رواية انتقام تمارا الفصل العشرون 20 - بقلم رنا سعيد

ابتسمت خلود ومسحت دمعة كانت تنزل منها. "أكيد لأ." خلود، وبمجرد أن التفت إليها، ضربته بالقلم بأقصى قوتها، فضرب مازن يده على وجهه بغضب، متصدمًا لماذا فعلت ذلك. "لاء مش موافقة، عارف ليه؟ عشان أنت إنسان قذر وكداب وغشاش وخاين." "وياريت تبعد عني بقى وملكش دعوة بيه تاني، فاهم؟ ومشت خلود خطوة ووقفت، وقلبت في هاتفها، ثم عادت ونظرت إليه مرة أخرى. "آه صحيح، مبروك الارتباط من بوسي، متنساش تعزمنا على الخطوبة بقى."

وفجأة، رفعت الهاتف أمامه. مازن رأى الصورة، فتصدم. كان هو وبوسي على يخت، وبوسي تبوسه من خده. "آه صحيح، بس الصورة دي حلوة أوي بصراحة، لايقين على بعض موت، فعلاً الطيور على أشكالها تقع، مش كده ولا إيه؟ وسبته ومشيت. ومازن وقف مصدومًا مما كان يحدث أمامه. في مكان آخر، كارما وتمارا وفاتن، أمهما، كن جالسات في جنينة الفيلا. تمارا بخوف: "ماما، هو ممكن بابا يجي ياخدني من هنا بالعافية؟

فاتن بابتسامة: "ميقدرش، وغير كده متخافيش، أنا كلمته النهارده وقولتله إنك طلعتي من المستشفى وعندي وهتعيشي معايا على طول، وهو وافق." تمارا بفرحة: "بجد؟ فاتن بابتسامة: "آه والله يا حبيبتي، أنتِ هتفضلي عايشة معايا هنا خلاص على طول." كارما بضحكة: "يبنتي ده هتلاقي مصدق أصلًا إنك مشيتي عشان البيت يفضى عليه هو والسنورة بتاعته." "خيانة! بتضحكوا من غيري؟ لاء أنا كده زعلانة بقى." وبصوا كلهم على الصوت، وكان خلود جاية عليهم.

خلود سلمت عليهم كلهم. خلود بابتسامة ودمعة نزلت منها: "وحشتني أوي يا تمارا." تمارا بابتسامة: "وأنتي أكتر، وبهزار، بس ليه الدموع دي طيب؟ أنتِ مش فرحانة عشان شوفتني؟ خلود بابتسامة ومسحت دموعها: "يا عبيطة، دي دموع الفرح." "إزيك يا طنط؟ أخبارك إيه؟ فاتن بابتسامة: "الحمد لله يا حبيبتي، تشربي إيه بقى؟ خلود: "لأ، متتعبش نفسك يا طنط." كارما: "ماما، اعملي لنا قهوة كلنا." فاتن بابتسامة: "ماشي." وقامت فاتن، وخلود قعدت.

خلود: "النهاردة حصل معايا حاجة يا بنات، ولازم أقولكم عليها عشان مش هرتاح غير لما أقولها ليكم." تمارا: "قولي، سامعينك." خلود بدأت تحكي لهم كل ما حدث بينها وبين مازن. خلود بضيق: "ده كل اللي حصل." تمارا: "طب رفضتي ليه دام بتحبي؟ خلود: "ما يا ذكية، هو ارتبط ببوسي، أنتِ ناسيه اليوم اللي بوسي جت وكلمتني فيه؟ فلاش باك. خلود وتمارا جالستان في الكافتيريا. بوسي: "ممكن قعدة؟ خلود: "آه اتفضلي."

بوسي: "بصي يا خلود، أنا جايه أقولك كلمتين وهمشي على طول." خلود بقلق: "ماشي، اتفضلي." بوسي: "أنا شايفه اليومين دول أنتوا ومازن على طول مع بعض، وملاحظة نظرات الحب اللي طالعة من عينيكي لمازن وهو معاكي." خلود بخجل وتوتر: "ل لاء، الموضوع مش كده." بوسي بحدة: "أنا ومازن مرتبطين ببعض وبنحب بعض بقالنا سنتين، بمعنى أصح، ابعدي عن مازن عشان مازن مش ليكي." بوسي وقامت وقفت. بوسي بتكبر: "باي." باك.

