رواية اصدقاء ثم احباء الفصل الثاني 2 - بقلم ايمان محمد

وقفنا لما كان أحمد رايح المدرج بتاع الكلية. أول ما بيدخل المدرج بيتصدم من منظر البنات اللي في الكلية، كل البنات لابسين عبايات سوداء. "واحد واقف جنبه: أعوذ بالله، هو إيه ده؟ البنات اتحولت بقت فيران سوداء ليه كدا؟ "أحمد: ادخل بلاش كلام ده، إحنا في رمضان." "واحد جنبه: ماشي دخلنا، اللهم قوني على الصيام إنهاردة."

المحاضرة بتخلص، وأحمد بيروح السكن. بيلاقي النور مطفي ومش سامع غير صوت الشخير بتاع الشباب اللي معاه في السكن. بيدخل، بيفتح الشباك: "اصحوا انتوا صليتوا الضهر؟ العصر هيأذن يا بشوات، اصحوا." بيصحوا بيصلوا العصر وبيقعودوا. "واحد: هنفطر إيه النهاردة يا شباب؟ "واحد تاني: تيجوا نعمل بطاطس بالفراخ في الفرن." "واحد تالت: لا لا، الأكلة دي محتاجة عمايل كتير. إيه رأيكم مكرونة وبانيه؟

أحمد بتجيله مكالمة فيديو من أمه خلال ما هما بيتكلموا عن الفطار. "أم أحمد: عامل إيه يا ابني؟ يا رب تكون بخير يا حبيبي." "أحمد: الحمد لله يا أمي، انتي عاملة إيه؟ "أم أحمد: بخير يا ابني طول ما انت بخير يا حبيبي." "أحمد: يا رب دايماً تكوني بخير." "أم أحمد: هتفطر إيه انهاردة يا حبيبي؟ أو عى تكون مش بتاكل حلو، أزعل منك. ولا أقولك وريني الناس اللي معاك في السكن كدا." "أحمد: خلاص يا ماما." "أم أحمد: لا وريني يا ابني."

أحمد بيوريها الشباب اللي معاه في السكن، وبتبدأ أم أحمد تتكلم معاهم: "خلوا بالكم من ابني يا ولاد، وخلوا بالكم من نفسكم وكلوا حلو. هتاكلوا إيه انهاردة يا عيال؟ "واحد من الشباب: والله لسه بنفكر يا خالتو، انتي بقا هتفطري إيه؟ "أم أحمد: أنا عاملة مكرونة بشاميل." "واحد تاني: لا كدا كتير يا خالتي، انتي جوعتيني. إيه رأيكم يا شباب نعمل بشاميل؟ "أحمد: سلام بقا يا ماما دلوقتي." وبيفل.

"واحد: يلا نروح نعمل مكرونة بشاميل، مين موافق؟ "كلهم: موافقين." وبيبدأوا يعملوا في الأكل، اللي بيسلق المكرونة، واللي بيعمل البشاميل، وفي اللي بيعمل السلطة، واللي بيعمل العصير. بيخلصوا الأكل وبيقعودوا بيستنوا المغرب يأذن. "الله أكبر الله أكبر." بياكلوا وبيخلصوا. "واحد من اللي قاعدين: مين اللي هيعمل الشاي يا شباب؟ ومين اللي هيلم الأكل؟ "أحمد: تيجوا نتفق، اللي يخلص الأكل آخر واحد يلم ويعمل الشاي. إيه رأيكم؟

"واحد: تصدق اقتراح حلو، موافقين. مين اللي خلص آخر واحد؟ "رامي: أنا." "واحد: يلا لم الأكل وروح اعمل الشاي." "رامي: لا القانون ده من بكرة مش من إنهاردة، مليش دعوة." "أحمد: معاه حق، القانون من بكرة. يلا كل واحد يلم طبقه، واللي عايز يشرب شاي يعمل." "أحمد: أنا هنزل أصلي التراويح، حد فيكم هينزل معايا؟ "واحد: لا إحنا هنصلي هنا، هنلم نفسنا ونصلي كلنا هنا." "أحمد: على راحتكم، أنا نازل."

"واحد: استنى، خد هات فول. بس هات من الراجل اللي انت جبت منه امبارح، كان الفول حلو." "أحمد: بس الراجل ده بعيد شوية." "واحد: مش مهم، اتمشى وروح هات." "أحمد: هات، مش مهم." بيديلوا 60 جنيه عشان يجيب فول ولانشون وجبنة. أحمد بيخلص صلاة التراويح وبيروح عشان يجيب فول، وبيكون بيتمشى وفجأة بيلاقي قدامه بنت زي القمر وشوية شباب بيضايقوها. أحمد بيروح مكان ما هما واقفين: "احترموا نفسكم يا شباب، مش كدا؟

إحنا في رمضان. اعتبرها اختك أو قريبتك يا عم." "واحد منهم: وانت مالك؟ حد كان قالك تدخل." وبيطلع من جيبه مطوة. وفجأة 😱.