رواية أوتار القلب الفصل الخامس 5 - بقلم ريناد أحمد

زين بغضب: أنا عملت لك إيه؟ أروى بغضب: كلامك مع سهام.. مين بقا دي؟ زين حاول يخفي ضحكته وقال بتصنع: أنتِ مالك بيها. أروى: والله! نزلنيييي. زين انفجر ضاحكًا: غيرانة. أروى: إيه ده لا مش غيرانة. زين: والله! أروى بدموع: نزلني بقااا. زين أوقف السيارة: دي بنت عمي يا أروى. أروى: ومحون معاها كده ليه بقا. زين: بنت عمي زي أختي.. وبعدين مكنتش محون معاها أصلًا كلامنا كان عادي. أروى: ....

زين تذكر وقفتها مع أمير: استني بقا كده أنتِ كمان.. إيه اللي وقفك مع أمير؟ أروى: أنت مالك بيه بقا أنت كمان. زين مسك ذراعها بغضب: أروىىى اتكلمي عدل. أروى: شيل إيدك أنت بتوجعنييي. زين: كنتي واقفة معاه ليه؟ أروى ببكاء: طبيعي يعني اتطردنا إحنا ال 3 وكنا بنفكر هنروح عند مين ومعرفوش أصلًا. زين هدأ قليلا وتركها: أنا.. أنا آسف. أروى: نزلني بقا. زين: بيتك فين عشان أوصلك. أروى: مش هقولك.

زين: خلاص هتفضلي معايا في العربية مش هتنزلي. أروى: مينفعش توصلني الناس اللي في شارعي يقولوا إيه عليا. زين: عشان لما آجي أتقدملك أعرف أنا رايح فين خلصيني بقا. أروى وصفت له المكان وأوصلها ونزلت. زين: أروى. أروى التفتت له. زين: أنا آسف تاني. أروى ابتسمت وصعدت لبيتها. زياد: أهلاً بحبيبتي. أروى: إزيك يا حبيبي عامل إيه؟ زياد: الحمدلله.. عملتي إيه النهارده. حكت له على مدرس الفيزياء. زياد: تعالي نروحله هجيبلك حقك.

أروى: لا مهو مستر الرياضيات خدلي حقي أنا وهدى وأمير وهزقه جامد قدامنا وخلاه يعتذر لنا. زياد: اسمه إيه مستر الرياضيات ده؟ أروى: زين سالم. زياد: زين سالم! أروى: اا آه في إيه؟ زياد: لا لا مفيش.. روحي ذاكري يلا. أروى بتعجب: ممكن يا زياد تقول في إيه؟ زياد: لما أتأكد من حاجة هبقى أقولك. أروى: تمام. أروى تحدثت فيديو كول مع صحابها وحكت لهم على زين واعترافهم لبعض. أروى بخجل: أنا حبيته. هدى وريم ومريم: أوووه.

أروى: جاي يتقدملي قريب إن شاء الله. مريم: أخيرًا هلبس سواريه. هدى: من بكرة هشتري الفستان. أروى بضحك: عايزين تخلصوا مني كده على طول. مريم وهدى وريم: آه. أروى بضحك: وه غدارين أوي. وظلوا يتحدثون لفترة طويلة. على الواتساب زين: فينك؟ أروى: موجودة. زين: ذاكرتي؟ أروى: آه. زين: مالك؟ أروى: عادي. زين: بتردي الكلمة بكلمة كده ليه؟ أروى: أقول إيه يعني. زياد دق باب غرفتها. أروى: ادخل. زياد: حبيبتي بتعملي إيه؟

أروى: مبعملش حاجة قاعدة على الفون. زياد: ذاكرتي؟ أروى: آه الحمدلله. زياد: معاكي صورة لـ زين سالم؟ أروى: قول في إيه الأول وهدورلك على صورة. زياد: أصل حاسس إن في تشابه أسماء أو كده. أروى: أهي صورته. زياد بصدمة: زز زين. أروى: أنت تعرفه ولا حاجة؟ زين أرسل رسالة مكتوب بها "لسه زعلانة؟ زياد لمح الشات ما بينهم: إيه ده أنتِ بتكلميه ليه؟ أروى بتوتر: اصل اصل بسأله على حاجات في الواجب. زياد: وهيقولك لسه زعلانة؟

