رواية اريد عريسا الفصل الرابع 4 - بقلم عائشة نصر

ملك : يونس أنا رفضت نتجوز عشان بحب واحد تاني. يونس : نعم؟ وأكمل بهدوء: وعريس الغفلة مجاش لي يا ست هانم ومقولتليش لي. وأكمل بحزن وكسرة نفس: أنا كنت فاكر إننا صحاب. ملك : مقولتلكش عشان كان باين في عينيك إنك بتحبني. مكنتش عايزة ف يوم أشوفك مكسور مني. مكنتش عايزة أشوفك ف يوم مش عايز تبصلي. يونس : انتي عينك بتلمع لما بتشوفني. يونس : بصي يا ملك فترة وهنتطلق وتروحي تشوفي حياتك. ملك : تمام وأنا الفترة دي مش هقصر معاك صدقني.

يونس : إطلعي برة عندي شغل. ملك : حاضر. خرجت ملك وراحت أوضتها وهي زعلانة إنها عملت كده وكسرت يونس. يونس كان قاعد على المكتب بيعيط وشريط ذكرياتهم بيجري قدامه. لما كان بيهتم بيها وبيوصلها في كل حتة. كان أبوها وأخوها وحبيبها وكل حاجة. لكن هي مكنتش شايفاه. يونس قعد يعيط بصمت من غير ما يطلع صوت. وملك في أوضتها على السرير بتكلم حبيبها شات.

تعدى شهر. يونس واخد جمب من ملك خالص وسالي مرضتش تروح تقعد معاهم لأن ملك اللي طلبت. يونس بقى طول اليوم في العيادة ويرجع بليل يقفل على نفسه وينام. وحتى مش بياكل مع ملك. يونس كان داخل من باب الشقة وملك قاعدة على الكنبة. يونس : ملك عاوز. ملك : نعم. يونس : أنا عايز أت... ملك : وماما؟ يونس : مالها ماما؟ ملك : أنت عارف إنها مش هتسمحلك تتجوز عليا. يونس : دا حقي. أنا بحبها ومينفعش أقعد أكتر من كدا. ملك : طب وأنا؟

يونس : هطلقك وروحي اتجوزي بقى. ملك : يونس أنا... يونس : أنا محتاج أرتاح. أعملي حسابك أنا كتب كتابي بعد أسبوع. ملك : يووونس أنا بكلمك. مشي وسابها ولا كأنه سامعها. ملك قامت اتصلت بحبيبها وحكتله وهو قالها إنها لازم تتطلق عشان يتجوزوا. ويوم كتب كتاب يونس كان عامله في الشقة عنده هو وملك ومقالش لسالي. وكان عبارة عن المأذون والشهود بس. المأذون : بارك الله لكما وجمع بينكما. وقتها ملك ويونس سمعوا صوت هبدة عند الباب.

ملك قامت تشوف في إيه. ملك بصراخ : مماااامما. يونس قام جري لقى سالي مغمى عليها وقاطعة النفس.