رواية اصابتني لعنة عشقها الفصل الثالث 3 - بقلم اسو احمد

نزلت بتول أمام الجامعه أخيرا، وأرجعت شعرها للوراء ونظرت أمامها في غضب وبدأت تتحدث كثيرا دون توقف كعادته: بتول: وقح وحيوان وواحد *** وماشفش دقيقة واحدة بس تربية، ده إللي زيه لو اتجوز وحدة أمها أكيد داعية عليها، اهو النوع ده إللي ينطبق عليه جملة هيطلق من تاني يوم جوز ده لو اتجوز أصلا، وقحححح. لينظر لها الشاب: هو أنا جيت جنبك يابت انتي؟ استغفر الله العظيم يارب. لتنتبه لنفسها أخيرا:

ماتنص قدامك يا عم الأمور هو حد كلمك، ولا على رأي المثل إللي على راسه بطحه. تركته ودخلت الحرم الجامعي وسط ضحك الشباب إللي كانوا واقفين قريبين منهم. ليتقدم أحدهم: الشاب: معلش يا عم رامي حظك إنك وقعت معاها النهارده. رامي بغموض: هي مشهورة أوي كده؟ الشاب: يا عم دي معلمة على كل إللي في الجامعة من لما جات والكل بيخاف يقربلها، بت لسانها أطول منها، واللى يقربلها بتمسح بكرامته بلاط الجامعة كلها وبيكون عبرة لكل الطلبة. رامي:

قولتلي اسمها إيه؟ الشاب: بتول. رامي: مممممم بتووول قولتي. رامي: هو السنارة غمزت ولا إيه هااا. يغمز له بعينه. لينظر له رامي قليلاً: غمزت إيه بس يا عمرو، هي أصلا مش استيلي. انت مش شايف المستويات بينا. عمرو: مستويات إيه بس دي أبوها وأمها يشتروا الجامعة كلها ياللي فيها. رامي: ليه هي بت مين؟ عمرو: بت... ليأتيهم صديقهم منصور أو "مينو" كما لقب نفسه بهذا الاسم ويقطعهم. مينو:

الدنجوان اتشلفط بكرامته الأرض من حتة بت أد كده هههههه، هي الدنيا حصل فيها إيه يا جدعان. مصطفى بضحكه: وقعت في إيد إللي مابتسلمش النهارده يا معلم هههه. رامي: ولا عاش ولا كان إللي يقدر يقف قدام الدنجوان ياض منك ليه، انتو نسيتو أنا مين ولا إيه؟ أصلا إللي زيها دول هو أسبوع واحد بس وهييجوا عند رجلي يبوسوها يطلبوا السماح، ههه قال شلفطتني قال. مينو: طب تراهن. رامي: على إيه؟ مصطفى: البت على آخر الأسبوع تكون تحت رجلك. مينو:

والخسران هيمسح الحمامات، إيه رأيك؟ رامي: جهزوا نفسكم لمسح الحمامات يا عمررررري. بصوت فدوه. مينو: لما نشوف مين إللي هيفوز يا عم روميو هههه. _لينظر لهم يوسف بيأس ويصمت قليلاً: يوسف بيأس: الحقيقة أنا مش عارف أقول إيه. نور: آسفة جداً يوسف بيك بس إحنا شعارنا الالتزام بالمواعيد وإنتوا. لياتيهم صوت من الخلف يقول: بالنسبة لشركتنا الالتزام بالمرتبة الأولى يا أستاذة نور. لتنظر نور اتجاه الصوت بإعجاب ليتقدم أمير نحوها:

أنا آسف إني اتأخرت عليكم. ويمد يده ويصافحها وبعدها يصافح معان ليجلس بجوار يوسف. في الحقيقة حصل معايا حادث صغير وأنا جاي في الطريق. لينظر له يوسف بغيظ ليبتسم له أمير ويوشر له بعينه يعني لا تقلق. نور: الحمد لله على السلامة، في حاجة حصلتلك؟ يوسف: لا الحمد لله جات سليمة، وبعتذر على التأخير. نور: عادي ولا يهمك أهم حاجة إنك بخير. لينظر يوسف لها باندهاش من تغيرها المفاجئ. ليسحب أمير اللابتوب:

نبدأ الاجتماع بقي وبلاش نضيع وقت ولا إيه. معان: بس إحنا كده هنتاخر على الاجتماع التاني يا نور؟ نور: يبقى نكلمهم ونقولهم حصل ظرف طارئ خلانا نتأخر لأن اجتماعنا هنا أهم بكتير. وتنظر إلى أمير ليبتسم لها أمير ويبدأ في العمل تحت نظر يوسف الذي لا يفهم كيف تغيرت هذه في ثواني. _دلفت بتول قاعة المحاضرات وهي تلقي حقيبتها بجوار حياة إللي تتحدث في هاتفها:

بتول: كان يوم أسود يوم ما جيت هنا، كونا ناقصين متخلفين على الصبح أصلا هو يوم باين من أوله، هي أكيد سردين دي إللي دعت عليا علشان يحصلي كل ده في يوم واحد أوووف. ده أنا لو جبت سيرة ربع جنبه مكنتش لقيته بالسرعة دي، ياكش يا شيخة يمسكوكي بتهمة انتهاء الصلاحية يا ساردين يا بنت أم ساردين، روحي منك لله يا شيخة 😭😭. حياة: بقولك إيه يا أبو حميد اقفل أحسن في قنبلة هتنفجر جنبي كمان شوية. لا هي كده لسه بتسخن بس. هههه يلا سلام.

وتنظر إلى بتول: مالك يا آخرت صبري؟ حصل إيه تاني؟ احكي. بتول: قولي لسه مش قاعد إيه تاني، أنا خلاص تعبت. حياة: حالتك ما تطمنش يابت. بتول: هقول إيه غير بومة. حياة: ألبومة التاني جايه ناحيتك أهي هههههههه. بتول: اطلبي الإسعاف. ونظرت لـ سلين بابتسامة صفراء: سلين: إيه ده يا بتول بقي رامي دنجوان الجامعة كلها تعملي فيه كده، لا مليكيش حق. بتول: والله مش عارفة أقولك إيه يا سردين. سلين مقطعة: سلين. بتول:

whatever اهو عارفة إللي عملته معاه هموت واعمله معاكي وأكتر والله يا سردين. ليضحك جميع الطلبة إللي في القاعة حتى صديقاتها الذين يقفون ورائها ضحكوا أيضاً. لتنظر لهم سلين ليصمتوا جميعها: سلين بغيظ: أولاً اسمي سلين مش سردين يا Environment إنتي، وأوعي تكوني مفكرة إللي عملتيه مع رامي هيعدي بالساهل كده، بالعكس خافي جداً لأن رامي حطك في دماغه ورامي لما بيحط حد في دماغه بتكون ليلته أسود من الليل، Good -bye يا Local.

وتذهب وصديقاتها ورائها لتجلس بتول وهي تنفخ من كثرة الغضب: بتول: اهو محدش Local غيرك يا فسيخ إنتِ. أوووف. حياة: بتو... بتول مقاطعة: بعدين يا حياة أحسن دماغي هتنفجر. _في حي الحسين يجلس الأب وابنته يشاهدون التلفزيون في راحة وسعادة لأول مرة لتدخل عليهم مجدة: مجدة: أيوه خليك أنت قاعد كده قدام التلفزيون ومش متلحلح تعمل حاجة. نهى بهمس: الخناقة هتبدأ يا أبو الفوزيز، اهرب أنا بقيفوزي بهمس: واطي من يومك يا أبو رحاب. نهى بهمس:

حبيبي هههههه، أروح أنا أذاكر بقي. ذهبت إلى غرفتها وأغلقت الباب جيداً ووقفت روئة تستمع إليهم كالعادة. في الخارج. مجدة: البت كل يوم بترجع بعد العشاء البيت. فوزي: مادام أهلها عارفين ورضيين يبقى مالناش دعوة بيها يا مجدة وخلينا في حالنا، إحنا عندنا ولاية برضه، وبلاش أسطوانة كل يوم دي. مجدة: مالناش إزاي وهي هتبقى مرات ابنك يا راجل. فوزي: حالا خليتيها مرات ابنك، وبعدين حتى لو مرات ابنك برضه إنتي مالكيش حكم عليه. مجدة:

ما لو إنت زي باقي الرجالة كنت كلمت إبراهيم وحددت معاد أو حتى ربطت كلام مع بعض علشان نضمن إنها هتكون لابنك، وكمان ماتطلعش بره العيلة وتبقى تحت عنينا. فوزي بغيظ: هي إللي هتبقى تحت عنينا ولا فلوسها إللي هتبقى تحت عنينا هاا. مجدة: وإيه يعني هي أو فلوسها ما التنين واحد وبعدين مش هتروح هي لحد غريب، هي كانت تطول إنها تاخد مجدي ابني أصلا. لينهض فوزي:

لما ابنك يبقى راجل بمعنى الكلمة يبقى ساعتها تعالي قولي جوزه كذا، وأنا ساعتها أنا إللي هروح بنفسي أخطبهاله، يلا تصبح على خير. مجدة بغل: خليك قاعد زي خبتها كده لحد ما ييجي حد غريب ياخدها مننا ومش هنقدر نطول مليم واحد بس منهم، راجل يجيب الضغط صحيح، أوووف منك أوووف. وتذهب إلى المطبخ لتحضر العشاء لهم وهي تغلي من زوجها عديم الشخصية هذا وتفكر كيف تجعل بتول وأملاكها لابنها.

_لترمى بتول حقيبتها على السرير وتبدل ملابسها وترمي بنفسها على السرير وهي تنظر للسقف تراجع نفسها: بتول: هو أنا غلط لما جيت هنا؟ ولا علشان عايزة أبقى نفسي ومش مجرد بنت إبراهيم العوسيلي المليونير المشهور وهاجر عبد الله الدايب أكبر دكتورة قلب في الشرق الأوسط.

لتتنهد: آآآه لو كنا ناس بسيطة جداً وقاعدين كلنا سوا مع بعض في شقة صغيرة زي دي وكل يوم أصحى على صوت ماما وهي بتصحيني وتقولي قومي يا كسلانة وبابا ييجي يتخانق مع ماما ويقولها مالكيش دعوة بيها دي حبيبتي أنا وكل يوم نقعد قدام التلفزيون نسمع فيلم كرتوني أو كوميدي مع بعض، ياااه لو الحلم ده اتحقق و. ليقطعها رنين هاتفها لتفيق من أحلامها وتنهض وتخرجه من شنطتها: إيه ده؟ ده مش تليفوني. وتفتش في حقيبتها:

راح فين ده، ليكون. هو الوقح أكيد معاه، أوووف. ليرن الهاتف مرة أخرى: إيه ده، ده رقم تليفوني. وتجيب عليه: الووو. أمير: أم لسان طويل ههههه. بتول: الوقحح، إنت إزاي تتجرأ وتاخد تليفوني يا حيوان إنت. أمير: قولي لنفسك الأول ما تليفوني معاكي. بتول: بكرة على الساعة 9 في كافيه حكاية تكون هناك وإنت تاخد تليفونك وأنا أخد تليفوني. أمير: بس بشرط. بتول: إنت كمان هتتشرط أما إنسان زبالة صحيح. أمير: بتقولي حاجة؟ بتول بغيظ:

إيه هو الشرط ده؟ أمير بابتسامة: تلبسي الفستان الزهري وإنتي جاية ههههه. بتول بغضب: وقح، حيوان، سافل. وتغلق في وجهه وترمي الهاتف جانباً: الحيوان فتح الصور، روح يا شيخ اللهي تموت مسحول، أو تموت غرقان، اللهي يرزقك بواحدة تطلع عينك وتعرفك إن الله حق يا شيخ، أوووف. لتنام قليلاً لتريح أعصابها من هذا اليوم الصعب وهي توعد هذا الوقح. عند أمير. عندما أغلقت في وجهه ابتسم بشدة للاستفزاز هذه المجنونة. لينظر أمامه ليجد مجموعة بنات

معدية من جواره ليبتسم: أمير: واحد اتنين تلا. لينظر له البنات ليبتسم لهم ويذهب ورائهم: قبل ما أكمل التلاتة، رائع يا أمير، هاااااى ممكن لحظة. لتقف البنات وتجيب واحدة منهم بدلع: المنديل ده وقع منك. ويغمز لها لتبتسم ليمد يده: أنا أمير. ابتسمت له وهي تصافحه: وأنا نوجة، بس قولي يا نونا. = وأنا عبير، بس قولي يابيرو. –غونجا. أمير: هااا قولتولي إنتو رايحين على فين كده؟ أحد الفتيات: بار يا إللي هناك ده. أمير بضحكه:

طب ماتيجوا نروح مكان أحلى إيه رأيكم؟ البنات بابتسامة: ممكن. ويذهبوا معه إلى السيارة ليركبوا جميعهم ليبتسم ويركب هو الآخر ويذهب إلى البيت.