كارما بتفكير: "طب ممكن بوسي تكون بتضحك عليكي، وإن مازن مش مرتبطين ولا حاجة، وتلاقيها عملت كده عشان بتحب مازن، وأكيد لما حسيت إن مازن بيحبك، جت وقالتلك كده عشان توقع بينك وبين مازن." خلود: "طب والصور اللي بوسي بتنزلها استوريهات هي ومازن مع بعض اللي أنتوا شفتوها دي؟ تمارا: "ممكن يكون صور عادية، بنت بتصور كأصدقاء يعني وكده." خلود: "لدرجة إنها تبوسه من خده وتكتب عليها: أنت حبي الأول والأخير، وربنا يخلينا لبعض يا حبيبي."

كارما: "حكايتك غريبة، منين جاي يقولك بحبك، ومنين مرتبط ببوسي؟ خلود: "المهم، فكك منه، المهم احكولي أي اللي حصل بقى من امبارح لحد النهارده، وهتعملوا إيه مع فهد؟ تمارا وكارما بدأوا يحكوا لها كل حاجة حصلت معاهم. تمارا: "ده يا ستي كل اللي حصل." خلود: "امممممم، بس فهد النهارده مجاش الجامعة أصلًا، وأنتِ هترجعي الجامعة إمتى يا تمارا؟ تمارا: "هاجي من بداية الأسبوع الجاي إن شاء الله."

خلود: "طبعًا، خلاص بقى، مش هتيجي السكن تاني بقى؟ تمارا: "أيوه، هاجي أخده هدومي وحاجتي من السكن، وهخد هدومك كمان." خلود برفعة حاجب: "طب هدومي؟ وهتاخديها ليه؟ هتمشيني يعني من غير هدوم؟ ناوية تفضحيني يا بنت خالتي؟ فاتن وجاية بالقهوة عليهم، وسمعت تمارا وهي بتقولها على الهدوم.

فاتن: "لأ يا حبيبة خالته، أنتِ هتيجي تقعدي معانا هنا، ومفيش سكن تاني، يعني هتروحوا انتوا التلاتة كده النهارده زي الشاطرين تجيبوا هدومكم وتيجوا، ماشي؟ خلود: "بس أنا مش حابة أتقل عليكم." فاتن: "أنتِ عبيطة بجد؟ أنا زعلت منك، أنتِ بنتي التلاتة، ينفع بنت تقول لمامتها الكلام ده؟ خلود بندم وقامت وباست يد فاتن ورأسها: "آسفة يا خالتي، والله ما أقصد، خلاص ولا تزعلي نفسك، هروح أجيب هدومي فورًا، بس أهم حاجة متزعليش مني."

فاتن: "مقدرش أزعل منك يا قلب خالته من جوه." كارما وتمارا: "تيرااااااارررر تيرااارررر." فاتن بضحكة: "بس يا بت انتي وهي." كارما بضحكة: "حاضر." بدأوا يشربوا القهوة. بعد ما خلصوا القهوة، كارما وتمارا طلعوا غيروا هدومهم. تمارا: "يلا يا خلود." خلود: "ماشي." وسلموا على فاتن ومشوا. كارما هي اللي بقت بتسوق العربية، وشغلت أغنية "مخاصماك". البنات

مع الأغنية بصوت عالي: "مخاصماك، وابعد عني، أنا مش طايقاك، سيبني، مش عايزة أبقى معاك، متورينيش وشك تاني." كارما وهي بتسوق بأقصى سرعة. تمارا: "سوقي براحتك، مش كده قلبي هيقف من السرعة دي." كارما بضحك: "بس يابت يا نايتي، خلي قلبك جامد." وفجأة، شاب بيعدي الطريق بالـ موتوسيكل بتاعه. وهوب، مرة واحدة كارما جاية بالعربية، وكانت هتخبط الشاب، بس فرملت على آخر لحظة. الشاب مرة واحدة خلع القناع من على وشه وووووو