رواية اوقعتني في حبها الفصل الخامس والثلاثون 35 - بقلم اسراء محمود

الو يا ادهم. تعالا بسرعه يا مراد على القسم. في ايه يا ادهم. لما تيجى يا مراد. اخلص يا ادهم فى ايه. مصيبه يا مراد مصيبه. مصيبه ايه. فريد هرب من السجن. ايه. ايوة يا مراد هرب تعالا بسرعه على القسم. انا جى اه. قفل مراد مع ادهم وبص لعشق إللى كان التوتر باين على وشه. مراد قرب من عشق. انا خارج يا عشق اقفلى باب الفيلا كويس واوعى تفتحى لحد. هو فى ايه يا مراد. مراد قرب من عشق وباسها من جبينها. خودى بالك من نفسك انا مش هتاخر.

عشق هزت راسها بقلق. مراد بعد عن عشق وخرج بسرعه من الفيلا وركب عربيتوا وساقها بسرعه جنونيه لحد ما وصل للقسم فى وقت قياسي. عشق بعد ما مراد مشي طلعت اوضتها واقعدت تصلي. يارب احفظلى مراد من كل سوء يارب أهديه ليا وحنن قلبوا عليا. عند مراد دخل القسم وبكل غضب وعصبيه اقتحم مكتب ادهم. ازاى يهرب فهمنى انا مشغل معايا شويه حمير. اهدى يا مراد بس هو هرب وهو رايح المحكمه. والحرس إللى كان معاه.

اضرب عليهم نار الحراسه إللى هربت فريد كانت اكتر بكتير من الحراسه بتاعتنا وكل الحراس ماتوا وفى منهم مصابين. هجيبوا والله لهجيبوا تانى ومش هيفلت من ايدي ابدا انا هوريك يا فريد الكلب. اهدى يا مراد علشان نعرف نحل الموضوع ده. بص يا ادهم انت تطلع على المستشفى تطمن على المصابين وتدفع حق المستشفى واللى ماتوا حاول تعوض أهلهم بمبلغ مادى ومن فلوسي انا. حاضر يا مراد هعمل كده. مراد وهو بيحاول يهدي نفسوا.

خلاص اطلع انت روح نفذ إللى قولتلك عليه وسبنى دلوقتى علشان انا متعصب ومش قادر اكلم مع حد. ماشي يا مراد سلام. مراد قعد على الكرسي بتاعوا باهمال وكلم نفسوا. هجيبك يا فريد الكلب حتى لو فى اخر الدنيا. عند فريد كان فريد وجاسر وشاهى متجمعين مع بعض. مبروك على هروبك من السجن يا والدى العزيز. بتتريق يا جاسر. جاسر راح واقعد على الكرسي بتاعوا وحط رجل على رجل. طبعا بتريق انت فاكر انى عملت كدا علشان انت بابا ولازم انقذك.

اة امال عملت كدا ليه. جاسر ضحك بسخريه. لا يبقا بتحلم انا اصلا مش معترف انك ابويا من وانا عندى 15 سنه انت تعتبر عدو بنسبالى بس مصلحتى معاك للاسف لو غير كدا كنت خليتك فى السجن لحد ما تموت فيه بس اوعدك اول ما اخلص انتقامى من مراد هقتلك بايدي يا فريد. اكيد مش ههون عليك صح يا جاسر دا انا باباك. جاسر بسخريه. كان زمان بس من يوم ما امى ماتت بسببك وانا حالف انى هجبلها حقها منك ومن مراد الكلب.

فريد حس بالخوف من كلام جاسر وان جاسر بقا اقوى من الاول مش العيل الصغير بتاع زمان. جاسر بص لشاهى. انتى المفروض تظهرى لمراد من اول بكرا مفهوم بس خلى بالك مراد ذكى جدا فلازم تتعملى معاه بحذر. تمام يا جاسر متخافش انا عارفة مراد كويس وعارفة ادخلوا منين. جاسر. كدا تمام اووى ويومين تلات ونفذ الخطه التانيه علشان مراد مايشكش فينا. تمام كدا احسن. فى الوقت دا الباب اتفتح ودخل عمرو منوا.

