رواية انتقامي و حبك الفصل السادس عشر 16 - بقلم رحمه تاج

ليان بعشقك ي نور عيوني. آدم وأنا بعشقك ي عسل بمكسرات. بعد ما الكل رجع ليهم وقعدوا بياكلوا. جد ليان: آدم أنا عاوز أطلب منك طلب. آدم: اتفضل ي جدي. جد ليان: في عندكم شقة فاضية في العمارة؟ آدم: أيوه ي جدي دي. جد ليان: طيب أنا هشتريها، وقبل ما تعترض أنا عاوزها لهدف إني بنت ابني تبقى جنبي، وكمان بدل ما إحنا كل ما نيجي نيجي نقعد في شقتك. آدم: بس أنا مش هبيعها، خدها من غير ولا جنيه. جد ليان: يبقى أنا أكني ما طلبتش منك حاجة.

آدم: بس ي جدي مقدرش أبيعلك حاجة، اعتبرها خدتها وهتتفرش ليك من بكرة. جد ليان: لا خلاص، هتبعها هاخدها، مش هتبعها مش هاخد حاجة. آدم: ي جدي مينفعش. جد ليان: لا ينفع، شوف بس أنت هتبيعها بكام. آدم: ي جدي... جد ليان مقاطعًا: والله ي ابني هزعل منك جدًا، ريح قلبي. آدم: ي جدي صدقني مش هينفع آخد منك فلوس. جد ليان: هتوجع قلبي، خلاص مش عاوز منك حاجة، اسكت. أبو ليان: ي آدم أبويا كده هيزعل. آدم: صدقني مش هينفع. جد ليان: لا ينفع.

يزن: خلاص بيعها له بربع التمن. جد ليان: والله ما يحصل، شوف حق الشقة كام وقولي، وهزعل منك لو ما أخدتش مني فلوس، ومش هاجي عندك تاني. يزن بص لآدم. آدم بضيق: أنت كده ي جدي، ضيقتني. جد ليان: موافق على الشرط ولا إيه؟ آدم بضيق: موافق ي جدي، شوية كده نكتب العقد. جد ليان: لا مفيش عقد، أنا واثق فيك. آدم: يبقى مفيش فلوس، ولا إيه؟ في عقد في فلوس، مفيش عقد مفيش فلوس. جد ليان: حاضر ي ابني. بالليل، الكل نايم.

ليان صحيت على وجع، دخلت الحمام وفضلت ترجع. آدم صحي على صوتها، وبص حواليه مش لاقيها، دخل الحمام لقاها بترجع، ووشها أحمر جدًا ودموعها نازلة. آدم جري عليها، مسكها من وسطها ولم شعرها ورا ودنها، وليان بتنهج ودموعها نازلة. آدم خدها على الحوض، غسل ليها وشها ولم شعرها بتوكة. آدم: اتمضمضي. شوية وخرج من الحمام وهو شايلها، ونيمها على السرير، وبيطبطب على ضهرها، وخدها في حضنه. آدم: نامي ي روحي، نامي.

ليان غمضت عيونها بتعب وراحت في النوم. آدم بص في وشها المرهق، وحضنها بأمان شديد، وبيس في خدها براحة. بعد خمس أيام من تعب ليان وبطنها كل شوية بتوجعها وجع رهيب، وتفضل تعيط، ومبترضاش تعيط قدام آدم.

آدم قعد على السرير لابس شورت ومش لابس تيشرت، وماسك اللاب بيشتغل عليه، وليان قاعدة جنبه على السرير، لبسة قميص مريح، وفرده ضهرها على ضهر السرير، وحاطة راسها على كتف آدم، وماسكة كتاب عن الولادة والأطفال وحديث الولادة، وبتقرأ، وحاطة إيدها بتمشيها على بطنها، ومرة واحدة جالها وجع رهيب. ليان بوجع شديد: آدم. آدم بص لها: إيه؟ ليان بعياط: الحقني ي آدم، بطني بتقطع. آدم بخوف: من إيه؟ مالك؟ ليان بعياط: آآآه مش قادرة.

آدم وقف جري على الفون، وبيرن على مازن. مازن: إيه ي آدم؟ آدم بسرعة: مازن انزل بسرعة، شغل العربية. مازن بقلق: في إيه؟ آدم بغضب: بقولك شغل العربية، ليان تعبانة أوي. مازن بقلق: حاضر. آدم رمى الفون، لبس تيشرت، ومسك إسدال ليها وجري عليها يلبسها وهي بتعيط. آدم وهو بيلبسها بسرعة: هششش، أهدي.

وشالها وجري على تحت، لقى كل الرجالة واقفة والشباب بعربيات، لأن مازن كان قاعد معاهم، وعارفهم كلهم، شغلوا عربيتهم علشان يروحوا مع آدم ومازن. مازن فاتح العربية ومشغلها. آدم جري دخل ليان العربية وركب، ومازن جري بعربيته وعربيات الرجالة والشباب وراه. وصلوا عند المستشفى. آدم نزل جري وشال ليان اللي بتعيط بانهيار، ودخل المستشفى جري والكل وراه. آدم بغضب وهو بيزعق في الممرضين: آدم بغضب شديد، هاتوا دكتور ي أغبية.

