رواية انتقام وعشق الفصل الخامس 5 - بقلم اميرة محمود

أنا داخله أنام السحلب تقل دماغي. سليم: لا تعالي اطلعي نامي فوق في الأوضة. فرح: لا عادي أنا بحب أنام مع الفيران. سليم: ياسلام أصلاً مفيش فيران. فرح: طب تعالي أوريك. سليم: مصدقك خلاص. فرح: عيب على عضلاتك دي وتخاف من حتة فارس. سليم: أنا مبخافش منهم أنا بترعب. فرح: ممكن أطلب منك طلب بدل مزاجك اتعدل. سليم: إيه. فرح: بس لو معترض بلاش ضرب والنبي أنا معدش فيا حتة سليمة. سليم: أخلصي. فرح: أكلم سارة صحبتي.

سليم: خدي الموبايل حافظه رقمها. فرح: بجد انت متأكد. سليم: خلاص أما أعين الموبايل. فرح: خلاص خلاص هات افتح الرمز كده. الو أيوه ياسو والله وحشتيني. سارة: فرح انتي فين انتي كويسة. فرح: اه الحمد لله كويسة خالص لدرجة أول ما هتشوفيني هتتجنني بجمالي. وبصت على سليم. سليم زعل من نفسه على اللي عمله فيها. سارة: مالك يا بنتي ومين اللي خطفوكي. فرح: أنا كويسة والله اللي خطفني صعبت عليهم واخدت الموبايل منهم أكلمك مانا ملييش غيرك.

سارة: ربنا يخليكي ليا ياحبيبتي أنا كنت هبلغ البوليس بس باباك كلم ماما وقالها مكلمش حد وأنك في أمان. فرح: اه أنا في أمان أنا هقفل بقي قبل ما رئيس العصابة يضايق سلام. فرح: شكراً اتفضل. سليم: أنا طالع أنام يالا بينا. فرح: أوك يالا. طلعوا ووصلها لحد باب غرفتها. فرح: هو أنا هفضل هنا لحد امتى. سليم: اتفقنا أنا وأبوك أنه هيتنازل الصبح وأول ما المصنع يرجعلي هسيبك. فرح: طب هو انت هتقتلني أنا وبابا.

سليم: ههههه ربنا يسهل يالا روحي نامي. وسابها ودخل أوضته. صباح تاني يوم في الشركة. سليم بيه أيمن بيه بره وعايز حضرتك. سليم: دخليه فوراً. أيمن: آخرت اللي بتعمله ده إيه. سليم: آخرته روحك. أيمن: بنتي فين. سليم: المصنع أول. أيمن: أنا جاهز أتنازل بس صدقني هتصعب عليا من اللي هيحصلك. سليم: متخافش أنا مأمن نفسي كويس. أيمن: أما نشوف اتفضل دي الأوراق بتاعة المصنع. سليم: أيوه كده انت شاطر وأنا كده أحبك. أيمن: بنتي فين.

سليم: نص ساعة بالظبط وهتكون في بيتك. أيمن: ماشي يا سليم بس انت اللي بدأت الحرب. سليم: الحرب دي انت اللي بدأتها وأنا مش هرحمك على اللي عملته في أمي وأبويا وأختي. أيمن: أما نشوف بس متزعلش. سليم: أنا مبتهددش اتفضل اطلع بره يالا بدل ما أجيبلك الأمن. أيمن: ليه وعلي إيه أنا ماشي. رائد دخل جري. رائد: إيه يا سليم. سليم: ابن الكلب بيهددني. رائد: متتخدش في بالك المهم اتنازل. سليم: اه الورق والمستندات أهي. رائد: طب وبنته.

سليم قلبه وجعه. سليم: كلمهم يرجعوها قدام بيتها بس محدش يلمسها. رائد: سليم انت واعي بتقول إيه. سليم: بقول إيه بقول رجعوها. رائد: ماشي يا سليم بس هتقدر. سليم: هقدر على إيه. رائد: انت فاهمني كويس انت صاحبي من زمان وأنا فاهمك أكتر من نفسك. سليم: رائد خلص ورجع البنت عشان مينفعش أرجع في كلامي. رائد: ماشي يا صاحبي أنا رايح لهم يمشوها.

