رواية انتقامي و حبك الفصل السابع عشر 17 - بقلم رحمه تاج

عصام بغضب: مش عاوزين نتزفت ولا نتفضل. أنا هقتلك انت وهي. مازن بغضب: متحترم نفسك يا جدع انت. ادم مازن متفتحش بقك. اتفضلوا اتفضلوا. أبو روان دخل المكتب وعياله وراه. وفارس بص لإسراء: تعالي نعمل لهم قهوة. إسراء: تعالي. ودخلت المطبخ. آدم بص لمازن: مش عاوزك تقول أي كلام. مازن: بس يا آدم. آدم بعصبية: سمعتني. مازن: حاضر. آدم دخل المكتب ومازن وراه وقفل الباب. آدم قعد قصاد أبو روان.

أبو روان: آدم يا ابني أنا واثق في تربيتك انت وأخوك. كفاية إنكم تربيت فارس كان زي أخويا الله يرحمه. آدم: الله يرحمه. صدقني يا عمي مازن وروان امبارح كانوا أول مرة يشوفوا بعض أصلاً. عصام: انت مجنون يا عم انت، انت مش شايف الصور ولا إيه. أبو روان: عصام ممكن تهدأ. عصام بص لمازن بغضب. الباب اتفتح وروان دخلت وعيونها حمرا. روان بصت لمازن وبصت لأبوها: انتوا شاكين فيه لدرجة دي.

أبو روان: إحنا مش شاكين، إحنا جايين نفهم حكايات الصور. روان: والله بجد، يعني انتوا مصدقين نفسكم. عصام وقف بعصبية وجري عليها ومسكها من شعرها. مازن جري عليه وزقه وحط روان ورا ضهره. مازن: انت مجنون، انت بتمد إيدك عليها. عصام: وأضربك انت كمان لو عاوز. أبو روان بغضب: بسسسس. مازن بعصبية بص لروان، لقا عيونها حمرا وشكلها معيطة. وبص لأبوها: أنا عاوز أتجوز روان. روان اتصدمت ومقدرتش تتكلم. أبو روان: تتجوزها. مازن: أيوه هتجوزها.

عصام: علشان تستر عليها. مازن بص له بقرف: انت إزاي أخوها وبتقول عليها كده. وبص لأبو روان: ها إيه ردك. اللواء بص لروان لقاها بصلهم بحزن. مازن: سكتوا يعني موافقين. انهارده كتب كتابي على روان. أبو روان بصدمة: إيه يا ابني ده. آدم: يا عمي مازن طلبها في الحلال وصدقني هما كانوا... روان قطعتهم: بعد إذنك يا أستاذ آدم. أنا موافقة يا مازن. وبصت لخواتها: أنا مش عاوزة أعرفكم تاني، انتوا شاكين فيه. أنا...

وبصت لأبوها: انت شكك في تربيتك. وضحكت بسخرية وقالت: يا بابا. أبو روان: إزاي يعني تتجوزه. روان: زي ما سمعت يا بابا. أنا هتجوز مازن، ولو موفقوش مش هتعرفوه ليه مكان موفق. أبو روان بص لها. روان: موفقين يا مازن. وخرجت وقفلت الباب وراها. أبو روان وقف. مازن: انهارده كتب الكتاب بعد العصر. وخرج وسابهم.

بعد شوية آدم طلع على السلم لقا مازن واقف قصاد باب إسراء وبييبص من بره الباب. راح عليه، بس من جنبه لقا روان بتعيط في حضن إسراء وإسراء بطبطب عليها. مازن بص لآدم. آدم شده بعيد عن الأوضة. آدم: متقلقش كل حاجة تمام. مازن هز راسه وسكت. آدم: يالا كمل نوم. وعلي أنا هكلم المأذون. مازن: ماشي. آدم: يالا. وراح على الأوضة بتاعته ودخل. مازن بص على أوضة إسراء وراح على الأوضة بتاعته.

على الظهر روان كانت في الأوضة بتاعتها ودموعها نازلة وسكتة. الباب خبط. أم روان: روان حبيبتي، في حد عاوزك بره. روان مسحت عيونها وخرجت. لقت أهلها قاعدين وفي مندوب توصيل وماسك بوكس كبير. المندوب: حضرتك روان. روان: أيوه اتفضل. المندوب: البوكس ده جاي لحضرتك. ممكن تمضيلي. روان: من مين البوكس ده. المندوب بص في ورقة: ده أستاذ مازن الصياد. روان: ماشي. ومضت على الورقة والمندوب مشي. روان فتحت البوكس وخرجت فستان أبيض شيك أوووي.

