رواية انتقام هزم بعشق الفصل الثاني عشر 12 - بقلم فيولا عماد

أسد بكره: وليه تعمل في أمي كده؟ أنا كنت مخدوع فيك، أنا بكرهكم. مصطفي بهدوء رغم وجعه: أسد، الكلام ده ملوش لازمة. وبعدين أنا خلاص مبقاش في رابط يربطني بيه بعد اللي عمله في أمي. كامل بسخرية: وانت هتقدر تعيش من غير فلوسي أو اسمي أو اسم عائلة الهلالي؟ يا ابن سعاد. مصطفي: انت شكلك بس اللي كبرت. أنا أملك نص شركات الهلالي والباقي بتاعك انت. والورق يثبت كده. كامل بضحكة شيطانية: ها ورق؟ ورق إيه؟

الورق ده تبله وتشرب ميته. أنا كل حاجة في إيدي. اتصل بالمحامي وهو يقولك إن من شهر وانت زيك زي أي عامل في الشركة، مش مدير. أنا سجلت كل حاجة باسمي. حتى القصر اللي انت عايش فيه، انت يعتبر بقيت على الحديدة. مصطفى بصدمة: انت كداب. ده حقي وتعبي. انت واحد وسخ. إزاي تعمل كده؟ وليه؟ كامل: لو عايز ترجع تاني حاجتك ليك، أنا موافق بس عندي شروط. مصطفي بتوجس: وإيه شروطك؟

كامل: إنك تقطع علاقتك انت وأسد ببنات الصاوي، وتقف معايا أنا جدك. أسد بسرعة: أنا مستحيل أبعد عن فيروز، وكمان مش هقف مع قاتل أمي وأبوي. مستحيل. مصطفي: وأنا مش موافق على شروطك. واشبع بالشركة والفلوس والاسم والمكانة. بس قسماً بربي إني هندمك على موت أمي وأبوي، وعلى قهري على نصبك عليا في فلوسي وشركاتي وتعبي. نور: اطلع برة واحفظ شكلي كويس، لأن قريب جداً هنتقابل كتير أوي. بره.

وخرج كامل وهو يخطط ليدمر نور وعائلته، ويخطط لفعل شيء لفيروز وناني وناصر. مصطفي بإحراج: بعد إذنكم. وذهب دون إجابة منه. نور: مصطفى... مصطفى اصبر. مصطفي ويمحي دموعه: نعم؟ نور: هتروح فين؟ مصطفي: أرض الله واسعة. نور بسخرية: واو، مصطفى الهلالي بيقول أرض الله واسعة. ومصطفي بغضب: انت هتعايرني يا نور؟

نور: لا، بس بفكرك إنك اتغيرت، وإن الفلوس بتغير. وعلى العموم، العمارة دي كلها بتاعت فيروز. اقعد فيها براحتك انت وأسد. كامل الهلالي ميقدرش يقربلك. مصطفي: نور لو سمحتي، أنا مش محتاج إنك تعطفي عليا أو كأني بشحت منك. نور: بص، أنا لا شايفاك بتشحت، ولا أنا بعطف عليك. أنا بساعدك. وبعدين هتقعد في شقة هدفعك أجر. أنا مش هسيبك تقعد تاكل تشرب ببلاش. مصطفي باستغراب: معني كلامك إيه؟

نور: أقصد إنك هسكنك في شقة من العمارة، وتنزل تشتغل في أي مخبز أو طوب أو أي حاجة، وتدفع الإيجار وتجيب أكل ليك انت وأخوك. إيه رأيك؟ مصطفى بصدمة: مستحيل.