رواية ارهقتني مجنونه الفصل الثالث عشر 13 - بقلم ميرولا ممدوح

مجهول 1: طب إيه هتسيبها كده بتتخطب وبيفرحوا وبتاع، فين الانتقام اللي عايزين ناخده؟ مجهول 2: ما ده جزء من الخطة، أنا سايبهم يفرحوا شوية بس وهخليهم يبقوا بيحلموا أحلام وردية وبعدين أخبطهم. مجهول 1: أهو أنا نفسي بقى الخبطة دي هنخبطهالهم إمتى؟ أنا مش شايف إننا بنعمل حاجة. مجهول 2: متقلقش قريب أوي، ووقتها محدش هينقذها من إيدي ولا هينقذ أبوها برضه. مجهول 1: طب إحنا هنعمل إيه الأول؟ مجهول 2: هنكسرها.

مجهول 1: إزاي يعني مش فاهم؟ مجهول 2: هنقولها الأول على الحقيقة، فهتبعد عنهم كلهم، وبالتالي رأفت هيتكسر برضه، ووقتها نقدر ننتقل للمرحلة التانية. مجهول 1: اللي هي إيه؟ مجهول 2: إحنا في الأول هنكون كسرناها نفسيًا، هيتبقى بس إننا نقتلها، وبعدين الدور ييجي على رأفت، وبكده نكون خلصنا في القديم والجديد. *** رامي: هااااا جهزتي ولا لسه؟ ساندي: جهزت لإيه؟ رامي: للخروجة، إنتي ناسيه إننا خارجين انهاردة ولا إيه؟ ساندي: ا...

آه بس يعني هو... أصلي يعنى. رامي: نسيتي صح؟! ساندي: لأ.... ا..آآآآه..... لأ. رامي: يابنتي قولي إنك نسيتي وخلاص، ههههه. ساندي: لأ منستش، بس أصلي آه صح، أنا منسيتش، بس ورايا مشوار مهم. رامي: وإيه هو المشوار المهم ده؟ ساندي: مش لازم يعني تعرف. رامي: رايحة لوحدك؟ ساندي: لأ بيتر هييجي معايا. رامي بغضب: وإيه اللي هيودي أستاذ بيتر معاك؟ ساندي بعصبية: هو فيه إيه؟ ما طول عمره بيوصلني في كل حتة عادي.

رامي: وبعدين هو مش المفروض في الشغل؟ ساندي: لأ انهاردة إجازة. رامي: طب أنا هاجي. ساندي: تيجي فين؟ رامي: هاجي أوصلك أنا وسيب بيتر يرتاح عشان شغله مرهق، وبالمرة نخرج بعد المشوار. ساندي: ل..... لأ ماهو مش هينفع. رامي: إيه ده ليه بقى إن شاء الله؟ ساندي: عشان هو عارف أنا هروح فين، وبعدين هو بيودي المشوار ده على طول. رامي: وإيه يعني مش حجة؟ قوليلي رايحة فين بس وأنا هوصلك.

ساندي: اممم، طيب بس خليك فاكر إن أنت اللي طلبت، ههههه. *** رامي: ينهار أسود، هو ده المشوار المهم؟ ساندي: قولتلك بلاش بس أنت اللي مسمعتش الكلام، ههههه. رامي: يقولوا عليا إيه واخد بنت اختي الملاهي؟ ساندي: لو سمحت أنا مأسمحلكش، الملاهي دي بتاعت الكبار برضه. رامي: ياشيخة اتنيلي، ده على أساس إنك كبيرة بـمخك اللي زي مخ العيال ده، ههههه. ساندي: مش هرد عليك دلوقتي، بعد ما نطلع عشان أنا مزاجي دلوقتي حلو، هههه.

رامي: ماشي ياستي، هههه، هتركبي إيه بقى؟ ساندي: أول حاجة طبعًا يعني طبعًا النطيطة، ههههه. رامي: الـ إيه ياختي سمعيني كده تاني؟ ساندي: النطيطة، إيه مبتسمعش؟ هههه. رامي: ودي بتلعبي فيها إزاي بقى إن شاء الله؟ ساندي: إيه بنط فيها عادي. رامي: طب يله يا هبلة. ساندي راحت فعلاً وقعدت تتنطط مع العيال الصغيره اللي بيطنطتوا فيها، ورامي كان بيصورها فيديو من غير ما تاخد بالها وعمال يضحك عليها.

