رواية أوتار القلب الفصل السابع 7 - بقلم ريناد أحمد

وفجأة شخص مسك المايك وقال: الخطوبة دي عمرها ما هتكمل. روى نظرت له بصدمة: زين! زياد: زين! هدى: مستر زين! حاتم: ايه الهبل ده. فادي نظر لأروى: انت تعرفيه! أروى: ... رانيا: هو في ايه مين ده يا حاتم. حاتم: مش عارف استنى هنعرف كلنا دلوقتي. زين ذهب لهم على الكوشة. زين: اهلا يا .. فادي صح. فادي: انت مين. زين: اعرفك بنفسي .. انا زين سالم ومن الاخر أروى تخصني والخطوبة دي مش هتكمل. أروى: جاي ليه. زين: جاي أفشكل خطوبة حبيبتي.

فادي: حبيبتك! وجه كلامه لأروى: مش أنا سألتك في حد في حياتك ولا لا؟ زين: وقالت لا مش كده! تبقى غلطانة .. مانا اهو في حياتها. زياد: جاي ليه. زين تجاهله: أروى، لمي الموضوع وقومي معايا. أروى: انت عبيط! اولا انا مش حبيبتك ثانيا مش هقوم ثالثا بقا الخطوبة هتكمل غصب عنك. زياد سحب زين بعيد واعتذر وقال للناس أن زين يمزح ويقصد أن الخطوبة مش هتكمل من غيره. زياد: جاي ليه بقولك. زين: انت مالك. زياد: انت عبيط. زين:

ما قولت اه عبيط ملكش دعوه بقا. زياد: امشي يا زين. زين: مش ماشي يا زياد .. واروى تخصني .. يا أما هعمل حاجات مش هتعجبك. زياد: طب امشي ونتفاهم بعدين. زين: ماشي نتفاهم بعدين بس هقعد وأحضر. ودخل القاعة مرة أخرى. فادي: قال إنك حبيبته. أروى بتوتر: زين ده ابن عمتي وكنا متخاصمين من فترة عشان كده كلمته بالطريقة دي وكان بيهزر عادي. فادي: الحمدلله .. فكرتك حبيبته بجد. أروى: لا لا.

أروى رأت زين وقت دخوله للقاعة للمرة الثانية لكنها تجاهلته. وجاء وقت لبس الدبل. ولبسوا لبعض الدبل. زين جالس والغضب على وجهه. فادي بهمس: مبروك يا أروى. أروى ابتسمت: مبروك ليك انت كمان يا فادي. فادي: الله يبارك فيكي يا حبيبتي. الخطوبة انتهت وكل الناس ذهبت من المكان. *** أروى: ايه اللي جاب زين. زياد: عايز يفشكل خطوبتك. أروى: بصفته ايه. زياد: انت لسه بتحبيه؟ أروى: ... زياد: كده هتجرحي فادي. *** نتاليا تحدثت مع مايا ونور.

نتاليا: سمعتوا اللي حصل امبارح؟ نور ومايا: لا في ايه. نتاليا: أروى اتخطبت. نور: أروى الجوهري؟ نتاليا: اه هي. مايا: مش ملاحظين إنها بقالها كتير مش بتيجي؟ نتاليا: اكيد بسبب الخطوبة .. يلا يارب متجيش خالص عشان نظرات زين ليها بتقتلني بجد. نور: يلا ربنا يبعدها عننا. نتاليا ومايا: يارب. *** أروى جربت مدرسين رياضيات كتير جدا ووجدت أن ولا شخص بهم قدر يفهمها الرياضيات. أروى تحدثت مع فادي. أروى: السلام عليكم .. ازيك يا فادي.

فادي: الحمدلله انت ازيك يا أروى. أروى: الحمدلله .. فادي ممكن طلب؟ فادي: طبعا قولي. أروى: عايزة مدرس رياضيات ضروري .. تعرف حد؟ فادي: اه في واحد اسمه محمد سراج. أروى: جربته معجبنيش .. مفيش واحد تاني؟ فادي: هسأل وأشوفلك حاضر .. استنى مني مكالمة. أروى: تمام شكرا جدا يا فادي. فادي: انت تؤمري يا أروى. واغلقوا المكالمة. فادي اتصل بها مرة أخرى وقال لها على أسامي مدرسين. أروى:

جربتهم كلهم للأسف وطلعت من عندهم .. خلاص لو عرفت أشوف حد على اليوتيوب هشوف. فادي: تمام .. لو عوزتي حاجة قوليلي. أروى: تمام. واغلقوا المكالمة. أروى تحدثت مع ريم ومريم وهدى. أروى: مش عارفة أروح فين. هدى: روحي لزين سالم وانت كده كده مخطوبة مش هيقدر يعملك حاجة. ريم ومريم: صح .. روحي له. ريم: مش هو زي المدرس القديم؟ روحيله. ريم: اتفق مع هدى ومريم. أروى: هشوف ... *** أروى بعد تفكير طويل قررت ترجع درس زين.