أم روان: الله ده طلع ذوقه حلو أوووي يا بت يا روان. روان هزت راسها وسكتت. أبو روان: روان. روان بصت لأبوها وبصت لأمها: بعد إذنك يا ماما. وخدت البوكس ودخلت قفلت على نفسها. أم روان بصت لريان بدموع: قوم ي حبيبي شوفها انت. ريان: مش عاوزة تكلم معايا يا ماما. أم روان دموعها نزلت وسكتت. الباب خبط. ريان قام يفتح لقا بنت. ريان: أيوه اتفضلي. : مش ده بيت الآنسة روان. ريان: أيوه. : إحنا ميكب أرتست. أستاذ مازن بعتنا ليها.

ريان: طيب اتفضلوا. ماما. وراح على أمه. أم روان بصت للبنت: أيوه مين. ريان: ده ميكب أرتست يا ماما. مازن بعتها لروان. أم روان: أيوه اتفضلي اتفضلي. وتعالي. وراحت على أوضة روان ودخلت هي والبنت. الباب خبط. ريان راح يفتح لقا إسراء. ريان: اتفضلي يا إسراء. إسراء: هي فين. ريان: في الأوضة. إسراء لقت أهل روان وإخواتها وأبوها. إسراء: ازيك يا عمي. أبو روان: الحمد لله يا حبيبتي. إسراء بصت لريان: عملت إيه في المشروع.

ريان: هسلمه بكرة. بس لازم تبقي موجودة انتي وروان. إسراء: طيب تمام. والنسخة. ريان: هديكي واحدة بكرة. بس المهم خطيبك مش طايقني ليه. إسراء: فارس لا يا راجل، ده بيقولي إنك محترم وبيعتبرك أخويا. وبصت لعصام بضيق. وبصت لريان اللي بيبص لها وعاوز يضحك. إسراء: ينهار أسود. أنا نسيت مرات أخويا على الباب. وجريت على الباب. وليان دخلت. ريان: مش خطيبتي. ليان بابتسامة: مفيش أي مشكلة. عادي.

إسراء: تعالي أعرفك على عمي أبو روان. عمي دي مرات آدم أخويا. أبو روان بابتسامة: ازيك يا حبيبتي. أكيد أعرفها. بس هي متعرفنيش. ليان ابتسمت: أنا ليه الشرف يا عمي. أبو روان: ذوق زي آدم بالظبط. أنا مربي جوزك ده على إيدي. دي عبّال ما أشيل عيالكم على إيدي إن شاء الله. ليان ابتسمت بكسرة: إن شاء الله. شكراً لحضرتك. إسراء: تعالي نشوف روان. ومسكت إيد ليان. وراحت على الأوضة ودخلوا وقفلوا الباب. الباب خبط.

ريان راح على الباب وحازم دخل. حازم بص لأبو روان: ازيك يا عمي. أبو روان: الحمد لله يا حبيبي. حازم بص لريان: ونبي ندهولي أختي. ريان باستغراب: أختك مين. حازم: مرات آدم. ريان بصدمة: بتهزر. حازم: لا والله. أنجز بقى. ريان: حاضر. اقعد. حازم قعد جنب عمار: ازيك يا برنس. عمار: ازيك يا حازم. عامل إيه. حازم: كويس. ليان خرجت من الأوضة بصت لحازم باستغراب: إيه يا حازم. حازم: اتفضلي جوزك على الفون. ومد إيده بفون.

ليان خدت الفون وحطيته على ودنها. ليان: الو. آدم: نسيتي فونك ياليان. ليان: أه معلش نسيتُه. آدم: ولم تعوزي أطمن عليكي. ليان: أنا مش هتأخر. أتصل على إسراء. آدم: وروان عاملة إيه. ليان: كويسة. آدم: متتأخريش عليا ها. ليان: حاضر. آدم: بحبك. ليان: احم شكراً. آدم: فيه حد جنبك. ليان: أيوه. آدم: طيب ماشي. شوية وهطمن عليكي تاني. وحازم هيفضل موجود علشان أطمن عليكوا. ليان: ماشي يا آدم. آدم: اسمي زي العسل من شفايفك.

