رواية أرملتي العذرء الفصل السادس عشر 16 - بقلم ديجا

تسلم ايديك يا حبيبتي الأكل تحفه. تسلمي يا ماما ده من ذوق حضرتكم. لا بجد يا ميرو الأكل تحفه لازم تعلميني وتدينى سر المهنه. ولا سر ولا حاجه عينى ليكى قوليلى عايزة تبدأى بأيه. انتي خريجه إيه. بكالوريوس تجارة. كنت فكراكى سياحة وفنادق. عشان الطبخ يعنى. لا دي هوايه. بتحبى الطبخ والمطبخ بس اللى يشوف أكلتك ما يقولش كده ابدا ولا انتى مكسوفة مننا ده بيتك يا بنتى واحنا ضيوف.

لا أبداً والله هى اكلتى كده وبعدين بيت إبنك يعنى بيتك واحنا اللى ضيوف حضرتك على راسنا من فوق. تعيشي يا بنتى يسلم اللي ربي بنت أصول صحيح. تليفون أميرة رن. مين اللي بيرن. اللي ربى. ده وليد اخويا. عامله ايه يا اميرتي. الحمد لله بخير انت اخبارك ايه والولاد عاملين ايه. الحمد لله كلنا بخير انا بطمن عليكى ونهى بتسلم عليكي. الله يسلمها سلملى عليها. هات أنا هسلم عليها بنفسي ازيك يا اميره عامله ايه.

الحمد لله بخير انتي اخبارك ايه. الحمد لله أنا آسفه على قلة زوقي معاكي سامحيني. مافيش حاجه أنا مش زعلانه ولا حاجه. حيث كده بقى انا وحشني اكلك ينفع نتغدا سوا بكره. اكيد طبعاً. خلاص وليد هيكلم أحمد ويبلغه تمام. هو هنا فالبيت ثواني اديله الفون. اجازة ولا ايه. لا تعبان شويه عنده برد. طب خلاص نيجى وقت تاني. لية اهو بالمرة تطمن عليه واشوف الولاد واحشني. خبطت ودخلت عند أحمد واديتها التليفون. كلم وليد ورحب بيهم.

أنا اسفه انى مرجعتش ليك فالأول بس والله هما عزموا نفسهم ومقدرتش احرجهم. أميرة ده بيتك ومش محتاجه تستأذني عشان اخوكى يجيلك او اى حد تمام. عدى اليوم وليلى خدت مروة ومشيوا بعد ما اطمنت على أحمد وطلبت منه ياخد اجازة يومين عشان يرتاح. وجه تانى يوم اميرة صاحيه من بدري نزلت الولاد المدرسه وبدأت تجهز الغدا وتظبط الشقه. أحمد صحى من النوم ودخلها المطبخ. تحبى اساعدك في حاجه. متشكرة أنا خلصت ثواني احضرلك الفطار.

أنا هحضر على ما تخلصي اللي في ايدك. سكرك إيه فالنسكافيه. من غير سكر. ليه كده كل حاجه بتشربيها من غير سكر. السكر مش حاجة كويسة وأنا اتعودت على كده خلاص. والتعود ده اختياري ولا اجباري. مش ديمآ. المهم اخبارك ايه على العلاج. الحمد لله احسن بكتير. إنتى دخلتي الاوضه بالليل. ايوة دخلت أطمن عليك ليكون فى سخونه لقدر الله. انا متشكر جدا لاهتمامك. سيد عيب أحنا أهل أنت جوعتنى على فكرة مكنش سندويتش ونسكافيه.

اتفضلي يا ستي احلى نسكافيه ممكن تشربيه فى حياتك. اممممم هندوق ونشوف. وفضلوا يتكلموا كتير عن الولاد وأحمد كان نفسه يسأل عن حياتها ويعرف عنها أكتر بس اعتبر ده تطفل منه بس كان حابب الكلام معاها أوى. عدى الوقت بسرعه واميرة كانت جهزت كل شئ ووضبت البيت لاستقبال وليد ونهى والولاد. وصلوا من المدرسه. هو انكل وليد هيجى إمتى انى متشوقه لرؤية أيسل. ههههههه حالآ سيدتى إنهم فالطريق إلينا لا تقلقي.

