رواية اوقعتني في حبها بشده الفصل الثامن 8 - بقلم دنيا فادي

فاتن في ذهنها: طول ما البنت دي في حياتك إنت مش هتتجوز قمر، وأنا هتصرف وهعرف البنت دي بالنسبالك إيه يا عمرو. فاتن تتصل برقم غريب: اعمل اللي هقولك عليه. صاحب الرقم: تمام يا فاتن هانم. فاتن: ومحدش يعرف إني أنا اللي قلتلك تعمل كده. صاحب الرقم: عيب يا فندم. *** فارس يدخل المكتب ويقفل الباب وراه. فارس: إنتي إيه علاقتك بعمرو؟ شمس بإستغراب: عمرو مين؟ وإنت مين أصلًا عشان تسألني سؤال زي ده؟ فارس: اللي قعدك في المكتب ده.

شمس بزهق: يوووه، بقولك إيه يا أخ إنت، أنا مليش دخل بمشاكلكم مع أستاذ عمرو ده، روحوا حلوها معاه مش معايا. فارس: أيوا أيوا افتكرتك، إنتي اللي خبطيني في الـ night club. شمس بملل: هو إنت؟ فارس بسخرية: عرفتك من كلامك البيئة ده. شمس بعصبية وتحاول تتماسك نفسها: بص، أنا مش هرد عليك عشان مخسرش شغلي، صدقني لولا شغلي كنت رديت عليك رد مش كويس. فارس بتهديد: هه، صدقيني من غير حاجة هتخسريه.

شمس بتريقة: أقرب حيطة واخبط دماغك فيها يا شاطر. *** سناء بصدمة: إييي؟ مستشفى ليييي؟ إيه اللي وداكي المستشفى؟ ريتال: يماما مفيش حاجة، اهدي، ابعتيلي مازن بس في مستشفى الـ **** ومعاه فلوس. سناء بخوف: يابنتي إنتي كويسة؟ ريتال: ياماما أنا كويسة والله. وتقفل السكة. *** الدكتور: الكسر بسيط، متقلقيش، هتقعدي معانا يوم واحد بس. ريتال: لا.

الدكتور بإستغراب: هيبقا عندك صعوبة في المشي، وبعدين لو اتحركتي دلوقتي بدل ما هو بسيط هيبقا صعب، وكمان محتاجة عناية. ريتال: عارفة كل ده، أنا في كلية طب وعندي خبرة، وكمان هعرف أعتني بنفسي كويس. الدكتور: تمام يابنتي، وألف سلامة. عادل: بعد إذنك يا دكتور ممكن أتكلم معاها شوية. الدكتور: آه اتفضل. ويخرج. ريتال بتساؤل: إنت مين؟ عادل: تقدري تقولي فاعل خير. ريتال بإستغراب: فاعل خير؟

عادل: أنا عارف مين السبب في اللي إنتي فيه دلوقتي. ريتال: أنا عارفة، أنا بس مخدتش بالي من الطريق وواحد خبطني. عادل: بس اللي حصل ده كان مقصود. ريتال: مقصوددد!!!! *** شمس بإستغراب: أومال فين ريتال ومازن؟ وتكمل بضحك: إيه بقيت بوصل البيت قبل الأستاذ مازن؟ سناء: أخوكي راح لأختك المستشفى. شمس بتساؤل: لي؟ اشتغلت ولا إيه؟ سناء: مش عارفة ياشمس، بس قالت يجيب معاه فلوس. يارب تكون كويسة وميكنش فيها حاجة. شمس بقلق: فلوس؟

سناء: أيوا. شمس: لا إن شاء الله كويسة يا ماما. *** ريتال بصدمة: وهو ليه يعمل كده؟ بيستفاد إيه؟ عادل بهدوء: تسلية. ريتال بإستيعاب: تسلية؟ عادل: أنا جيت أحذرك منه يابنتي، وعملت اللي عليا عشان أنا عارفه كويس، وأنا قلتلك لأني مقدرتش أسكت أكتر من كده، وإنتي مش أول واحدة يعمل فيها كده. ويخرج ويسيبها. ريتال بصدمة: إيه الجنون ده؟