ليان: سلام يا آدم. آدم: سلام يا عيون آدم وروح آدم وقلب آدم. ليان: سلام. وقفلت. وبصت لحازم ومدت إيدها بفون. حازم: خد فون. حازم: لازم يعني تنسي فونك. ليان: كان اتصل على إسراء وخلاص. وبعدين هو سبني تحت البيت. حازم: نعمل إيه لاستاذ آدم. يعني لازم يزعق علشان بعد عنك دقيقة. ليان: هقوله. حازم: لا متهزريش. ليان: هنشوف ي أخويا العزيز. ودخلت الأوضة. حازم: لا ليان ي بت خدي. دخلت. وسبتني. وهتشكي ليا.

ريان قعد جنب حازم: هي ليان أختك اللي كانت معانا في ابتدائي. حازم: أيوه أختي الصغيرة. أبو روان: ربنا يخليهالك. بعد خمس دقائق. الباب خبط. ريان راح يفتح لقا ياسمين. ياسمين: أنا جاية لإسراء. ريان: اتفضلي. ياسمين دخلت وبصت لأبو روان. ياسمين: ازيك يا عمو. أبو روان: ازيك يا حبيبتي. بنت يزن صح. ياسمين بابتسامة: أيوه ياسمين.

أبو روان: بسم الله ما شاء الله تبارك الرحمن. أنا آخر مرة شوفتك كان عندك سنة. بسم الله ما شاء الله. عندك كام سنة دلوقتي. ياسمين بابتسامة: 19 سنة. أبو روان: تعالي ي حبيبتي اقعدي جنبي هنا. ياسمين قعدت جنبه. أبو روان حط إيده على شعرها: أمال أخوكي فين. ياسمين: عمي آدم بعتوه مع شهاب في حتة. أبو روان: وانتي في ثانوي. ياسمين: لا دخلت هندسة. أبو روان: ربنا يبارك فيكي. روان بابتسامة: شكراً. إسراء خرجت بصت باستغراب لياسمين.

ياسمين: عمتو عمي مازن عاوز يكلمك. وانتي نسيتي فونك. إسراء: أيوه نسيتُه. في إيه يعني عاوز إيه. ياسمين: بيقولك كان فيه شنطة في الدولاب سودة. فين. إسراء: هتلاقيها في دولابي. ياسمين: ماشي. أبو روان: هتروحي فين ي ياسمين. ياسمين: همشي علشان عمي. أبو روان: رني عليه قوليله. واقعدي. ياسمين: مينفعش يزعل مني. هروح أديله الشنطة وأجي تاني. أبو روان بابتسامة: ماشي ي حبيبتي.

ياسمين وقفت باحترام: بعد إذن حضرتك. وراحت على الباب. وعمار عيونه عليها. ومشيت. فون حازم رن. حازم بص في الفون وبص لريان: معلش نادي على ليان. ريان: ماشي. ووقف وخبط على الأوضة. ليان خرجت. ليان بصت لحازم: نعم. حازم: جوزك. وبيمد إيده بفون. بعد كده متنسيش الفون لو سمحتي. ليان: ماشي. وخدت الفون. حطيته على ودنها. الو. آدم: اتأخرتي ي ليان. ليان: اتأخرت فين يا آدم. أنا مكملتش خمس دقائق. آدم: لا اتأخرتي عليا. تعالي.

ليان: حاضر يا آدم. آدم: متتأخريش. أنا واقف قصاد العمارة. ليان: إسراء مش هترد تنزل معايا. آدم: سبيها. ليان زعلت منه جداً: حاضر يا آدم. نزلك. وقفلت الفون. أبو روان: لسه بدري ي حبيبتي. ليان بتسامه: معلش مرة تانية. آدم مستنيني تحت علشان رايحين مشوار. أبو روان: ربنا معاكوا ي حبيبتي. ليان بصت لحازم: هتخليني أقول لإسراء. حازم: ماشي. ليان دخلت أوضة روان وخرجت. حازم وقف: هيجيلك تاني ي ريان. ريان: ماشي.

ليان بصت لحازم: خليك انت. وأنا هنزل. هو مستنيني تحت. حازم: لا هيزعقلك. ليان: لا متخافش. اقعد. هو كده كده تحت العمارة. حازم: ماشي انزلي. ليان خرجت من الشقة وزعلت من آدم إنه مسبهاش شوية مع إسراء وروان. وزعلت إنه شايفها طفلة لازم يمشي معاها حد علشان متضعش. نزلت لقتوه قصاد العمارة واقف. آدم: إيه نزلة لوحدك ليه. ليان: عادي. لم أنزل لوحدي. آدم: هو إيه اللي عادي. أنزل لوحدي.