هى عدتك يا ميرو يا حرام تعالى يا بابا إلحق ميرو. ايه فى ايه يا اميرة انتي كويسه. ابدا بنهزر ما فيش حاجه. ماتقلقش يا بوب ميرو فى أعيننا نحميها من أى مكروه. ضحكوا جميعاً. جرس الباب رن يعلن عن وصول وليد ونهى واميرة راحت تستقبلهم. وليد خدها فى حضنه وشالها من عالارض لأنه أطول منها وهي بالنسبة له عصفورة. اميرتي الحلوة أخبارها أيه. الحمد لله بخير. واتجهت نحو نهى وسلمت عليها. نورتى يا حبيبتي اتفضلي.

ونزلت لمستوى أيسل أسر وخدتهم فى حضنها. حبا عمتوا وحشتونى أوى. أنا زعلانه منك عشان مش بتيجي عندنا. أنا عارفه عشان كده عملتلك الأكل اللي بتحبيه عشان اصالح قلبي. بشهق بجد. أنا بحبك اوي. أنا بحبها أكتر دى مامتي. انتوا الاتنين حبايبي وهتبقوا صحاب واخوات صح يا ديدا. صح يا ميرو. تعالى اوضتى نلعب سوا. أحمد واقف متابع ذلك الأميرة كم هي حنونه وعطوفه وتبث الحب لمن يقابلها دون مقابل. أحمد رحب جداً بوليد لا يختلف كثير عن اميره.

نهى طلبت تحضير السفرة عشان تتكلم معاها. أميرة لو مش مرتاحه هنا تعالى ارجعى بيتك وانا والله مش هكون مضايقه. شكرا يا نهى على احساسك ده بس أنا فعلاً مرتاحه هنا ومقدرش اسيب ولادى دول عوضى من ربنا وأنا مش محتاجه أكتر من كده. صدقيني البيت بيتك ودى مش عزومه كفايه اللي عانتيه زمان بسببي. ماتشليش ذنبي كل اللي حصل مكتوب أنه يحصلى وانتي مالكيش ذنب يا حبيبتي. انتي طيبه أوى وجميله من جوه وبره من النهارده إحنا اخوات. وحضنتها.

الله الله هو ده الأكل اللي بيتحضر يا هوانم. وليد عاد نفس الكلام لاميرة وأميرة قالتله أنها مبسوطه بعلاقتها مع الولاد. طب وأحمد. إحنا كويسين جدا. إنتى طول الوقت لابسه الحجاب كده فالبيت واضح انكم بتتعاملوا على أنكم اغراب. أحمد بيحب مراته ومخلص لذكرى حبها وكان جوازنا من الأول عشان الولاد وبس. ودى عيشه بقى داده بعقد جواز إنتى صغيره يا أميرة من حقك تحبى وتتحبى وتعيشي.

صغيره اه بس عاقر وربنا أنعم عليا بدل الطفل تلاته ادوس النعمه دى عشان أيه أنا الحمد لله راضية ومبسوطه بحالي كده ويلا بقى الأكل هيبرد يا أستاذ. أحمد سمع كلامها قلبه وجعه اد ايه هي عانت فى حياتها وبتعانى لسه. عدى اليوم بسلام والاولاد حبوا بعد جدا والزيارة الجايه عند وليد. عدى اسبوع على أبطالنا من غير أحداث جديدة غير أشرف بيلاعب سالى بمساعدة فردوس اللى هتتجنن ومش عارفه إذا كان عايش ولاميت.

الاولاد خدوا أجازة نصف السنه واتفقوا يروحوا عند ليلى يقضوا اسبوع معاها بس أحمد جاله شغل وهيسافر. حضر شنطته بمساعده أميرة وودع ولاده ومامته واخوته وكان نفسه يحضن اميرة كمان باس راسها وقالها لو احتاجت حاجه تكلمه ومشى. يا عم دور كويس هتلاقيه ده ملف مش إبرة. أخرس خالص انا مش طايقك أصلا مستعجلني عالفاضي. أميرة سابت الولاد عند ليلى وقالت إنها هتقفل الشقه كويس وتيجى.

خلصت الشقه ودخلت تاخد دش وخارجه من الحمام بالبرنس الوردي وفايدها فوطة بتنشف شعرها اتسمرت مكانها من اللي شافته. يا ترى اميرة شافت ايه خلاها اتسمرت مكانه. ده اللي هنعرفه الفصل الجاي.