رواية ارهقت قلبي بعشقك الفصل الرابع 4 - بقلم مغفرة صالح

يا خالتو بقولك مبيسألش خالص مبيتكلمش مبيرنش داخلين في الشهر ميعرفش حاجة عني قالتها چاسمين بنبرة حزينة. نظرت لها حياة بحيرة ثم أردفت قائلة: والله يا بنتي معتش عارفة أقولك إيه أنا حاولت معاه بس إنتي عارفة أدهم دماغه قفلت شويتين. وبيقاطعها زياد قائلاً وهو يجلس على الكنبة وينظر للهاتف: بصي هو خلينا واقعيين إنتي عارفة وكله عارفين إن أدهم أصلاً مكنش عايزك. ومقاطعته والدته بنبرة صارمة: اسكت يا زياد.

بسقاطعها فادي أخيه الأوسط قائلاً: لا يا ماما ولحد إمتى هنفضل ساكتين؟ مش عشان هي بنت خالتنا هنسكت. وأدهم يا ماما فكري في ابنك. ثم وجه كلامه لـ چاسمين: تقدري تقوليلي حاجة واحدة بس عشان يحبك؟ عملتي إيه عشانه؟ مضحيتيش بأي حاجة. اللي بشوفه من أدهم إنه بيحاول يحبك بس معرفش. سيبيه في حاله بقى إنتي إيه؟ نظرت لهم بمشاعر باردة ثم بكت: إيه اللي انتوا بتقولوه ده؟ أدهم بيحبني أنا ومش هيكون لغيري أنتوا سامعين. ثم أخدت نفسها ورحلت.

نظر لها زياد بإستحقار: يلا في داهية. ربنا يكون في عون. نظرت لهم حياة بحنق: إنتوا إزاي تتكلموا معاها كدا؟ مينفعش طريقتكوا دي خالص. أنا عارفة إنه مش بيحبها بس متبقاش بالطريقة المجروحة دي. أنا آسف يا أمي. قالها فادي ثم قبل رأسه. نظر لها زياد ثم قبل رأسها: ما بصراحة هي مستفزة. معندهاش كرامة خالص. هي مش هترتاح غير لما يحب واحدة وييجي يقولها مبحبكيش وساعتها هيكون عنده حق. خلاص يا زياد.

قالها فادي بنبرة لا تقبل النقاش على أن يقفل هذا الموضوع. هتوحشيني يا كوكي. قالتها فريدة وهي تنظر لـ مكه بحب. احتضنتها مكه بود ثم قالت: هتوحشيني أكتر يا فري. المهم تكلميني كل يوم لحد ما المدة دي تخلص. مش عارفة أنا الدكتور الرخم ده فرقنا ليه يعنى. نظرت لها بنصف عين: إممممم رخم بردوا. لكزتها في كتفها ثم أتت ابتسام: خودي بالك من نفسك يا فريدة وتطمنيني عليكي يا حبيبتي. ثم احتضنتها. قالت مكه بمزاح وهي تقف

على الكنبة وتلوح بيدها: الله الله يا ست ماما منتي بتعرفي تكوني حنينة أهو. أومال ليه بتعملوا معايا كدا و… قاطعتها ابتسام وهي تحدف الشبشب على مكه لاكن لحقته: أيوا والله كنت مستنياه دا حبيبي دا. قد إيه بحب الشبشب ده يا ماما يا نبع الحنان. ثم نظرت على اللذين منفجرين من الضحك. قالت فريدة من بين ضحكاتها: إنتي رهيبة بجد. ثم امسكت بحقيبتها وقالت: يلا أنا ماشية بااي. قامت مكه بإحتضان ابتسام ونظروا لها بود. ودعتهم ثم رحلت.

نظرت مكه لـ ابتسام: تفتكري هتقدر تتأقلم شهر لوحدها بعيدة عننا؟ قالت بثقة: دي أول خطوة أنا كنت مستنياها تيجي. لأنها هتقدر تعتمد على نفسها ومش هتحتاج لحد. هتواجه كل حاجة لوحدها. نظرت لها ابتسام بإستغراب شديد: مكان فيه رجالة؟ مالها ومالهم. توترت مكه قليلاً حاولت تغيير مجرى الحديث: هاا لاء لاء. أنا أنا يعني… بقولك إيه عامللنا أكل إيه بقا يا بيسو يا قمر انت لحسن عصافير بطني بتهوهو. نظرت لها ابتسام بقرف:

أمه داعية عليه والله اللي هياخدك. ربنا يكون في عونوا هو وأهله كلهم نفر نفر. ضحكت مكه بسماجة قائلة: ياااه دا يا بختوا بيا والله. طب بذمتك ودينك وصفقت بيدها وأكملت: مش كنااا مدلعينك لووول. تفزعت ابتسام وتركته ورحلت وهيا تتمتم: لاء والله أنا خلاص صحتي بقت على قدي. بنتي اتجننت على أخر الزمن. طب أبوكي الله يرحمه كان فرفوش بس مش بالهبل ده. شارت على نفسها: أنا أناا. إنتي راضية عن الكلام دا؟

وبعدين مالك ومال أبويا السكر النسمة. كفاية عيونه البنية. قالت ابتسام بنفاذ صبر: بت امشي من قدامي هترفعيلي الضغط.