رواية اوقعني القدر بحبها الفصل الثاني 2 - بقلم دنيا محمد

ابتسم أدهم لها: أنا أدهم السيوفي وهبقى جوزك بعد موافقتك. فيروز بابتسامة طفولية: موافقة. سامح بحب: اتفضلوا في البلكونة اتعرفوا على بعض. هز أدهم رأسه وتحرك للبلكونة هو وفيروز. أدهم بهدوء: بصي يا فيروز، أنا عايز أقولك حاجة. فيروز باستغراب: في إيه؟ أدهم بتفهم: أنا متجوز يا فيروز. فيروز بصدمة: إيه؟ بس لأ، مش هينفع أتجوزك عشان كده. مراتك هتزعل وممكن تأذيني. أدهم ضحك على برائتها: لأ يا فيروز، تزعل إيه؟

دي هي اللي قايلة لي اتجوز أصلاً. فتحت فيروز عينيها على الآخر ومصدومة، وأدهم ضحك على شكلها. فيروز اتكسفت ووشها احمر: في إيه؟ أدهم بضحك: أصل شكلك مسخرة وأنتِ مصدومة كده. المهم اسمعي يا ستي... أنا متجوز من خمس سنين وللأسف مراتي مش عايزة تخلف ومبتحبنيش، وأنا مبحبهاش. فجيت أتجوزك أنتِ يا قمر. فيروز بتساؤل: طب وليه مراتك مش عايزة تخلف واتجوزتها لي وأنت مش بتحبها؟

أدهم بهدوء: كنت بحبها بس هي مكنتش تستاهل ده. وهي مبتحبنيش أنا، هي بتحب فلوسي. طبطبت فيروز على كتفه بحنية، وأدهم ابتسم لها وحس إنه مبسوط جداً. أدهم: هنتجوز الأسبوع الجاي. فيروز بموافقة: تمام، ماشي. دخل أدهم للعائلة وقال: فرحنا أول الأسبوع الجاي على فيروز. الكل بارك لهم بفرحة، وصبري كان فرحان جداً لأنه عارف إن فيروز تقدر تغير أدهم وتخليه يثق في البنات تاني. روح أدهم هو وأبوه.

كانت ريم قاعدة بتتعشى: أهلاً يا أدهم، إزيك يا عمي؟ صبري بلامبالاة: كويس... أنا داخل أنام يا أدهم، تصبح على خير. أدهم: وأنت من أهله يا بابا. قربت ريم من أدهم وباست خده: كنت فين يا أدهم؟ أدهم بقرف: كنت بقدم للعروسة الجديدة. ريم بخبث: والله؟ بس اعمل حسابك بقى، متصرفش عليها زيي، لأنك متعرفش هي جاية منين.

أدهم بسخرية: هي أساساً مش هاممها الفلوس، وحتى متكلمتش على شبكة ولا أي حاجة، مش زيك أول ما جيت أتقدم لكِ أبوكِ وأنتِ طلبتوا مني مليون جنيه مهر، وغير الشبكة. ريم بتكبر: وهو أنت كنت جاي تاخد أي واحدة كده وخلاص؟ أنت جيت تتقدم لـ ريم العامري. أدهم ضحك بسخرية: آه طبعاً، اللي اتغنت بفلوسي صح؟ واللي أبوها شغله كله معايا وعلى حسابي.

ريم بغرور: طيب يا أدهم. المهم أنا دلوقتي ريم العامري ومرات عمدة الصعيد بعد أبوه. يلا تصبح على خير، هنام. أدهم بص عليها بقرف وخذلان ودخل ينام، بس كان بيفتكر فيروز قد إيه هي بريئة وطفلة في نفسها، وحاسس بإعجاب ليها. ونام وهو مبتسم. تاني يوم صحي أدهم لبس ونزل تحت، كان والده وريم قاعدين. بص أدهم على ريم بضيق. أدهم بابتسامة لأبوه: صباح الخير. صبري بحب: صباح النور، اقعد افطر. ابتسم أدهم وقعد ياكل.

ريم بمطالبة: أدهم، متنساش تسب لي فلوس عشان هدومي كلها اتدمرت وعايزة أجيب. بص أدهم لأبوه بضيق وقال: تمام. ويا ريت كفاية مصاريف على هبل ده، يا ريت تصرفيهم في حاجة مفيدة. ريم بتأفف: والله أنا مراتك وده حقي عليك إني آخد يا أدهم. أدهم بخنقة: لو هنتكلم في الحقوق، فـ أنا ليا حقوق كتير ومخدتهاش... أنا ماشي، سلام يا بابا. صبري: سلام. وقام من على السفرة. ريم بتكبر: يارب تكون عرفت تنقي لابنك عروسة بنت ناس مش بنت شوارع.

