رواية أوتار القلب الفصل الثالث 3 - بقلم ريناد أحمد

زين: قبل ما تمشوا عايز أقول لكم حاجة وبالذات اروى. اروى (لنفسها بصدمة وتوتر) : هيقول إيه ده؟ نتاليا (قبضت يدها بغضب) : ... زين: أنا قلت ملحوظة قبل ما انتي تيجي الدرس وهقولها تاني وتكتبوها. اللي مكتبهاش يكتبها. اروى أشارت بالإيجاب. ذهب الجميع. هدى: اروى ممكن أقولك حاجة؟ بس متزعليش مني؟ اروى: قوليه. هدى: إحنا بقينا أصدقاء مقربين صح؟ اروى ابتسمت: صح يا هدى. هدى: طب إنتي في حاجة ما بينك إنتي ومستر زين؟ اروى بتوتر: لـ...

لا. ليه؟ هدى: أصل حاسة إنه مركز معاكي جامد. اروى: الصراحة وأنا كمان حاسة كده، بس مش عارفة أعمل إيه. مفيش بينا حاجة بجد، بس نظراته هتخلي كل اللي في الدرس يفكر في اللي إنتي فكرتي فيه. هدى: شكله بيحبك يا بت يا اروى. اروى: وأنا مش بحبه يا هدى. أنا عايزة أكمل تلاتة ثانوي على خير من غير قلق ومن غير حب والكلام الفاضي ده. وكمان إنتي عارفاني دبش ومش بعرف أحب. هدى ضحكت: عارفاكي طبعاً.

اروى: طلعي الفكرة دي من دماغك. لو في أي حاجة هحكيلك أكيد. هدى: تمام يا روري. تيجي نقابل ريم؟ اروى: ومريم كمان. هعرفك عليها. تعالي نكلمهم ونتقابل ونفك من جو تلاتة ثانوي شوية. هدى: يلا بينا. تقابلوا بالفعل ومريم وهدى اتعرفوا على بعض. مريم: دلوقتي بقينا شلة مكونة من أربعة. هدى: إيه ده؟ أنا دخلت الشلة بالسرعة دي؟ مريم: أه. إنتي لطيفة جداً وعندنا صفات كتير شبه بعض. ريم: فعلاً يا جماعة. يارب منتفرقش أبداً. الكل: يارب. ***

بعد يومين. هدى: يلا يا بطيئة هنتأخر على الدرس. اروى: بلبس الكوتشي أهو. هدى: الكلام ده مش عليا. أكيد لسه ملبستيش أصلاً. اروى: لا لا، أنا بلبس الشراب أهو وفاضلي الكوتشي. هدى: اخلصي. لو طلعتلك هجيبك من طرحتك. اروى بضحك: أنا في الأسانسير أهو. نزلت اروى. هدى: منك لله. اروى: تفتكري هنتهزق؟ هدى بمزح: لا طبعاً، مانتي معايا يا بنتي. اروى: قصدك إيه يا بت إنتي؟ هدى: لا لا، مقصدش. اروى فهمت: تعاليلي هنا. أنا هجيبك من شعرك.

هدى بضحك: قصدك طرحتي. اروى: حسابك معايا بعدين يا حيوانة. هدى وأروى وصلوا الدرس. هدى دخلت قبل اروى: أنا أس... زين بمقاطعة: متأخرة ليه؟ هدى: ... اروى: أنا اللي أخرتها. أنا أس... زين بمقاطعة مرة أخرى: ادخلوا. هدى: مش قولتلك إنه هيدخلنا بسببك. اروى ضربت هدى: اخرسي. هدى ضحكت: ... زين كان يشرح وعينه على اروى فقط. زين: ركزي يا اروى. اروى: جوهري، فاهمة؟ زين: اروى الجوهري، حلي معايا المسألة دي.

