رواية انتقامي و حبك الفصل العاشر 10 - بقلم رحمه تاج

خليها قاعدة معانا يا خالتي. أيوة، سيبها. هتقعدي؟ أيوة. طيب بس متتأخريش عشان الأدوية. حاضر. وخدي بالك، الكلنة في رجلك، احسبي تتحركي، لسه فيه محاليل كتير. خلاص يا ماما، حاضر. (أم تسنيم مشيت) نيجي نكلم ليان؟ مش هترد. نرن عليها مين دلوقتي يا حلوة انتي وهي؟ بجد يا خالتي أنا حلوة؟ لا، بجملك. (الكل ضحك) استنوا أنا أرن. (وخرجت فونها وترن عليها وفتحت السبيكر) الو. ده في شهر عسل ونايمة؟

أنا زعلانة منك كده، أفضل أدور عليكي في الفرح وملقكيش. لا يا بنتي، أنا كنت موجودة. بجد؟ مشفتكيش. أيوة طبعاً، يعني أعرف إن فرحك ومجيش تبقى عيبة في حقي. فرحتيني والله إنك كنتي موجودة. أمال فين العيال؟ خنق.ني في عيشتي. أيوة، هما كانوا خان.قني كده. (اسراء) سمعينك على فكرة. عيب يا تسنيم اللي انتي بتقوليه ده، دول الخير والبركة. أيوة، انتي هتقوليلي؟ (تشاور على اسراء) ادي الخير، (وتشاور على روان) وادي البركة.

أيوة يا حبيبتي، أنا بركتها. يا بركة بركتك يا ستنا. اقعدي يا حيوانة، انتي مش فاهمة حاجة. لا بجد، أنا مبسوطة، مش طالبة خناق انتي وهي. فين أخويا بقى؟ أخوكي نايم أهو جنبي، ملاك نايم يا أخواتي. ملاك. نازلين في فندق؟ فندق إيه، إحنا على جزيرة، بس بقول لكم أي حاجة خيال، حاجة حلوة قوي، البحر قصدنا بالظبط، تخرجي من الفيلا تلاقي البحر، تبصي حوليكي مفيش مخلوق حرفياً، بس المكان تحفة وعجبني قوي، ده غير إني في ملاهي هنا.

تعيشوا وتتهنوا، بس أنا هموت وأسأل سؤال، إيه اللي منيم أخويا؟ عملتي إيه في أخويا؟ (ليان انفجرت في الضحك) (تسنيم انفجرت في الضحك وحطت إيدها على وشها، وروان أدتهم ضهرها وبتضحك) (اسراء باستفهام) إيه يا حيوانات انتي وهي؟ بتضحكوا على إيه؟ (أم جلال مشيت بتضحك) (أم روان) وقفت، لماتجوزي يا أختي هتعرفي. هعرف إيه؟ ها، قوليلي هعرف إيه. لا كده عيب. إيه يا حيوانة اللي عيب؟

أنا قصدي يعني إن اليوم كان متعب أصلاً، وأكيد انتوا رحتوا لعبتوا في الملاهي. أمال فين أستاذة روان؟ إيه؟ آدم! خضتيني، صحيتي إمتى؟ (وهو بيحضنها) وحشتيني. بتكلمي مين؟ مش قولت أقفل الفون صح؟ دي اسراء وروان. لا كده كتير بصراحة، هنا وهناك، إحنا في شهر عسل. آدم، عيب كده، دول أخواتي. مهما كانوا أخواتي، أنا كمان، بس يحسوا يعني إن إحنا مش فاضيين، وعندنا مهمة خاصة. (ليان باستفهام) مهمة خاصة؟ دي أكتر حاجة مهمة في شهر العسل.

(والفون قفل) (اسراء باستفهام واستغراب) هم قفلوه ليه؟ أنا عايزة أعرف إيه المهمة الخاصة دي. (روان باستغراب) أيوة، أنا كمان عندي فضول. (تسنيم بعلامات تعجب) أكيد شغالين قوات خاصة، بس إزاي وهم في شهر عسل؟ (أم روان) سبحان الله، ثلاثة أغ.رب من بعض. (تسنيم) أيوة، أنا فهمت خلاص، عندهم مهمة استكشافية في الجزيرة. (روان) المهم دلوقتي، أنا عندي امتحان بكرة. (اسراء بضحك) وأنا كمان. (ياسمين) أيوة صحيح، أنا عندي بكرة امتحان. (روان)

وانتي يا تسنيم؟ (تسنيم) كان عندي اختبار النهاردة في الشركة، بس كنت تعبانة، مقدرتش أروح. (أم روان) لغاية دلوقتي بتصممي ولا عرض أزياء؟ (تسنيم) لا بصمم، بس ولا قادرة أمسك قلم ولا ليا نفس أرسم. (أم روان) فضلت أقولك لا، مش كويس، وانتي فضلت تقولي أنا بحبه، وأعمل أي حاجة. (اسراء) خالتي خلاص. (تسنيم سكتت وبصت في الأرض) (روان) خلاص يعني يا ماما، هو مكنش لسه اتجوزها، ده كان يوم فرحهم. (أم روان) أه يا أختي، يوم فرحهم.

