رواية انتقامي و حبك الفصل السادس والعشرون 26 - بقلم رحمه تاج

ليان بعشقك ي نور عيوني. ادم وأنا بعشقك ي عسل بمكسرات. بعد ما الكل رجع ليهم وقعدوا بياكلوا. جد ليان: ادم أنا عاوز أطلب منك طلب. ادم: اتفضل ي جدي. جد ليان: في عندكم شقة فاضية في العمارة؟ ادم: أيوه ي جدي دي. جد ليان: طيب أنا هشتريها،وقبل ما تعترض أنا عاوزها لهدف إني بنت ابني تبقى جنبي، وكمان بدل ما إحنا كل ما نيجي نيجي نقعد في شقتك. ادم: بس أنا مش هبيعها، خدها من غير ولا جنيه. جد ليان: يبقى أنا ولا كأني طلبت منك حاجة.

ادم: بس ي جدي مقدرش أبيعلك حاجة، وكأنك اشتريتها وهتتفرش ليك من أول بكرة. جد ليان: لا خلاص هبيعها، هاخدها، مش هبيعها مش هاخد حاجة. ادم: ي جدي مينفعش. جد ليان: لا ينفع، شوف بس أنت هتبيعها بكام. ادم: ي جدي... جد ليان بمقاطعته: والله ي بني هزعل منك جدا، ريح قلبي. ادم: ي جدي صدقني مش هينفع آخد منك فلوس. جد ليان: هتوجع قلبي، خلاص مش عاوز منك حاجة، اسكت. أبو ليان: ي ادم أبويا كده هيزعل. ادم: صدقني مش هينفع.

جد ليان: لا ينفع. يزن: خلاص بيعها ليه بربع التمن. جد ليان: والله ما يحصل، شوف حق الشقة كام وقولي، وهزعل منك لو ماخدتش مني فلوس ومش هاجي عندك تاني. يزن بص لادم. ادم بديق: أنت كده ي جدي، ديقتني. جد ليان: موافق على الشرط ولا إيه؟ ادم بديق: موافق ي جدي، شوية كده نكتب العقد. جد ليان: لا مفيش عقد، أنا واثق فيك. ادم: يبقى مفيش فلوس ولا إيه، في عقد يبقى في فلوس، مفيش عقد مفيش فلوس. جد ليان: حاضر ي ابني. بالليل والكل نايم.

ليان صحيت على وجع، دخلت الحمام وفضلت ترجع. ادم صحي على صوتها، وبص حوليه مش موجودة، دخل الحمام لقاها بترجع، وشها أحمر جدا ودموعها نازلة. ادم جري عليها، مسكها من وسطها ولم شعرها ورا ودنها، وليان بتنهج ودموعها نازلة. ادم خدها على الحوض، غسل ليها وشها ولم شعرها بتوكة. ادم: اتمضمضي. شوية وخرج من الحمام وهو شايلها، ونيمها على السرير وبيطبطب على ضهرها، وخدها في حضنه. ادم: نامي ي روحي نامي.

ليان غمضت عيونها بتعب وروحت في النوم. ادم بص في وشها المرهق، وحضنها بأمان شديد، وبيس في خدها براحة. بعد خمس أيام من تعب ليان وبطنها كل شوية بتوجعها وجع رهيب، وتفضل تعيط، ومبتردش تعيط قدام ادم.

ادم قعد على السرير لابس شورت ومش لابس تيشرت وماسك اللابتوب بيشتغل عليه، وليان قاعدة جنبه على السرير، لابسة قميص مريح وفرادة ضهرها على ضهر السرير، وحاطة راسها على كتف ادم، وماسكة كتاب عن الولادة والأطفال وحديث الولادة وبتقرأ، وحاطة إيدها بتمشيها على بطنها، ومرة واحدة جالها وجع رهيب. ليان بوجع شديد: ادم. ادم بص لها: إيه؟ ليان بعيط: الحقني ي ادم، بطني بتقطع. ادم بخوف: من إيه مالك؟ ليان بعيط: آهه مش قادرة.

ادم وقف جري على الفون، وبيرن على مازن. مازن: إيه ي ادم؟ ادم بسرعة: مازن انزل بسرعة شغل العربية. مازن بقلق: في إيه؟ ادم بغضب: بقولك شغل العربية، ليان تعبانة أوي. مازن بقلق: حاضر. ادم رمى الفون، لبس تيشرت ومسك إسدال ليها وجري عليها يلبسها وهي بتعيط.