سليم رجع بضهره على الكرسي وشبك إيده ورا دماغه وقعد يفتكر الليلة اللي سهروها سوا في الجنينة. السكرتيرة دخلت. السكرتيرة: سليم بيه سليم بيه. سليم: ها. السكرتيرة: أنا همشي الساعة بقت خمسة حضرتك مش هتروح. سليم: لا شوية وماشي روحي انتي. فضل قاعد لحد ما رائد كلمه أن فرح روحت. في الفيلا.

نرمين: تعرف ياسليم أنا حبيتها أوي حاسة إني أعرفها من زمان بجد هفتقدها جامد بس أهي أترحت من اللي كنت بتعمله فيها يالا اهو المصنع رجع والحمد لله صح. سليم قاعد سرحان ومردش. نرمين: سليم. سليم: ها بتكلميني. نرمين: لا أبداً شكلي مش لوحدي اللي هفتقدها. سليم: أنا طالع أنام. نرمين: كمل غداك انت مأكلتش. سليم: لا تعبان وطالع أنام. سليم طلع أوضته وفضل يأنب في نفسه. ياريتني ما كنت شوفتها أصلاً. فرح روحت بيتها.

فرح: شكراً يا بابي إنك اتنازلت عن المصنع عشاني. أيمن: عارفه انتي سبب في إني خسرت ملايين مصنع الأسمنت ده أنا عملت كل حاجة عشان أوصله جيتي بغبائك ده وضيعتيه مني. فرح: بس أنا مليش ذنب. أيمن: أنا كان ممكن أسيبك لسليم الهواري اللي مبيرحمش اللي يجي عليه بس اتنازلت وجبتك عشان ميبقاش علم عليه فيا. فرح: علم عليك هو انت ده اللي فارق معاك مش فارقة إني بنتك دي معاك خالص هو انت إيه ليه بتعمل معايا كده أنا عملتلك إيه.

أيمن: انتي بقيتي نقطة سودة في حياتي دي الوقت اللي عايز يبتزني هيبتزني فيكي. فرح: عادي يا بابي أنا ممكن أسيبلك الدنيا. أيمن: ياريت وأبقى ارتحت منك. فرح: طب ليه اتنازلت عن المصنع كان ممكن تسيبهم يقتلوني. أيمن: عمري ما أخلي سليم الهواري ينتصر عليا في حاجة. فرح: طب ماهو انتصر واخد المصنع. أيمن: هعرف أخده تاني بنفس الطريقة اللي أخدتك بيها. فرح: ما خلاص يابابي مش مصنعهم ورجعله. أيمن: مسمعش حسك تاني وياريت تتخفي عن وشي.

فرح: طب أنا هروح لسارة صحبتي. أيمن: روحي أن شاء الله تروحي في داهية. فرح: عن إذنك يابابي. عند سارة. فرح خبطت عالباب. سارة: مين. فرح: أنا فرح. سارة فتحت بلهفة. سارة: وحشتيني يابنت الايه والله كنت هموت من القلق عليكي وبعدين إيه اللوك الجامد ده قصة شعرك ومزرقة وشك ههههه. فرح: بتضحكي يانادلة ما شي. سارة: والله أبداً يابنتي متزعليش حقك عليا. فرح: بقولك ياسو فاكرة الرقم اللي كلمتك عليه امبارح. سارة: اه ماله.

فرح: أوعى تكوني مسحتيه عايزة أكلمه ضروري. سارة: حفظته على الشريحة أهو. فرح: معاكي رصيد عايزة أكلمه ضروري. سارة: اه. فرح: رد يا سليم بقي ياربي أخيرا أيوه ياسليم. سليم: مين معايا. فرح: نسيت صوتي بسرعة. سليم: خير في إيه مش روحتي بخير. فرح: اممم طب بقولك خلي بالك عشان بابي عايز يخطفك عشان تتنازل عن المصنع. سليم: طب وبتقوليلى ليه.