الله العصابه كلها متجمعه هنا من غيري مش كونتوا تقولوا. ونقولك انت ليه ما خلاص مهمتك انتهت. لا يا جاسر باشا مهمتى منتهتش ديه هتبتدى. قصدك ايه. قصدي هتعرفوا قريب بس احب اقولك مش انا إللى يضحك عليه وهتندم قريب اووى. وسابهم عمرو وخرج. عمرو بقا خطر علينا. مش هيقدر يعمل حاجه هو بيهدد بس علشان ننفذ إللى هو عايزوا والوقت إللى هحس انوا هيبقا خطر علينا فيه بإشارة منى هينتهى. تمام همشي انا علشان الحق أجهز لمراد باشا.

تمام يا قمر يلا. شاهى سابت جاسر وخرجت. عند ادهم راح المستشفى ودفع حساب المستشفي زى ما قالوا مراد وخرج وحاله الحزن والضيق ظاهرة على وشوا بعد ما شاف الحالات المتصابه حزن عليهم وعلى اهلهم إللى بيبكوا بدل الدموع دم. ادهم خرج وركب العربيه وراح اقعد قدام النيل. ادهم فضل يفكر مع نفسوا امتى بحور الدم ديه هتتقفل امتى و البلد امتى هتبقا عايشه فى امان من غير الناس إللى بتحاول تخربها وتبوظها.

ادهم كان حاسس بحزن وانوا كل ما يحاول ينضف البلد من الأشكال ديه يلاقى غيرهم. فى الوقت دا تليفون ادهم رن وكانت منه. الو يا منه. ادهومى عاش من سمع صوتك يا راجل لقيتك متصلتش قولت اتصل انا. معلش يا منه مشغول. منه حست بنبرة صوت ادهم وعرفت ان اكيد فى حاجه مضايقه. مالك يا ادهم فى ايه. مفيش يا منه متشغليش بالك. منه باصرار. لا فى يا ادهم انت يلا وقول اعترف. خلاص اهدى هحكيلك إللى حصل. منه اتاثرت باللى ادهم قالو اول مرة.

بس انت لازم تهدى يا ادهم وتفكر كويس انت ومراد علشان تعرف تمسكوا لان باين ان فريد دا مش سهل خالص. بحاول يا منه بس اول ما شوفت المصابين وحزن اهلهم عليهم زعلت يا منه ليه البلد مش عايزة تنضف من الناس إلوحشه إللى فيها ديه ليه لازم كل يومين تلاته ظابط شرطه يموت وعلى ايد واحد باع بلدوا واهلو. اهدى يا ادهم هيجى اليوم إللى الكل فى هيتحاسب على إللى عملوا. ان شاء الله يا منه. منه.

وبعدين ايه جوا الحزان دا لا كدا خطر عليك يا ادهومى ماينفعش كدا. شكل مزاجك حلو على الصبح. طبعا لازم يبقا مزاجى حلو يا بنى. ابنك لا كدا استعبات بقا. ادهومى انا عايزة اقولك حاجه مهمه جدا جدا. فى ايه يا منه. حاجه مهمه يا ادهومى اووى. يا بت ايه هى الحاجه المهمه. الحاجه المهمه اممممممم نسيت. يخربيت شكلك يعنى قلقتينى على الفاضي. اة صح افتكرت. هاا قولى. ادهم انا بحبك اووى. انتى قولتى ايه.

مقولتش حاجه سلام بقا عندى محاضرات باي. وقفت التليفون. ادهم فضل واقف مكانوا مصدوم من ان منه قالتلوا بحبك ديه عمرها ما قالت كدا. ادهم بص على التليفون إللى فى ايدوا. وانا بعشقك يا قلب ادهم من جوه. عند منه فى الجامعه كانت اقعده هى ورنا فى كفتريا الجامعه. الهانم اقعده تحب فى التليفون وسيبانى هنا اولع. ما انا بسيبك تحبي فى اخويا وساكته يبقا انتى كمان تسكتى وداري عليا. دا لما يجي احمد هفضحك.

خلاص بقا يا رونى فوكيها كدا وبلاش تكونى جد اووى وبعدين ادهومى كان زعلان ومفيش حاجه هتغير مودة غير لو كنت قولتلوا كدا. نعم يا اختى مودة وحش يبقا تهزرى تعملى اي حاجه تانيه مش بحبك يا ادهومى. والله انتى باردة. شكرا لكرم اخلاقك. العفو يا روحى. فى الوقت دا قطع كلامهم اكتر شخص كانت تتمنى رنا متشفهوش ولا تسمع صوتوا. رنا انا عايز اكلم معاكى.