ساندي: يااااااااه أما نطيطة بصحيح ترد الروح، ههههه. رامي: طب ياستي هتروحي فين تاني بقى؟ ههههه. ساندي: الزحليقة. رامي: ما هو ده اللي كان ناقص. ساندي: ما أنت اللي جيت استحمل بقى، هههه. رامي: هو يوم باين من أوله أنا عارف. بعد ما خلصت ساندي جولتها في الملاهي... رامي: يااااه أخيرًا خلصتي، أنا فكرتك هتباتي هنا، ههههه. ساندي: لو مش عاجبك طلقني. رامي: إحنا لسه مخطوبين، وإصلا معندناش طلاق، ههههه.

ساندي: آه صح معلش اندمجت شوية، هههه. رامي: مجنونة، ههههه. ساندي: مين دي؟ رامي: لأ في لعبة جديدة حلوة كده ومجنونة، أبقى جربيها. ساندي: ااااه إذا كان كده ماشي، هههه. ساندي: طب يله بقى مش هنروح؟ رامي: لأ حيلك يا بابا، أنا لسه مأكلتش آيس كريم ودرة. ساندي: ده أنت مفترية بشكل. رامي: هاكلهم كمان على الكورنيش. ساندي: أول مرة أشوف حد بيجيب الآيس كريم علشان ياكله على الكورنيش. رامي: اديك شوفت، يله بقى.

ساندي: هه يارب صبرني يله قدامي. على الكورنيش كان في شوية شباب بيعاكسوها، ورامي كان بيجيب الآيس كريم للاستاذة، وأول ما شافهم دمه اتحرق وراح لهم. رامي بعصبية: يله يا ساندي من هنا. شاب: إيه إيه حيلك حيلك، واخد الجميل على فين؟ رامي سحب ساندي من إيدها علشان يمشوا. شاب: أنت مبتسمعش ولا إيه؟ في شاب منهم مسك رامي من لياقته. شاب: ما أنت مش هتاخد الحلوة وتهرب بيها.

رامي وقتها اتعصب أوي ومكنش شايف قدامه، ضربهم كلهم، هما هربوا وخد ساندي ومشي. رامي بعد ما ركبوا العربية: طب أنتِ بتعيطي ليه دلوقتي، حد ضايقك تاني؟ ساندي ببكاء: إيدي وجعاني. وقتها رامي افتكر إنه مسكها جامد لما كان متعصب من الشباب اللي عاكسوه. رامي: أنا آسف أوي سامحيني، مكنتش أقصد، هي بتوجعك أوي؟ ساندي: هسامحك بشرط واحد. رامي: إيه هو؟ ساندي: تجيبني الملاهي على طول، ههههه.

رامي: ههههه ماشي ياستي بس كده، أنتِ تؤمري، ههههه. ساندي: هو أنا ممكن أسألك سؤال بس متفهمنيش غلط. رامي بتعجب: اسألي. ساندي: هو أنت ليه مكنتش عايز تتجوز؟ بس لو مش عايز تجاوب عادي مفيش مشكلة.

رامي بتنهيدة: لأ عادي، أنا كنت متجوز واحدة الأول وكنا بنحب بعض، بس مع الوقت بدأت تصرفاتها تتغير معايا، وبعدين كرهتني وماتت في حادثة كنت أنا السبب فيها لأننا كنا متخانقين، وبعدها قولت مش كلهم زي بعض، أعجبت بواحدة تانية وإتقدمتلها وخطبتها فعلًا، بس لقيتها بتكلم شاب تاني من ورايا، وطلعت كانت بتمثل إنها بتحبني عشان الفلوس بس مش أكتر. ساندي بحزن: أنا آسفة أوي مكنتش أعرف، مكنش قصدي أفكرك. رامي: لأ عادي مش مشكلة.

فضلوا ساكتين باقي الطريق، ورامي وصل ساندي البيت وروح. وساندي يا دوبك دخلت الشقة وحد خبط على الباب. ساندي: أيوه أيوه جايه أهه، الأ هي تتخبط في نافوخك يا رامي، ههههه. ساندي فتحت الباب. ساندي: لحقت أوحشك يا ر......... ثم تابعت بصدمة..... يوسف.....