رواية أرملتي العذرء الفصل الثاني عشر 12 - بقلم ديجا

بيرن على سالي مش بترد عليه. بعتلها رسالة: "براحتك يا جميل بس متزعلش من اللي هيحصل. سلام يا قمر." سالي كانت في الحمام وخرجت لقت الرسالة. اتصلت على أشرف. رد عليها: "الو؟ سالي: "جبتي ورا يعني؟ لازم أهددك يعني؟ سالي: "لا حبيبي، أنت فهمت غلط. أنا كنت باخد شاور. أنا مقدرش أزعلك. ده أنا روحي في إيدك، مش كده برده؟ أشرف: "جدعة يا سولى. ها، الفلوس جاهزة؟ سالي: "آه طبعاً. بكرة هقابلك في... وأديهملك."

أشرف: "اتفقنا يا عسل. سلام." سالي بشر: "بقيت زنان أوي وعملي صداع. وجه وقت المسكن عشان أرتاح." "ياترى سالي ناوي على إيه؟ "وإيه الحاجة اللي عايزها أميرة من عند كوثر؟ "ده اللي هنعرفه الفصل الجاي." في العربية، أحمد وأميرة. فريدة أصرت تفضل في حضن أميرة قدام. وفضلت تتكلم معاها لحد ما نامت. أحمد: "هي نامت بعد ما صدعتك؟ أميرة بابتسامة: "ولا صدعتني ولا حاجة. دي حبيبتي."

أحمد: "أنا مش لاقي كلام أشكرك بيه إنك متخلتيش عننا. حد غيرك بعد الأذى ده كنتي قولتي حقي برقبتي. بلا وصية بلا بطيخ." أميرة: "تشكرني عليه إيه يا باشمهندس؟ دول ولادي اللي مخالفتهمش. وأنا ما شفتش من دينا أي حاجة وحشة عشان أتخلى عن وعدي ليها. أنا مليش اخت. ودينا كانت ليا ونعم الأخت. أقل حاجة أعملهالها إني أنفذ وعدي ليها ومتخلاش عنكم مهما كانت الأسباب." أحمد: "إنتي جميلة أوي يا أميرة. محدش في الزمن ده بالإخلاص ده."

أميرة: "لأ، أكيد فيه. إحنا بس اللي بنقابل ناس غلط أو ميستحقوش." وصلوا البيت وقابلتهم ليلى. ليلى: "طمنيني عليكي يا حبيبتي. انتي كويسة؟ حقك علينا." أميرة بحب: "الحمدلله يا طنط، أنا بخير. ما تقلقيش. المهم مروة عاملة إيه دلوقتي؟ ليلى: "بخير يا بنتي. تعالي ارتاحي على ما أجهز ليكم لقمة." أميرة: "ما تتعبيش نفسك. أنا ماليش نفس." ليلى: "إزاي يا بنتي؟ انتي من الصبح ما أكلتيش حاجة."

أحمد: "ما تسمعيش كلامها يا ماما. هي هتغير هدومها وتيجي نتعشى كلنا. ولا إيه يا أميرة؟ أميرة: "حاضر. عن إذنكم هغير وأجي أساعد حضرتك." دخلت أميرة وسابتهملها. ليلى: "بنت حلال أوي وحلوة ورقيقة." أحمد: "آه فعلاً. جميلة ورقيقة. انتبه لنفسه. وأنا مالي يا ماما؟ أنا بحب مراتي اللي لسه لحمها ما بردش في تربته."

ليلى: "على ماما. على العموم براحتك يا ابني. وخد بالك منها. أنا هاخد اختك ونرجع شقتنا بكرة. وأنت رتب أمورك مع ولادك ومراتك الجديدة." أحمد: "هتمشي ليه بس يا ماما؟ خليكم معانا." ليلى: "أنا مش برتاح إلا في بيتي. وعشان كمان تاخد عالوضع الجديد يا ابني." حطوا على العشا وقامت مروة انضمت ليهم. وأميرة زعلت أنهم هيمشوا واتوترت من فكرة إنها هتبقى لوحدها مع أحمد، بس قالت لنفسها: "وفيه إيه يعني؟

في منزل كوثر، محمد بلغها إن أميرة عايزة حاجتها. كوثر بعصبية: "لأ لأ مش هتاخد حاجة مني." محمد: "كفاية مشاكل بقى يا ماما. ده حقها. وهي دلوقتي مبقتش أرملة ابنك. وأحمد وأخوها مش هيسكتوا عن حقه." منال: "آه فعلاً اتغيرت. مبقتش أميرة الهبلة اللي تشخطي فيها بكلمتين وتسكت. دي طلعت فيا حتة طلعة." كوثر: "كله منك. مين قالك تروح تخرجها من القسم؟ كان زمانها محبوسة وارتحنا منها."

