رواية انتقام هزم بعشق الفصل الرابع 4 - بقلم فيولا عماد

نور بغضب وتدفق المياه على وجه أسد: انت عايز تصغرني قدام الناس؟ انت مفكر نفسك مين؟ دول معلمين كبار وليهم كلمتهم. وأكملت بسخرية: أهو يا فالِح، شغلة المعلم عيسى طارت من إيدك. أسد تحت تأثير الصدمة: إيه اللي حصل؟ نور بغضب لأختها: ده بيسألني إيه اللي حصل؟ أنت يا بني آدم مش المعلم عيسى؟ اتفقنا على الشغل الساعة أربعة الفجر لحد تسعة. وكمان إمبارح بعد ما خلصت مع المعلم رجب، مجتش القهوة اشتغلت معايا ليه؟ أسد:

أنا نسيت أضبط المنبه على الساعة أربعة. وكمان بليل كنت تعبان، وهدومي كلها عرق ومش نظيفة، فقولت أغيرها. وأكمل بخزي: وبصراحة كنت نعسان ونمت. نور بسخرية: ها، هو ده اللي هياكلك ويشربك يا بنت أبوي؟ ده عيل طري. ده بيقولك كنت نعسان ونمت. ده مش هيشيل مسؤولية. فيروز وتهدئ نور: ممكن تهدي؟ هو خلاص اتعلم من مرة ومش هتتكرر، صح يا أسد؟ أسد: آه، أكيد والله مش هيحصل. وقاطعه رنين الهاتف باسم مصطفى. أسد باستئذان: بعد إذنكم. أسد بحب:

عامل إيه يا مصطفى؟ وحشتني. مصطفى بغضب: أنت عايز تجنني؟ تعال على الشركة دلوقتي، وإلا ما هيحصل طيب. وأغلق الخط. أسد باستغراب: خير يا رب؟ فيروز: الفطار يا أسد. نور بغيظ: فطار إيه اللي يفطره؟ هاتي الفطار ده وعلى الشقة تحت، يلااااا. فرت فيروز هاربة. نور بتهديد: اظبط كده وانزل كلم معلم عيسى وقوله إنك كنت تعبان، وكمل معاه الشغل. وبعدين روح للمعلم رجب. أسد بمقاطعة: لا، أنا هروح لمصطفى لأنه متعصب مني وزعلان. نور:

أنا مش عارفة إيه المصايب اللي بتتدحدف علينا دي يا رب. وخرجت. بعد مرور ساعتين. في شركة الهلالي. مصطفى وهو يضع الصور في وجه أسد: إيه ده؟ أنت عايز تجنني خلاص؟ مبقاش فارق معاك أنا ولا جدك ولا حتى البنت اللي بتحبها. دي أختها، لو شمت خبر أقسم بالله ما هتسيبك ولا هتسبني أنا شخصياً. شوف أنا واصل لفين وأقدر أدفن أي حد، بس نور الصاوي دي مستحيل حد يقدر عليها ولا على جدها. أنت اتجننت؟ وإيه الصور دي؟ وإيه الورق ده؟ أسد بتوهان:

أنا مش عارف أنت بتتكلم على إيه؟ وإيه الصور دي؟ إيه ده أصلاً؟ مصطفى بغضب وصوت عالٍ: الصور دي لطفل جنين في بطن أمه، اللي هي ناني الغرباوي، وأبوه اللي هو أسد الهلالي، اللي هو أنت. والورق ده هو إمضتك على ورقة جواز عرفي من ناني الغرباوي. ودي ورقة بأنك بعتلها نص الشركة بتاعت بابا. أنت عارف لو جدك خد خبر بالمصايب دي هيروح فيها! أسد: والله أنا معرفش مين ناني الغرباوي دي. ومصطفى بمقاطعة وغضب: متعرفهاش إزاي؟

وأنا لما سألت الشخص اللي أنا مكلفه بمراقبة تحركاتك، قالي إنك يومياً مع ناني الغرباوي، وشافك مرة معاهم وانتوا نازلين من مول *** وصوركم، والصور أهي. أنا اتأكدت قبل ما أكلمك. قولي، هنحلها إزاي يا أبو العريف؟ أسد بصوت عالٍ: والله ما عملت كده. أنا على طول مع فيروز. والباقي يا إما ببقى نايم، يا ببقى في الكلية. والله معرفها، صدقني. دا أنت المفروض أكتر واحد تثق فيا وتصدقني. صدق أخوك، لأن دي الحقيقة يا ابن الهلالي.

مصطفى بصدمة: نور؟