(قبل الفرح بتلات ساعات) (تسنيم بصت لهم بدموع وقطعت كلامها) لا بيك.سر، بس محدش حس الإحساس اللي أنا حسيته. (اسراء حضنت تسنيم) (تسنيم بتسمح دموعها وسكتت) (روان) نكدتوا انتي وهي، سبحان الله. (تسنيم وقفت وبعدت عن اسراء) أنا هروح أنام. هتنامي دلوقتي؟ أيوة، عايزة أنام. تعالي باتي معايا. يا شيخة لا طبعاً، موصلتش إني أبأت بعيد عن حضن أمي، حبيبتي، روح قلبي. إيه الحنية اللي نزلت عليكي دي.

تعبت اليومين اللي فاتوا لما كانت في المستشفى، ومش حابة إنها تقعد لوحدها. حوشي الحنية يا بت. أوعي بقى، عايزة أمشي أنام. طيب اقعدي شوية. لا، ماليش نفس، يله سلام. (وجت تمشي) (اسراء) أه، رقبتك زرقة ليه؟ (تسنيم حطت إيدها على رقبتها) ده مكان كلنة. طيب اقعدي معانا. (تسنيم بحزن وابتسامة) لا، معلش، عايزة أنام. (وبدأت تمشي وسرحانة) (روان بعد ما مشيت تسنيم) (روان بصت لأمها) لازم يعني تفكيرها؟

أنا مش عارفة بصراحة، هي مش عايزة حد يعرف هي سابت خطيبها ليه. (أم روان) أنا اتكلمت يا بنتي، أنا والله زعلانة عشانها. (روان بصالها بعصبية) (تسنيم وهي ماشية زعلانة ودخلت أوضتها وقفتلت على نفسها) (أم تسنيم من بره) تسنيم. نعم يا ماما. مش هتاكلي؟ لا، ماليش نفس. طيب افتحي. (تسنيم بحزن عميق) سبيني يا ماما، أنا كويسة. طيب يا حبيبتي. (تسنيم بصت للسقف ونامت وعيونها مفتوحة ودموعها نازلة) (فلاش باك) (تسنيم بفرحة)

الله، الفستان جميل أوي. (أم تسنيم بابتسامة) ربنا يفرح قلبك يا نور عيوني. (تسنيم) يارب يا ماما. يلهوي! أنا نسيت الجزمة في الشقة. (أم تسنيم) طيب هروح أجيبها. (تسنيم) لا، خليكي، هي دقيقتين، مش هتأخر، هاجي على طول. (ولبست الفستان و نزلت تجري على السلم وكانت فرحانة أوي) (ووصلت الشقة وطلعت وفتحت الباب وسمعت صوت جوه) (استغربت وقفت الباب بفرحة وقربت من أوضة النوم المفتوحة) (لقت خطيبها نايم في حضن واحدة تانية)

(تسنيم بصدمة دموعها نزلت وحطت إيدها على بقها وقعدت جنب الأوضة بضعف شديد وقلبها اللي اتكسر) (وهي سامعة صوتهم بيضحكوا) (بقت تبص للشقة بكسرة وقهر) (وقفت دخلت عليهم الأوضة وبصت لهم وهم الاتنين اتخضوا) (تسنيم بدموع) أنا بكره.ك. استني يا تسنيم، انتي فاهمة غلط. (تسنيم قلعت الخاتم بتاعها ورمته في الأرض) فاهم غلط إيه؟ انت عبي.ط؟ (وخرجت من الشقة بتعيط وبقت تجري في الشارع لغاية ما وصلت شقة أمها)

(ودخلت وأهلها كلهم واقفين بيهزروا) (أبو تسنيم بفرحة) حبيبتي، انتي لسه ملبستيش؟ (تسنيم بدموع وقهر) أنا لغيت الفرح وسبته أصلاً. (أم تسنيم) ينهار أسود. (تسنيم دموعها نزلت ودخلت أوضتها وقفتلت على نفسها) (وفعلاً سيبته) (باك) (تسنيم بقت دموعها نازلة) (تسنيم) هو ده الحب؟ أنا مش عايزة أجربه تاني. أنا ليه متحبتش زي البنات اللي بشوفهم؟ ليه تعمل كده وتكسرني؟ ليه توجع قلبي كده؟

