: نقول لـ عبد الرحمن يجيب له هو، متحرج عليه الخروج. يلا بينا.

ومشيت مع عمتي وأنا ماسكه نفسي. أول ما وصلت بيتها فضلت أضحك. مروان كان شكله عامل زي الحرامي اللي حد قفشه وهو بيسرق. لا قادر يرد ولا يبص لمراته، عامل زي الكتكوت المبلول. 😄😄😄 لأول مرة أشوفهم قدامي وأتكلم وأحس إن أنا اللي في مركز قوة، مش هما.

أنجي….كنت في أوضتي الجديدة وفرحانة بيها أوي، ومردتش أروح أشوف أوضة لمياء. بصراحة خوفت أشوف سناء وتنكسر فرحتي. وسمعت صوت أمي ولمياء نزلت لهم تحت وحكولي اللي حصل، وإن سناء كلت الشيكولاته اللي فيها. ضيقت إن عبد الرحمن هو اللي أكلها بنفسه. بس أمي قالت ليا: ده كان أحسن حل، عمرها ما كانت هتثق في حد فينا. سكت وقولت: المهم أتجوز عبد الرحمن وأعيش هنا وماليش دعوة بيها.

جيلان…..بعد ما لمياء مشيت، مروان كان متوقع مني إني هتكلم معاه، بس أنا. (رشا منصور) نزلت أشوف ابني، هو اللي يهمني. وع حسه قدرت أخرج من الأوضة وهقدر أكسب ع حسه فلوس كتير. لو كان لازم حد يكسب من وراء الجوازة دي، يبقى أنا وبس. عبدالرحمن. …كنت قاعد في المضيفة تحت وسمعت كلام عمتي ولمياء. ضحكت إن أختي قدرت تحس بقوتها وترد وتكيد مرات مروان وهو أخرس. مقدرش ينطق. أظاهر مرته ماسكة عليه ذلة؟

وخرجت بعدها وعديت ع بيت عمتي وأخدت عبد الله معايا ومشيت واشتريت أشيك تلات بدل. وصلت عبد الله واديت له بدلته ودخلت الدار وطلعت أوضة لمياء وحطيت بدلتي فيها عشان محدش يشوفها. وروحت ع مروان وناديت عليه. أول ما خرج لي قولت له: مبارك يا عريس. وخد. وسيبته ولسه راجع أوضتي سمعت مراته بتنادي علي. ورحت لها لقيتها قالت: جيلان….بعد ما نزلت واكدت ع أحمد إنه ميخرجش بره، طلعت أوضتي. وبعدها بشوية سمعت عبد الرحمن بينادي.

بصيت لقيت مروان في ايده بدلة الفرح. ناديت ع عبد الرحمن وقولت له: كدا بردو تنسي أحمد الصغير؟ ولا هو مالوش بدلة؟ لقيته قالي: والله ما جبت لسه لأولادي حاجة. الحجة هتاخدهم وهتجيب للكل. ولو عاوزة فستان قولي، ده فرح جوزك بردو ولازم تبقي واقفة بقيمتك وسط الناس. قولت له: تمام، أنا هروح مع طنط لو معندكش مانع عشان في حاجات محتاجاها. ولقيته قالي:

المفروض الست تستأذن من جوزها، بس بما إن جوزك ملوش كلمة هنا، يبقى تستأذني من حماكي. عمي موجود، الخير والبركة، وأنا ماليش غير إني أمنعك تضايقي أختي أو أي حد يخصني. إنما خروجك من الدار ميخصنيش يا ست الدكتورة. وسبني. ومشيت. بصيت لـ مروان وأنا متغاظة. لقيته قالي: الراجل مغلطش، المفروض تستأذني مني أنا. قولت له: هو فعلا مغلطش، بس لما قال إنك ملكش كلمة هنا. سيبته ونزلت وقعدت تحت أبص ع أحمد وهو بيلعب.