محمد: "يا ماما، أديها العربيتين. هما أصلاً باسمها. ومحامي بعشر قروش يجيب حقها." كوثر: "قلبي آه آه." ووقعت أغمي عليها. سالي خرجت بالليل متأخر عشان محدش يسألها هي رايحة فين. سالي: "الو؟ أيوه نفذ أول ما أوصل وحقك محفوظ." مجهول: "ماشي يا مدام. بقيت حقي يوصلني أول لما خلص." سالي: "ماشي. المهم تخلصني." وصلت سالي مكان مهجور وكان أشرف في انتظارها. أشرف: "اتأخرتي عليا. كنت لسه همشي وأزعلك يا جميل."

سالي: "الفلوس أهي. هات التسجيلات الأول أتأكد منها." أشرف: "عيب عليكي. اتفضلي." وفجأة جه حد من وراه وضربه بالرصاص. وسالي جريت بسرعة بعد ما خدت الفلاشة والموبايل. محمد بلغ أميرة إنه هيجيب لها العربيات عند البيت. أميرة: "وحاجتي اللي في شقتي يا محمد؟ بعد إذنك أنا هاجي آخدها بنفسي." وراحت هي وأحمد ووليد. خدت عفشها اللي جبته تحت نظرات كوثر اللي هتموت من الحسرة وسلايفها منال ونهال. كوثر: "ارتاحتي كده؟

موتتي عيالي الاتنين وخدتي كل حاجة." أميرة: "أنا مقتلتش حد زي ما حضرتك بتتفهمني. ابن حضرتك كان شارب وعمل حادثة. ودينا الله يرحمها ده عمرها. والحاجة اللي أخذتها دي شقى سنين. العربيات دي من فلوسي. ولا حضرتك ناسيه لما قولتيلي الست الأصيلة اللي تساند جوزها واديتيه شقايا وعربية جبت التانية. ولحد دلوقتي أنا اللي بدفع الأقساط. وعفشي ده حقي وشقى أخويا وشقايا." نهال: "طب والبشمهندس كان حقك برده؟

أميرة: "الزمي حدودك معايا. إنتوا أكتر ناس عارفين إني عمري ما أبص لحاجة في إيد غيري. وأظن الكل عارف ظروف جوازي من البشمهندس. أنا بتكلم مع مين؟ إنتوا الكلام معاكم خسارة ووقت ضايع. أنا اتعاملت معاكم بطيبة فسرتوها غلط وأنا عديت وسكت وقولت أعيش. بس كنت غلطانة في حق نفسي أوي." منال لنهال: "إلا سالي مبتاخدش سم النهارده؟ هي ماله؟ نهال: "مش عارفة. دي ولا اللي عملته عاملة ومسهمة كده."

أميرة خدت كل حاجتها وطلعت على جمعية خيرية اتبرعت بيهم. وطلبت من أخوها يبيع عربية ويسدد باقي الأقساط ويغير التانية. قررت تقفل صفحة مصطفى وأهله خالص وتعيش لنفسها وللولاد اللي ربنا عوضها بيهم. مر شهر على الأحداث دي وموت دينا، وأحمد كل يوم بيتشد لأميرة لكنه حاسس بالذنب إنه بيخون دينا. أميرة شايفة كل طلباته على أكمل وجه بس مش بتقابله كتير. بتتجنبه على قد ما تقدر عشان هي كمان بدأ تتعلق بيه.

وفي ليلة ممطرة جداً، أحمد اتأخر على غير العادة وأميرة قلقانة جداً عليه. بس محرجة ترن عليه. فجأة تليفونها رن برقم. قلبه دق بسرعة وردت: "أيوه؟ "أنا 😱😱" "أنا جايه حالاً." "ياترى إيه اللي حصل لأحمد؟ مين اللي اتصل بيها ده؟ "اللي هنعرفه الفصل الجاي."