رنا حست بالصدمه ولما لقيتوا قدمها تانى افتكرت إللى عملوا افتكرت قد ايه هى كانت رخيصه بنسبالوا افتكرت قد ايه هى تعبت بسببوا وخسرت كل حاجه حتى اهلها كانت هتخسرهم بسببوا. منه حست باللى صاحبتها بتفكر فيه وبصت لعاصم إللى كان فرحان من انوا عمل إنجاز لما عرف ازاى يسبب جرح كبير لرنا يفضل دايم معاها دايم. وانت عايز ايه من رنا. وانتى مالك انتى انا بكلمها هى. منه بحده.

لا معلش كل كلامك معايا انا مش معاها هى انت مش خلاص طلعت من حياتها ايه إللى رجعك تانى ولا حبيبتك القديمه إللى انت سبت رنا علشانها سابتك ومشيت. عاصم بصالها بعصبيه. قولتلك متدخليش. يا حرام سابتك فعلا ومشيت ما اة صح هى هتفضل مع واحد مريض زيك ليه. عاصم بعصبيه. والله لو مسكتيش لكون مندمك على كل كلمه انتى قولتيه. خلاص يا منه انا هروح اشوفوا عايز ايه. ايوة كدا تعجبينى وانتى فهمانى. لا يا رنا مش هتقفى معاه.

وانتى مالك يا حشريه هانم. انا صاحبتها وأختها واكيد عارفة مصلحتها. لا متعرفيش مصلحتها ولا هتعرفى. وبص لرنا وكمل. يلا قدامى علشان نكلم ياما هتندمى على إللى هعمله. ماشي يلا. رنا راحت اقعدت هى وعاصم على تربيزة تانيه. منه كانت واقفه متعصبه وكان نفسها تقتل عاصم. عند رنا وعاصم. رنا بحده. عايز ايه يا استاذ عاصم هاا عايز ايه منى. رنا انا. رنا قطعتوا.

لا استنى انا اقولك انت عايز ايه عايز ترجع تانى تكسر رنا صح خلاص بقا حبيبتك القديمه سابتك ضحكت عليك يا حرام وخدت فلوسك وهربت قولت بقا ادور على البنت إللى انت كسرتها ومشيت وتقعد تكسر فيها شويه وتفرح جدا لما تشوفها تعبانه بسببك وضعيفه وبعدين اول ما تشوف واحده جديدة تجرى عليها تكسرها وتاخد فلوسها وتروح تشوف غيرها او ترجعلى تانى. وكملت بعصبيه.

بس مش انا إللى يتعمل فيا كدا يا عاصم باشا انا دلوقتى اقدر اكسرك وادوس عليك واسيبك وامشي. رنا قامت وكانت هتمشي. بس عاصم قام ومسك ايديها وقربها ليه. انا بحبك يا رنا بلاش تقسي عليا وتكسرينى كدا. فى الوقت دا احمد كان داخل الجامعه علشان ياخد رنا ومنه اول ما دخل شاف رنا وعاصم ماسك ايديها ورنا بتضحك. احمد محكمش غير على إللى شافوا وكانت عنيه بطلع نار. عند رنا وعاصم. رنا ضحكت بسخريه.

لا بجد بتحبنى لا برافو انت فاكر ان بكلمتين دول هقولك بحبك وارجعلك لا سورى انا بحب. بس قطعها احمد إللى جه فجأة وشد ايديها من ايد عاصم. مامتك مقالتش ليك متاخدش حاجه غيرك ممكن فعلا تكون مقالتش بس انا هعرفك. احمد ضرب عاصم بالبوكس وفضل يضرب في ولما تدخل الأمن لكان عاصم مات تحت ايد احمد. احمد بغضب. لو شوفتك بتكلمها او بتلمسها تانى مش هيكون بوكس بس لا دا انا هقتلك بايدي. احمد راح شد رنا من ايديها وطلع بيها برا الجامعه كله.

منه حاولت تلحق احمد ورنا بس معرفتش وكانت خايفه جدا على رنا لان احمد لما بيتعصب مش بيشوف قداموا. احمد خد رنا وفضل ماشي بيها لحد ما وصلوا لحته هاديه. رنا شدت ايديها من ايد احمد. كفايه بقا يا احمد انا تعبتا. لا الهانم كان عجبها الواقفه معاه ولا ايه ايه وحشك يا رنا بتحبيه لسه. رنا لا ردا. احمد بعصبيه أكبر. انا مش بكلمك تردى علي. ارد علي ايه ما انت خلاص حكمت باللى شوفتوا انا زهقت من اقلة ثقتك فيا.