أنا محبتش قدرك ده، أنا وقفت في وش أهلي عشانك، ده أنا بكرهت أخويا بسبب إنه مكنش موفق عليك، ده أنا كنت مستعدة أخسر كل العالم عشان بس تبقى مبسوط. (غمضت عيونها وفضلت تعيط بانهيار وروحت في النوم) (عند ليان وآدم بيعوموا في البحر ومفيش أي حد حوليهم) (ليان بخوف وهي ماسكة فيه جامد) آدم، أنا خايفة جداً. (آدم) هششش، متخفيش، أنا معاكي. (ليان) طيب طيب، يله نخرج، بقالنا كتير. (آدم) كتير إيه؟ إيه يا ليان؟

إحنا مكملناش دقيقة. وبعدين إيه القمر ده؟ (وبيقرب منها) (ليان) ههههه، يا شيخ. (آدم) أه وحياة ربنا قمر وبس. (وخدها وعسل وباس خدها التاني وفراولة وبس شفايفها) (بعد أسبوعين، اليوم اللي ليان وآدم هيرجعوا فيه عشان بعد يومين فرح مازن وروان) (الكل كان قاعد في الشقة) (مازن) هنعمل لهم مفاجأة. (أيوة) (روان بحماس) أنا متحمسة قوي. (شهاب وهو باصص من الشباك) يله بسرعة، دول جم. (الكل قفل نور الشقة ومستخبيين)

(آدم وليان داخلين من باب الشقة وآدم عمال يبوس خدها وبيحضنها) (ليان) إففف، أوعى بقى، أنا عايزة أشوف بابا، إيه جبنا الشقة؟ (آدم) هو إيه اللي تشوفي أبوكي؟ أنا خطفتك يعني، متديش بوسة. (ليان) ههههه، لا. (الكل طلع وبصوت واحد) مفاجأة! ههههه. (ليان بصتلهم بفرحة وسعادة وآدم ابتسم عليهم) (بعد شوية والكل قعد) (الباب خبط) (شهاب راح فتح) (لقاها تسنيم وماسكة شنطة وشنطة كبيرة قوي سودا) (شهاب) اتفضل، وادخل. (وتسنيم وراها) (ليان)

آدم! أستاذة تسنيم بنفسها عندنا. (تسنيم) عاملة إيه؟ (وحطيت الشنط على كرسي) (ليان حضنتها وتسنيم حضنتها) (تسنيم) قاعدة جنب روان. (تسنيم) عاملة إيه يا بت يا روان؟ (روان) بت إيه قلة الأدب دي؟ اسمي هانم. (اسراء بسخرية) هانم، الله يرحم. (ياسمين) عاملة تضحك. (روان) مهدي يا حمار! وزقّت ياسمين في درعها. (ياسمين) الله، أنا اتكلمت يا بت. (روان) بت يا هطلة، في واحدة تكلم حد أكبر منها كده؟ (اسراء) أيوة يا حبيبتي، تكلمك زي ما.

(تسنيم) بسسس. (أم جلال) مكنتيش بتيجي ليه يا تسنيم؟ (تسنيم) كان عندي اختبار وخلصت النهارده. (روان) عملتي إيه؟ (تسنيم) مفاجأة. (وخرجت درس شكله شيك قوي لونه أسود في دهبي) (وبصت لاسراء) امسكي. (اسراء مسكت الدرس) الله، انتي اللي عملتيه؟ (تسنيم) اممم. (وخرجت درس لونه جملي وجميل قوي) (وبصت لليان) امسكي. (وادتهولها) (ليان فتحته ببهار) الله، ده جميل قوي. (تسنيم) طيب كويس إنه عجبك. (وبصت لياسمين) عملتلك فستان تحفة.

(وخرجت فستان سوري دهبي) (ياسمين) وقفت ببهار، الله، ده اللون اللي عجبني، الله، ده جميل قوي. (روان) إيه؟ وأنا؟ (تسنيم) عملتلك حاجة تحفة، هتنفعك الأيام الجاية. (روان بحماس) وقفت، هاتي أشوف. (تسنيم) غمضي عيونك. (روان غمضت عيونها ومدت إيدها) (تسنيم خرجت مريلة بتاعة مطبخ وحطيتها في إيدها) (روان فتحت عيونها وبصت ليها بصدمة) (الكل انفجر في الضحك) (روان فضلت تضحك) (اسراء) ههههه، لا، حلوة، لا. (تسنيم) يارب تيجي على مقاسك.

