رواية انتقام وعشق الفصل الرابع 4 - بقلم اميرة محمود

أحمد، مين اللي عمل فيكي كده؟ سليم، أنا. أحمد، بص، بقي انت لو مش هتظبط وتقولي عملت في البنت دي كده ليه، صدقني هتزعل مني أوي وهضطر أبلغ عنك. سليم، تبلغ عن ابن عمك؟ أحمد، أيوه، وعن أبويا كمان. انت بتستهبل؟ ده انت ضربتها كأنها راجل قدامك. سليم، اكتبلها حاجة للكدمات دي. أحمد، يخربيت برودك يا أخويا. سليم، خلص بقي يا زفت. أحمد، خلصت، عايزة تغير عالجرح كل يومين ومحتاجة غذا كويس عشان الدم اللي فقدته.

سليم، شكراً. يالا تعالي ننزل. أحمد، بس هتقولي مين دي؟ وبالحق، انت كترت الحراسة قدام الفيلا كده ليه؟ سليم، عادي. فرح فاقت. فرح، آآآه، دماغي. أحمد، حمد الله على السلامة. فرح، الله يسلمك. أحمد، لو عايزة تبليغ قولي. سليم، تبلغ مين؟ يالا يا زفت، يالا انزل وأنا جاي وراك. أحمد، ماشي، سلام. سليم قفل الباب وراح لفرح. فرح، هتعمل فيه إيه المرة دي؟ حرمتني من الأكل والشرب وقصتلي شعري وفتحت دماغي. سليم، ولسه التقيل مجاش.

فرح بخوف، تقيل إيه؟ سليم، متستعجليش بس. فرح قامت وقفت ورايحة له. فجأة داخت مرة واحدة. سليم، انتي كويسة؟ فرح، حاسة إن الدنيا بقت سودة وبتلف. سليم بصوت عالي، آآآحمــد! أحمد طلع جري لقي فرح مغمي عليها وسليم ماسكها. أحمد، شكلها عندها أنيميا وكمان الدم اللي فقدته. سليم، طب فوقها. أحمد، طب حطها على السرير. سليم نسي أنها في حضنه، ماشي. أحمد فوقها. أحمد، دي عايزة غذا كويس، شكلها مبتأكلش أصلاً.

فرح، أنا مش جعانة، أنا عايزة أنام. أحمد، معلش لازم تأكلي كويس، أنا قولت لام محمد وهي بتعملك أكل تحت. أم محمد دخلت. أم محمد، العصير اهو يا دكتور أحمد. أحمد، عطيهولها. فرح بصت لسليم. فرح، اشربه. سليم قلبه وجعه من نظرتها وراح محرك دماغه بـ"آيو". أحمد، هو انت اللي مانع عنها الأكل؟ سليم، ملكش فيها. أحمد، هو إيه اللي ملكش فيه؟ انت بتموتها بالبطيء ليه؟ دي حتى شبه الملايكة، مش معقول الملاك ده عمل فيك حاجة.

سليم دمه اتحرك أن أحمد بيعاكسها. سليم، والله انت هتفضل واقف تعاكس فيها قدامي. اتفضل اتنيل انزل. أحمد، ماشي. سليم، ممكن تنزلي تاكلي معانا؟ فرح، ماشي، هقوم آخد شاور وأنزل. سليم، ماشي. فرح قامت أخدت شاور وافتكرت أنها معندهاش هدوم. فرح، طب هعمل إيه دلوقتي؟ أكيد الدولاب ده فيه هدوم. فتحت الدولاب لقته فاضي. فتحت الباب وندهت على نرمين. سليم، بتندهلك. نرمين، طب ممكن تطلعلي أشوفها عايزة إيه عشان دادة بتطبخ. سليم، ماشي يالا.

نرمين، فرح، كنتي عايزاني؟ فرح فتحت الباب لقت سليم في وشها قفلت الباب بسرعة. نرمين ملحقتش تشوفها. نرمين، في إيه يا بنتي؟ سليم فهم عايزة إيه. سليم، أنا نازل يا نرمين، استناكم تحت. نرمين، ماشي يا حبيبي. فرح، مشي يا نرمين. نرمين، آه، ليه؟ فرح، أنا عايزة هدوم. نرمين، ماشي، ثواني وهجبلك ترنج. فرح، هاتيه تقيل والنبي، أصل أنا سقعانة أوي. نرمين، ماشي. ،،،،،، سليم قعد يستناهم وفجأة فرح نزلت وبتزق الكرسي بتاع نرمين. فرح، اقعد.

سليم، اقعدي. نرمين، أنا هروح التيوليت وجاية حالا عن إذنكم. سليم، كلي. فرح، مش عارفة أفتح بقي، وشي وجعني. سليم افتكر الأقلام اللي عطاها لها على وشها. سليم، أجيبلك معلقة صغيرة؟ فرح، ياريت. سليم، أم محمد، معلش معلقة. أم محمد، ماشي يابني. سليم، يالا كلي. فرح، هو انت عايزني آكل ولا ما آكلش؟ أعيش ولا أموت؟ أنا مش فاهمة حاجة. سليم، كلي وانتي ساكتة أحسنلك. فرح، ليه؟ وعلي إيه؟ مش واكلة. أنا طالعة.