ليان: في إيه يا آدم. هو أنا طفلة علشان أمشي بحراسة. آدم: مالك ي ليان. ليان: مليش. بعد إذنك أنا طالعة الشقة. ودخلت العماره بتاعتهم. آدم اتعصب من طريقتها وطلع وراها. ليان دخلت الشقة لقت الكل قاعد. آدم وهو دخل من باب الشقة: استني هنا. أنا مش بكلمك. ليان بصت له. والكل بيتفرج عليهم وسمعهم. آدم: لم أكلمك تقفي. انتي عبيطة ولا إيه. ليان: نعم يا آدم. آدم: هو إيه اللي نعم يا آدم. منزلتيش مع حازم ليه.

ليان: لأني مش عيلة صغيرة علشان أضيع. أنا بعرف الطريق كويس. آدم بعصبية: هو إيه اللي عيلة صغيرة ولا مش صغيرة. أنا بعتك مع إسراء صح. ليان: والله انت قولتلي سيبى إسراء وانزلي مع حازم. معناه كده إن إسراء عادي تنزل لوحدها. يعني انت مش واثق فيها. آدم: إيه ده. إيه ده. إيه ده. انتي بتفكري إزاي.

ليان: بفكر زي الناس ي آدم. انت مش عاوزني أخرج من البيت. مش هخرج. هبقى بقيت الحياة حبس في الأوضة زي الأول. صح. أنا مكملتش خمس دقائق قاعدة معاهم وطلعت. وسبته. آدم بص لها وهي طلعت. ورح على أوضة المكتب. دخل وقفل الباب وقعد على المكتب. وخرج سجائر بيشربها وساكت. ليان دخلت الأوضة فضلت تعيط. وترمت على السرير وبتعيط بانهيار. ماس دخلت الأوضة وقعدت على السرير جنب ليان. ليان بصت لها وبتعيط. ماس: انتي زعلانة علشان كده. ليان

قعدت عدل ومسحت دموعها: علشان مش واثق فيه. ماس: لا ي حبيبتي. وليه مفكرتيش إنه خايف عليكي. ليان بدموع: لا يا ماس. ماس: ي حبيبتي والله ده آدم بيخاف عليكي وبيحبك. هو مستحملش إنك تغيبي عنه. وبعدين هو هينزلك مع حازم علشان محدش يضايقك. ليان بدأت تعيط. ماس: فكري ي ليان. والله آدم بيحبك. ومتفكريش بطريقة دي ي حبيبتي. هو آدم مش عاوز يقعد من غيرك وبيخاف عليكي وبيحبك. أنا هقوم أجهز الحاجة. وقامت نزلت.

قبل العصر ليان كانت في الأوضة بتجهز. ومشفتش آدم من ساعتها. ومرديتش تسأل حد عليه. نزلت كانت قمر جداً. كانت لبسة بنطلون أسود وليموني تيشيرت نص كم. وعاملة شعرها ديل حصان. ولابسة كوتش أبيض. آدم فضل يبص لها. كان آدم لابس تيشيرت أسود نص كم وبنطلون جينز وكوتش أبيض. آدم بعد عيونه عنها. وبص لمازن: يالا الناس مستنيانا. والكل خرج مع آدم. وليان بعيد عن آدم. وآدم بعيد عنها. وطلعوا وقفه قصاد الشقة. آدم خبط الباب. أبو روان فتح.

أبو روان: اتفضلوا. الكل دخل واتعرفوا على بعض. وليان ساكتة وقاعدة جنب آدم. الكل قاعد بيكلم. وليان ساكتة متكلمتش. وآدم ساكت. مازن قعد ساكت بيبص لعصام بضيق. وعصام بيبص له بغضب. آدم فونة رن. وكان المأذون. آدم وقف بعيد بيكلم في الفون. أم روان: ليان ي حبيبتي. ليان بصت لها. أم روان: مالك من ساعة ما دخلتي وانتي ساكتة. فيكي حاجة. ليان: سلمتك ي حبيبتي. مفيش حاجة. إسراء خرجت من أوضة روان: إيه ده. أهلين وسهلين. منورين.

