رواية اشقاؤها الثمانيه بلوتي الفصل الثالث والأربعون 43 - بقلم إليا

نيـاط قلبها دق برجفة "زيد و يزن مالهم تقصد ايه بسؤالك عنهم هما كويسين طبعا كويسين زي البقيه هيكون مالهم ايه يعني كويسين.." عمران فهم من ردة فعلها معندهاش خبر اللي حصل ندم حاول يرجع في كلامه "مقصديش حاجة يا نيـاط متخافيش هو سؤال عادي مفيش حاجة.." نيـاط زعقت "لا في مش قادر تبص في عيني هما خبو عليا.." عمران خاف عليها بيحاول يوصلها عشان يهديها بعد ما رجعت كم خطوة لورا مقدرش بسبب رجله المتعلقة "نيـاط تعاليلي هنا نياط.."

نيـاط بدت تاخد نفسها بصعوبة مش واعية بقت زي المجنونة بتتكلم "أكيد خبو عني عشان هما مش كويسين حصلتلهم حاجة وحشة.." عمران برجفة "نيـاط اهدي.." معرفش يتحرك من رجله بيحاول يوصلها بكل الطرق جسمه كله واجعه بيزعق بيترجاها عشان تقرب منه بس مب تسمعش منهاره ع الآخر من رعبه لما لقاها بتشد في شعرها بقى بعلو صوته المرهق ينده على أي حد.. عثمان دخل جري بعد ما كان راجع سمع الدوشة والزعق بلهفة قرب منها "نيـاط.."

نيـاط صوتت "متلمسنيش انت كذاب بعد ايدك عني انتو خبيتو عليا اخواتي هيروحو مني صح هما هيموتو عشان كده مخبيين عني.." عمران مبيبعدش عينه عنها "ابوس ايدك يا عثمان اعمل اي حاجة خليها تهدى.." عثمان بحنية "نياط صدقيني هما كويسسن متخافيش بس اهدي عشان خاطري.."

مسمعتش منه حتى لمسته بتقاومها مسابتوش يهديها ولا يحضنها مصره تقول إن إخواتها بيموتوا الفكرة مطيرة عقلها لدرجة مبقتش حاسة بالوجع بقت تشد شعرها أكتر وتضرب نفسها وتعض إيدها بتشهق من العياط. عثمان شايفها بتأذي نفسها ازاي ومش راضية تسمع منه كلمة اتعصب "خلاص اهدي ارحمي نفسك وارحمينا وارحمي ابننـا هيجرالك حاجة.."

كتفها ليمنعها من أذية نفسها بس منجحش مكنش عنده حل غير يرفع إيده يضربها كف خلاها تدخل في صدمة سكتت بعد ما كانت بتصوت. نيـاط اتفتحت في العياط "ضربتني.." عثمان بيمسح على خدها محل القلم "اسف يا روحي اسف مكنش عندي حل غيره.." نيـاط قاعدة على الأرض بعد ما سندها بتعيط "زيد و يزن قلي مالهم يا عثمان جرالهم ايه.." عثمان حاضنها جامد "شوو اهدي هتتعبي أكتر.."

غرست سنانها في كتفه عضته جامد وهو ساكت ومتحمل سايبها ع راحتها المهم عنده تهدى ومتأذيش نفسها عمران وبقية إخواتها الواقفين عند الباب لسا مصدومين من القلم اللي اداهولها. رضوان جري عليها قعد على ركبه جنبها "نيـاط بصيلي زيد و يزن كويسين احنا كنا جايين نقلك مش مصدقاني قومي معايا نرحلهم.." نيـاط مش قادرة تقوم طاقتها خلصت بعد المجهود اللي عملته همست وراسها على صدره "عثمان.."

الدكتور دخل الأوضة مشي يطمن على وضع عمران "حاسس بايه.." عمران بقلق "أنا كويس بس اختي ممكن تشوفها افحصها هي الأول.." سلطان بيمسح على وشها اللي بقى مليان عرق لدرجة شعرها لزق على وشها بتنهج زعق "ازاي مشفى طويل عريض مليان دكاترة وممرضين بعد كل الزعيق والدوشة اللي حصلت محدش انتبه غير دلوقتي.." الدكتور قدر موقفه سكت فحصها طمنهم على وضعها وعمران اداه مسكنات لوجعه وبعد ما الأوضاع هديت واطمنوا على الكل حتى زين و يزن صحيوا.

عثمان بيلعب بشعرها "يلا يا قلبي ممليتيش من النوم بقينا الصبح وانت لسا نايمة.." مراد بتريقة "عايزها تصحى عشان تضربيها قلم تاني.." مروى استغربت "يضربها قلم تاني.." مراد معصب "ايوه قلم تاني ضربها واحد قدامنا كلنا وأنا ماسك نفسي عنه بالعافية محترم حضرتك ومحترم المكان اللي إحنا فيه.." عثمان برفعة حاجب "انت عارف انا عملت كده ليه.." مروى شدت ودنه جامد "يعني انت رفعت ايدك عليها بجد.."

عثمان اتوجع بيحاول يشيل ايديها "ودني سيبيها مش قدام الناس ده أنا حتى راجل متزوج قريب هبقى أب طب أشرحلك الأول سيبيني.." مراد زعلان عليها "هتشرحلها ايه بصي خدها عامل ازاي.." مروى بصت لقت خدها محمر جامد شهقت "صوابعك معلمة على خدها يا حيوان.." عثمان جري من جنبها "خيرا تعمل شرا تلقى.." مروى "خير ايه اللي عملته مش شايف خدها عامل ازاي.."

وهو بيجري منها بقاله فترة عمل دوشة صحت نيـاط ومراد اللي كان مبسوط وبيضحك على عثمان أول واحد لاحظ قعد جنبها ومسك إيدها. مراد بلهفة "انت كويسة يا نيـاط قلب مراد حاسة بايه قبل ما تسألي عن زيد و يزن كويسين صحيوا مستنينك تجي تشوفيهم وحشتيهم.." عثمان جري عليها "هما كويسين بس أنا لا خالتك هتموتني الحقيني منها.." نيـاط سكتت للحظة اتفتحت في العياط "انت ضربتني.." عثمان برق "شكرا يا دنيا.."