رواية اولاد الجيران الفصل الرابع 4 - بقلم نيرة محمد

قاسم: شباب ركزوا معايا، في دكتور جاي لكم جديد، دكتور علاء. كل الطلاب التفوا للدكتور الجديد الذي دخل. حور بصدمة وصوت عالٍ: علاء! علاء: أزيك يا حور، عاملة إيه؟ حور: أزيك يا علاء، أنت بتعمل إيه هنا؟ علاء: مهو أنا الدكتور الجديد يا دحيحة دفعتك. حور: أنت بتهزر صح؟ علاء: طب يا بنتي، كده كده هتروحي معايا، هبقى أتكلم معاكي. حور: حاضر يا علو. قاسم: آنسة حور، ابقي تعالي على مكتبي بعد المحاضرة. تقدر تبدأ المحاضرة دلوقتي.

علاء بدأ في المحاضرة. عند حبيبة في البيت. الباب يخبط والبنات يجوا، وملك تكون جايبة أختها مريم معاهم وهم قاعدين. حبيبة: نورتونا يا بنات. تجيب حبيبة الورق واللابتوب وتقعد هي والبنات في الصالة على المكتب. حبيبة: أخويا تقريباً قافل اللابتوب بـ باسورد. سمية: هتلاقي قاعد مع نور أخو حسام برا على السطح. حبيبة: حاضر، هرن عليه. تفتح حبيبة ترن على أخوها تلاقي بيعمل مكالمة تانية. حبيبة: يوه ووهة، ده وقت إيه ده.

سمية: في إيه يا بت مالك؟ حبيبة: مش بيرد يا ماما على الفون. سمية: أنا طالعة فوق لخالتك منال، هبعتهولك. تطلع سمية وتبعت حاسم لحبيبة. حاسم يفتح الباب ويخش الصالة. حاسم: خير يا آنسة حبيبة. حبيبة: افتح لي اللابتوب ده ياض ومتعملوش برمز تاني. حاسم وهو بيفتح اللابتوب: لا يختي، ده بنفس التاريخ. حبيبة: وأنا مش قادرة أحفظه. ودخل نور هنا واقعد. حاسم: لا، نور رايح يقابل أم العيال. حبيبة: يلهوووي، أنتوا إيه ده.

حاسم: اسكتي بس لتتجنني. يدخل حاسم جوا والبنات يقعدوا ويفتحوا اللابتوب. مريم: هو ده أخوكي؟ حبيبة: آه، في تالتة ثانوي قدكم. مريم بابتسامة: بجد؟ حبيبة بضحك: بس خاطب يعتبر. مريم: خاطب إزاي وأنتِ بتقولي في تالتة ثانوي؟ حبيبة: ينهار أسود، اللابتوب اتقفل. حاسم يطلع من الأوضة وهو حاطط الفون في ودنه. حاسم: نعم، خير. حبيبة: بتكلم مين؟ حاسم: أم العيال بإذن الله. أميرة: الله، هو وصلك الكلام ده ياض يا حاسم؟

حاسم: يختي، دي الوحيدة اللي لو قالت لي هات عينك، أديهالها من غير ما أفكر. حبيبة: طب افتح يا ممحون اللابتوب وادخل جوا. حاسم يفتح اللابتوب ويدخل يكمل كلامه على الموبايل. عند حور في الجامعة. المحاضرة بتكون خلصت وعلاء خارج برا المدرج. تطلع حور تجري على علاء. حور: علاء، أنت ياض يا علو. علاء: يبت، ما تحترمني شوية. حور بزعل مصطنع: خلاص، مش هتكلم معاك تاني. علاء: وأنا مقدرش على زعلك يقمر. حور: لا، أنا زعلانة، صالحني يلا بقى.

علاء: طب أعمل إيه عشان أصالحك يعني؟ حور: أي حاجة يعم، أنت المهم تصالحني عشان مبحبش أزعل منك. علاء: حور، ممكن أطلب منك طلب، بس قبل ما أطلبه، اعمل إيه؟ حور: جبلي شوكولاتة وتعالى نتمشى شوية لحد ما الاستراحة تخلص. علاء: نتمشى فين يا حور؟ حور: برا قدام الجامعة، يلا. حور تمسك إيد علاء وتمشي. علاء وهو بيثبت إيده عشان يوقف حور: لا، عشان منتأخرش يا حورية. حور: طب امشي بقى يلا.