صبري بحدة: أنتِ لما تتكلمي معايا أنا، تتكلمي بأدب واحترام، فاهمة؟ وبعدين ملكيش دعوة، ده ابني وأنا اللي ليا حق عليه وأنا هنقيه اللي في مزاجي. ريحي نفسك، أنتِ مش بتاخدي اللي عايزاه، ويلا روحي هاتي لكِ اللبس اللي حضرتك هتموتي عليه. نفخت ريم من تعاملهم وراحت تجيب تشكيلة كبيرة فعلاً من الفساتين.

(تعريف: ريم بنت مغرورة ومتكبرة ومتزوجة من أدهم على مسمى الحب، وهي واخداه عشان فلوسه وسلطته. عندها 26 سنة، شكلها مش في جمال فيروز، بس ريم متوسطة الجمال) راح أدهم الشغل وكان في شغله، ودخل الأرض يراقب على العاملين ويشوف ويراجع الحسابات. عند فيروز في أوضتها. فاطمة بحنان: فيروز يا حبيبتي، أنتِ كبرتي دلوقتي وهتبقي متجوزة، وطبعاً لازم تبقي قد المسؤولية. يعني ربنا رزقك بمولود تبقي قد مسؤوليته هو وأبوه.

فيروز بتفهم: آه يا ماما، أكيد. فاطمة بحب: يعني يا فيروز، ابنك علاقتك مع أدهم على حب في الجواز، بلاش تحسسيه إنك فيزا وقت ما تعوزي فلوس تاخدي. وأنا عارفاكي إنك مش كده، دي مراته الأولانية هي اللي كده. فيروز بصدمة: أنتِ تعرفي يا ماما إنه متجوز؟ فاطمة بضحك: طبعاً يا بت، بس أبوكِ ما يعرفش. لو عرف مش هيوافق بشدة. فيروز بتفهم: ليه يا ماما مش هيوافق؟

فاطمة: لأنك أنتِ بنت بنوت وهو متجوز، فمش هيوافق، لأنه هيبقى عايزك تاخدي شاب لسه متجوز زيك. فيروز برفض: لأ يا ماما، أنا استريحت لأدهم ومش مشكلة متجوز أو لأ. منا ممكن أتجوز واحد مش متجوز ولا مرة، بس مش مرتاحة معاه، مش هبقى مبسوطة. فاطمة: بالظبط يا حبيبتي، وأنتِ يا فيروز ما شاء الله ذكية وبتفهمي. وفجأة الباب خبط، وسامح كان في الشغل. راحت فاطمة تفتح الباب، بس اتصدمت بـ أدهم. فاطمة بصدمة: أدهم بيه.

أدهم بابتسامة: سلام عليكم. فاطمة بترحيب: وعليكم السلام، اتفضل. دخل أدهم وقال: أومال فين عم سامح؟ فاطمة: في الشغل يا ابني، هنده لكِ فيروز. هز أدهم رأسه وقعد. شوية وفيروز طلعت. أدهم بابتسامة: عاملة إيه؟ فيروز: كويسة... أنا بصراحة يا أدهم مش عاجبني إني أخطفك من مراتك. مسك أدهم إيديها بهدوء: بصي يا فيروز، أنا مراتي مبتحبنيش وزي ما قلت لك، بتحب فلوسي. يعني لو اديتلها شوية فلوس هتهدى. فيروز بتساؤل: وأنت ليه صابر عليها كده؟

أدهم بتنهيدة: لأنها مراتي يا فيروز، من خمس سنين متجوزين. بعمل حساب العشرة والعيش والملح وأي حاجة كانت بينا. فيروز: امم... وطبعاً متجوزني عشان تخلف مني؟ أدهم بارتباك: منكرش إني متجوزك عشان كده، بس أكيد لما تعامليني كويس وتبقي زوجة بجد، هحبك. فيروز: وأنا مش طالبة منك تحبني، عادي. أدهم: أومال أنتِ موافقة تتجوزيني ليه؟

فيروز بتعب: عشان أقلل الحمل على ماما فاطمة وبابا سامح، وهتجوزك، وطبعاً أنت هتبقى عايز ولاد وأنا هعمل لك ده يا أدهم. بصلها أدهم بحيرة: يعني أنتِ مش عايزة تحبيني؟! سكتت فيروز شوية وبعدها ردت: الحب مش بإيدينا يا أدهم، وأكيد الأيام اللي لينا مع بعض هتثبت إذا كنت عايزة أحبك ولا لأ. بصلها أدهم بعمق وقام: طيب تمام، أنا بقى جهزت كل حاجة عشان خلاص فاضل يومين على الفرح. فيروز بهدوء: تمام، ماشي. وعدت الأيام وجه يوم الفرح.