بصت لليان: أوبه. انتي متخانقة انتي وآدم ولا إيه. ليان: لا مفيش حاجة. وسكتت. آدم بص لأبو روان: الشيخ جاي. أبو روان وقف: ماشي. وراح على الباب. فتحوه. وآدم وقف جنب أبو روان. بعد شوية الشيخ قعد. أبو روان بصوت واطي للشيخ: بقولك ي شيخنا. الشيخ بصله. أبو روان: هي العروسة كانت متزوجة وتطلقت. بس لما يدخل بيها هل ليها عدة. الشيخ: كان مكتوب كتبها بس متجوزوش. أبو روان: أيوه. الشيخ: لا ملهاش عدة. أبو روان: ماشي شكراً.

الشيخ: العفو. روان خرجت بفستان وحاطة ميكب. وكانت جميلة أوووي. والفستان تحفة عليها. مازن بص لها وانبهر بجمالها. وقعدت جنب أبوها. الشيخ بدأ يكتب الكتاب. ومازن بص ببسمة لروان. الشيخ: بارك الله لهما وبارك عليهما وجمع بينهما في خير. الستات بدأت تزغرط. والكل بيبارك لهم. بس روان محضنتش أبوها ولا أخواتها. حضنت أمها بس. ومازن بص لروان وحضنها. وهي حضنته. وبست راسها وبست إيدها. وإسراء كانت بتصورهم.

بعد شوية الكل كان قعد بيكلم. وآدم بيكلم معاهم. وليان ساكتة. أم روان: وانت ي آدم متجوزين قد إيه. آدم بص لليان: متجوزين من سنتين. أم روان: ربنا يرزقكم بذرية صالحة. آدم بابتسامة: أمين. ليان مضايقة. كل ما يفتكروا الموضوع ده تضيق. وتعياط. وهي مش عارفة تعيط علشان الكل قاعد. آدم بص لها وقرب. بس راسها وحضنها. وليان حضنته. ودموعها نزلت. آدم في ودنها: متزعليش مني. أنا مكنش قصدي أزعلك. أنا بس كنت قلقان عليكي.

ليان بدموع: أنا آسفة. آدم بس إيدها وابتسم لها. وليان بصت له بابتسامة. بعد شوية الكل نزل. ومازن خد روان علشان يخرجوا. مازن بيسوق وروان جنبه ساكتة. مازن: إيه فين لسانك. روان: ملكش دعوة بيه. ماشي. مازن: يعني هموت لو مكلمتش معاكي. روان بعصبية: اسكت بقا الله. مازن: مش ساكت. هتعملي إيه يعني. روان: قولتلك ملكش دعوة بيه. مازن: لا ليا دعوة بيكي. روان بدموع: لا ملكش دعوة بيه. مازن بغضب: لا أنا جوزك وليا دعوة بيكي.

روان انفجرت في العياط. مازن بغضب: إيه كلمة جوزك وجعتك أوي كده. روان بتعيط وباصة بعياط. مازن بغضب: ردي عليا. روان: لو سمحت اسكت بقا. اسكتتتتتت. مازن: مش متزفت. روان بعياط بصت له: محدش وثق فيه ي مازن. مازن زعل علشانها. روان بدموع: حتى أخواتي وأبويه. محدش بيثق فيه. كلهم صدقوه. كلام جدي ي مازن. كلهم. مازن مسك إيدها ومسح خدها: خلاص بطلي عياط. روان انفجرت في العياط.

مازن حضنها. وروان مسكت فيه. وبقت تعيط بانهيار. ومازن مكلمش. وبعد شوية بعدت عنه. مازن: بطلتي عياط. روان: ملكش دعوة. مازن: ي بنتي احترمي نفسك. وضربها في وشها. روان: اوعى إيدك دي. بدل ما أمشي من غيرها بعد كده ي رخم. مازن: لا احترمي نفسك انتي. دلوقتي مراتي. وممكن آكلك علقة محترمة. روان: وريني كده هتعمل إيه. مازن: لا أنا أعمل كتير. وزقها في وشها. روان بعصبية: اوعى كده ي ر...

مازن قطعها. قبلها. وروان بتبعد عنه. ومازن مسكها لغاية ما استجاب ليه. وبعد شوية بعد عنه بيخد نفسه. وهي بتخد نفسها. زقته في صدره. روان بعصبية: احترم نفسك انتتتتت. عرف لو عملت كده تاني ي تحش. مازن: احترمي نفسك طيب ي بت. روان: بت ام تبوس روحني دلوقتي. يله. مازن: دي انتي حته شبه صاحبي. روان بصت له بصدمة. مازن انفجر في الضحك. وباس خدها. وبدأ يسوق العربية. وروان اتكسفت جداً. وبصت من الشباك بابتسامة.