وبالفعل باليوم التالي ذهبت للدرس. كانت ذاهبة بدري. أروى: السلام عليكم. هبة "السكرتيرة": وعليكم السلام ورحمة الله وبركاته .. اتفضلي .. اسمك ايه. أروى: أروى الجوهري. هبة: تمام خدت غيابك ادخلي. أروى دخلت غرفة الدرس ولا يوجد بها أي شخص. شوية ونتاليا ومايا ونور دخلوا. نتاليا بصدمة: ايه ده. مايا ونور بهمس: هي دلوقتي مخطوبة سيبك منها. جلسوا أمامها ونتاليا تستشيط غضباً. شوية وكل المجموعة دخلت. هدى بصدمة: مش معقول.

أروى ابتسمت: ملقتش مدرس غيره للأسف. هدى: اخيرا يا شيخة .. مقولتيش ليه. أروى: لسه مقررة القرار الصبح ويدوبك نزلت وجيت. هدى: الحمدلله .. عاملة ايه مع فادي. أروى: الحمدلله .. طيب خالص وبيحبني. هدى: وانت؟ في اللحظة دي زين دخل. أروى لمحته: ايوه بحب فادي اوي. زين بصدمة: ... هدى لمحت زين أيضاً: ربنا يخليكوا لبعض يا روحي. أروى: يارب. زين: احم، السلام عليكم. الكل: وعليكم السلام ورحمة الله وبركاته. زين: ازيكوا يا شباب. الكل:

الحمدلله. وبدأ الحصة وعيونه على نتاليا ... أروى كانت تنظر له بغضب. نتاليا بصدمة: ده بيبصلي. مايا: يا دبلة الخطوبة. نور: من نظراته شكله بيحبك. نتاليا بفرحة: مش مصدقة نفسي بجد. وظل طول الحصة نظره على نتاليا لكي يُغضب أروى. أروى كانت غيرانة عليه جدا. نتاليا كانت في منتهى السعادة. الكل خرج ما عدا أروى. هدى ذهبت لدرسها. أروى كانت خارجة بعدها وجدت زين يسحبها من يدها. أروى: سيب ايدي .. في ايه. زين:

أروى، اقعدي هنا وانت ساكتة. أروى: انت مالك بيا. زين: أروى، انت كده بتظلمي فادي على فكرة. أروى: لا انا بحبه جدا .. ملكش انت دعوة. زين بغضب: أروىىىىى، اتكلمي عدل. أروى رفعت يدها وأشارت على الدبلة: شايف دي؟ شايف ولا لا .. دي بقا محطوطة في إيدي بإرادتي ومش هتتشال لأنها بتاعت فادي حبيبي. زين: يا بنتي الشغل ده مش بياكل معايا .. اعملي حاجة جديدة تدخلي عليا. أروى بغضب: من الآخر انت ملكش دعوه بيا. زين ببرود:

اومال جيتي هنا تاني ليه. أروى: للأسف ملقيتش مدرس شرحه حلو غيرك .. مش ذنبي .. جايه هنا وانا مضطرة. زين: مضطرة! أروى: اه، سيبني بقا في حالي. زين: امشي يا أروى .. امشي. أروى: مانا ماشيه فعلا. والتفتت له مرة أخرى. أروى: و اه اللي حصل النهارده ده وانك تلمسني ميحصلش تاني عشان فادي بيغير عليا. وذهبت وتركته وهو يستشيط غضباً. زين لنفسه: ماشي استني عليا يا أروى. وذهب لبيته. وجلس يفكر وهو حزين جدا من كلام أروى.

اتصل بمازن صديقه: مازن، تعالالي عايز أحكيلك حاجات كتير. مازن: تمام. مازن ذهب له. مازن: مالك. زين: متضايق جدا. مازن: ليه بس. زين حكى له على كلام أروى. مازن بحزن: بعد كل ده ولسه بتحبها؟ زين: اه وحاجة وحشة اوي اني ألاقيها بتضيع مني بالطريقة دي. مازن: أهدى وكل حاجة هتتحل. زين: أروى ليا يا مازن .. أروى ليا. مازن: لو من نصيبك اكيد هتاخدها. زين: يارب. مازن: انا همشي وهفضل أفكرلك في حل وانت ارتاح ومتفكرش خالص. زين:

تعبك معايا انا اسف. مازن: انت أخويا يابني في ايه. مازن ذهب لبيته. مازن ظل يفكر لمدة طويلة في موضوع زين لكنه لم يتوصل لأي حل .... *** باليوم التالي. أروى ذاهبة لدرس العربي. وجدت شاب وقف أمامها. وفجأة ...