قلة ثقتى انا بردو انتى إللى واقفه فى وست الجامعه وبتكلمى معاه وتضحكى عايزانى اعمل ايه. انتوا كلكم زى بعض كلكم صنف واحد شكرا يا احمد بجد. وسابتوا ومشي. احمد ركب عربيه وروح البيت وكان شكلوا حزين. عند مراد خرج من القسم وركب عربيتوا وراح على الفيلا. عشق كانت اقعده بتقرا روايه سمعت صوت عربيه مراد نزلت بسرعه تشوفوا وكانت قلقانه جدا عليه. مراد اول ما دخل لقا عشق نزل بتجرى من على سلالم الفيلا وجربت اترمت فى حضنو.

مراد اتصدم من إللى عشق عملتوا. انت كويس يا مراد انت كنت خارج متعصب وخرجت من غير ما تقولى حاجه. مراد حضنها اكتر ودفن وشوا فى رقبتها. انا كويس يا عشقي متخافيش بس مشاكل فى الشغل يا عشقي. عشق حست بالامان فى حضن مراد. ومين بقا إللى هرب. مراد بعد عنها وبصالها بشرود وقال. فريد الكلب. عشق باستغراب. فريد دا إللى ضربك بالنار صح وهو دا إللى انت قبضت عليه. مراد بغضب.

ايوة هو بس ورحمه امى لهجيبوا تانى وساعتها هندموا على كل حاجه عاملها فى حياتي. عشق قربت من مراد. ممكن طيب تهدى اكيد هيظهر وهتجيبوا انا متاكده انك هتعرف تقبض عليه يا مراد. انا تعبان اووى يا عشقي. اطلع يلا خد دش وتعالا ريح شويه. تمام. طلع مراد اوضتوا وخد دش وكان نايم على السرير وبيفكر ازاى هيقبض على فريد. فى الوقت دا عشق طلعت علشان تطمن على مراد دخلت الاوضه لقت مراد باصص فى سقف وسرحان كانت هتسيبوا وتخرج بس سمعت صوتوا.

تعالى يا عشق قربي. عشق قربت من مراد واقعدت جمبوا على السرير. مراد قام ونام على رجليها. عشق اتصدمت لما مراد عمل كدا وجسمها كلوا اترعش. اهدى يا عشق بس انا متعود من وانا صغير اروح انام على رجل ماما كدا وبعد ما ماما ماتت كنت بنام على رجل ماما غادة. عادى يا مراد. بدأت عشق تحسس على شعر مراد ومراد نايم على رجل عشق. عشق لما حست ان مراد نام قربت وباستو من مقدمه راسها.

كل حاجه هتتحل حتى مشاكلنا هتتحل وهترجع مراد بتاع زمان إللى حبيتوا متاكده يا مراد انك هترجع. مراد مكانش نايم وكان سامع كل كلمه طالعه من عشق وفى نفسوا. لازم اكمل يا عشق بقيت الخطه بتاعتى لازم ياما كل حاجه هتبوظ. نامت عشق وهى على الوضع ده. مراد صحى الصبح لقا عشق نايمه وباين على وشها التعب. مراد قرب من عشق وحاول يصحيه. عشق قومى يلا الوقت التأخر. عشق مكانتش بترد وكانت بتكلم بس كلام مش مفهوم.

مراد قرب وحط ايدوا على رأس عشق ولقها سخنه. عشق حبيبتى فوقي. عشق كانت سمعه صوت مراد بس كانت فاكرة انوا حلم. مراد شال عشق بسرعه ودخل بيها الحمام وحطها فى البانيو وشغل عليها الميه. عشق بدات تفوق شويه بشويه بس رجعت تانى فقدت وعيه. مراد خد عشق وخرج بيها من الحمام وحطها على السرير وبدا ينشفلها جسمها وغيرلها هدومها. واتصل على غادة مامت آدم. ازيك يا حبيبي وحشتنى. الحمد لله يا غدغد كنت عايز منك خدمه. قول يا حبيبي.

