رواية أوتار عاشقه الفصل الثامن والعشرون 28 - بقلم دنيا ثروت

ماسه: انتي فاهمه اللي بتقوليه؟ ماسه: معني كلامي واحد، الدكتورة دي مش تبع دويدار. ليث: لو دويدار عرف ممكن يقتلها. احنا لازم نمثل كأننا منعرفش هي مين. ماسه: نبعتلها رسالة؟ نيڤين: المحكمة بعد بكرة يا ماسه. ركزي وافهمي، وإياكي تبيني لدويدار إنك فاهمة حاجة. ماسه: طب وهنعمل إيه يا ليث؟ ليث: هنعمل اللي عايزه دويدار. ماسه، أنا مش مستعد أخسرك لأي سبب من الأسباب. ماسه: بس خايفة دويدار يعرف. خايفة من الدكتورة دي.

ليث: الدكتورة جاية من طرف حد، بس مين مانعرفش. مينفعش دويدار يعرف. دويدار وهو طالع على السلم: هو حضرتك يا دكتورة واقفة لي برة؟ نيڤين بلعت ريقها ولفت ضهرها: أنا... أنا كنت بكلم دكتور وليد. يعني كان بيقولي إزاي أمشي نظام الحقن. دويدار: امم. وقال لك إيه دكتور وليد؟ نيڤين: قالي نمشيها اليوم ده بحبوب عشان لو زودنا الجرعات ممكن يموت.

دويدار: طيب. شكلك مش عارفة إن هنا الكلمة اللي تمشي كلمتي. بس هقولهالك تاني. كلمة دكتور وليد تنسيها، والحقنة هتديهم بأمري. نيڤين: أمرك يا بيه. دويدار بيفتح عليهم الباب فجأة. يشوفهم نايمين الاتنين كأنهم ميتين. دويدار: شكلك شغلك أحسن مليون مرة من دكتور وليد. شاطرة يا دكتورة. زياد: عمي، ماسة قربت تعرف الحقيقة. محمد بخوف: يعني إيه؟ احنا فاضل يوم عشان نحقق اللي عايزينه. ماسة لو عرفت هتبوظ كل خططنا.

زياد: نيڤين بعتت إن ماسة شافت الصورة. ولو ماسة قررت تحفر ورا الموضوع هتعرف. ولو دويدار حس أكتر هيقتلها. محمد: قصدك إيه بحس أكتر؟ زياد: ماسة سألته على البرواز وهو مرضاش يقولها وأداها الحقنة. بس طبعًا كلنا عارفين إنها بنج. محمد: دويدار أكيد قرر قتل ماسة بس بعد ما ياخد اللي عايزه. بعد ما ماسة تعترف باللي هو عايزه هيرميها زي الكلبه. زياد: مش هيلحق يعملها حاجة. بعد المحكمة كله هيرجع مكانه وهو هيرجع السجن.

محمد: أتمنى يا زياد. أتمنى. اليوم التالي. بتصحي ماسة تلاقي في وشها نيڤين. ماسه: يخربينك خوفتيني بالكمامة بتاعتك دي. نيڤين: وأنا أخوفك لي؟ كنت أعرفك. ماسه: انتي داخلة أوضتنا لي؟ اطلعي برا. نيڤين: طيب. دويدار بيه عايزكم تحت. بتخرج نيڤين بخوف وبتقول في سرها: افهموا متنزلوش. أرجوكي يا ماسة افهمي متنزليش. دويدار حط الطعم عشان تفهموا. ونبي افهموا بقا. في أوضتهم جوا. ماسه: ليث. ليث وهو بيفوق: عايزة إيه يا ماسة؟

ماسه: دويدار عايزنا. ليث: هيعوزنا في إيه يا ماسة؟ دي لعبة منه. ماسه: لا. ممكن يقولي الحقيقة. يقولي صورة أمي بتعمل إيه هنا. ليث: إزاي صورة أمك بتعمل إيه هنا فعلاً؟ ماسه: لقيته حاططها في برواز وكان على المكتب. ليث: ماسة تلاقي متلخبطة بعدين أو نايمة برضه وارد. ماسه: لا مستحيل. أنسي ملامح أمي مستحيل. دويدار بيدخل بزعيق: مش معقول اتنين مطلقين على نفس السرير...