رواية أرملتي العذرء الفصل التاسع عشر 19 - بقلم ديجا

بعت فستان سواريه أوف وايت كله جوبير بوردات ذهبى وكم منفوش وطرحه شيفون من نفس اللون. أميرة: أحمد أنت بعت الدريس ده ليه؟ أحمد: عشان معزومين على فرح واحد صحبي. أنتوا هتسبقوا وأنا هاجي على هناك وبعتلك ناس تساعدك. تمام؟ أميرة: مافيش داعي، أنا هجهز لوحدي. أحمد: اسمعي الكلام يا حوريتي ونقول حاضر وبس. تمام؟ أميرة: حاضر وبس يا أحمد. أحمد: يا أحمد آمال فين يا حبيبي يا قلبي يا روحي يا حياتي.

أميرة ضحكت على كلامه: امممم حاضر يا حياتي. يلا بقى عشان ألحق أجهز وأجهز الولاد. أحمد: اهربي اهربي، بس لما تبقي بين إيديا هخلص منك. كل ده سلام مؤقت يا قلبي. شوية ووصل بنتين من بيوتي سنتر عشان يساعدوا أميرة. غادة: بسم الله ما شاء الله عليكي. بأقل شيء بقيتي زي القمر. أميرة: ده من ذوقك والله يا حبيبتي. داليا: مش مجاملة يا مدام أميرة والله انتي زي القمر.

ليلى ومروة دخلوا: بسم الله ما شاء الله عليكي يا بنتي. تسلم إيديكوا يا بنات. مروة: يلا بقى عشان تجهزوني أنا كمان. الكل ضحك عليها. ليلى: إيش تعمل المشط؟ مروة بغيظ: كده برضه يا ماما. أميرة: ماما الولاد جهزوا. ليلى: آه يا حبيبتي جهزوا بنفسهم. وفريدة فاضل شعرها. مروة قالت البنات هيعملوا. البسي بقى عشان شوية ويوسف هيعدي علينا على ما أحمد يخلص ويجي لنا. أميرة: ماشي يا حبيبتي.

ليلى راحت تكمل لبس واميرة لبست ووقفت قدام المراية طالعة زي القمر ونزلوا ليوسف عشان يوصلهم. أشرف طلب من منال ونهال يحطوا الفلوس في صندوق بريد البيت وهو هياخدهم بطريقته. وحدد ليهم يوم الخميس هيدي لكل واحدة اللي يخصها. سالي جهزت لكتب الكتاب يوم الخميس. وكوثر قالت يكتبوا بره وبعدين يجوا عالبيت يعلنوا الخبر عشان نهال متبوظش الجوازة. سالي جالها رسالة عالـ فون: مبروك يا عروسة. سالي: مين؟

أشرف: مش مهم. واحد بيحبلك الخير. متقلقيش. سالي: هتقول مين وعايز إيه ولا أعملك حظر فوراً. أشرف: ما قولتك مش عايز غير سلامتك يا سوسو. سالي لنفسها: معقول أكون مكنتش بتخيل وأشرف لسه عايش. ولو عايش أكيد راجع ينتقم مني. أشرف بيضحك بصوت عالي: أكيد مرعوبة دلوقتي. أسعد: بس الواد حتة مني. هتجنن ويبقى في حضني يا أشرف. أشرف: خلاص يا أسعد، كلها يومين وهيكون في حضنك برضاها أو غصب عنها. أنا غلطت في الأول وديني هصلحها.

أسعد: ليه يا أشرف مرجعتليش من الأول؟ ما كان زمان كله حصل. أشرف: هي قالتلي إنك طلقتها وسافرت بلدك ومش راجع تاني. كل غرضي إني أحللها مشكلتها وأطلع بمصلحة. يوسف وصل أميرة لمكان الفرح. نزلت أميرة ويوسف طلب منها تدخل من الباب وهما هيسلموا على حد ويدخلوا وراها.

أميرة دخلت لقت المكان ضلمة وفجأة الأرض بدأت تنور بحروف AMYRTY. ابتسمت ودخلت شوية لجوه. الضوء اتسلط على أحمد في آخر الممر وظهر من جمبها وليد أخوها. حضنها وباس راسها وخدها من إيدها وصلها لأحمد. أميرة: هو إيه اللي بيحصل ده؟ أحمد حضنها وباس جبينها وقالها: هش... واشتغلت أغنية الجريني. جمبك على طول خليني متغبش في يوم عن عيني. ده أنا لما بقول يا حبيبي قلبي بيرتاح. جمبك على طول خليني على حلم بعيد صحيني.

