رواية ارهقتني مجنونه الفصل الثاني عشر 12 - بقلم ميرولا ممدوح

رامي تنهد بعد ما قفل الخط لساندي. = ساندي أنا عارف إنه غريب شوية بس..... تتجوزيني. كانت صدمة للكل، كانوا واقفين ومش عارفين يتحركوا. ده لسه عارفها إزاي يقول حاجة زي كده. أما ساندي مكانتش مستوعبة وخدت فترة على ما استوعبت اللي قاله. ساندي: ا... انت بتقول إيه؟ رامي: زي ما سمعتي، ممكن تيجي طب أفهمك كل حاجة. ساندي لنفسها: ده أكيد بيعمل كده عشان ينتقم مني، أنا لازم ما أخليش حاجة تهزني.

قاطعتهم دخول أم ساندي وهي بتعيط وبتنحب. فوزية: س..ساني بنتيييي إيه اللي عمل فيكي كده، منهم لله هما عايزين منك إيه؟ ساندي بغضب مع إرهاق وتعب: كح كح، مين اللي قالها وهي إزاي كح كح، تطلع من البيت أنا ما قلتش تقفل على نفسها. مريم: ا..أنا كنت سايباها مع روان وحتى بيتر ابن عمك بعت حراس يحرسوها. بيتر: أنا اللي قلت لها، أمك ومن حقها تعرف. ساندي: حسابك معايا بعدين بس الصبر.

بيتر: على فكرة انتي بتقفشي بسرعة، الحراس جايين معاها يعني ما كانش هيحصلها حاجة. فوزية: أنا من حقي أعرف إيه اللي بيحصل هنا وليه الاتنين دول ماشيين معايا ومش راضيين يسيبوني وإيه اللي عمل في بنتي كده؟ بيتر: أهدي شوية يا عمتو أنا هفهمك. وحكالها على كل حاجة. فوزية ببكاء: مين دول وعايزين مننا إيه، وليه بيعملوا كده؟ رامي: أدي مامتك كمان جت، يعني أقدر أتكلم دلوقتي، لو سمحتي يا طنط أنا بطلب إيد بنتك قولتي إيه؟

فوزية: إنت بتقول إيه. وتابعت لساندي: ومين ده؟ ساندي: د... ده ده ده. فوزية: ميييييين ده؟ مريم: ده الواد اللي ساندي كانت بتعمل فيه المقلب. ساندي بصت لمريم بتوعد: ماشي يا مريم لما أطلع من هنا بس هوريكي. آه إيه؟ الجميع بلهفة: إيه مالك؟ ساندي: خدي وجعني أوي وحاسة سناني اتكسرت. رامي: طب إيه عايز الرد؟ ساندي: هه إنت بتحلم، لأ طبعاً. رامي بإرتياح: أحسن برضه.

الكل استغرب من ردة فعله، اللي هو إنت بتعمل إيه، بتطلب منها الجواز وفي نفس الوقت لما ترفض تبقى مرتاح، ده أكيد اتجنن. فوزية: بس أنا موافقة. كانت صدمة للكل وأولهم ساندي. بيتر بتوتر: إنتي بتقولي إيه يا عمتو؟ مريم: إيه يا خالتو إنتي مستوعبة اللي إنتي بتقولي؟ أما رامي كان مستغرب أوي، هي تعرفني منين دي عشان توافق كده بسهولة، هو يوم باين من أوله أنا عارف. ساندي: لا دي راحت منك خالص، إنتي بتقولي إيه يا حاجة، أنا مش موافقة.

فوزية بحزن: إنتي لسه متأثرة بمريم ويوسف. مريم بحزن: ساندي ملكيش دعوة بيا ماهو مش كل الناس زي بعضها، صوابع إيدك نفسها مش زي بعضها كملي حياتك ومتوقفيش حياتك عشان موقف ولا اتنين. ساندي بأس وهي تتذكر خطيبها الأول الذي كان يعدها دائما بأحلام وردية وهي لطالما عشقتة لكنه تركها وخذلها وأيضاً تذكرت زوج مريم الذي أخذ ابنها معه واختفى.