ادم وهو بيلبسها بسرعة: هششش، أهدي، وشالها وجري على تحت، لقى كل الرجالة واقفة والشباب بعربياتهم، لإن مازن كان قاعد معاهم وعرفهم، كلهم شغلوا عربيتهم علشان يروحوا مع ادم ومازن، فاتح العربية ومشغلها. ادم جري دخل ليان العربية وركب، ومازن جري بعربيته وعربيات الرجالة والشباب وراهم، وصلوا قصد المستشفى، ادم نزل جري وشال ليان اللي بتعيط بانهيار، ودخل المستشفى جري والكل وراه. ادم بغضب وهو بيزعق في الممرضين:

ادم بغضب شديد: هاتوا دكتور ي أغبية. الدكتورة جت: تعالى، دخلها الأوضة دي، وجريت على أوضة معينة. وادم جري وراها بليان اللي بتعيط من التعب. ادم دخلها. ليان بعيط: ادم متخرجش، متخرجش. الدكتورة: اتفضل اخرج بره. ادم وقف لأول الأوضة، بص لها بحب وخوف وقلق وغضب. الممرضة قفلت الباب في وش ادم. الكل وقف بره قلقان وخايف ومديق. ادم وقف جنب الباب بالظبط بخوف شديد جدا. بعد شوية. الدكتورة خرجت بسرعة، الكل قرب منها بخوف شديد وقلق.

الدكتورة بصت لادم: حضرتك جوزها؟ ادم بسرعة: أيوه. الدكتورة: لازم دلوقتي حالا ننزل الأطفال، كده هيجيلها تسمم، الطفل ميت في بطنها بقاله تلات أيام. ادم اتصدم والدموع اتملت في عيونه. الكل بص لادم بديق وحزن شديد. الدكتورة: ي فندم، أنا خرجت، استاذنك لأن مراتك جوه عمالة تعيط وتقول محدش يجي جنب ابني. ادم بص للدكتورة بجمود: نزليه.

الدكتورة بصت له بحزن شديد: حضرتك هتمضي على الأوراق اللي الممرضة هتجبهالك دلوقتي، على ما نجهز للعملية. الممرضة: اتفضل امضي هنا. ادم مسك القلم وهي إيده بتترعش، ومضى. مراد: أنا هتخل معاكوا العمليات ي دكتورة، أنا أخوها. الدكتورة: أكيد طبعاً ي دكتور مراد، اتفضل اتعقم. مراد جري في الممر. ادم قعد على الكرسي، حط إيده بين رأسه ودموعه نزلت. الكل سكت وقاعدين قلقانين.

بعد خمس دقايق ليان خرجت على سرير وهي نايمة وشعرها حواليها وأجهزة متوصلة بجسمها، وشها أزرق ودموعها نازلة، والممرضين ماشيين حولياها والدكتورة. ادم وقف وبص لليان ومسك إيدها، وبص للدكتورة: في خطر على حياتها؟ الدكتورة بتعطف: متقلقش، مفيش، بس لو اتأخرنا أكتر من كده ممكن نخسرها. ادم هز رأسه وسكت، وباس راسها. مراد جي ولابس لبس العمليات: يله. الدكتورة: يله.

مراد بص على ليان وحس بكمية حزن رهيبة لدرجة دموعه نزلت، بس راس ليان وزق السرير على أوضة العمليات، والممرضين ماشيين والدكتورة. بعد نص ساعة توتر وخوف وقلق. مراد خرج من أوضة العمليات وبص لادم: ربنا يعوض عليكوا، كانوا تلات أطفال. ادم بقلق: المهم هي عاملة إيه؟ مراد: حالتها استقرت الحمد لله، دقيقتين وهتخرج من العمليات، هروح أغير وأجي، ومشي بحزن. ادم قعد واتنفس بارتياح إنها كويسة، ورجع رأسه على الحيطة.

ليان خرجت من العمليات والدكتورة والممرضين معاها ورايحين على أوضة، والكل وراهم وادم معاهم. الدكتورة: الممرضين شالوها براحة علشان الجرح. ادم: لا أوعى محدش يجي جنبها، أنا هشيلها. الدكتورة: طيب خلي بالك علشان الجرح. ادم شال ليان براحة ونيمها على سرير المستشفى وغطاها. الدكتورة: علقت لها محاليل. الدكتورة بصت لادم: نص ساعة كتير وهتفوق، وممكن تخرف من البنج. ادم: ماشي. الدكتورة بصت للممرضة: أول ما تفوق أديني. الممرضة: حاضر.

الدكتورة خرجت. ادم قعد على الكرسي اللي جنب السرير، والكل قعد ساكت. مراد دخل قعد ساكت. بعد عشر دقايق. ليان بهلوسة وبتعيط ودموعها نازلة. ليان: آه بطني وجعاني، آهه، وبتحاول تحط إيدها على بطنها. ادم مسك إيدها علشان متجبهاش جنب الجرح. ليان بدأت تعيط: بطني وجعاني ي ادم. ادم بص لها: إيه ي حبيبتي؟ ليان بخرف: بطني وجعاني، وبدأت تعيط تاني. ادم ميل عليها حضنها: هششش، بطلي عياط. ليان لفت إيدها حوليه وحضنته وبطلت عياط.