فرح: تصدق أنا غلطانة يعني أنا سبت الفيلا وجيت جري عند سارة صحبتي عشان أقولك في الآخر ده جزاتي. سليم: هاتي عنوان صحبتك. فرح: ليه. سليم: هخطفها هاتي العنوان وخلصني. فرح: ادته العنوان. سليم: سلام دي الوقت. رائد: خير يا سليم. سليم: أيمن عايز يخطفني. رائد: ههههه طب أخاف عليك بقا. سليم: بقولك تعالي معايا عايزك في خدمة. رائد: إيه. سليم: نفسك تتجوز هجوزك. رائد: انت أكيد اتجننت.

سليم: بص احنا هنروح عن سارة صحبت فرح على أساس عايز تخطبها عشان نعرف نطلع لها عشان أكيد حراسة سي زفت قاعدة تحت البيت. رائد: طب وأنا مالي. سليم: عشان خاطري عايز أروح أشوف الكلام اللي فرح قالته بجد ولا إيه. رائد: يارب صبرني يالا بينا. سليم: يالا بالحق ورد ولا شوكولاتة. رائد: ليه. سليم: هندخل على ناس فاضيين. رائد: نجيب الاتنين يالا. سليم: في واحد هيروح يخطب ومكشر كده. رائد: يعني أعمل إيه.

سليم: اضحك يا عم وانسي إنك كنت ظابط مخابرات. رائد: امشي يا سليم الله يهديك. تحت بيت سارة. سليم: كلم الحراسة تقف بعيد عشان ميتشكش فينا. رائد: تمام. سليم: يالا وصلنا. الأمن تحت العمارة. الأمن: رايح فين انت وه. رائد: طالع فوق أخطب عندك مانع. الأمن: تخطب مين. رائد في سره: هي دي اسمها إيه. سليم: سارة الآنسة سارة. الأمن: طب اطلع يا خفيف. رائد: مين اللي خفيف يا روح. سليم قاطعه. سليم: رائد اطلع الله يهديك في الأسانسير.

رائد: بقي أنا يتقالي يا خفيف. سليم: لو كنت مسكت فيهم كان فاتنا عند أيمن زفت بالساهل سلمنا نفسنا تسليم أهالي. رائد: اللهم طولك ياروح. سليم: طب يالا يا خفيف وصلنا هههههه. رائد: خفيف بردك امشي بدل ما أنزل أقسم بالله. سليم: خلاص أنا خبطت. أم سارة فتحت الباب. أم سارة: نعمة. سليم: سلام عليكم أنا سليم الهواري وده رائد صاحبي كنا جايين نطلب إيد الآنسة سارة. سارة خارجة من الأوضة هتكلم السحلب أهو بس متناميش مني الله يستر.

أم سارة: أهلاً يا ابني اتفضلوا يا أهلاً وسهلاً. سارة بصت عليهم ودخلت جرى المطبخ اتحرجت من هدومها كانت لابسة شورت وكات وعامله قرنين. أم سارة: عن إذنكم جايه حالاً. رائد: هي دي أختها الصغيرة. سليم: ملهاش أخوات هههههه. رائد: أوعى تكون. سليم: اه هي ههههههه. رائد: انت جايبني أخطب عيلة. سليم: دي في تالتة جامعة مع فرح بس عادي يعني أخده راحتها في البيت. رائد: يارب صبرني. أم سارة: بت ياسارة جايلك عريس بره. سارة: عريس عريس مين.

أم سارة: خشي البسي حاجة عدلة واخرجي نقابل الناس. سارة: اللي بره دول عرس. أم سارة: هههه أيوه يالا البسي حاجة واخرجي نشوفهم. فرح خارجة رايحة لسارة اتصدمت أول ما لقت سليم في وشها. فرح: انت إيه اللي جابك هنا. سليم: جايين نخطب رائد لسارة. فرح: بطل جنان وقول في إيه. سليم: اهو عندك اسأليه. فرح بصت لرائد. رائد حرك دماغه. فرح: طب ممكن أفهم ليه. سليم: هفهمك كل حاجة أما ننزل.