رواية اوقعت في حب مجنونة الفصل الثاني 2 - بقلم رنا سعيد

تركت الباب واستأذن لها بالدخول. جنا: نعم حضرتك. مالك بجدية: آنسة جنا، أريدك الملف ده تقرئينه كويس أوي، ولو في حاجة وقفت معاكي ومش واضحة تعالي لي المكتب وأنا هشرح لك، مع إن بظن أصلًا كل حاجة واضحة فيه. جنا: تمام، أي أوامر تانية؟ مالك: لا، اتفضلي روحي على مكتبك وبطلي رغي في تليفونات شوية، عشان ده مكان عمل مش سنتر مكالمات. جنا بتفكير: هو عارف منين إني بكلم كتير في الموبايل؟

مالك ببرود: متفكريش كتير عرفت منين عشان متتعبيش عقلك ده في حاجات تافهة. جنا باستغراب: أنت عرفت منين إني بفكر في كده؟ أنت بتقرأ الأفكار حضرتك؟ مالك ببرود: شيء ميخصكيش، اتفضلي يلا على مكتبك. جنا بغيظ: حاضر. غادرت جنا من المكتب وذهبت إلى مكتبها. جنا لنفسها، وهي تنظر في السقف والحوائط بالشركة: هو أكيد حاطط كاميرات هنا بيراقب فيها العمال، عشان كده عرف. يا ذكية، وكمان من غبائك رايحة تسألي عرفت إزاي؟

وضربت دماغها بيديها وقالت: غبية يا جنا، غبية. فجأة، رن التليفون الأرضي. جنا: الو. مالك بابتسامة جانبية: خلاص عرفنا إنك غبية، بطلي بقى الكلام كتير واقرئي الملف اللي اديتهولك. جنا بذهول: حاضر. أغلق مالك السكة. جنا بتفكير: يالهوي، إنسان مستفز وبارد، فعلًا خسرت جمالك فيك يا أخي. : قولي لي يا آنسة جنا، الشركة عجبتك؟ جنا بخضة: حضرتك بتكلمني؟ : أنت شكلك مش هنا خالص، أها بكلمك، ومالك اتخضتي كده ليه؟

جنا: لا أبدًا يا مستر سيف، بس كنت بفكر في حاجة، حضرتك جيت فجأة فاتخضيت بس. سيف بضحكة: ماشي، قولي لي الشركة عجبتك؟ جنا: آه طبعًا يا مستر سيف. سيف: بقولك إيه، ما بلاّش مستر سيف دي، طول ما بنتكلم لوحدينا، وقولي سيف على طول أحسن، بما إنك يعني مش غريبة وطلعتي بنت الدكتور أحمد الشرقاوي. جنا: أنت تعرف بابا؟ سيف: آه يا بنتي، ومين ما يعرفش الدكتور أحمد الشرقاوي؟

جنا: لا مش قصدي كده، اتكلمت معاه يعني قبل كده واتعرفت عليه، وأنت اتعرفت عليه يعني؟ سيف بضحكة: آه اتعرفت عليه، وهو اتعرف عليها. أبوكي كان بيجي عند خالي هيثم أبو مالك، وأنا كنت بشوفه أنا ومالك، فاتعرفنا عليه وكده، وبقينا أنا ومالك أصحاب. أبوكي اسأليني كمان أبوكي. جنا بابتسامة: تمام يا مستر سيف. سيف بابتسامة: قولنا سيف بس من غير مستر دي. جنا بابتسامة: ماشي يا سيف. سيف: كده ارتحت أنت لما قلت لك سيف من غير مستر؟