أروى: اا اصل هو زعقلي النهارده على الواجب كان فيه غلطات كتير. زياد بحنان: أروى.. قولي الحقيقة متخافيش. أروى: .... زين يتذكر حديث أروى. *فلاش باك* أروى: لا أنا باخد من زياد. زين: زياد مين؟ أروى: أخويا يا حبيبي أخويا. *باك* زين: أروى الجوهري.. أخوها زياد الجوهري! -إزاي مخدتش بالي من الاسم. -إزاي هي أخت زياد إزاي مش معقول. عقله: لازم العلاقة دي تنتهي. قلبه: بس أنت بتحبها يا زين. عقله: بس هي أخت زياد مينفعش.

قلبه: الحب بيتغلب على أي خلاف. زين: بسسسسس. وأخذ يحدث نفسه: كفاية كفاية. -أنا هعمل أي حاجة عشان حبي ليها. أروى: زين بيحبني وهييجي يتقدملي. زياد: وأنتِ؟ إيه مشاعرك تجاهه؟ أروى بتوتر: أنا كمان حبيته. زياد: بس مش هينفع. أروى: ليه؟ زياد: هاتي التليفون ده الأول. أروى أعطته التليفون. زياد: مش هتاخديه غير بعد 3 ثانوي. أروى: إيه ده ليه في إيه؟ زياد: هتعرفي بعدين. أروى بدموع: طب فهمني طيب.

زياد عانق أروى بحنان: متعيطيش هفهمك وهحكيلك كل حاجة في وقتها.. واه وأنتِ رايحة درس الرياضيات ابقي قوليلي عشان هاجي معاكي. أروى أشارت بالإيجابية. لينا دخلت: إزيك يا روري عاملة إيه؟ أروى: ليلووو كنتي فين؟ لينا: كنت بشتري شوية حاجات للبيت انتي إيه أخبار يومك؟ أروى: لحد ما كويس. لينا: إيه اللي حصل؟ أروى حكت لها على زياد وتصرفاته. لينا: غريبة هو يعرفه منين؟ أروى: معرفش نفسي أعرف. لينا: طب نامي دلوقتي عشان دروسك الصبح.

باليوم التالي. أروى استيقظت مبكرًا بسبب دروسها. أروى: ممكن موبايلي لأن فيه دروس عليه؟ زياد: تمام موافق إنك تخرجي بيه عشان الدروس وأول ما ترجعي البيت هاخده. أروى بحزن: أنا مش فاهمة في إيه يا زياد بجد. زياد عانقها: يا حبيبتي هتعرفي في الوقت المناسب. أروى: طب أنا آسفة إني خبيت عليك حبي لزين. زياد: ... أروى: زعلان مني؟ زياد أشار لها بالسلبية. أروى عانقته مرة أخرى: أجمل زوز في الزوزات كلهم.

زياد بضحك: يلا على دروسك يا بكاشة. أروى: باااي. زياد: بااي. أروى ذهبت لدروسها وبعدما أنهت دروسها وكانت ذاهبة لبيتها تليفونها رن ووجدت رقم غريب. أروى: السلام عليكم. زين: وعليكم السلام ورحمة الله وبركاته.. مش بتردي عليا ليه؟ أروى: ده رقمك! زين قرر يضايقها: لا ده رقم سهام. أروى ببرود: أيوه عايز إيه من الآخر. زين: مالك يا هانم. أروى: مالي؟ أنا زي الفل. زين بغضب: طب أما أشوفك في الدرس.. تمااام. وأغلق المكالمة.

أروى: إيه الرعب ده. ووصلت للبيت. أروى عانقت أخواتها: إزيكم يا زوز.. إزيكم يا ليلو. زياد ولينا: الحمدلله وإنتِ؟ أروى: الحمدلله يا حبايبي. زياد: هاتي التليفون. أروى: اتفضل. زياد: مين الرقم ده؟ أروى: ده زين اتصل برقم غريب وأنا جايه. زياد: وقالك إيه؟ أروى: كان بيسأل أنا مبردش ليه وكده. زياد: تمام.. عندك رياضيات إمتى؟ أروى: بكرة. زياد: أول درس في اليوم؟ أروى أشارت بالإيجابية. زياد: تمام هبقى أنزل معاكي.

