رواية ارهقتني مجنونه الفصل الرابع 4 - بقلم ميرولا ممدوح

ساندي ضاحكة: ابقي عيد حساباتك يا ريس علشان ناتج المسألة طلع معاك غلط هههههههه. رامي اتعصب أوي وكان على آخره، وقف وكلم ساندي بعصبية وتحدي: شكلك متعرفيش ورطتي نفسك مع مين، وصدقيني هتندمي على كل كلمة قولتيها وهندمك على اليوم اللي اتولدتي فيه، فالأفضل ليكي إنك تعتذري دلوقتي وتمشي ووقتها هبقى أفكر أسامحك.

ساندي ببرود: هه، شكلك انت اللي لسه متعرفش أنا مين، بس يله بقى مش مشكلة، أديني اديتك دلوقتي نبذة عني، سلام بقى، وآه ابقي خد الكيس في إيدك وانت ماشي هههههههه. تعرفي حاجة عن شركات الكنج؟ ساندي باستخفاف: هه، ومين ما يعرفش عنها، دي أكبر شركات مصر وأكتر اسم ليه هيبة في السوق. ثم تابعت باستخفاف أكتر: شكلك كده عايز تتعامل مع صاحب الشركات دي وتتعلم منه الرجولة شوية. رامي بمكر: شكلك كده تعرفي الشركات دي اسم بس ومتعرفيش صاحبها.

ساندي: مش مهم، مش هيفيدني بحاجة. ثم تابعت لمريم: يله بقى يا مريم، ضيعنا وقت كتير هنا مع ناس ملهاش لازمة. مريم في نفسها: أنا اللي غلطانة، مكنش لازم أسمع كلامها، أدي كيكي اتورطتي معاها يا مريم، الله يخربيتك. ساندي: إنتي يا بت، مالك في إيه؟ عمالة أقولك يله يله وإنتي ولا هنا. ساندي مسكت إيد مريم وطلعت تمشي علشان يروحوا يجيبوا البادي، ومن ساعتها ورامي في دماغه حاجة عايز يعملها.

رامي لنفسه بخبث: بقي كده، أنا هعرفك كويس أنا مين... بس بطريقتي، ويا ويل اللي يقع في إيد الكنج. بينما كان في حد تاني خالص كان بيراقبهم وقرب يكمل أساسيات خطته. ساندي ومريم روحوا البيت وهما ميتين على نفسهم من الضحك، وكل شوية يفتكروا المقلب اللي عملوه فيه ويضحكوا. أسامح مازحًا: أوعاااا، مصيبة تاني من مصايبكوا هههه. مريم: متجمعش لو سمحت، دي ساندي هي اللي بتوقعني في المشاكل طول الوقت، أنا مليش دعوة ههههه.

ساندي: لحقت تبيعني يا سيد، ده أنا لسه واقفة قدامك ما اتحركتش ههههه. مريم: ده أنا أبيعكوا كلكم على بعض، أنا مش مستغنية عن روحي ههههه. أسامح: لأ لأ لأ، دي مش مريم اللي أنا أعرفها، عملتي فيها إيه يا سوسو ههههه. ساندي: ولا حاجة يا باشا، دي حتى عملت معايا حتة مقلب صغنن قد كدهو ههههه. أسامح: مقلب إيه ده؟ مريم: لو قولتلُه هقوله على المسدس. أسامح: مسدس إيه؟ ساندي: لو قولتلُه على المسدس هقوله على الجزمة.

أسامح: جزمة إيه دي كمان؟ مريم: لو قولتلُه هقوله على الشوكولاتة. ساندي: لو قولتلُه هقوله على ال...... إيه ده استني كده... م كده كده مصر كلها عارفة إني حطيت الشوكولاتة سايحة في شنطة المس، وأصلًا كنت صغيرة يعني محدش يقدر يكلمني. سامح مازحًا: يا جدعااااان حد يفهمنيييييي، إنتوا بتقولوااااا إيييييه؟ مش عايز أحس إني عامل زي الأطرش في الزفة ههههه. ساندي: هنبقى نحكيلك بعدين، المهم بس دلوقتي فين الحاجة..... ااااا......

قصدي فين أمي. أسامح: خالتو راحت السوق وقالت هتجيب كام حاجة كده وتيجي بسرعة. ساندي: خلاص تمام، يله يا مريم نروح نذاكر شوية علشان بليل نروح الملاهي. أسامح: ملاهي إيه بس ههههه، إنتي لسه بتروحي يا طفلة ههههه. ساندي: لو سمحت متقوليليش طفلة، وهروح الملاهي برضه عادي ههههه. مجهول 1: فلوسك هتكون عندك بس عايزك تنفذ كل اللي بقوله بالملي، ورحمة أمي لو عملت حاجة غلط مش هيصبح عليك صبح. الرجل بخوف: ح....

حاضر يا بيه، أوعدك إن كل حاجة هتبقى تمام. مجهول 1 بعد ما قفل الخط: أنا مش قادر أصبر أكتر من كده، هنفذ الكبيرة امتى. مجهول 2: متستعجلش، الصبر حلو، وخصوصًا لو فريسة كبيرة زي دي، كل ما تتأخر كل ما تكبر أكتر. وقعدوا يضحكوا مع بعض الضحكة الشريرة المشهورة.