رواية أرملتي العذرء الفصل السابع عشر 17 - بقلم ديجا

التليفون بيرن برقم المستشفى سالى: أيوه، أنا جايه حالاً. فردوس: خير يا مدام، مال وشك اتغير كده ليه؟ سالى: مش عارفه يا فردوس، المستشفى بيبلغوني إن التحاليل بتاعت أدم طلعت ولازم أروح. فردوس: خير إن شاء الله. ٣ شهور لدلوقتي يا حبة عيني تحاليل وعلاج ومش عارفين يحددوا عنده إيه. سالى: أنا خايفه أوي، ليروح مني.. خد غيريله على ما ألبس وأنزل أروح. الباب خبط وكانت كوثر. كوثر: حبيب تيتا، أخبارك إيه؟ تعالى يا ريحة الغالي.

فردوس: ده كنت لسه هغيرله عشان رايح المستشفى. كوثر: هي سالي فين؟ فردوس: بتغير عشان تنزل بيه. كوثر: طيب، هغير أنا كمان وهكلم مجدي يجي يوصلنا. عند نهال: نهال: هي أمك كل يوم والتاني تاخدك وتروح بالسنيورة. المستشفى ما تاخد تاكس ولا محمد يوصلهم. مجدي: يا فتاح يا عليم عالصبح، أعمل إيه؟ أقولها لأ؟ وبعدين ده ابن أخويا ومراته مش حد غريب. أوعى بقى، خليني أخلص لبس وأنزل.

نهال: ماشي يا ابن كوثر. أنا وراك والزمن طويل. أنا لازم أدفع فلوس للراجل اللي هيجيبلي قرارك انت واللي بتخوني معاها. فلاش باك (ابعتيلي ٥٠ ألف واقولك الفلوس اللي خرجت من المحل دخلت فين) (جوزك ناوي يتجوز، ادفعي واعرفي مين) (جوزك عايش فالعسل وقريب أوي هيتجوز.. براحتك يا جميل) (أنا مش هتحايل عليكي، خليكي على راحتك ومتزعليش إنك كان بأيدك تمنعي الجوازة دي ومدفعتيش.. أنا مش هبعت تاني، انتي اللي هتدوري عليا. باي)

عودة من الفلاش باك نهال: شكلي فعلًا أنا اللي هدور عليك. وبعتت رساله للرقم: (أنت لسه عايز الفلوس وتساعدني؟ أشرف شاف الرسالة ومردش عليها زي ما كانت بتعمل. بعت رسالة لمنال: (لو عايزة معلومات عن مجدي وجوازته الجديدة، ابعتيلي مبلغ ٥٠ ألف جنيه واديكي معلومات بالصوت وبالصورة.) وبعتلها صورة لمجدي وهو حاضن واحدة بعد ما غير ملامح المكان والست اللي فحضنه. ======

أميرة خرجت من الحمام ولقت صرف غسالة الأطباق اتسد وغرق. وقفت مكانها مصدومة من كمية الميه. دخلت غيرت ولبست بيجامة هوت شورت ورفعت شعرها كعكة بشكل عشوائي وبدأت تلم الميه. فالوقت ده جه أحمد يدور عالملف اللي نسيه. أحمد: خلاص يا عم يوسف، وصلت البيت هدور عليه وأنزل لك على طول. وهو داخل لأوضته لقه الميه مغرقة المطبخ.

أحمد: بقولك إيه يا يوسف، سافر أنت وأنا هحصلك. شكل الولاد نسوا ميه مفتوحة والمطبخ غرقان. الحمد لله إنه واطي عن باقي الشقة، كان زمانها هي كمان غرقانة. يوسف: يا عم هات الملف وأنزل واتصل بيهم يجوا يعملوها. أحمد بعصبية: غور يا يوسف، سافر وأنا هحصلك تمام. يوسف: تمام يا كبير. أنا قولت حاجة. سلام. (منك لله لو طولت شوية، كان ممكن ينزل يضربني) أحمد دخل المطبخ واتفاجأ بأميرة بتحاول تصلح الصرف. أحمد تنح. أحمد: هو إيه اللي حصل؟

أميرة بارتباك: أنت مسافرتش ليه؟ هو بس كنت حاطة شوية أطباق وكده والصرف بهدل الدنيا. أحمد: ده أنا اللي هبهدل الدنيا. وقرب عليها. (حط ايده على خدها وفك شعرها) هو أنا قولتلك قبل كده إنك حلوة أوي؟ أميرة اتوترت من قربه ووشها بقى بلون الفراولة وتاهت في عينيه ومش قادرة ترد. أحمد شالها وخرج بيها بره المطبخ وهي شهقت من الخضة. أميرة: أحمد، أنت بتعمل إيه؟ أحمد بتوهان: أنا اسمي حلو أوي كده. انتي بتعملي فيا إيه؟

أنا قبل ما أنزل كنت هموت وأحضنك ودلوقتي انتي بين إيديا. حورية من الجنة. حاسس إني بحلم. زي ما يكون نسيت الملف عشان أرجع وألاقي الحورية دي في انتظاري. أميرة مكسوفة ومش قادرة تتكلم وضربات قلبها بقت سريعة. بتحاول تقوم بس أحمد قاعد وواخدها في حضنه وعمال يتغزل فيها. وأخيرًا نطقت: أحمد، أنا لازم أقوم ألم الميه وأنزل للولاد و....

