رواية انتقام هزم بعشق الفصل السادس 6 - بقلم فيولا عماد

فيروز بابتسامة: أي رأيك تتجوزي؟ نور برفعة حاجب: أي أنا تقيلة عليكي ولا حاجة؟ فيروز: لا طبعًا، بس أنا عايزة أفرح بيكي، وكمان أنا هسيب البيت هنا، وإنتي مينفعش تقعدي لوحدك. نور: لا يولية، على أساس هخاف؟ فيروز بحب وتجلس أمامها: طب إنتي مش عايزة تتجوزي ليه؟ نور: مش دلوقتي يافيروز، روحي كلمي الملزق بتاعك شوفيه فين. فيروز: اهربي براحتك. وأسد راح للمعلم عيسى المخبز. نور برفعة إيد: يارب ونبي مش عايزة فضايح.

فيروز: قصدك إن أسد يعمل مشكلة؟ نور: هو في غيره؟ ربنا يستر. فيروز بزعل: أسد مش بيعمل مشاكل، ولو عمل، أكيد بيبقى غصب، لأنه أول مرة ينزل ويتعامل مع ناس شعبية. نور بابتسامة وحب: تعالي في حضني، عارفة أنا مش مصبرني على البيت الهلالي ده غيرك، بس ماشي لاجل عيون فيروز بس. فيروز بحب: أنا بحبك. نور وتقبل رأسها: وأنا أكتر. في المخبز: "هات بعشرة جنيه عيش." أسد: حاضر. أسد لأحد الأشخاص: هات بعشرة. إبراهيم: اتفضل. أسد: اتفضلي.

"منجزوا شوية، الشمس كلت دماغنا." أسد: حاضر. ويكمل لإبراهيم: هيما هو مفيش هنا وقت راحة؟ حاسس إن هموت من الولعة. إبراهيم بضحك: يأتي بيضة لا يسطا، مفيش وقت راحة، كمل شغل، إحنا خلاص قربنا نخلص. "خدي يواد يحليوة." أسد بابتسامة: نعم. أم عبير: هات بعشرين عيش، ومايكونش وشه مبرقع. أسد باستغراب: أي مبرقع دي يست؟ أم عبير: أم عبير اسمي أم عبير، يعني عيش يكون حلو ومفهوش بقع، أقولك، قول كده بس، الواد سيد هو هيفهم.

أسد بصوت عالي: سيد، أم عبير بتقولك مش عايزة عيش مبرقع. سيد بصوت عالي: قولها من عنيا. أم عبير بابتسامة: تسلم عينيك يخويا. فيروز بحب: وأنا كمان لو سمحت، عايزة بعشرة عيش. أسد بحب: من عنيا، دقيقة. المعلم عيسى بسرعة: دقيقة إيه يواد؟ ويكمل بصوت عالي: ولاا ي سيد، عشرة جنيه عيش لست فيروز. سيد بسرعة: أحلى عيش لست فيروز. المعلم عيسى: مش لازم تيجي، ابعتي أي حد من الصبيان. "القهوة وأنا هبعتلهم هواء." فيروز بتذمر: شكراً.

أسد باستغراب: طب ما في ناس غيرها أهي، إيه مشيت الأول ليه؟ المعلم عيسى: لأن لو ست فيروز وقفت، مش بعيد المعلمة نور تهدأ المخبز اللي بنتكلم منه عيش على دماغنا. أسد: ليه يعني؟ إبراهيم: اسكت انت، دي لو عرفت إنها نزلت تجيب عيش، مش بعيد تقعد شهر متكلمهاش. أسد: أيوة يعني إيه سببه؟

المعلم عيسى: لأنها بتخاف عليه. فيروز لما كانت تروح المدرسة وتعيط عشان نور مش معاها، كانت نور تروح تقعد معاها في الفصل عشان متعيطش. هم الاتنين طلعوا الدنيا ملهمش غير جدهم، وللأسف عايش بعيد جداً عنهم، ونور لازم تخلي بالها من فيروز. يلا ربنا معاها ويقويها. أسد في نفسه: انتي غريبة أوووي ي نور؟ ناصر: أومال كشفتي ورقي ليه لمصطفى الهلالي؟ نور بسخرية: انت اللي كشفت ورقك قدامه. ناصر باستغراب: وده إزاي بقى؟

نور: دلوقتي ياسر الدسوقي هيجي يطلب إيد بنتك، وافق، الاتنين بيحبوا بعض، وابنهم اللي في السكة خليه يتربى بينهم. ناصر: مع إني مش موافق عليه، بس عارف إن دماغك من دهب، اعتبري أمر و تنفذي. نور: انت بقا عايز إيه من عيلة الهلالي؟ ناصر بحقد وكره: عايز أجيب حق أختي اللي كامل الهلالي كسرها و ذلها. أنا مش عايز فلوس، لأن عارف نص ثروة الهلالي دي منين، ولا أي بنت الصاوي؟