رواية أوتار عاشقه الفصل الثلاثون 30 - بقلم دنيا ثروت

هسالك تاني يا أستاذة ماسة، هل ليث الشامي غير عاقل؟ ماسة بثقة: أه ياسيدي. ليث بصدمة: انتي بتقولي أي يا ماسة؟ ماسة: بقول اللي كان لازم أقوله من بدري، انت عندك انفصام شخصية، إزاي تبقى واحد عاقل، إزاي أفكر أعيش معاك تاني. ليث: بس أنا مش كدا، وإنتي عارفة كويس إني مش كدا. القاضي بصوت عالي: سكوووت، أرجو من الكل سكوووت. ماسة: لو سمحت ياسيدي، أنا عايزة أمشي، قلت اللي عندي. دويدار وهو بيضحك: أه، بعد إذنك، الجلسة تخلص، مشغول.

القاضي: وبكل الأوراق اللي قدام المحكمة، حكمت بدخول ليث الشامي المصحة، ونقل كل أملاك ليث الشامي لدويدار الشامي. ماسة كانت ماشية من الباب. ليث من وراها: ماسة، نسيت أقولك حاجة. ماسة بتلف له: إيه؟ ليث: إنتي طالق، طالق، طالق بالتلاتة، متتورنيش وشك تاني. ماسة بتخرج بكل برود. محمد بيجري عليها: بنتي، بنتي، بنتي، وحشتيني يابنتي، طمنيني، قولتي الحقيقة. ماسة: ابعد عني، انت قاتل أختي، ابعد. محمد: انتي بتقولي إيه؟

ذياد: ماسة، انتي إيه اللي بتقوليه ده؟ ماسة: إيه، انت مالك مستغرب، مش عارف إن ده اللي قتل نواره؟ نيڤين: عملتي إيه يا ماسة جوا؟ انتي خسرتينا كلنا، لي عملتي كدا لي؟ دويدار: يلا يا ماسة، لازم نمشي. قبل ما يمشوا، ليث كان بيخرج من برا بالقوة: لا، أنا مش مجنون، مش مجنون، مش مجنوووووون، ابعدوا عني، لي يا ماسة، لي؟ أنا عشقتك، لييييييي، مش هسامحك لو هموت، مش هسامحك يا ماسة. ماسة مشيت مع دويدار بكل برود. ركبوا العربية.

دويدار: كنت عارف إنك هتعملي كدا، كنت واثق فيكي يا ماسة. ماسة بتبص للشباك وعيونها خدعتها: انت لي بتعمل كدا، كلنا عملنا فيك إيه؟ دويدار: ولا حاجة، بتروحي أمك بس، كانت زانية مع واحد زبالة، وفي الآخر اتجوزته. ماسة: أنا أمي مفيش أشرف منها، اتكلم كويس عليها. دويدار: وإنتي متفرقيش حاجة عن أمك يا ماسة. محمد بصريخ: يعني ليييي؟ بنتي مش هتبقى في حضني انهارده، يعني إيه؟ كل اللي خططنا ليه فشل، طب لي، لي؟ إيه اللي حصل؟

نيڤين بصدمة أكبر: أنا كنت معاهم طول الوقت، محصلش أي حاجة. ذياد: يعني إيه؟ طب وإيه اللي غير قرارها؟ إيه؟ نيڤين: معرفش، بس أكيد حاجة حصلت. محمد: أنا قولتلك، قولتلك من الأول، ماسة لازم تعرف الحقيقة، ومحدش سمعنيييي. ذياد: وهنقولها إزاي؟ هنقولها انتي وليث ولاد عم؟ هنقولها أبوكي مقتلش أختك؟ هنبرر كل ده إزاي، ودويدار ثابت على موقفه. دويدار: اتفضلي ياماسة هانم. ماسة: مش عايزة أعيش هنا، سيبني أمشي، سيبني بقا، مش خلصت من ليث.

دويدار: وإنتي فاكرة إن هسيبك إنتي واللي في بطنك تمشوا!