رواية أوتار القلب الفصل الرابع 4 - بقلم ريناد أحمد

منال دخلت لزين. "أنا بحبك." زين: "إيه! منال: "أنا بحبك يا زين." زين: "أنتِ مستوعبة اللي أنتِ بتقوليه؟ منال: "آه مستوعبة.. حرام أحبك ولا إيه." زين: "بس أنا مرتبط وهخطب قريب." منال بصدمة: "مرتبط!! بـ أروى صح؟! زين: "ميخصكيش." منال: "تبقى أروى." زين: "لأ مش أروى وملكيش دعوة بيها بقى." منال: "أنا عايزة مرتب الشهر ده عشان مش جايه تاني." زين: "لأ يا منال، أنتِ اللي مظبطالي الشغل." منال: "لأ أنا ماشية وخلاص، مش عايزة فلوس."

زين: "لأ خلاص." وأعطاها الفلوس بحزن. "خدي، فكري تاني يا منال أرجوكي." منال: "أنا فكرت بما فيه الكفاية." وذهبت وتركته. زين لنفسه بحزن: "غصب عني.. الحب مش بإيدي." أروى بعد ما أنهت دروسها قامت بالتحدث مع زين على الواتساب. أروى: "أنا خلصت دروسي." زين: "عملتي إيه؟ أروى: "عدوا ع خير الحمدلله." زين: "الحمدلله.. أنتِ كويسة؟ أروى: "آه الحمدلله بس حاسة إن أنت اللي مش كويس." زين: "فعلاً." أروى: "مالك؟ زين حكى لها ما حدث.

أروى بحزن: "حاسة بيها للأسف.. ليه كلمتها ببرود كده؟ زين: "أهو اللي حصل بقى." أروى: "اهدأ خلاص محصلش حاجة، متتعبش نفسك ع الفاضي وهي خلاص مش جايه تاني أهو." زين: "فعلاً، هطلعها من دماغي خالص." أروى: "صح كده.. أنا هنام بقى." زين: "لسه بدري يا بنتي." أروى: "عندي درس الساعة 8 الصبح." زين: "ياااه.. ربنا معاكي يا حبيبتي.. تصبحي ع خير." أروى: "وأنت من أهله." أروى لنفسها بخجل: "حبيبتي! ثم خلدت للنوم بعد تفكير عميق بزين.

ثم خلد زين للنوم بعد تفكير عميق في أروى أيضاً. منال بحزن: "جرحني جامد يا رؤى." رؤى: "اهدأ بس براحة وطلعيه من دماغك." منال: "من النهارده مش هفكر فيه تاني أصلاً." رؤى: "أحسن حاجة." منال: "أنا رايحة أنام سلام." وأغلقت المكالمة وخلدت للنوم بعد بكاء ساعتين متواصل. بعد يومين. أروى وهدى ذهبوا لدرس الرياضيات. وبعد انتهاء الحصة. أروى: "لسه ملقيتش سكرتيرة؟ زين: "لأ مش لاقي، لو تعرفي حد هاتيه." أروى: "حاضر هحاول ألاقي لك."

زين: "تمام يا أروى.. لما تخلصي دروسك ابقي طمنيني." أروى بابتسامة: "حاضر." زين: "استني." أروى: "نعم." زين: "خدي دول." وأعطاها فلوس. أروى: "لأ أنا باخد من زياد." زين بغيرة: "زياد مين؟ أروى: "إيه الرعب ده، أنت اتحولت كده ليه؟! زين: "اخلصي." أروى: "أخويا يا حبيبي أخويا." زين: "قولتي إيه؟! أروى بخجل: "مقولتش ويلا باي." مسك يدها: "مش هتمشي غير لما تقوليها تاني." أروى: "قولت إنه أخويا." زين: "اللي بعدها بقى."

أروى: "طلعت غلطة." زين: "خلاص هتباتي هنا في الدرس بقى." أروى: "قولت أخويا يا حبيبي أخويا." زين: "أيوه كده." أروى ووجهها أحمر من الخجل: "يلا باي." هدى: "إيه يا بنتي كل ده، بتعملي إيه فوق؟ أروى بسرحان: "...... هدى: "أروىىى." أروى: "إيه." هدى: "رحتي فين؟ أروى نظرت للساعة وشهقت بخوف: "اتأخرنا ع درس الفيزيااااء." هدى: "يالهوي فعلاً." وركبوا تاكسي ووصلوا. هدى وأروى: "إحنا آسفين يا مستر بس كنا في درس." المدرس (ياسر)

: "أعمل إيه بالأسف ده." أروى: "كنا في درس تاني وطلعنا متأخرين." هدى: "أول وآخر مرة يا مستر." ياسر: "سهااام." سهام: "نعم يا مستر." ياسر: "صفي حسابهم، مش هيدخلولي بعد كده." أروى بغضب: "هو إيه اللي مش هندخلولك تاني، كنت وزير الداخلية ولا كنت مدرس أول في المادة.. يلا بركة إننا مش هندخلك تاني أصلاً." ياسر بغضب: "اطلعي برا أحسنلك." أمير (زميلهم) بتدخل: "إيه يعني يا مستر اتأخروا ربع ساعة بسبب الطريق، محصلش حاجة."

