رواية اشواك العشق الفصل الثاني 2 - بقلم سندس محمد

بعد شويه الدكتور طلع وياسين وروان جريوا عليه. ياسين بخوف شديد: ها يادكتور طمني احمد عامل ايه؟ الدكتور بأسف: البقاء لله، الرصاصة كانت جنب القلب بالظبط ومقدرناش نعمل حاجة والقلب وقف مرة واحدة. ياسين بزعيق وصدمة: انت بتقول ايه؟ الدكتور: شد حيلك، البقاء لله. الدكتور خلص كلامه وطلع وياسين فضل باصص قدامه بعدم استيعاب. روان بدموع: شد حيلك يا ياسين. ياسين بعصبية: انتي بتقولي ايه، احمد كويس. روان بدموع شديدة: ياسين.

ياسين بوجع شديد: احمد، احمد يا روان، احمد مات وسابني لوحدي. روان بوجع وحزن: طيب اهدى. ياسين بتشوش: لا احمد عايش، احمد عايش. واغمى عليه من الصدمة والوجع الشديد اللي حاسس بيه. روان بهدوء: ياسين، ياسين فوق يا ياسين. ياسين فتح عينه واتنفض من مكانه وقال بدموع: احمد مات يا روان، احمد مات. روان بعدم فهم: مات ايه، بعد الشر يا ابني، الدكتور لسه مطلعش من عنده. ياسين بأمل: بتتكلمي جد، يعني يعني احمد عايش.

روان ببسمة: اه، متقلقش، ده تلاقيه كابوس بس. ياسين حضنها بسرعة: الحمدلله، الحمدلله. روان بعدت عنه بإحراج: ياسين ابعد، احنا مطلقين. ياسين بتوتر: اه صح، انا اسف. وقعد كل واحد فيهم على كرسي. في مكان اول مرة نروحله، كان قاعد قدامه وباصصله بمكر. كامل بزهق: انت هتفضل باصصلي كده ولا ايه؟ فتحي بخبث: بتأمل جمالك. كامل بقرف: انت عبيط ياض. فتحي اتجه ليه ومسكه من ياقة القميص بشر: لما تتكلم معايا اتكلم عدل، انت فاهم؟

انا قادر اسلمك واخلص من قرفك، لكن انا في هدف في دماغي، ولحد ما اخلص هدفي هتبقى كارت محروق بالنسبالي، انت فاهم؟ كامل هز رأسه بخوف: فاهم، فاهم، بس قولي احنا هنعمل ايه دلوقتي؟ فتحي بخبث: اسمها هعمل ايه. كامل بعدم فهم: يعني ايه؟ فتحي: يعني انا لما اعوزك هخليك تعمل اللي انا عايزه، غير كده لا. كامل بخوف منه: طيب. فتحي بخبث: ودلوقتي نفتش في الماضي بقا. كامل بتوتر: قصدك ايه؟

فتحي بخبث: قصدي انت عارفه كويس اوي يا كامل، ولا اقول محمود؟ اممم، اقول إن نسمة حبيبة القلب اللي ماتت غدر وانت ياعيني كنت هتموت وراها، وبعد كده خفيت بنتك ومقلتش لحد إن عندك بنت؟ اكمل؟ ولا كفاية؟ كامل بصدمة شديدة: انت بتقول ايه؟ وعرفت الكلام ده منين؟ في القصر. نور ببسمة: مش حابة تخرجي تشمي هوا؟ فاطمة بفرحة: ياريت، نفسي اقعد في الجنينة. نور جابت الكرسي المتحرك بتاعها وقالت بمرح: طب يلا بينا نشم هوا سوا.

نزلوا هما الاتنين وقعدوا في الجنينة. فاطمة بحب: شكرا ليكي، انا كنت محتاجة اشم هوا فعلا. نور: العفو، وانا كمان كنت محتاجة اشم هوا. فاطمة بهدوء: انا دايما شايفه في عيونك حزن، ليه الحزن ده؟ نور بحزن: عادي يعني. فاطمة: اعتبريني امك واحكيلي. نور: مش قادرة احكي دلوقتي لو سمحت. فاطمة ببسمة: لما تعوزي تحكي انا موجودة. نور في نفسها بوجع شديد: عايزني اقول اني بنت كامل؟ ولا اقول إن اختك قتلت امي اللي ملحقتش اشبع منها؟