(روان) انتو رخيمين والله. (تسنيم) خرجت جرب فستان زفاف من شنطة كانت ماسكها وفتحت الجراب وخرجت فستان فرح تحفة. (روان ببهار) رحت على الفستان، الله، ده حلو قوي. (تسنيم بابتسامة) طيب كويس إنه عجبك، ده أنا قعدت أسبوعين عقبال ما خلصته. (اسراء) الله. (ومسكت الفستان) ده حلو قوي. (روان مسكته بفرحة) ده تحفة، مش حلو بس، ده أحلى هدية جتلي في حياتي. (وحضنت تسنيم بفرحة) (تسنيم حضنتها بابتسامة وطبطبت عليها) (ليان ببهار)

انتي اللي عملتيه؟ (تسنيم) اممم. (ليان) ده جميل قوي، لا شطرة. (ياسمين بتتفرج على فستان روان بفرحة هي كمان) (مازن كان باصص لروان بابتسامة سعيدة) (أم جلال طبطبت على ضهر تسنيم اللي واقفة بصه لصاحبها وهم بيتفرجوا على الفستان) (تسنيم بصت ليها) (أم جلال) ربنا يفرح قلبك، دي مفرحتيها يا حبيبتي. (تسنيم ابتسمت وسكتت) (بعد يومين كان فرح مازن والكل بيحضر نفسه) (وروان كانت جميلة جداً وفرحانة ومازن كان مبتسم طول الوقت)

(وهم بيرقصوا سلو مازن كان باصص ليها وروان مبتسمة) (روان) بتبصلي كده ليه؟ (مازن) مفيش، بس انتي قمر النهارده. (روان) أنا حلوة على طول. (مازن بضحك) أيوة يا وثقة انتي من نفسك. (وبس خدها وحضنها وروان لفت إيدها عليه) (والكل كان فرحان) (وتسنيم واقفة بعيد وبصت لهم بابتسامة) (مراد وقف جنبها وبصلها) أدور ده عليكي انتي. (تسنيم من غير ما تبص له) انت عبيط ولا وانت صغير حد ضربك على نفوخك؟ (مراد بعصبية) هتشوفي.

(وراح وقف جنب الشباب) (الكل بيرقص ومبسوط) (بعد ساعتين) (في شقة مازن وروان) (روان واقفة فوق السرير وماسكة ستور) (مازن وهو واقف على الأرض) (مازن) ههههه، انزلي خلاص، مش هاجي جنبك يا مجنونة. (روان) لا، انت كداب، انت عايز تغ.تصبني. (مازن) أيوة، مش مراتي. (روان بصويت) يلهوييييي. (مازن شدها بسرعة وشد الستور من إيدها) (وبص ليها) (مازن) هششش، فض.حتينا في العمارة، الناس وإخواتي. (تقول إيه؟ (روان)

يقولوا إنك قليل الأدب ومش محترم، وإنك مت.حرش كمان. (مازن) انتي لسه شوفتي حاجة. (بعد شهر) (ليان فاقت بليل على مغص جامد) (وقفت لقت نزل عليها دم كتير جداً) (ليان برعب) آدممممم. (آدم صحي بخضة) في إيه؟ مالك؟ (ليان) الحقني بسرعة. (آدم وقف وراح عليها واتصدم من كمية الدم) (آدم برعب) ينهار أسود. (وراح على إسدال البيت ولبسها بسرعة ولبس تيشيرت على الشروال وشالها ونزل جري على العربية) (ليان بتعيط من وجع بطنها)

(بعد شوية وصلوا للمستشفى) (بعد شوية) (أهل ليان، الرجالة، وأهل آدم عرفوا إنهم في المستشفى) (لأن آدم كلم يزن قال له، ويزن كلمهم وراحوا لآدم) (ووقفين ساكتين) (الدكتور خرج) (آدم بسرعة) إيه يا دكتور؟ (الدكتور) ربنا يعوض عليكم يا أستاذ آدم، المدام سقطت. (الكل اتصدم) (آدم بصدمة) هي كانت حامل؟ (الدكتور) أيوة، إن شاء الله ربنا يعوض عليكم. هي دلوقتي هتصحى وممكن تخرج شوية كده، بعد إذنكم. (جد ليان طبطب على دراع آدم)

ربنا يعوض عليكم يا حبيبي. (آدم سكت) (يزن) آدم، اتخلّي لليان، فهمها براحة، وإحنا مستنينكم هنا. (آدم دخل أوضة ليان لقاها قاعدة بتعيط) (آدم جري عليها وقعد قصادها) (هش، بتعيطي ليه؟ (ليان بدموع) أنا كنت حامل يا آدم، كان جوه طفل. (آدم) هش، متعيطيش، إن شاء الله ربنا هيبعت علينا يا حبيبتي. (ليان بعيط) أنا كنت حامل، ده كان حلم، نفسي أخلف وأشوف ابني أو بنتي، نفسي. (آدم) هش. (وحضنها)