ياسر: "سهام.. صفي حساب أمير معاهم." أمير: "أحسن والله، أنا كنت هطلع من عندك أصلاً." هدى ابتسمت لأمير لأنه دافع عنهم. نزلوا من الدرس. أمير بابتسامة ساحرة جعلت هدى تتأمل ملامحه بدقة: "أتمنى إنكم متضايقوش من واحد زي ده.. إنتوا كنتوا فاهمين منه أصلاً؟ أروى: "الصراحة آه بس اللي يهيني بالطريقة دي يولع هو وشرحه." هدى: "اهدأ يا أروى.. هنشوف أحسن منه بكتير." أروى: "شوفتي يا هدى كلمنا إزاي."

أمير: "أنا أعرف واحد اسمه هيثم البشبيشي، صحابي بيقولولي إنه شاطر." هدى: "عنوانه فين؟ أمير قال لها ع العنوان. هدى: "شكراً يا أمير." أمير بابتسامة: "عفواً يا هدى." زين كان معدي بسيارته ورآهم. زين بهدوء عكس اللي جواه: "إنتوا بتعملوا إيه هنا؟ أروى: "شوفت يا مستر زين.. مستر ياسر طردنا احنا الـ 3." زين بغضب: "ليه إيه اللي حصل؟ أمير: "اتأخروا ربع ساعة بسبب الطريق قام طاردهم وأنا عشان دافعت عنهم قام طاردني."

زين: "ده عبيط ده ولا إيه." أروى بدموع: "أحرجني أنا وهدى أمام المجموعة كلها." زين: "هو الدور الكام؟ هدى: "التاني." زين: "تعالوا معايا." طلعوا مرة أخرى له. زين: "سهام! أنتِ بتشتغلي هنا؟! سهام: "آه يا زين عامل إيه ليك وحشة والله." زين: "وأنتِ كمان.. عاملة إيه." سهام: "بخير الحمدلله." زين: "بقولك.. دول تبعي وأنا عايز أقابل المستر." سهام: "حاضر هناديهولك." ياسر خرج: "إنتوا تاني! زين: "كلامك معايا أنا."

ياسر: "أهلاً بيك.. أنت مين بقى؟ زين: "أنا أ/ زين سالم مدرس رياضيات." ياسر: "أهلاً بيك.. إيه المطلوب؟ زين: "طردتهم ليه؟ ياسر: "عشان متربوش." زين مسكه من ياقة قميصه وقال بغضب: "لو راجل قولها تاني." ياسر ببرود: "عشان متربوش و... قاطعه زين بـ بو.كس قو.ي لدرجة أن انفه نز.ف. سهام شهقت بخوف: ".... ياسر بغضب: "أنت عبيط! زين: "اللي زيك هما اللي متربوش بجدي." ياسر مسح الد.م ورد البو.كس لزين. سهام وهدى شهقوا: "....

أروى بصراخ: "زيييين." زين نظر لأروى: "اهدأ." أروى لياسر: "ميشرفناش أصلاً إننا نفضل عندك." ياسر: "وجايين تاني ليه بقى." زين: "عشان هتعتذرلهم أمام المجموعة كلها." ياسر: "نعم !!! زين ببرود: "زي ما سمعت." ياسر: "استحالة." زين: "خلاص هدخل وأجيب المجموعة كلها تتفرج عليك وأنت بتتهزق كده يا حبيبي.. ووجه كلامه لأمير: ادخل نادي المجموعة خليها تحضر." أمير: "تمام." ياسر: "استنى." زين: "ها." ياسر: "أنا آسف."

زين: "تؤ تؤ.. أمام المجموعة كلها." ومسكه من يده ودخلوا غرفة الدرس. زين: "اخلص." ياسر: "أنا بعتذر قدامكم كلكم لأمير وأروى وهدى." زين: "أيوة كده." ياسر: "لو عايزين تحضروا اتفضلوا." أمير: "لأ متشكرين." أروى: "لأ ميشرفناش." هدى: "عمرنا ما هندخلك حصة تانية أصلاً." زين: "أكيد مش عايزين تدخلوا؟ أشاروا بالإيجابيه. زين: "تمام يلا بينا." نزلوا. زين: "اركبوا هوصلكوا."

أمير: "لأ يا مستر شكراً جداً لحضرتك، كفاية اللي حضرتك عملته." زين بابتسامة: "أنا معملتش حاجة أصلاً." أمير: "حضرتك مدرس إيه؟ زين: "رياضيات." أمير: "يا خسارة أنا علمي علوم.. كان زماني باخد عندك دلوقتي." زين ضحك: "يلا اركبوا." هدى: "بس... زين: "مبسش اركبوا يلا." ركبوا السيارة وكان أمير جالس بالامام بجانب زين. وهدى وأروى جلسوا بالخلف. أروى لم تتحدث طوال الطريق. زين أوصل أمير وهدى وتبقى أروى.

زين: "بيتك فين بالظبط يا أروى؟ أروى: ".... زين: "أروىىى." أروى بحزن: "نعم." زين: "تعالي اركبي قدام واوقف السيارة." أروى جلست بالامام. زين: "مالك." أروى: "مفيش." زين: "اخلصي يا أروى." أروى: "مانا قولت مفيش مفيش نزلني بقى وأنا هكمل طريقي لوحدي." ولسه هتفتح الباب. زين أغلق الأبواب من الزر الذي بجانبه. أروى: "افتح يا زين ونزلني بقااا." زين: "ما تقولي في أييييه." أروى: "مش طايقة منك كلمة حرفياً."

زين بغضب: "أنا عملتلك إيه." أروى: ".......