رواية أرملتي العذرء الفصل الحادي عشر 11 - بقلم ديجا

بيتكلم فالفون بصوت غير مسموع: حاضر يا قلبي الفلوس اللي عايزاها هتكون عندك الصبح. نهال: بتكلم مين يا مجدي؟ مجدي بارتباك: ابدا يا حبيبتي ده في المحل بيسألوا على سعر حاجة. نهال: اممم بتقولهم سعر حاجة وانت بتتوشوش كده؟ مجدي: يووو بقى هو تحقيق ولا إيه؟ نهال: ولا تحقيق ولا غيره يلا عشان نتعشى.. مكملتش محمد أخوك وعرفت عمل إيه مع أميرة. مجدي: اه وكنسل عليا شكله لسه ما خلص. نهال:

مش عارفة هي طنط جتلها الفكرة دي منين ما كلنا عارفين ان دينا رجل جوه ورجل بره من زمان ولا العقربة سالي دي. مجدي شرق وهو بياكل: إيه مالها سالي؟ نهال: إيه مالك هو حد بيجري وراك.. العقربة رمت كلمتين لمنال خلتها نزلت جري ورا محمد تلاقيها هي اللي مقوية طنط على أميرة. مجدي: ليه يعني ده حتى شكلها طيبة. نهال:

طيبة والنبي إحنا اللي طيبين دي جت خرجت أميرة من شقتها وواكلة عقل طنط وخلتها تجيب شغالة تعمل شغل البيت عشان متحطش ايدها في حاجة كأنها أول واحدة حامل. مجدي: وانتي زعلانة ليه اهي ريحتك انتي ومنال من الخدمة تحت بدل ما كنتي كل يوم بتشتكي آمال لو كنتي زي أميرة شغل وخدمة فوق وتحت كنتوا عملتوا إيه ستات بتدلع صحيح. نهال: اتلم يا مجدي كويس إنها غارت كل وانت ساكت بقى بلا أميرة بلا سالي. ***

في القسم عند أميرة قاعدة بتفتكر اللي حصل معاها السنين اللي فاتت دي وبتبكي على حالها. لقت إيد مسحت دموعها وحد بيحضنها، كانت فريدة. فريدة: ماما أميرة انتي بتعيطي ليه؟ ما تخافيش بابا قالي مش هنمشي من هنا إلا لما تيجي معانا أنا مش هنام غير في حضنك. شدت أميرة على حضنها وقالت لها: إن شاء الله يا روحي هنمشي سوا. وليد جه عليهم: أميرة حبيبتي اهدي كل حاجة خلصت خلاص.

أميرة اترمت في حضنه وانهارت من العياط وفضل يطبطب عليها ويهديها. أحمد: خلاص كل حاجة خلصت أنا آسف يا أميرة على اللي حصلك بسببي. وليد: انت ملكش ذنب يا أحمد أنا هعرف شغلي مع اللي وصل أميرة لهنا اظن كفاية كده يا أميرة يلا تعالي عالبيت معايا. أميرة: لا مقدرش يا وليد أسيب الولاد دول وصية دي. وليد:

اظن كفاية اللي حصلك عجبك دخلتلك القسم ولو مكنتش ابنها جه واتنازل كنتي اتحبستي على ما نثبت إنك بريئة كفاية مرمطة في نفسك مع الناس دي بقي يلا يا أميرة. أحمد واقف مش قادر يتكلم لأن وليد عنده حق واتلاقت عينه مع أميرة وكان بيترجاها متسيبوش. أميرة: أنا آسفة يا وليد أول مرة ما أسمعش كلامك بس مش هقدر أسيب الولاد. فريدة: أنا بحبك أوي يا مامي وفرحانة إنك مش هتمشي وتسبينا زي مامي دينا. أميرة بتأثر من كلام فريدة:

وأنا كمان بحبك أوي يا ديدا وعمري ما هسيبكوا أبداً. بصلها أحمد بامتنان وكأنه بيشكرها إنها مش هتسيبهم. يلا يا جماعة عالبيت انتي تعبتي أوي يا أميرة. محمد كان مستني أميرة تخرج عشان يتأسف لها: أنا آسف يا أميرة بالنيابة عن ماما عن اللي حصل. وليد: آسف على إيه يا أستاذ هي الست الوالدة داست على رجلها دي كانت عايزة تسجنها أنا مش هسكت على اللي حصل وهرفع قضية رد اعتبار ضد الست الوالدة. أحمد:

عندك حق يا وليد وأنا معاك مش مرات أحمد الجارحي اللي تتمرمط في الأقسام ولا مراته اللي ينتهك حرمتها هي إيه اللي ماتت دي مش لحمكم إزاي تقبلوا إنها تتبهدل كده. محمد: حقكم عليا يا جماعة أنا أول ما عرفت جيت اتنأزلت أكيد مش هقبل إن أختي تتبهدل. أميرة: حصل خير يا محمد.. حصل خير يا جماعة بس ياريت تبلغ الحاجة إني عايزة حاجتي اللي عندكم كاملة. محمد: حاضر يا أميرة. منال جت فالوقت ده:

خرجتها أه ماهي حبيبة القلب ولا هي ساقياك حاجة. أميرة بعصبية: الزمي حدودك يا منال خلاص أميرة الطيبة بتاعت زمان خلاص أنا مش هسكت على أهانتي بعد كده ماشي.. يلا بينا.