نرمين، فرح، اقعدي عشان خاطري. فرح، لا مش جعانة، أنا طالعة أنام. نرمين، حرام عليك يا سليم. البنت صعبانة عليا أوي. سليم، كلي يا حبيبتي، ميصعبش عليكي غالي. نرمين، على فكرة انت عمرك ما كنت قاسي. سليم، أنا هطلعلها الأكل. أم محمد، طلعهولها. أم محمد، ماشي يابني. وأخدت الأكل تطلعهولها. سليم، خلاص بقي متشغليش بالك ياحبيبتي وكلي. فجأة سمعوا الأطباق بتترزع في الأرض. نرمين، إيه ده؟ سليم، والله لهويكي يا فرح الكلبة.

نرمين، براحة يا سليم، والنبي ماتضربها. سليم طلع. سليم، في إيه؟ أم محمد، مفيش يابني، اتعنقلت والأكل وقع مني. فرح، لا، أنا رميته. سليم، أم محمد، اطلعي بره. أم محمد، ماشي يابني، بس والنبي. سليم بزعيق، اطلعي بررررره. أم محمد خرجت تجري وفرح خافت من منظره. سليم، عملتي كده ليه؟ فرح، آآآ. سليم، إيه لسانك القط أكلته؟ فرح، والله لو ضربتني لهرمي نفسي من الشباك. سليم، وريني كده هترمي نفسك إزاي.

فرح، كده. وراحت البلكونة ولسه جايه تقف على السور. سليم، ده انتي طلعتي مجنونة. فرح، مش مجنونة، بس أنا تعبت. كفاية ضرب فيا. أنا معملتش فيك حاجة. أنا بخاف أقتل نملة. بس انت عايز تنتقم لمامتك وبابا. اتفضل اقتلني. سليم، تعرفي إن عنيكي بجد جميلة أوي. فرح، بسم الله الرحمن الرحيم. هو العفريت مشى؟ اللي كان عايز يقتلني. سليم، اقتل مين بس. فرح، يعني مش هتقتلني؟ سليم قبلها. قبلة طويلة. فرح، آآآه. وبعدت مرة واحدة.

سليم بصلها باستغراب وخرج جري. سليم، غبي، إيه اللي انت عملته ده؟ انت اتجننت؟ دي أبوها دمر حياتك. فوق اللي انت بتعمله ده غلط. انت بدأت تحبها. مسك موبايله ورن على رائد. رائد، أيوه يا سليم. سليم، انت فين؟ رائد، أنا في البيت. سليم، طب تعلالي بسرعة. رائد، خير؟ سليم، مفيش. هتاخد بنت أيمن الكلب وترميها في المخزن تاني. رائد، ليه ياسليم؟ ماتسيبها فوق المخزن. الرجالة اللي بشنبات تخاف تبات فيه.

سليم، اسمع الكلام. بقولك أبوها اتفق أنه هيمضي على التنازل بكرة. فأكيد دي آخر ليلة ليها هنا. مش عايزها تنام هنا. رائد، مش كنت قايل إنك هتخلص منهم؟ سليم، مش دي الوقت. هاخد مصنع أبويا وهظبطلهم أي حادثة أخلص منهم، بس بعد ما آخد المصنع. رائد، طب أنا جاي حالا أنا والرجالة ننزلها. ،،،،،، بعد شوية. رائد، يالا يا آنسة اتفضلي معانا. فرح، فين؟ رائد، يالا من سكات أحسنلك. فرح، ماشي. ونزلت معاهم المخزن وهي مسالمة من غير دمعة حتى.

سليم في أوضته. سليم، كنت متوقع إنها هتصوت ومش هترضي تنزل. هي استسلمت. رائد طلع لسليم. رائد، عايز حاجة؟ خلاص نزلناها، بس انت اللي عامل فيها كده. دي وشها متبهدل. سليم، اقفل النور. أنا هنام. رائد، طيب يا سليم، براحتك. تصبح على خير. سليم مقدرش يمنع نفسه ونزلها. فرح، نازل ليه؟ متقلقش. مش هعيط ولا هخاف أنام في حتة زي دي. أنا قلبي جاحد زي أبويا. سليم مسك دراعها ولفه ورا ضهرها. فرح، آآآه. سيب إيدي.

سليم، لو سيرة الكلب ده اجت تاني في بيتي مش هيحصلك طيب. فرح، على فكرة، إذا كنت تعبان منه قيراط، فأنا مليون بابي. أما مامي كانت بتاخد الكيماوي، عمره ما راعى تعبها. كان دايماً بيشتمها وكان بيضربها عشان مش قادرة تحطله الأكل أو نايمة وهو جاي سكران وعايزها تقوم تقعد معاه. كان بيعاملها زي الخدامين بالظبط. ضرب وإهانة وقلة أدب. وكانت لاحول ليها ولا قوة. وراحت معيطة. كلكم زي بعض، من غير ما أعمل فيك حاجة بتضربني.