ساندي بحزن وعصبية: بس أنا ما عدى عليا موقف واحد، أنا عدى عليا كذا موقف واستحملت، ولا عايزاني أبقى عاملة زي مريم اللي جوزها خطف ابنها وسابها ولا عايزاني أتخطب وأتعلق بحد تاني ويسيبني زي يوسف. مريم في الوقت ده قعدت تعيط لأن ساندي بكلامها ده ومن غير ما تقصد كانت بتقلب لها المواجع. ساندي بعد ما لاحظت مريم: ا.... أنا آسفة أوي يا مريم ما كانش قصدي صدقيني، أنا آسفة أوي.

مريم وهي تمسح دموعها: لأ عادي من حقك إنك تقولي كده، أنا طالعة بره شوية. بيتر راح وراها عشان يواسيها شوية. فوزية: بس أنا موافقة يا ساندي وده قرار نهائي. ساندي: تمام أوي وأنا رافضة ومحدش هيجوزني بالعافية. بعد أسبوع. رامي: هاااااا السلسلة دي أحلى ولا دي؟ ساندي: بقولك إيه أنا مش طايقة نفسي وعلفكرة أنا ممكن أفركش عادي يعني. فوزية: بس يا ساندي إنتي بتقولي إيه؟ ساندي: أوووووووف بقى ما تسيبوني في حالي.

سميحة: لولولولولولولولوي مش مصدقة إن ابني بيتخطب خلاص هههههه. رامي: أيوه خلاص بقى ممكن يا أستاذة ساندي تقولي إنهي واحدة أحلى ولا إنتي عايزة إيه بالظبط؟ ساندي: اممم خلاص هات دي. رامي: خلاص تمام، إحنا هناخد دي. رامي وهو بيلبس ساندي الدهب. سميحة وفوزية في وقت واحد: لولولولولولولولويييي مبروووك يا عروسة مبروووك يا عريس ربنا يخليكوا لبعض. رامي لنفسه: يا رب نفركش قريب. ساندي لنفسها: طب صدقوني لأفركش بس الصبر.

مريم بفرح: أخيرا عقدة التعنيس اتفكت هههههه ألف ألف مبروك يا أجمل عروسة في الدنيا. ساندي: بت إنتي هتزيطي ولا إيه ما كنتش حتة خطوبة يعني. بيتر بحزن حاول إخفاؤه: ألف مبروك يا ساندي. ساندي: الله يبارك فيك يا بيتر. سمير: ألف مبروك يا سوسو يا بنت أخويا يا غالية. ساندي: الله يبارك فيك يا عمي عقبال بيتر. ساندي رنت على باباها ڤيديو وكلموه شوية. ساندي: هاااا إيه رأيك يابابا؟

رأفت: جميل أوي يا سانودي ربنا يخليكوا لبعض يا حبيبتي وتبقوا مبسوطين دايما. ثم تابع لرامي: خد بالك عليها يا رامي دي بنتي الوحيدة ومستحيل أسلمها لأي حد كده. رامي: على عيني وراسي من فوق يا عمي دي هتبقى مراتي. ساندي لنفسها: يا عم متزودهاش أوي كده أنا مش طايقة أصلاً. رامي: مبروك يا عروسة. رامي: مبروك يا زفت ااا... قصدي رامي. ألف مبروك يا رامي عقبال ما تشوف بنت الحلال كده اللي هتسعدك.

رامي بضحك: على فكرة أنا اللي خطبتك إنتي مش حد تاني ههههه. ساندي: oh my god بجد إزاي يا جدع أنا افتكرت إني اتخطبت لحد تاني، يا خسارة زهرة شبابي ده أنا لسه عيلة. قعدوا يضحكوا كلهم عليها. _مجهول 1: طب إيه هتسيبها كده بتتخطب وبيفرحوا وبتاع، فين الانتقام اللي عايزين ناخده؟ مجهول 2: ما ده جزء من الخطة، أنا سايبهم يفرحوا شوية بس وهخليهم يبقوا بيحلموا أحلام وردية وبعدين أخبطهم.

مجهول 1: اهو أنا نفسي بقى الخبطة دي هنخبطهالهم إمتى أنا مش شايف إننا بنعمل حاجة. مجهول 2: متقلقش قريب أوي ووقتها محدش هينقذها من إيدي ولا هينقذ أبوها برضه.