كان القصر مليان بالأغاني والمذابح. صبري كان قاعد في الصالون وريم قاعدة قدامه. ريم بزهق: وبعدين بقى؟ أنا صدعت من الأغاني دي، اوف. صبري بخبث: ليه كده مالك؟ إيه غيرانة؟ ريم بتكبر: أغير إيه؟ كده كده أدهم ليا يا صبري بيه. كان أدهم نازل من أوضة النوم وقعد جنب أبوه. صبري بمكر: أنا قررت إن أدهم يكتب نص الأرض باسم فيروز. ريم بزعيق: نعم؟! أنت بتقول إيه؟ لأ طبعاً. يا ريت تركز، أنت بتقول إيه، بلاش الكبر يأثر عليك كده.

نزل أدهم بكف إيده على وشها. أدهم بغضب أعمى: أنتِ لما تتكلمي مع أبويا، تتكلمي باحترام، ولا أنتِ ناسيه إنك قاعدة في خيره؟ قام صبري بخضة: خلاص يا ابني، بلاش مشاكل في يوم فرحك. ريم بصدمة: أنت بتضربني يا أدهم؟ وبصت لأبوه وقالت: طبعاً تلاقيَك فرحان إنه ضربني وخد بحقك. اتعصب أدهم جامد لدرجة إن عروقه بانت، ومسك دراعها

بعنف واتكلم بغضب جحيمي: آخر تحذير ليكي يا ريم، أنتِ عارفة إني ممكن أرميكي في الشارع، ولا أنتِ ناسيه كنتي مين يا ريم؟ وأبويا اللي بتتكلمي معاه كده ده، أنتِ قاعدة في بيته وفي ملكه. ريم بضيق: لأ، ده بيتك أنتِ وأنتِ اللي تعبت، مش هو. مسك أدهم شعرها: أنا مش عايز أشوف وشك النهاردة، واوعي تتكلمي مع أبويا أو تتخطي حدودك معاه، وإلا هطلقك وأرجعك مطرح ما جبتك منه، لأني قرفت واتخنقت منك. وسابها وطلع أوضته يلبس.

بص له صبري بتعب وراح يشوف العاملين. دخلت ريم لـ أدهم: أنت نازل؟ أدهم وهو بيلبس: يهمك في إيه؟ ريم: يهمني، أنا مراتك. أدهم بقرف: وأنا خلاص مبقتش بعتبرك مراتي يا ريم، بقيت بعتبرك بت بعطف عليها. كل الفلوس اللي بتاخديها دي بمزاجي، والكريدت كارت اللي معاكي أقدر أسحبه، بس سيبهالك. ريم بخبث: طب إيه رأيك تقضي معايا الليلة النهارده؟ أدهم بقرف: لأ، وأصلاً فرحي النهاردة وهقضي حياتي مع مراتي الجديدة.

ريم بعصبية: بس أنا ليا حق عليك. أدهم: وأنا عشان مكونش ظالم، هتاخدي يوم واحد بس أبقى معاكي فيه، لأني أصلاً بقرف منك ومش طايقك. ريم بفرحة: ماشي. عند فيروز كانت بتجهز حاجتها للفرح، وكل حاجة، لقت جرس الباب بيرن. أدهم: عاملة إيه؟ فيروز بابتسامة: تمام. أدهم: البسي عشان هاخدك أنتِ ومامتك على القصر عشان الفرح بليل. فيروز بهدوء: ماشي.

وجهزت فيروز حاجتها وأخدتها ومشت من البيت، وفاطمة كلمت سامح إنها هتروح ووافق. وصلت فيروز بيت أدهم ونزلت بـ إعجاب للبيت. أدهم بابتسامة: عجبك البيت؟ فيروز: آه، جميل جداً. ودخلوا. ريم أول ما شافتها اتصدمت. ريم بقرف: هو أنتِ بقا العروسة الندامة؟ بصتلها فيروز بصدمة و...