سليم شدها في حضنه. سليم، أنا آسف. متزعليش مني. بس اللي عمله فيا وفي أهلي مش قليل. أنا ضيعت مستقبل أختي وأبويا وأمي اللي ماتوا. كان أي حد مكاني كان عمل كده وأكتر. فرح، أنا. فرح زقته بعيد عنها. فرح، اتفضل اخرج بره لو سمحت واقفل الباب. عايزة أنام. مش عايزة أشوف وشك تاني. سليم، بس لازم أغيرلك عالجرح. فرح، أخرج بره، ملكش دعوة بيه. سليم، لو مقعدتيش أغيرلك عالجرح، صدقيني هتندمي. فرح، اطلع بره بقولك.

سليم شدها قعدها عالأرض وقعد يغير لها عالجرح غصباً عنها. فرح، شكراً. اتفضل اطلع أوضتك وسيبني هنا. حاكم أنا بموت في الفيران. سليم، فيران؟ انتي بتكلمي بجد؟ فرح، اممم. سليم، خرج جري. فرح قعدت تضحك على منظره. سليم بص عليها لقاها عمالة تضحك عليه. دخل شدها وخرجها. فرح، في إيه؟ سليم، اقعدي معايا شوية. مش جايلي نوم. فرح، بس الجو ساقعة أوي. سليم نده لواحد من الأمن. سليم، اطلع هات بطانيتين من أوضتي. الأمن، حاضر ياباشا.

فرح، انت مجنون؟ هنقعد في الجنينة في السابعة دي؟ سليم، أيوه. فرح، ماشي. أما أشوف آخرتها إيه. الأمن، اتفضل ياباشا البطانيتين. سليم، بص، اعملنا حاجة سخنة من اللي بتفضلوا طول الليل تعملوها وتشربوها. الأمن، عينيا يا باشا. أعملك شاي واللا قهوة واللا كابتشينو؟ فرح، فيه سحلب؟ الأمن، أيوه. سليم، خلاص اعملنا اتنين سحلب. الأمن، عينيا. ثواني وهجبهوملكم. سليم، اتنيها كده وحطيها على كتفك. فرح، مش عارفة. سليم، طب حاسبي هعملهالك.

فرح، ماشي. فضلت منسجمة وهو بيحطها عليها. سليم، بتبصيلي كده ليه؟ فرح، أصلي مش مصدقة. أنا مستنية الوش التاني. سليم، يعني أنا بوشين؟ فرح، اه. سليم، مش خايفة؟ فرح، حركت دماغها بـ"لا". سليم، طب ليه مش خايفة؟ فرح، عشان العفريت مش حاضر دلوقتي. سليم، هههه. فرح، تعرف أن شكلك حلو وانت بتضحك. سليم، ياسلام. فرح، اه والله. وعندك غمازات كمان. يابخت حبيبتك بيك. غمازات وعينين خضرا وطول بعرض. ده كفاية العضلات دي.

سليم، مليش حبيبة. بس شكلي هبقى ليه حبيبة. طب انتي ليكي حبيب؟ فرح، اه. سليم وشه قلب. سليم، ومين ده؟ فرح، اهو العفريت حضر. سلام عليكم. سليم، استني هنا. أنا بكلمك. فرح، مرضتش على سؤالي. سليم، طب وهو يهمك في حاجة؟ فرح، عشان أعرف أما أخلص منك مين هيزعل عليك. سليم، على فكرة هو كمان نفسه يخلص مني. حبيته مع أنه للأسف هوريني ضرب. سليم، أنا حاسس إني أعرفه. فرح، لا، بتهيألك. الأمن، اتفضل يا بيه. سليم، شكراً. يا هو انت اسمك إيه؟

الأمن، حسين اسمي حسين يا بيه. سليم، شكراً يا حسين. الأمن، ألف هنا يا بيه. سليم، اتفضلي يا ستي. فرح، تعرف أن السحلب ده بيفكرني بصاحبة عمري. كنت بروح لها البيت بتاعها وأفضل أشرب وفجأة أروح في النوم في الكنبة وأصحى تاني يوم على صويتها عشان الجامعة. أهي دي أنا متأكدة إن غيابي مدمرها. سليم، كنتي بتباتي عند صحبتك؟ طب باباك مكنش بيقلق؟ وبعدين تنامي عالكنبة؟ افرضي إخوتها الصبيان شافوكِ؟

فرح، بابا بيفضل طول الليل في البار وبيجيب سكران طينة، مبيعرفش أنا في البيت ولا لأ. وبعدين أصلاً سارة ملهاش إخوات صبيان، ملهاش إخوات أصلاً. بابها توفى ومامتها حامل فيها، فمامتها عاشت حياتها لسارة. سليم، اممم. تعرفي فعلاً السحلب ده جميل وبيدفي. فرح، اممم.