رواية ارهقت قلبي بعشقك الفصل الثامن 8 - بقلم مغفرة صالح

أوف أخيراً عرفنا نخلع منهم، هنقعد فين في الصحرا دي أنا تعبت. بوصي، في شجرة هناك، هنفضل جنبها لحد بس ما النهار يطلع، تمام؟ هزت رأسها بالموافقة قائلة: تمام، تمام. حتى وصلوا لتلك الشجرة وجلسوا بجانبها. وضع يديه خلف رأسه وأراحها للخلف وتسند على الشجرة وأغمض عينيه. بعد قليل كانت تهزه برفق. أدهم، أنت نمت؟ هز رأسه بمعنى 'لا'. أكملت: طب مين الناس دي؟ وأنت كمان مين؟ وليه كل دول بيجروا ورانا وعايزين مني إيه؟

أفاق واعتدل في جلسته حتى يكون أمامها مباشرة ونظر لها وقال بتنهيدة: طيب هحكيلك، أبدأ منين؟ وضعت إصبعها على هيئة التفكير قائلة: امممم، مين الناس اللي كانت بتجري ورانا؟ ولا أقولك، أنا جعانة، اتصرفي! نظر لها بصدمة فقال بسخرية: جعانة؟ أجيب لك إيه في الصحرا اللي إحنا فيها دي؟ نظرت له بتذمر وربعت يديها: أوف منك أوف، طب يلا احكيلي. أبوكي محمد صفوان كان شغال جنايني عند هلال عبد الحكيم. الراجل ده ابنه كان عايزك، صح؟

هزت برأسها بالموافقة وهي مندهشة. فأكمل: لما ابنه طلب إيدك من أبوكي وأبوكي رفض، قتلوه. قال إنهم مات في حادثة، بس هو الحقيقة إن الأوضة بتاعته ولعت ومات، وكان السبب سالم. أبوكي مكنش موافق عليه لأنه عرف إنه بيتاجر بالبنات، وأنتي شفتيه جميلة بس. لما قتل أبوكي اختفى. في بنات كتير ماتت وبسببه. أنا مكنتش جايب أحكيلك حاجة زي دي، بس كان لازم. قالت وهي تجفف دموعها: بس.. ماما.. مامتك ماتت، بس بسبب إنها كانت تعبانة.

ظلت تحدق به لثوانٍ ثم قالت بهدوء: إ..إنت إزاي عارف كل الحاجات دي؟ هز كتفيه بلامبالاة: بعدين هتعرفي كل حاجة، متستعجليش! بعد وقت قليل: طب، طب قولي، أنا معاك بعمل إيه؟ تنهد وهو يمسح وجهه بنفاذ صبر ويقول في سره: والله أنا اللي جبتوا لنفسي. بتقول حاجة؟ انتبه لها قائلاً: لأ، أبداً. هقول إيه، أنا مش هقول! وضعت يدها على خصرها قائلة: إممم، بحسب بتقول حاجة كدا ولا.. قاطعها بنفاذ صبر: والله يا فريدة لو ما نمتيش هقتلك، نامي!

نمت، نمت أهو، حتى شوف؟ وأغمضت عينيها. ابتسم بخفة على جنونها وأراح ظهره إلى الخلف وغط في النوم. في الصباح: لا مش هاخد الحقنة، أنا عايز مكة. قالها طفل صغير، بتذمر وهو يربع يديه. سمعه الدكتور عبدالرحمن قائلاً: منال، روحي نادي للدكتورة مكة. نظرت له بغيظ: ليه؟ واشمعنى مكة يعني؟ نعم!! ااه أقصد حاضر، هروح أنادي عليها. وخرجت وهي تتمتم وتلعن في مكة. ثم وجه كلامه للطفل قائلاً

بحنو هامس: قولي بقا إشمعنى عايز مكة اللي تديك الحقنة؟ في غيرها كتير أوي. ينظر له الطفل بثقة: لأ، كلهم وحشيين. هي أدتني الحقنة وقالتلي مش هحس خالص، ومحستش بيها. وأدتني شيكولاتة كمان. تاخد؟ ومد يده له بشيكولاتة. لا يا حبيبي، شكرًا. ها، كمل وإيه كمان؟ فتح الشيكولاتة وهو يهز كتفيه: وطيبة أوي، كانت بتلعب معايا عشان كنت تعبان. أما الدكتورة الوحشة دي، كانت بتعاملني وحش. تدخلت

والدة الطفل قائلة بحرج: معلش يا دكتور.. بس هو يعني اتعلق بمكة أوي. هز رأسه بابتسامة وظل موجهًا كلامه للطفل: الا قولي، اسمك إيه؟ شاور على نفسه بطفولية: أنا يحيي.. وأنت؟ ومد يديه ليصافحه. اندهش عبدالرحمن من ردت فعله ومد يديه ليصافحه هو الآخر: وأنا عبدالرحمن. يا دكتورة مكة، دكتور عبدالرحمن عايزك. قالتها منال بسخرية: عايزني ليه؟ متعرفيش؟ رفعت كتفيها بلامبالاة: أنا؟

لأ.. روحي شوفي في طفل تعبان أوي والحالة كانت آخر مرة عندك، يا عالم عملتي إيه. وتركتها ورحلت. ظلت تنظر حولها ثم ارتدت نظارتها، وأخذت نفس بثقة: أنا عارفة إن أول ما هشوفه كل الثقة هتروح، معروفة يعني.. أما نشوف البيه عايز إيه. بعد ثوانٍ كانت تدخل غرفة كشف. رفعت نظرها على عبدالرحمن بابتسامة خفيفة قائلة: منال قالتلي إنك عايزني؟ قالت منال بغيظ: دكتورة منال مش منال كدا! تجاهلها

عبدالرحمن وجه كلامه لمكة: ااه، في طفل مصمم مياخدش الحقنة غير منك، مش راضي ياخدها من دكتورة منال. قال يحيي بفرحة: ااه عشان مكة طيبة. ثم شاور على منال: أما دي وحشة. يحيي عيب كدا. قالها والد يحيي بحرج وعصبية من الموقف. عليه عبدالرحمن ليخفف حرجه: محصلش حاجة، حصل خير.. يلا يا دكتورة مكة عشان عندنا شغل. بعد وقت كان رحل يحيي مع والديه. طب أنا كدا خلصت، هروح مكتبي عشان في أطفال وكدا.

قالتها مكة بحرج ثم أدت بخطوات سريعة حتى لا تسمع رده ووصلت لمكتبها. قالت بتذمر هامس: يعني كان لازم أسيبهم لوحدهم يعني.. مكنش لازم أمشي يعني إيه الغباء ده يا مكة؟ هتفضلي غبية. على رأي ماما ابتسام، إنتي وفريدة نفس الدماغ، طلعنا فصيلة زفت. أما البت فريدة دي وحشتني. وبعدين يا دكتورة مكة؟