عشق سخنه اوى وحطتها تحت الميه بس درجه حرارتها مش بتقل. طيب بص يا حبيبي اعملها كمادات ميه ساقعه واتصل بالدكتور. ماشي يا غدغد. اجيلك يا بنى. لا يا غدغد انا هتصرف. ماشي يا مراد بس ابقا طمنى عليه. حاضر. وقفل مراد مع غادة واتصل بادهم. الو يا ادهم. ايه يا مراد انت مجتش ليه انهاردة القسم. مش هعرف اجى يا ادهم. فى ايه يا مراد صوتك شكلوا فى حاجه. ممكن تجيب دكتور بسرعه وتيجى. دكتور لمين انت تعبان.

لا يا ادهم مش انا إللى تعبان عشق إللى سخنه وياريت بس بسرعه. حاضر ربع ساعه وهكون عندك سلام. سلام. قفل مراد مع ادهم ونزل المطبخ حط ميه ساقعه فى طبق وجاب قماشه. واقعد جمب عشق يعملها كمادات ميه سخنه. قومى بقا يا عشق مش متعود عليكى نايمه كل دا مش متعود عليكى ساكته كدا قومى حتى لو هتتخانقى معايا. قطع حديثوا صوت الباب إللى خبط. مراد نزل فتح لقا ادهم والدكتور. مراد بص عليهم وافتكر ان عشق مش لابسه حجابه. معلش بس ثوانى.

وطلع مراد لبس لعشق حجابها ونزل طلع الدكتور وقف معاهم. هاا يا دكتور عشق عامله ايه. مدام عشق شكلها خدت برد جامد وانا هكتبلها على شويه ادويه تاخدها وهتبقا تمام وانا شايف ان درجه حرارتها نزلت كتير عن الاول الحمد لله. تمام يا دكتور. خليك انت يا مراد جمب عشق وانا هنزل اوصل الدكتور واجيب العلاج واجى. شكرا يا ادهم. على ايه يا صحابي دا واجب الصحوبيه. ونزل ادهم خد الدكتور وراح جاب العلاج ورجع لمراد تانى.

مش عارف اشكرك ازاى يا ادهم. خلاص يا عم محصلش حاجة. لا بجد شوف انت عايز ايه وانا اعملهولك. طالما انت متمسك اووى يبقا حدد معاد كتب كتابي انا ومنه واحمد ورنا. تصدق انك معندكش دم يعنى مراتى تعبانه فوق وانت تقول كتب كتاب. اعملك ايه مش انت إللى قولتلى اطلب. وياريتك ما طلبت. يلا بقا يا مراد حدد المعاد ونبي يا مراد انا عايز اتجوز عايز اتجوز يا ناس عايز اتجوز يا خلق. خلاص اسكت ايه رايك بعد أسبوعين. لا كتير يا مراد.

هو ايه إللى كتير. المعاد بعيد اووى هو آخر الاسبوع. لا دا بدرى اووى. ونبي يا مراد وحياة عشق عندك وافق بقا يلا وافق وافق. خلاص يا ادهم بطل زن ماشي موافق يا عم امشي بقا وبطل برود. حبيبي يا مراد. زقوا بعيد عنوا. ابعد يا مقرف وبطل بوس بدل ما اجل من الكتاب. لا يا عم خلاص انا ماشي. يكون احسن. مقبولة منك ياعمو. خرج ادهم ومراد طلع عند عشق إللى كانت بدأت تفوق شويه وكانت بتنادى على مراد. عشق انتى فوقتى. مراد انا تعبانه اووى.

معلش يا عشقي هتاخدى الدواء دا وهتبقي كويسه. عشق هزت راسها ومراد أدالها الدواء ونامت عشق تانى. عند احمد منه دخلت الاوضه عليه بعصبيه. قولى انت عملت ايه فى رنا يا احمد عملت فيها ايه مخليها وصلت ل كدا. معملتش حاجه يا منه هى إللى عملت هى إللى كانت بتخونى. انت غبي اكتر حد بتكرهوا رنا هو عاصم ازاى هتخونك. امال كانت بتضحك ليه. انا هحكيلك. احمد بحزن. يعنى انا ظلمتها. اة عمر ما رنا هتسامحك. كان هيكون بس قاطعوا صوت تليفون منه.

ديه مامت رنا. الو يا طنط. ايه مستشفي ايه يا طنط احنا جايين. احمد بصدمه. فى ايه. رنا فى المستشفى