ادم باس راسها وحاول يبعد عن ليان، لقاها لافة إيدها حوالين رقبته. ليان بهلوسة: ادم. ادم وهو مايل عليها حضنها: اممم. ليان: بحبك. ادم بابتسامة: وأنا كمان بحبك. ليان بدأت تعيط تاني: بطني وجعاني، آهه، بطني. بعد شوية من عياط ليان وادم بيهدي فيها، بدأت تفوق. ادم بعد عنها. ليان مسكت راسها: آهه، دماغي، أنا فين؟ وبصت حواليها بتوهان، ورامت راسها تاني على المخدة وغمضت عيونها. مراد: بدأت تفوق، ووقف قفل المحاليل. ليان

بدموع بصت حواليها بتوهان: دماغي وجعاني. مراد: ليان، انتي سمعاني؟ ليان بصت له وهزت راسها: آه، ورمت دمعها تاني على المخدة وغمضت عيونها. جد ليان: ليان ي بنتي، انتي سمعاني؟ ليان بصت له وهزت راسها: آه، وحطت إيدها على بطنها بوجع: ابني كويس؟ الكل سكت. ليان بصت لادم اللي ساكت. ليان بخوف: ابني في إيه؟ محدش رد. ليان بعصبية وصوت عالي: ردوا عليه، ابني في إيه؟ آهه، بطني. ادم جري عليها: أهدي طيب، أهدي. ليان بعيط: ابني حصله إيه؟

ادم نزل. ليان رمت دماغها على المخدة وبتعيط. مراد بقلق: ليان حبيبتي، مينفعش تعيطي، أهدي. ليان روحت في النوم. ادم قعد مديق جداً وحزين. بعد شوية ليان فتحت عيونها وبصت ليهم بتوهان وانفجرت في العياط: مين نزل ابني، مين؟ ادم بص لها وسكت. ليان بعيط: أنت مضيت على إنهم ينزلوه صح؟ أنت عملت كده؟ مراد: أهدي ي ليان، هو كان لازم يمضي. ليان انفجرت في العياط. جاي ادم يقرب منها.

ليان بتضربه بضعف في صدره، وادم ماردش يتكلم، هو بصص لها بحزن، الحالة اللي وصلت ليها بسببه. ليان بعيط: أنت اللي موت ابني، أنا بكرهك، موت ابني، أخرج بره، مش عاوزة أشوفك، أخرج بره. ادم بص لها وسكت. ليان بعيط: أنا كنت بتمنه، كانت كل يوم بدعي إنه يجي بسلامة، أنت اللي نزلت ابني، بكرهك، ابعد عني، ابعد عني، طلقني، مش عاوزة أشوفك، أخرج بره، ابعد عني. مراد: ليان، أهدي كده هتتعبي أكتر.

ليان بانهيار وزعيق: ابعدوا عني، أخرجوا كلكم بره، ابعدوا عني، أنا بكرهكم، بره. الدكتورة والممرضين دخلوه جري. الدكتورة: أهدي طيب، أهدي. ليان: آهه، بطني، أخرجوا بره، مش عاوزة أشوفك، أخرجججج، أمي السبب، أنا بكرهها وعمري مهسمحها. الدكتورة: أهدي طيب. ليان بعيط: خرجيه بره، مش عاوزة أشوفه. الدكتورة: طيب أهدي، طيب أهدي، وبتمسح دموعها. ليان بعيط: أخرج ابنييييي، آهههه. الدكتورة حضنتها ودموعها نزلت: أهدي طيب، وبطبطب عليها.

ليان بعيط: ابني، ابني راح، آههه، قلبي، ابني ماتت. الدكتورة بدموع وشفقة: بطبطب عليها: أهدي، أهدي، هم في الجنة ي حبيبتي، أهدي، ربنا بيحبهم والله، أهدي. ليان بعيط: لا، ادم موتلي ولادي، ماتلي ولادي، راحوا من إيدي، آههه، أمي السبب، أنا عمري مهسمحها ولا هسمحه. الدكتورة بعيط: أهدي طيب، أهدي. الكل خرج واقفين قصد الباب، وادم مش طايق يشوف حد، قعد على الكرسي ورجع رأسه على الحيطة.

الرجالة قاعدين على الكراسي اللي قصد الأوضة، وبصوا لادم اللي دموعه نزلت ومسحها بسرعة. بعد شوية الدكتورة خرجت. الدكتورة: المدام عاوزة تمشي من هنا، وبتقول ادخلها أخوها الكبير. جلال: ماشي، ودخل الأوضة وقفل الباب. الدكتورة بصت لادم: متزعلش منها، هي بس عندها انهيار عصبي، هي مش عارفة هي بتقول إيه، إن شاء الله ربنا يعوض عليكوا، أنا هبعت الأدوية مع الممرضة، وهي تقدر تخرج، ومشيت. جلال خرج بص لادم: عاوزة تمشي.

جد ليان: طيب يلا تمشي. جلال: بس هي مش عاوزة تروح عند ادم، وبص لادم: هي عاوزة تروح معايا، وطلبة الطلاق. ادم بص له بصدمة. الكل بص لبعض بصدمة شديدة. جلال بص لادم: ادم. ادم بهدوء: وأنا موافق، شوفها عاوزة تطلق إمتى.