أروى: تمام أنا هذاكر وأنام.. تصبحوا على خير. لينا وزياد: وإنتِ من أهله... باليوم التالي. أروى: يلا يا زياد كده زين ممكن ميدخلنيش الحصة بسببك. زياد: ميقدرش. أروى: .... زياد: يلا أنا جاهز. ونزلوا وركبوا السيارة ووصلوا للمكان. أروى صعدت للدرس مسرعة وزياد وراها. أروى: أنا آسفة يا مستر بس... زين بغضب مصطنع: بس إيه يا أروى؟ وفجأة ظهر زياد وراها. زين بصدمة وحزن: زياد! أروى: انتوا تعرفوا بعض!!!

فجأة شريط ذكريات زين وزياد ظهر أمامهم. *فلاااااش بااااك* في جامعة أكسفورد في لندن. زين وزياد تعرفوا على بعض. وكانوا أعز أصدقاء. ولكن حدث شيء قلب حياتهم رأسًا على عقب. زين: زياد أنا بحذرك وابعد عنها دي بت أجنبية وهتوقعك وبعدين تسيبك. زياد: أنت عبيط يا زين.. هي بتحبني وأنا بحبها جدًا. زين: دي وقعت كل شباب الجامعة وسابتهم وتيجي أنت تصدقها بعد كده؟ زياد: فكك مني يا زين.. أنا بحبها وهروح أتقدملها كمان.

زين: أنت حر يا زياد بس فكر تاني وهتعرف إن كلامي صح دي شما.ل. زياد بغضب: مين دي اللي شما.ل يا حيوان وأخذ يضر.ب زين حتى نز.ف من فمه وأنفه. زين مسح الد.م: كده يا صاحبي مكنش العشم. زياد: أنا مش عايز أعرفك تاني. وذهب وتركه. زين لنفسه: هتندم يا زياد. زين كان لا يطيق الجامعة وأن زياد بها كل يوم. فقرر زين أنه يرجع لبلده "مصر". وبالفعل نزل مصر وترك أهله بلندن. نقل لجامعة عين شمس. وعاش حياته كما كانت. وبعد مرور عدة أشهر.

تارا تركت زياد وخانته كما توقع زين. زياد ندم على ما فعله بزين. وقرر أنه يرجع مصر. وبالفعل رجع وترك أهله أيضًا مثلما فعل زين. وكان زياد يبحث عن زين طوال الوقت لكي يعتذر له على ما حدث ويعودوا أصدقاء مجددا لكنه لم يجده أبدًا.... *بااااااااك* زين كانت الدموع تنهمر من عينيه ولكنه مسحها بسرعة: اتفضلي يا أروى.. عشان نكمل الحصة. نتاليا: بيدخلها وهي متأخرة كل التأخير ده!!!! أروى: امشي أنت بقا يا زياد.

زياد بحزن: أنا هستناكي برا. أروى دخلت وأكملوا الحصة. وبعد انتهاء الحصة. زين: إيه اللي جاب أخوكي النهارده؟ أروى: معرفش ماله.. انتوا تعرفوا بعض منين؟ زين: مش مهم.. مش مهم. وخرجوا خارج غرفة الحصة. زياد: إزيك يا أستاذ زين. زين: الحمدلله.. اتفضل جاي ليه؟ زياد: أخيرًا لقيتك. زين: أنت كنت بتدور عليا ليه أصلًا؟

زياد: عشان عايزك تسامحني.. سامحني يا زين.. أنا ما صدقت لقيتك كان نفسي تفضل معايا بس أنت سبتني ورجعت مصر لوحدك.. أنا مكنتش واعي للي بعمله.. أنا بجد آسف.. أنا راجعلك ندمان ونفسي تسامحني على اللي عملته فيك. زين: أنا مش زعلان غير من حاجة واحدة بس إن أروى أختك. زياد: هي بتحبك جدًا وأنا مش مانعها إنها تحبك.. أنت أصيل وأنا هطمن عليها معاك. زين: والاصيل ده أنت ضربته وهزقته عشان بنت؟

زياد: والله كنت عامل زي الأعمى.. كانت مفروشالي الأرض ورد وخلتني أحبها.. كان غصب عني. زين: تحب أقولك آخر جملة أنت قولتهالي؟ زياد بحزن: عارفها.. قولتها غصب عني. زين: أنا هقولهالك بقا.. أنا مش عايز أعرفك تاني يا زياد أنت واختك. أروى بصدمة: ........