رواية ارهقتني مجنونه الفصل الحادي عشر 11 - بقلم ميرولا ممدوح

سمير بعصبية: أنا لازم أعرف اللي عمل فيك كدا و أدفعه التمن غالي أوي. بيتر: مش لازم، أنا اللي هعرف مين اللي عمل كدا في ساندي وعايز منها إيه وهعرفه مقامه كويس. ساندي بتعب وهي بتسند ع الحيطة: بس أنا عرفت مين اللي عمل كدا. مريم وبيتر بلهفة في صوت واحد: مين؟! ساندي: رامي. ثم تابعت لرامي: مش كدا برضه يا أستاذ؟ كل اللي كانوا واقفين فتحوا بقهم وبصوا على رامي وهما مصدومين. بيتر راح

لرامي ومسك لياقة قميصه: انت إزاي تعمل حاجة زي دي وإنت إيه علاقتك بيها أصلاً، ده أنا هدفعك تمن العملة دي غالي أوي. رامي بعد إيد بيتر: إنت عبيط يلا وأنا هعمل كدا ليه وأنا ما أعرفهاش، وهي تعرفني منين أصلاً؟ رامي لساندي: وإنتي روحي خلي الدكتور يعالجك عشان شكل الصدمة أثرت في دماغك. ساندي: أنا مش بخرف ده أولاً، ثانياً أنا عارفة إنك إنت اللي عملت كدا عشان تنتقم مني عشان صورتك فيديو وإنت بتقع ونزلته.

رامي بعدم استيعاب: فيديو إيه اللي بقع فيه ده؟ ساندي: إنت هتستعبط، ما أنا خليت مريم تصورك فيديو وإنت بتتزحلق في كيس الشيبسي وبتقع وأنا خدت منها الفيديو ونزلته لما إنت رشيت عليا ميه. رامي بعصبية: نزلتييه فين؟ هتنطقي ولا أكمل عليكي. بيتر: إيه يا بابا حيلك حيلك، إنت مش شايف إن معاها رجالة ولا إيه؟ رامي: فين دول؟! مش شايفهم؟! بس إنت روح عالج دراعك الأول وبعدين ابقى وريني الرجالة دول.

بيتر وهو يستشيط غضباً: بقولك إيه أنا أوديك في داهية وإنت تقف دلوقتي أنا فاهم، وصدقني ما يكفينيش فيك إعدام. مريم وقد اشتد بكائها: بس بقى حرام عليكوا ده وقته دلوقتي. ساندي: هه، أتفه من بعض أصلاً. وبعدين أنا نزّلته على جروب... وجروب... وجروب... برضه، وتلاقيّه جه على التليفزيون دلوقتي ههههه. رامي طلع تليفونه وقعد يقلب فيه وفعلاً لقي إن الفيديو انتشر بطريقة رهيبة ونزل في الأخبار. رامي متجهاً إلى

ساندي وعيونه بتطلع شرار: إنتي غبية ولا غبية؟ إنتي عارفة ورطتي نفسك مع مين؟ ده أنا هدفعك تمن ده غالي، وحسابك غالي أوي. ساندي: هه، أعلى ما في خيالك أركبه. بيتر راح ووقف قدام رامي: أظن إن الكلام بيبقى مع الرجالة. كلمتي أنا راجل لراجل وملكش دعوة بيه. رامي: هووهووووو أستاذ روميو طلع دلوقتي والمفروض إني أخاف مش كده. قاطعهم تليفون رامي وهو بيرن. رامي: ألو؟ ... رامي: بس... ... رامي: إيه الهبل ده بقي إنتي بتقولي إيه؟ ...

رامي: ده على جثتي أصلاً وفكك مني بقي. ... رامي: طب... ... رامي بتنهيدة بعد ما قفل الخط لساندي: ساندي أنا عارف إنه غريب شوية بس..... تتجوزيني.