الدكتورة جت: تعالي، دخلها الأوضة دي، وجرت على أوضة معينة. وآدم جري وراها بليان اللي بتعيط من التعب. آدم دخلها. ليان بعياط: آدم متخرجش، متخرجش. الدكتورة: اتفضل اخرج بره. آدم وقف لحد أول الأوضة، بص لها بحب وخوف وقلق وغضب. الممرضة قفلت الباب في وش آدم. الكل وقف بره قلقان وخايف ومديق. آدم وقف جنب الباب بالظبط بخوف شديد جدًا. بعد شوية. الدكتورة خرجت بسرعة. الكل قرب منها بخوف شديد وقلق. الدكتورة بصت لآدم: حضرتك جوزها؟

آدم بسرعة: أيوه. الدكتورة: لازم دلوقتي حالا تنزل الأطفال، كده هيجيلها تسمم، الطفل ميت في بطنها بقاله تلات أيام. آدم اتصدم والدموع اتملت في عيونه. الكل بص لآدم بضيق وحزن شديد. الدكتورة: ي فندم أنا خرجت استأذنك لأن مراتك جوه عمالة تعيط وتقول محدش يجي جنب ابني. آدم بص للدكتورة بجمود: نزليه. الدكتورة بصت له بحزن شديد: حضرتك هتمضي على الأوراق اللي الممرضة هتجبهالك دلوقتي، على ما نجهز للعملية. الممرضة: اتفضل امضي هنا.

آدم مسك القلم وإيده بتترعش ومضى. مراد: أنا هتخل معاكوا العمليات ي دكتورة، أنا أخوها. الدكتورة: أكيد طبعًا ي دكتور مراد، اتفضل اتعقم. مراد جري في الممر. آدم قعد على الكرسي، حط إيده بين راسه ودموعه نزلت. الكل سكت وقاعدين قلقانين. بعد خمس دقايق. ليان خرجت على سرير، ونايمة وشعرها حواليها وأجهزة متوصلة بجسمها، وشها أزرق ودموعها نازلة، والممرضين ماشيين حواليها، والدكتورة. آدم وقف وبص لليان، ومسك إيدها،

وبص للدكتورة: في خطر على حياتها؟ الدكتورة بتعاطف: متقلقش، مفيش، بس لو اتأخرنا أكتر من كده ممكن نخسرها. آدم هز راسه وسكت، وباس راسها. مراد جي ولابس لبس العمليات: يله. الدكتورة: يله. مراد بص على ليان وحس بكمين حزن رهيبة لدرجة دموعه نزلت، بس راس ليان وزق السرير على أوضة العمليات، والممرضين ماشيين والدكتورة. بعد نص ساعة توتر وخوف وقلق. مراد خرج من أوضة العمليات وبص لآدم: ربنا يعوض عليكوا، كانوا تلات أطفال.

آدم بقلق: المهم هي عاملة إيه؟ مراد: حالتها استقرت الحمد لله، دقيقتين وهتخرج من العمليات، هروح أغير وأجي، ومشي بحزن. آدم قعد واتنفس بارتياح إنها كويسة، ورجع راسه على الحيطة. ليان خرجت من العمليات والدكتورة والممرضين معاها ورايحين على أوضة، والكل وراهم وآدم معاهم. الدكتورة: الممرضين شالوها براحة علشان الجرح. آدم: لا أوعى محدش ييجي جنبها، أنا هشيلها. الدكتورة: طيب، خلي بالك علشان الجرح.

آدم شال ليان براحة ونيمها على سرير المستشفى وغطاها. الدكتورة: علقت لها محاليل. الدكتورة بصت لآدم: نص ساعة وهتفوق، وممكن تخرف من البنج. آدم: ماشي. الدكتورة بصت للممرضة: أول ما تفوق أديني. الممرضة: حاضر. الدكتورة خرجت. آدم قعد على الكرسي اللي جنب السرير، والكل قعد ساكت. مراد دخل قعد ساكت. بعد عشر دقايق. ليان بهلوسة وبتعيط ودموعها نازلة. ليان: آآه بطني وجعاني، آآه، وبتحاول تحط إيدها على بطنها.

آدم مسك إيدها علشان متجبهاش جنب الجرح. ليان بدأت تعيط: بطني وجعاني ي آدم. آدم بص لها: إيه ي حبيبتي؟ ليان بخ -رف -ة: بطني وجعاني، وبدأت تعيط تاني. آدم ميل عليها وحضنها: هششش، بطلي عياط. ليان لفت إيدها حواليه وحضنته وبطلت عياط. آدم باس راسها وحاول يبعد عن ليان، لقها لفة إيدها حوالين رقبته. ليان بهلوسة: آدم. آدم وهو مايل عليها حضنها: اممم. ليان: بحبك. آدم بابتسامة: وأنا كمان بحبك.