علاء وهو بيمسك إيد حور: طب عايزة شوكولاتة إيه يا قمري؟ حور: اللي ييجي من وشك يا علولي. يخرج حور وعلاء يتمشوا ويجيبوا عصير. عند حبيبة في البيت. مريم قاعدة سرحانة. حبيبة: متخافيش، أجوزك الواد نور يبت. أيـارا: نور مين ده كمان؟ حبيبة: أخو حس، أبو حزوم. في اللحظة دي يدخل حسام وحاسم ونور. حسام بزعيق: خالتي سمية! سمية: خير يا حس. حسام: تعالي كده اشهدي. حسام ماسك نور وحاسم من قفا التيشرتات. سمية: يخربيتك، يلا ماسكهم كده ليه.

حسام: عايزين إعادة تأهيل. حبيبة: والنبي ما حد عايز إعادة تأهيل غيرك. حسام: يبت، خليكي في كوزك، لما نعوزك يوليه. شايفه يا خالتي مين بيجر شكل مين. سمية: هي... تلاقيها بتحبك يا واد، ما أنت تتحب. حبيبة: نعم، نعم، أحب مين يا الدلعدي. حسام: لي ما أشبهش، ولا ما أشبهش. حبيبة: لا يوض وات من جمالك، أنت عامل زي السلكة المصدية. حسام: لاحظي كلامك يا حبيبة، لو مش عايزني أخربشك وشك اللي شبه البومة ده. خلصانة.

حبيبة: ازميلي، إحنا مش بنتهدد. حسام: خالتي سمية، ماشي البت دي من وشي عشان مرتكبش فيها جناية. حبيبة: أنا هسكت عشان الرد على العبيط بيعملوا سيط. حسام يمسك المخدة من جنبه ويروح راددها في حبيبة. حبيبة: آه يا ابن الـ... حسام: خالتي، إحنا طالعين على السطح. يطلع حسام وحاسم ونور على السطح. بعد ساعة. حبيبة: أخيرااا خلصنا. أيـارا: يلا بقى نمشي. حبيبة: اسكتي يوليه، اديكوا قاعدين. حور وهي بتدخل: هو على وشي هتمشوا يعني؟

شرين: حور حبيبي، وحشتني أوي. حور: وأنتم كمان وحشتوني. علاء يطلع لحسام فوق على السطح ويقعدوا هما الاتنين باصين للسما وسط الزرع اللي زارعينه. علاء: مش قادر يا صاحبي. حسام: احكي. علاء: طول عمرها واقفة قدامي، مش قادر أتخطاها. وأنا عارف إن أكيد قلبها مع غيري. طول عمري بحاول أبين إني مش بحبها، بس خلاص بقى باين جدا. حسام: قولها يا صاحبي، قول اللي في قلبك، خلي نارك تبرد. علاء: خايف يا حسام، خايف اللي في دماغي يطلع صح.

حسام: بس في النهاية تكون قلت اللي في قلبك يا صاحبي. علاء: طب أنا هنزل أشوفها لو تحت عشان هروح الكلية بليل أجهز العدة. حسام: ربنا معاك يا صاحبي. حور: يولا، أنا هنزل أجيب كوتشينة من تحت عشان نلعب. تنزل حور وتقابل علاء على السلم. حور: دكتور دفعتنا. علاء: يشيخه، من امتى ده. حور: مالك، في حاجة ولا إيه؟ علاء: أنتِ رايحة فين؟ حور: رايحة أجيب كوتشينة. علاء: طب أنا عايز أقولك حاجة. حور: قول، خير. علاء: جيبي الكوتشينة الأول.

بيتجيب حور الكوتشينة وعلاء بيفكر. حور: خير بقى يا أستاذ عليوة، هتقولي إيه؟ علاء: ...