رواية انتقام هزم بعشق الفصل الثالث والعشرون 23 - بقلم فيولا عماد

مصطفى بهدوء: اتصل بماريهان قولها إن هكتب عليها بكرة. ماريهان بفرحة: موافقة ي مصطفى. مصطفى بهدوء: تمام جهزي نفسك. ماريهان بحب: ألف سلامة عليك أول ما عرفت جيت على طول. مصطفى: الله يسلمك يلا روحي اجهزي انتي. بعد دقائق. اسد بهدوء: مش شايف اللي انت بتعمله غلط؟ مصطفى: غلط غلط في إيه ي اسد؟ إيه الغلط إن أتقدم لبنت وأتجوزها؟

اسد: الغلط إن قلبك مش بيحبها، مش موافق عليها. انت قولت قرارك في وقت غلط ولشخص غلط. ماريهان عمرها ما هتكون زوجة صالحة. سيبك من كل ده، قلبك رافضها، هتظلمها معاك. انت مبتحبش غير نور. مصطفى بسخرية: آه نور اللي اتخطبت لراجل غير وقعدت في بيته بالشهور وأنا أساساً خلاص مبقتش عايزها ولا حتى قلبي. اسد بهدوء: راجع قرارك تاني ي مصطفى. انت غلط لأن قلبك عمره ما تقبل حد قد نور. استأذن أنا. مصطفى: متأجلش الفرح، أنا كويس.

اسد: دي حاجة ترجع لـ فيروز مش أنا ي ابن أبويا. سلام. فيروز: انت عاوز تجنني ي اسد؟ اسد ويحاول يكتم ضحكته. فيروز بغيظ: بطل ضحك ورد عليا بقولك مين دي؟ صوت: هاي اسودي. اسد بضحك: أهلاً ي أختي اقعدي. فيروز بدموع: اسد. اسد بحب ويضمها له: دي تبقى لمار اللي كانت هتصمم فرحنا بعد أسبوع بس للأسف هنأجله عشان شوية ظروف. لمار: مفيش مشاكل، أنا تحت أمرك في أي وقت انت والغيورة دي. بس عرفت تنقي. اسد: من يومي.

لمار بضحك: ماشي ي أخويا مش هتعزمني على حاجة آكلها؟ ولا لسه بخيل زي ما انت؟ اسد: آه يلا بقا هوّينا كده. لمار بضحك: ليك يوم. اتشرفت بمعرفتك ي روز. ده رقمي عشان لو حابة تقوليلي على أي تصميم انتي حابة. فيروز بخجل: شكراً. لمار: باي. اسد: أهي ي ستي بخونك فين عشان تعرفي إنك ظالمة. فيروز: يعني انت رنيت عليها الساعة تلاتة الصبح ومش عاوزني أشك إنك بتخوني؟

اسد بحب: أنا آسف ي حبيبي بس فيه غلط في الإعدادات بتاعة الفون عشان كده الوقت مش مظبوط. فيروز: ماشي. اسد: متزعليش بقا وتبقي قفوشة. فيروز: أنا اللي هزعلك ي ابن الهلالي. اسد: عملت إيه أنا يا حاجة نور؟ نور: حاضن أختي من غير حاجة رسمي. نزل إيدك بدل ما أقطعها. اسد وأزال يده بسرعة: مرضية كده؟ نور: آه. يلا بقا ي فيروز، وانت مش عاوزة أشوفك قريب منه ليوم الفرح. اسد: حاضر. بس ممكن نتكلم شوية.

نور بضحك: لا. ويبقا قول لـ مصطفى مبروك على الجوازة. بس بصراحة عرف ينقي مش أي حد برضه. وذهبت. اسد بصدمة: يخربيتك! عرفت إزاي دي؟ حسن: وانتي عرفتي منين إنه هيتجوزها؟ نور: كنت عنده في المستشفى وأنا عارفها بت ملزقة. مش هتصدق يحصل حاجة تلزق فيه. فحطيت سماعة تنقل الكلام اللي في الأوضة لتلفوني. حسن بضحك: مبخافش غير من دماغك دي. نور بضحك: ليه بس كده ي سونه، ده أنا طيبة حتى. حسن: انتي هتقوليلي؟

تعالي تعالي في حضني. بتفكريني بأبوكي وجدتك. أبوكي كان زيك كده دماغه توزن بلد، بس كان طيب. وكانت جدتك تحبه أوي. كان أغلى مني عندها. حتى بعد ما جالنا خبر موته وسمعت إنه عامل حادثة ومات، وقعت ماتت هي تانية في يومها. طلعت تلات جنازات من بيتي، كانت أمك وأبوكي وجدتك. وسابوني لوحدي. بس فجأة لقيت عندي راجل سند ليا. حتة من ابني كنتي انتي. أنا عاوز أقولك إن أنا المفروض أكون سند ليكي، بس العكس. انتي اللي سندي. ضهري لو اتحنى هلاقيكي انتي. ربنا يخليكي ليا.

نور بحب ودموع: ويخليك ليا ي حبيبي. فيروز: وأنا يجدي؟ يعني بنت البطة السودة؟ حسن: انتي قلبي. انتي أجمل بنوتة في عائلتي. انتي رقة كلها ي فيروزتي. ربنا ميحرمني منك أبداً. بعد مرور ثلاث أسابيع.