مكملتش كلامها كان أحمد خاطف شفايفها في قبلة طويلة عجزت بعدها عن المقاومة وغرقوا مع بعض في بحر العشق. (ملناش دعوة يا مهى) بس فجأة أحمد فاق لنفسه وقالها: إزاي؟ انتي لسه بنت؟ أميرة بصدمة أكبر: بنت إزاي؟ ❤️❤️❤️ في المستشفى. الدكتور لسالى: ضمور الأعصاب ده وراثي وبالأخص من ناحية الأب، لأنني شايف حضرتك ما شاء الله كويسة. كوثر: ابني الله يرحمه مكانش عنده أي أمراض. مجدي: يمكن كان عنده واحنا ما نعرفش يا ماما.

الدكتور: لأ حضرتك، المرض ده بيظهر في من الصغر. على العموم هنعيد التحاليل تاني برة يمكن في غلط فالتشخيص. كوثر: أيوه، أكيد في غلط. ابني مكانش عنده شكوى من أي حاجة ولا ظهرت أعراض. سالى بأرتباك: أيوه، يعني إيه العمل يا دكتور لو المرض موجود؟ الدكتور: بناخد عينة من النخاع الشوكي من أقرب حد ونعمل زرع وإن شاء الله خير. عن إذنكم. كوثر: اديله أنت العينة وأنا هجوزهالك وتربي ابن أخوكي في حضنكم.

مجدي بفرحه: بجد يا ماما، انتي موافقة أتجوز سالي؟ كوثر: أيوه، بس استنى نعمل العملية ونطمن على الواد. مجدي باس إيدها: ربنا يخليكي ليا يارب. كانت فردوس واقفة متابعة الحوار وبلغت أشرف. ====== ❤️❤️❤️ أميرة قاعدة مصدومة من اللي حصل. وأحمد جهز لها الحمام وقرب عليها. شالها قعدها في ميه دافية. أحمد: انتي زعلانه مني بسبب اللي حصل بينا دلوقتي؟ أميرة: ...... أحمد: حقك عليا. أنا هروح ألم الميه من المطبخ وانتي خليكي شوية، هترتاحي.

خرج أحمد. أميرة دموعها نزلت: (عقلها: فوقي لنفسك، انتي مجرد نزوة وهيندم إنو قربلك. هو بيحب دينا وبس) (قلبها: لا، ده بيحبك وانتي كمان كنتي مبسوطة من قربه ده) (عقلها: لا، ده عشان أول مرة تحسي الإحساس ده وميغمى عليكي زي كل مرة) وافتكرت فلاش باك. مصطفى: أنا زهقت منك. أنا كل مرة أقرب منك يغمى عليكي كده. إيه؟ متجوز عروسة لعبة؟ انت برده مش بتحسي. أميرة: أنا قولتلك أروح للدكتورة أسألها وانت اللي رافض، أعمل إيه؟

مصطفى: هتعملي إيه ولا حاجة. مش كفاية إنك مش بتخلفي كمان مش عارفة تقومى بحقوقى كزوج. أنا نازل. عيشة تقرف. عودة من الفلاش باك. أميرة دموعها لسه نازلة. دخل أحمد لقاها لسه مكانها وبتعيط. ساعدها تاخد شاور وخرجت. قعدها على السرير واتكلم: أحمد: جهزي عشان أوصلك وأسافر. أميرة: هاخد تاكسي، ما تشغلش بالك بيا. أحمد: ندمان إني تممت جوازنا.. بس إزاي انتي لسه بنت؟ أميرة بدموع: مش عارفة إزاي. واترمت في حضنه وفضلت تعيط لحد ما هديت.

أحمد: أهدي يا حبيبتي. قوليلي مالك. أميرة: أنت لازم تسافر دلوقتي لشغلك ولما تيجي بالسلامة هنتكلم. أحمد وصلها وسافر هو على شغله، لكن باله مشغول عليها وحاسس إنه في لغز ولازم يحله. بقلـمي / ديجا ❤️❤️❤️ الكل راح عالمستشفى عشان ياخدوا العينة اللي هتتطابق مع آدم. حتى كوثر عملتها والكل منتظر النتيجة. منال ونهال قرروا يدفعوا الفلوس لأشرف عشان يعرفوا مجدي هيتجوز مين. خرج الدكتور بالنتيجة؟؟

ياترى إيه هي النتيجة وأشرف هيعمل إيه، ده اللي هنعرفه الفصل الجاي. دمتم بخير.