إلى آخر الرقصة الكل سقف لهم والنور نور. لقت نهى مع مامتها وباباها وأصحاب أحمد والكل بيبارك وفرحان ليهم من قلبهم. مراد جاى يبارك لهم وشه متشلفط: مبروك يا صاحبي وأنا آسف. أميرة بشهقة: مين اللي عمل فيه كده؟ مراد: ابدأ يا مرات أخويا. رحت أخطب واحدة من جوزها. فلاش باك. مراد: أحمد أنا طالب القرب منك. في حد تبعك. أحمد: وماله يا حبيبي مين؟

مراد: هييييح مزة الموزز، جميلة الجميلات، أميرة الأميرات، أميرة أرملة أخو دينا. حاجة كده لوز العنب. أحمد نزل فيه ضرب بالبوكسات: بتعاكس مراتي! ابن... عيني عينك كده. وحتى لو مش مراتي إياك تتكلم كده على حد يخصني، أنت فاهم؟ مراد بصدمة: مراتك! والله ما أعرف. يا ابن الجزم... يا يوسف والله لأوريك. يوسف: مش عامل فيها العاشق الولهان. اشرب بقى. ههههه. وطلع يجري من قدامهم. عودة من الفلاش باك. أميرة: حرام يا أحمد مكنش يعرف.

أحمد: يستاهل عشان يحرم. المايك جه لأميرة وطلبوا منها تغني لأحمد وكانت مكسوفة أوي. أميرة: ممكن تخليني في حضنك. محتاجة أسمع صوت قلبك. نبضه بيحييني. أصلاً أنا لما بكون متشافة بتوتر. أصل أنا خوافة. في حضنك احميني. والساعة اللي بعيشها في قربك ٦٠ دقيقة حياة. أحمد حضنها وباس خدها. اتكسفت أكتر: متغنيش لحد غيري. اتفقنا. أميرة بكسوف: اتفقنا. قضوا وقت جميل جداً مع الأهل والأصدقاء.

أحمد: يلا بقى عشان انتي وحشتيني أوي. أنا حجزت لينا جناح في أوتيل قريب من هنا هادي أوي. أميرة: ليه والولاد؟ أحمد: أنا اتفقت مع ماما هتخليهم معاها. متقلقيش يا حبيبتي. يلا بقى. أميرة: أصلي مش معايا هدوم وكده. أحمد بيضحك بصوت عالي: أنا روحت وجهزت لينا شنطة. في الأوتيل أميرة فتحت الشنطة كلها لانجيري جرئ أوي مش عارفة تلبس إيه. لبست إسدال الصلاة وخرجت. أحمد: أنا كمان. أحمد: أنا كمان اتوضيت. يلا عشان نصلي مع بعض.

صلوا وقعدوا على سجادة الصلاة. حط إيده على رأسها وقرأ دعاء الزواج وشالها قعدها عالسرير. أميرة بتوتر: أنت إيه اللي جايبه ده يا أستاذ. الجو برد جداً. أحمد ضحك: ما أنا هدفييكي يا حياتي. أميرة: عيب كده. احترم نفسك. أحمد: بذمتك النهاردة ينفع احترام. فكي كده يا حبيبتي.

فك طرحة الإسدال وكانت لمة شعرها بمشبك. شاله وأطلق لشعرها العنان. وفضلوا يتكلموا لحد لما التوتر راح شوية. خلعت الإسدال وكانت لابسة قميص ستان لافندر واصل للركبة وكان يجنن عليها. أحمد: يخرب بيت جمالك يا شيخة. إيه ده. تعالي هنا. أميرة جريت منه وفي ثانية كان شايلها وحطها عالسرير. اتعامل معاها برفق كأنها قطعة زجاج خايف تتخدش. وراحوا في عالم العشاق. الصبح نزلت مروة تشتري حاجات من السوبر ماركت. اتقابلت مع دكتور عصام.

عصام: إزيك يا آنسة مروة. صحتك عاملة إيه دلوقتي؟ مروة بخجل: الحمد لله بخير. عصام: البشمهندس أحمد أخباره إيه؟ ممكن رقمه عشان عايز أطمن عليهم. مروة: أكيد. اتفضل. ٠١... عصام: شكراً ليكي. أنا بوضب العيادة بتاعتي قريب من هنا. مروة: ألف مبروك. طب عن إذنك عشان اتأخرت عالبيت. عصام: اتفضلي. أحمد صحي قبل أميرة وهي في حضنه زي طفلة صغيرة. فضل يتأمل فيها بحب. عملتي فيا إيه بس. شوية وبدأت تصحى لقت أحمد بيبصلها.

أميرة: صباح الخير يا حبيبي. أحمد: صباح الهنا عليكي يا روح قلبي. أميرة: ممكن أقوم؟ أحمد: لأ مش ممكن. هتفضلي كده النهاردة. عجبك ولا لأ. أميرة: عجبني طبعاً. شوية وجت رسالة لأميرة عالـ فون واتضايقت منها. يا ترى الرسالة من مين وفيها إيه. ده اللي هنعرفه الفصل الجاي.