وتكمل بندم: أنا فعلًا غلطت إني سمعت لـ غبية، مش أي حد أثق فيه وخلاص، مكنش لازم أدخله حياتي أصلًا وأديله مساحة على الفاضي وأنا معرفوش. وتضحك بندم: هه، واحد شوفتو في night club، إزاي مجاش في بالي إنه شخص مش كويس، فعلًا المظاهر كدابة. *** عادل: نفذت اللي حضرتك طلبتيه. فاتن: تمام، شكرًا. عادل: العفو يا فندم، إنتي تأمري. *** 10:00 PM قمر: خد. عمرو: إيه ده؟ قمر: شوية سناكس لأجل السهر. محمود: جبتلكوا فيلم عااالمي.

مييار بضحك: كل خميس بتقول كده والفيلم بيطلع زفت. محمود ويخبطها بالمخدة: هنشوف، اسكتي إنتي بس. عمرو: هي عندها حق. محمود: بس يا خفيف، وإنتي يا ست قمر مقولتيش رأيك؟ قمر بضحك: بصراحة عندهم حق، بص أنا عاملة حسابي وجبت فيلم لسه نازل جديد. *** سناء: الحمدلله إنها جت على قد كده. شمس: يشيخه قلقتنا عليكي، ألف سلامة. ريتال: الله يسلمك. سناء: هروح أعملكم العشا. وتروح. شمس: يلاهويي على اللي حصل النهارده في الشغل، هتتصدمي.

ريتال بضحك: إيه اللي حصل؟ هيرفدوكي ولا إيه؟ شمس: فاااشرر، ده أنا يبت اترقيت من أول يوم كده. ريتال: بتهزري؟ شمس: النهارده أستاذ عمرو نقلني من مكتبي لمكتب أكبر وأحلى. ريتال بتساؤل: مين عمرو؟ شمس بغمزة: اللي جالك في محل الورد والي كنتي واقفة معاه عند الشركة. ريتال في ذهنها: غير مكتبك؟ يعني هو صاحب الشركة ومش زي ما قالي، خدعني بالكلام، هه، يعني كنت هستنى إيه من واحد زي ده؟ كويس إن ربنا كشفهولي قبل ما علاقتي بيه تزداد.

شمس: يبت إنتي روحتِ فيين؟ ريتال: ريتاااااااال. ريتال بخضة: إييييي؟ صرعتيني! شمس بضحك: خليكي معايا بس. وتكمل بفهم: عمومًا، أنا مش عارفة هو ليه عمل معايا كده، بس أشطا، هنعرف بعدين. ريتال في ذهنها بخوف: بس أنا عارفة ليه عمل كده، إنتي لازم تسيبي الشركة وبسرعة. ريتال: شمس. شمس: اممم. ريتال: حبيبتي، هو مفيش شركة تانية تشتغلي فيها؟ شمس: فيه، بس هي مالها دي؟ ريتال: إيي؟ لا ملهاش، بسأل أصل دي بعيدة عليكي أوي.

شمس: مش مهم بعيدة، أنا مبسوطة فيها وده أهم. *** بعد يومين من تجاهل ريتال لعمر. ريتال: يا ماما أنا بقيت كويسة أهو. علياء: برضو مفيش روحة للمحل؟ ريتال: يماما أنا زهقت ونفسيتي بقت زفت، وإنتي عارفة إن الورد بيديني طاقة وبيرفع معنوياتي، سيبيني والنبي. علياء بخوف: ماشي، بس متتأخريش. ريتال: حاضر. *** عمرو: شمس. شمس: أيوا يا أستاذ. عمرو: هي ريتال كويسة؟ شمس بإبتسامة: أه كويسة، بس حضرتك بتسأل ليه؟ عمرو بتوتر: إيي؟

لا بسأل عادي. ويمشي من قدامها. *** بعد ساعة. عمرو بضحك: يعني مقفلتيش زي ما قولت؟ ريتال بزعيق: إنت ليك عين تيجي هنا يا حيو*ان، اطلع براا.