مبقتش طايقة أقعد مع مروان في مكان واحد وكل شويه أنزل تحت بحجة أحمد. سناء….نزلت تحت المطبخ وببص لقيت جيلان مرت أخوي قاعدة وعينها ع العيال وهما بيلعبوا. روحت لهم وقولت للعيال: أوعى حد يزعل ولد خالكم، لسه صغير، خلي بالكم منه. وروحت لـ جيلان قولت لها: متخافيش عليه، اطلعي ارتاحي. قالت ليا: جيلان….أنا زهقت من القاعدة في الأوضة. هو انتوا هنا محدش بيخرج ولا بتتفسحوا؟ معقول الملل ده؟ بتضيعوا وقتكم في إيه؟

سناء….هو اللي عنده عيل بيرتاح ولا بيكون عنده وقت للخروج. لو زهقتي أهو في التليفزيون والمطبخ والغسيل والتنضيف. هو صحيح في البت بهيه، بس دي بتساعدنا وبتجيب الطلبات من بره. لكن هنا لازم كل ست تعمل حاجة. جوزك لو زهقانة أوي، اطلعي نفضي أوضتك واغسلي الفرش وهدومكم. ده من يوم ما جيتي مشوفتش في بلكونتك طرحة حتى مغسولة. اطلعي اتسلي وانتي هتلاقي اليوم خلص. وتبقي انزلي اعملي الأكل معانا.

جيلان….تصدقي فكرة. أنا هدخل معاكي المطبخ. ليا مزاج أعمل بيتزا. ولقيتها قالت: تعالي، المطبخ كبير وواسع وفيه بدل البوتاجاز اتنين وبدل الفرن تلاتة. اعملي اللي يعجبك. دخلت معاها المطبخ ولقيته واسع، يمكن أكبر من الأوضة. ولقيت مامت مروان ومرات عمه. سلمت عليهم وقولت لهم: ممكن أعمل بيتزا، أصل أحمد بيحبها أوي. سعدية (أم مروان) ….اعملي يابتي، هو إحنا هنحرمكم من الأكل؟

خير ربنا كتير الحمد لله. يا بت بهيه خليكي مع الدكتورة، ساعديها. جيلان….على الرغم إني مش طايقة الناس دي ولا البيت، إلا إني كنت مبسوطة. بقالي سنين مدخلتش المطبخ. حياتي كلها في الشغل، سواء في معملي أو عند بابا، وأكلنا كله كان جاهز. أنا مش فاكرة حتى أمتى قعدنا أنا ومروان مع بعض وأكلنا. كل واحد فينا كان مشغول في حياته وشغله. ولولا إن أحمد كان عنده المربية بتاعته، يمكن مكنش لاقي اللي يراعيه.

أنا من لحظة وصولي هنا كل حاجة اتغيرت. قعدت مع مروان واخدت بالي من أحمد اللي حسيته إنه بيكبر وهو بعيد عن حضني. واضح إني محتاجة أقعد مع نفسي وأراجع شريط حياتي. وعملت بيتزا كتير بأنواع مختلفة، جبنة وخضار وتونة ولحمة وفراخ. وطلعت طبق مشكل للأولاد. ولأول مرة أقعد أحمد في حضني وأكله. إحساس جميل أوي، إزاي كنت محرومة منه ومشغولة في شغلي والفلوس وبس. عبد الرحمن….نزلت من أوضتي لقيت جيلان مجمعة الأولاد حواليها وبتأكلهم. وأول

ما شافتني لقيتها قالت: تعالي، كل بيتزا، أنا عاملة كتير. قولت لها: اكلي جوزك، أنا عندي مرتي وأمي مسؤولين عن أكلي. وسبتها ودخلت المطبخ وقولت لهم: الهانم اللي بره دي ملهاش صالح بيا، فهميها الأصول يا مرت عمي. بصيت لـ أمي وقولت لها: تحضر لي الأكل. وطلع بهيه به. أنا مش قاعد تحت قصادها، كل ما تشوفني تفضل تساير معايا. كنت قاصد أقول كدا قدام سناء ومرات عمي. وطلعت ع أوضتي وقولت: أهو سناء تنشغل بها وتنكد عليها.

سناء….كنت في المطبخ وبناكل من البيتزا اللي عملاها جيلان وبقولهم طعمها حلو. وقولت قصاد مرات عمي: له حق مروان يحبها ويجوزها، أصل نفسها حلو، يعني تخطف القلب بسرعة. ولسه بضحك لقيت عبد الرحمن وبيحكي عن جيلان وطريقتها معاه. وأول ما خرج لقيت مرات عمي بتقولي: أهو طلعت بتخطف القلب. خلي نفسك قبل ما تخطف جوزك. لولا إن ابني يعرف الأصول، الله وأعلم كان حصل إيه. ولقيت

أمي سابت البيتزا وقالت: تغور، هي بتضحك علينا بأكلة وتدور ع رجالتنا. عاوزة تخطفهم. مش كفاية مروان. حرّق دمي. روحت خرجت لها. ولقيتها. الحقيني يا أمي.