نتاليا: مش هيبطل يقول اسمها ولا إيه؟ هو مفيش غيرها في الحصة؟ مايا: مش عارفة إيه ده بجد. هدي نفسك يا نتاليا. نتاليا كان على وجهها علامات الغضب. نور: أهدي. نتاليا: ..... وانتهت الحصة. وبعد مرور 3 أشهر. زين حبه لأروى يزداد أكثر وأكثر. وفي يوم ما قرر زين أن يعترف لأروى بحبه. زين أخذ رقم اروى من جروب الواتساب. وبدأ حديثه وهو متردد للغاية. زين: ازيك يا اروى. اروى كانت مسجلاه ورأت الرسالة بصدمة وقالت لنفسها: مستر زين!

عايز إيه ده كمان؟ اروى: الحمد لله يا مستر. في حاجة؟ زين: لا بس كنت عايز أقولك حاجة ضروري. اروى: اتفضل. زين: أكيد يا اروى إنتي ملاحظة نظراتي ليكي عاملة إزاي. أنا كل ما بشوفك مبعرفش أشيل نظري عنك. أنا بحبك يا اروى. اروى (لنفسها بصدمة وتوتر) : أحيه! وقالت لأختها "لينا": اضربيني كده يا لينا. لينا بتعجب: مالك يا اروى؟ في إيه؟ اروى: اضربيني بس. لينا ضربتها بقوة. اروى: آآآه. إنتي عنيفة كده ليه؟

لينا بضحك: مش إنتي اللي قولتي اضربك! اروى: أيوه بس براحة. اروى شافت الرسالة وعدى 5 دقائق وهي لسه مجاوبتش عليه. زين (لنفسه) : إيه اللي أنا عملته ده؟ أنا غبي. أنا إيه اللي خلاني أعمل كده؟ هو ده وقته!!! زين حذف الرسالة وقال لها مرة أخرى: أنا أسف. مش عارف أقولك إيه. بجد أسف. سامحيني. اروى: وأنا كمان على فكرة. زين بدهشة: وإنتي كمان إيه؟ اروى: حاسة إن فيه مشاعر ناحيتك. زين بصدمة: إنتي بتتكلمي بجد!!! اروى: أه.

زين: يعني إنتي حاسة إنك بتحبيني؟ اروى: أه يا مستر. زين: لا مستر إيه بقى. من النهارده تقوليلي زين بس. في الدرس لأ، تقولي مستر طبعاً. 😂♥️ اروى: ماشي يا زين. 😂💕 زين: جاهزة إنك تتخطبي؟ اروى: خليها بعد تلاتة ثانوي أحسن. زين: براحتك خالص، بس هفضل جنبك ومعاكي دايماً. تسمحيلي بكده؟ اروى: ماشي. زين: مستنيكي بكرة إن شاء الله. تصبحي على خير. اروى: إن شاء الله. وانت من أهل الخير.

زين كانت فرحته كبيرة جداً وظل يتذكر كلامه مع اروى حتى نام. اروى كانت متوترة بسبب كلامه وكانت خائفة من بكرة لأنها هتشوفه وظلت تفكر حتى نامت. *** باليوم التالي. جاء موعد مجموعة تلاتة ثانوي. كل الطلاب والطالبات وصلوا على الميعاد ماعدا اروى. اروى وهي تنهج: آسفة... آسفة جداً يا مستر. راحت عليا نومة. زين ابتسم: اتفضلي يا اروى. نتاليا (لنفسها بسخرية) : اتفضلي يا اروى... نينينيني. اروى جلست ونظرت لزين وابتسمت.

زين كان في قمة سعادته بعد هذه الابتسامة الجميلة. وأكمل الشرح. والكل ذهب. اروى: هدى، استنيني برا. هقول حاجة للمستر مش فاهماها. هدى: تمام. زين فرح بشدة أنها تريد التحدث معه. زين: نعم يا اروى. اروى: مستر زين، أنا خايفة. زين بقلق: من إيه؟ اروى: من إني أهمل الدراسة بسببك. زين: متخافيش يا اروى. أنا هفضل جنبك وأشجعك ومش هخليكي تهملي دراستك أبداً. اروى: يعني أطمن! زين ضحك: أيوه اطمني. اروى: تمام. أنا ماشية.

زين: ابقي طمنيني عليكي لما تخلصي دروسك. اروى: حاضر. منال سمعت حديثهم. اروى ذهبت. منال دخلت لزين: أنا بحبك. زين: .....