رواية اوقعتني في عشقها الفصل السابع 7 - بقلم دهب مبروك

ريهام: بقولك اجهز للباقي وأنا معاك. هو: اشطا. وقفلوا. ريهام: رنت على كنزي. ريهام: كنزي معايا صح؟ كنزي: اها أنا، أنتي ريهام، أنا مسجلاكي. ريهام: امم، بقولك عايزاكي في موضوع مهم بخصوص مروان. كنزي: مش هينفع أنزل لأني في البيت ومروان حبيبي مش موجود. ريهام: بصي هي نص ساعة مش أكتر، تعالي في العنوان ده. واتمني تيجي لأن الموضوع خطير جداً، وياريت مروان ما يعرفش. كنزي (في نفسها) : طب أروح وخلاص مادام حاجة تخص مروان.

وقالت: تمام يا ريهام، أنا هلبس وجاية على طول. ريهام (بخبث) : تمام يقلبي. كنزي: والله قلبي مش مطمن ليكي يا ريهام، حساكي وراكي حاجة كبيرة أوي بس إيه مش عارفة، بس أنا هروح كدا وكدا، مروان اتبقاله 3 ساعات ويجي، يبقى ألبس وأنزل. ولبست ونزلت. *** في فيلا الأسيوطي. ملاك: كانت قاعدة عادي، جت مسدج واتس. فتحت المسدج وكان من معتصم: "اجهزي يا عروسة، كتب كتابك النهاردة، أهي، وأنتي موافقة ولا إيه؟ ملاك: موافقة. ملاك (في نفسها)

: يارب أنقذني منه، ده شيطان، يارب اقف معايا وساعدني يارب. *** عند ريهام وكنزي. ريهام: وصلت واستنت شوية صغيرين وجت كنزي. كنزي: احم، خيري يا ريهام. ريهام (بخبث) : ممكن بس فونك أرن على روان صحبتي لأنها جاية ومش معايا رصيد. كنزي: اتفضلي، وياريت نخلص. ريهام: خدت الفون ومثلت إنها فعلاً بترن وخرجت برة الكافيه خمس دقايق ورجعت لكنزي تاني. كنزي: هي فين روان؟ ريهام: لقيتها نايمة ونسيت إننا هنتقابل، بت غيبوبة أصلاً.

كنزي: خير بقا، إيه الموضوع اللي يخص مروان؟ ريهام: هو انتي بتحبي مروان ولا إيه؟ كنزي: نعم، ده الموضوع المهم؟ ريهام: اها، هو موضوع بالنسبة لي مهم جداً جداً. كنزي: بصتلها بضيق وخدت شنطتها ومشيت. ريهام: بصتلها بخبث ومشيت. *** في فيلا الأسيوطي. ملاك: كانت قاعدة سرحانة في اللاشئ ودموعها نازلة. ملك: دخلت عليها الأوضة. ملاك: مسحت دموعها. ملك (في نفسها) : شفت دموعك، على فكرة. وقالت: إيه يا بنتي الفستان ده؟ ملاك:

بابتسامة مزيفة: أصل كتب كتابي أنا ومعتصم النهاردة. ملك: إيه ده بجد! إزاي! يالهوووي! ملاك: مالك في إيه؟ ملك: وهي خارج من الأوضة: كل خير يا حبيبتي، أها، متقلقيش، أنا عارف كل حاجة وكل حاجة هتتحل. ونزلت تحت عملت مكالمة وابتسمت بفرحة. ملاك: سرحت في ذكريتها المؤلمة. فلاش باك. مسعد: ملاكي، معتصم متقدملك يا حبيبتي. ملاك: بابا، أنا مش بفكر في الموضوع ده أصلاً دلوقتي، بلغه رفضي. مسعد: اللي تشفيه يا بنتي، وابتسم لها.

وبعد ما مسعد بلغوها رفض، ملاك وصلت مسدج من معتصم: "لو موافقتيش هدمر حياة أختك للأبد، هخلي ناس تغتصبها." ملاك: ولا تقدر تعملها يا معتصم، وأنا مش هوافق على واحد زيك. معتصم: ماشي يا ملاك، هتشوفي. بعدها بيومين. ملك: اختفت. ملاك: أكيد هو اللي عملها، ولبست وراحت لمعتصم شركته. في الشركة. السكرتيرة: يا آنسة، مينفعش اللي بتعمليه ده. ملاك: اخرسي، نبي مش ناقصاكي. ودخلت. السكرتيرة: حضرتك أنا... معتصم: خلاص، اخرجي إنتي دلوقتي.

ملاك: قربت من المكتب وخبطت عليها وقالت: أنا موافقة، رجعها بقا. معتصم: أرجع مين! مش فاهم حاجة. ملاك (بعصبية) : لا، إنت فاهم كل حاجة كويس، أنا موافقة وسيب أختي، رجعها البيت. معتصم: أيوا يا قطة، شطورة أوي. ملاك: بصتله بقرف وخرجت. ورجعت ملاك، وعمل معتصم وملاك الخطوبة بعدها بأسبوع. باك. ملاك: قامت تلبس ودموعها متجمعة في عنيها. وفي نفسها: قصتنا انتهت يا حازم قبل ما تبدأ. ولبست ونزلت. كان معتصم موجود ومأذون وملك ومسعد.

ملاك: راحت وقعدت بكل هدوء. حازم: يلا يا مولانا. ملك: بصت بخبث. وقاطع: ما يصحش بردوا يا معتصم باشا تتجوز واحد مهددها بأختها. الكل بص بصدمة، إلا ملك ابتسمت ابتسامة فرحة ظهرت على وشها وقالت: نورت والله يا حازم، يوم زي ده كنا محتاجينك فيه. *** عند مروان وكنزي. جي مروان وفتح بالمفتاح اللي كان معاه. كنزي: كانت في المطبخ بتعمل

عشا وبتدندن مع الأغنية: "الله بقا اللخبطة دي، إيه اللي خطفني يا ريت تقولي، إيه حصلي على كده، ده بقا بالمللي اللي أنا عشت أحلم بيه." مروان: قرب منها وحضنها من ضهرها. كنزي: شهقت. ولفت وشها وقالت: مروان! مروان: اها مروان، وحشتني. كنزي: بدون وعي: انت أكتر والله، إيه ده، ابعد يا مروان، عيب. مروان: عيب! ده أنا جوزك على فكرة. كنزي: طب ابعد بس كده. مروان:

بعد عنها وقال: لا، شكلك تحفة الصراحة وإنتي واقفة تغني كده وتعملي الأكل. كنزي: ههههه، عارفة. مروان: ابتسم وقال: أنا هغير، وإنتي حطي الأكل. كنزي: اشطا. مروان (في نفسه) : هو إيه اللي بيحصل وليه مش عايز أعترف لنفسي إني حبيتها وعمال أنكر كده؟ حتى ريهام مبقتش بتوحشني، هي اللي بقت بتوحشني، بس هي بتحبني أصلاً ولا لأ؟ وغير هدومه وخرج. كنزي: هش، مد إيدك يا شبح إلا لما أجي. مروان: أوامرك يا باشا.

كنزي: أيوا بقا، أنا مسيطرة، هههه. مروان: هتجنني والله يا كنزي. مروان: جاله مسدج وفتحت وانصدم جداً من اللي شافه. كنزي: كانت خارجة من المطبخ. مروان: قرب منها وقال: إنتي بتخونيني يا كنزي!!