ليان بدأت تعيط تاني: بطني وجعاني، آآه، بطني. بعد شوية من عياط ليان وآدم بيهدي فيها، بدأت تفوق. آدم بعد عنها. ليان مسكت راسها: آآه، دماغي. أنا فين؟ وبصت حواليها بتوهان، ورامت راسها تاني على المخدة وغمضت عيونها. مراد: بدأت تفوق. وقام قفل المحاليل. ليان بدموع بصت حواليها بتوهان: دماغي وجعاني. مراد: ليان، انتي سامعاني؟ ليان بصت له وهزت راسها: أيوه. ورمت دمعها تاني على المخدة وغمضت عيونها.

جد ليان: ليان ي بنتي، انتي سامعاني؟ ليان بصت له وهزت راسها: أيوه. وحطت إيدها على بطنها بوجع: ابني كويس؟ الكل سكت. ليان بصت لآدم اللي ساكت. ليان بخوف: ابني في إيه؟ محدش رد. ليان بعصبية وصوت عالي: ردوا عليه، ابني في إيه؟ آآه، بطني. آدم جري عليها: أهدي طيب، أهدي. ليان بعياط: ابني حصله إيه؟ آدم نزل. ليان رمت دماغها على المخدة وبتعيط. مراد بقلق: ليان حبيبتي مينفعش تعيطي، أهدي. ليان راحت في النوم. آدم قعد مديق جدًا وحزين.

بعد شوية. ليان فتحت عيونها وبصت ليهم بتوهان وانفجرت في العياط. ليان: مين نزل ابني؟ مين؟ آدم بص لها وسكت. ليان بعياط: انت مضيت على إنهم ينزلوه، صح؟ انت عملت كده. مراد: أهدي ي ليان، هو كان لازم يمضي. ليان انفجرت في العياط. جي آدم يقرب منها. ليان بتضربه بضعف في صدره، وآدم مردش يتكلم، هو بصص لها بحزن، الحالة اللي وصلت ليها بسببه. ليان بعياط: انت اللي موت ابني، أنا بكرهك. موت ابني، اخرج بره، مش عاوزة أشوفك، اخرج برررره.

آدم بص لها وسكت. ليان بعياط: أنا كنت بتمنه، كنت كل يوم أدعي إنه ييجي بسلامة، انت اللي نزلت ابني، بكرهك، ابعد عني، ابعد عني، طلقني، مش عاوزة أشوفك، اخرج برررره، ابعد عني. مراد: ليان، أهدي كده هتتعبي أكتر. ليان بانهيار وزعيق: ابعدوا عنيييي، أخرجوا كلكم بره، ابعدوا عني، أنا بكرهكم برررره. الدكتورة والممرضين دخلوا جري. الدكتورة: أهدي طيب، أهدي.

ليان: آآه، بطني، أخرجوا بره، أخرج بره، مش عاوزة أشوفك تاني، اخرجججج، أميييي السبب، أنا بكرهه وعمري ما هسمحها. الدكتورة: أهدي طيب. وبتمسح دموعها. ليان بعياط: اخرج ابنييييي، آآه. الدكتورة حضنتها ودموعها نزلت: أهدي طيب، وبطبطب عليها. ليان بعياط: ابني، ابني راح، آآه، قلبي، ابني ماتتت. الدكتورة بدموع وشفقة: بطبطب عليها: أهدي، أهدي، هما في الجنة ي حبيبتي، أهدي، ربنا بيحبهم، والله، أهدي.

ليان بعياط: لا، آدم موتلي ولادي، ماتلي ولاديي راحححو من إيدي، آآه، أمي السبب، أنا عمري ما هسمحها ولا هسمحه. الدكتورة بعياط: أهدي، طيب، أهدي. الكل خرج واقفين قصد الباب، وآدم مش طايق يشوف حد، قعد على الكرسي ورجع راسه على الحيطة. الرجالة قاعدين على الكراسي اللي قصد الأوضة، وبصوا لآدم اللي دموعه نزلت ومسحها بسرعة. بعد شوية. الدكتورة خرجت. الدكتورة: المدام عاوزة تمشي من هنا، وبتقول أدخلها أخوها الكبير. جلال: ماشي.

ودخل الأوضة وقفل الباب. الدكتورة بصت لآدم: متزعلش منها، هي بس عندها انهيار عصبي، هي مش عارفة هي بتقول إيه، إن شاء الله ربنا يعوض عليكوا. أنا هبعت الأدوية مع الممرضة، وهي تقدر تخرج. ومشت. جلال خرج بص لآدم: عاوزة تمشي. جد ليان: طيب، يله نمشي. جلال: بس هي مش عاوزة تروح عند آدم، وبص لآدم: هي عاوزة تروح معايا، وطلبت الطلاق. آدم بص له بصدمة. الكل بص لبعض بصدمة شديدة. جلال بص لآدم: آدم.

آدم بهدوء: وأنا موافق، شوفها عاوزة تطلق أمته.