رواية ارهقني عشق طفلة الفصل الرابع 4 - بقلم وفاء مطر

سمر : إيه يا حيوان، أنت مش شايف دهم : حيوان مين يا زبالة، أنتِ ما تحترمي نفسك سمر : أنا زبالة يا حقير، أنت اللي خبطت فيا ووقعتني وأنا مش هسمحلك تشتمّني كمان، ده أنت قليل الأدب أوي وعايز تتربى أدهم سرح في جمالها ولم يسمع أي كلمة مما قالته، وظل شارد بها حتى فاق على صوتها العالي مرة أخرى سمر: ما ترد يا زفت، ساكت ليه؟ ولا عشان مش لاقي رد أدهم : والله يا بتاعة أنتِ، لو ما مشيتيش من قدامي دلوقتي لأكون فعصك برجلي، أنتِ

مش شايفة حجمك ولا إيه سمر: تفعصني أنا!!! فين مدير المستشفى دي أو أي حد مسؤول؟ أنا هسجنك على كلامك ده، أنا هعمل فيك محضر أدهم : هههه يا مدير، تعال يا مدير، ههه مهاب أتى لهم : إيه صوتكم عالي ليه؟ أنتو في مستشفى راقية ولا إيه؟ يا دكتور أدهم ولا إيه، آنسة..! سمر : سمر يا دكتور، اسمي سمر مهاب : ولا إيه يا آنسة سمر سمر : بس هو مين ده اللي دكتور؟ ده شكل دكتور أدهم : بت، أنتِ احترمي نفسك مهاب بصوت اهتزت له جدران المشفى

حتى ارتجفت سمر وأدهم : هو أنا مش واقف ولا إيييه مهاب بعد أن هدأ: فيه إيه يا آنسة سمر سمر : حور بتعاند ومش عايزة تركب العربية اللي حضرتك مخلّيها مستنيانا تحتي مهاب بدأ بداخله أقسم أنه سيحطم عنادها وكبريائها هذا وقال: احم، طب أدهم، أنت هتدخل تعمل نفسك بتكشف عليها، وبالصدفة كأنك رايح عند المنطقة بتاعتهم وتوصلهم جاءت لتعترض سمر ولكن أوقفها صوت أدهم عندما قال: موافق

وأخذ من سمر العنوان ورتبوا خطتهم وهما مش طايقين بعض، بس عشان خاطر أختها استحملت، وهو عشان يعرف عنوان بيتها وبالفعل نجحت الخطة، وأوصل أدهم كلا من سمر وحور شقتهم *** متصل 1 : يا باشا، اللي كان شايل حور دخلها مستشفى بتاعت سمير المحمدي، وطلع هو الدكتور بتاع الجامعة والمستشفى، مش صاحبها ولا حاجة متصل 2 بلع ريقه : إيه؟ مستشفى سمير المحمدي متصل 1 : آه، واللي كان شايلها ده ابن صاحب المستشفى، مهاب سمير المحمدي متصل 2

بغضب : مهاب، هو نزل مصر امتى متصل 1 : هو أنت تعرفه يا ريس؟ بس اللي أعرفه إنه لسه نازل الأسبوع ده متصل 2 : طب عايزك ما تشيلش عينك من على حور، ومتفارقش بيتهم، وتفضل مراقبهم 24 ساعة متصل 1 : أوامرك يا ريس ثم أغلق الخط متصل 2 : مهاب رجع تاني، أكيد عشان ينتقم، أنا بقيت خايف على حور وسمر أكتر، لازم أبقى على تواصل معاها *** حنان وهي تفتح باب شقتها : يلهوي، مالي يا بنتي إيه اللي حصلك حور: اهدّي يا ماما، أنا كويسة قدامك أه

سمر : ماهي زي القرّدة قدامك أهي، أحجّه، هي دي بيحصلها حاجة؟ ههه حور : ههه، جزمة سمر : حور يا مامتي، وقعت من على المدرج وهي خارجة، والدكتور قال لازم رجليها تتجبس عشان فيها كسر بسيط، ومجرد وقت وهتبقى كويسة حنان : تاني يوم كلية وعملتي كده، أمّال آخر السنة هتطلعي عاملة إزاي؟ ادخلي استريحي يا مغلباني، ربنا يهديلكو الحال حور : الحمد لله إنها جت لحد كده يا ماما حنان : مش هتروحي الكلية تاني لحد ما رجلك تخف حور :

ليه بس يا زمل حنان : زمل مين حور : زميل يعني 😂، بحاول أفك من الجو الحمضان بتاعكم ده حنان : بت!! أنتِ جيتي سنتين بس هنا واتعلمتي كلام الشوارع ده كله؟ شوفي أختك سمر رقيقة إزاي، خليكي زيها حور : مين دي اللي رقيقة؟ تفّ من بوقك يا حجة، مشوفتيهاش قالت إيه للواد اللي وصلنا بالعربية؟ تهزيق طول الطريق سمر : عليا الطلاق، أبداً، ده هو اللي عايز يتربى حور: طلاقي على طلاقك، أنتِ اللي عايزة تتربى

حنان : دمااااغي اااه، هتموتوني ناقصة عمر، يا خسارة تربيتي فيكوا، إيه الكلام الأوڤر اللي انتو بتقولوه ده؟ إشحال كنتوا متربيين في ڤيلل زمان حور : بس تصدقي يا أم سمر، الجو ده أحسن من جو الڤيلا حنان بتقلع الشبشب عشان تحدف بيه حور : بقيت أم سمر كمان؟ لا والله لأربيكي من أول وجديد جرت حور للداخل تحت ضحكها هي وسمر *** أما أدهم فظل يفكر ليه مهاب كان مهتم بحور كده، رغم إنه بيحتقر وبيكره جنس حواء، وكان حابب يتأكد من شكوكه

وشرد بسمر وجمالها، وقرر بتسلية بسمر ومعاندتها *** حنان : يلا يا بنات، حطيت الأكل، يلا عشان تاكلوا حور : أنا جييييت سمر : بس أنتِ يا سمر، هتعملي إيه في الكلية كده حور بلا مبالاة: هروح حنان : أنا قلت مفيش روحة حور : بصراحة يا ماما، أنا عايزة أكلمك في موضوع كده حنان : موضوع إيه حور : أنا هكلم شادي حنان بصراخ : إيييييه؟ شاااااااااادي !! سمر : شاااادي! يتبع