رواية اشواك العشق الفصل الخامس عشر 15 - بقلم سندس محمد

الناس اتجمعت حوالين العربية وطلعوا ياسين بالعافية وكان مغمى عليه وحالته حالة. في راجل طلع تليفون ياسين من جيبه وحاول يفتحه بس للأسف التليفون كان معمول بباسورد. الراجل واسمه فتحي: طب أنا مش عارف أفتحه يا رجالة، أنا هخليه معايا برضه عشان لو في حد اتصل وأنا هروح معاه المستشفى. واحد من الرجالة اللي واقفة: ماشي يا أستاذ، يلا بينا نوديه المستشفى بقى. بعد مدة وصلوا المستشفى وياسين دخل العمليات.

في البيت كانت اعتماد قاعدة هي وروان، بس فجأة مسكت قلبها وبان على وشها الوجع. روان بصت ليها بخوف وقالت: مالك يا خالتو؟ اعتماد بوجع: مش عارفة يا بنتي بس فجأة حسيت بوجع في قلبي. روان بخوف: طب أطلب الدكتور؟ اعتماد: لا لا مش مستاهلة، بس هاتي التليفون أرن على ياسين أطمن عليه. روان جابت التليفون ورنت على رقم ياسين. عند ياسين في المستشفى كان الراجل واقف قدام العمليات بس سمع صوت التليفون، مسكه بلهفة ورد

بسرعة لما لقى اسم ماما: ألو. روان باستغراب: ألو، مش ده رقم ياسين؟ فتحي: أيوه يا فندم، بس صاحب الرقم ده عمل حادثة وفي المستشفى دلوقتي. روان بعدم استيعاب: أنت بتقول إيه؟ فتحي: والله ده اللي حصل. روان دموعها نزلت وقالت: طب طب ممكن تقولي عنوان المستشفى فين؟ فتحي: اتفضلي. روان قفلت الخط وبصت قدامها بصدمة ودموعها مغرقة وشها. روان بصريخ: لا لا مش ممكن مش ممكن. اعتماد بدموع: إيه اللي حصل يا روان؟ قوليلي أنا راضية بقضاء ربنا.

روان مردتش. اعتماد بصريخ ودموع: آه يا ابني آه يا حبيبي أنا قولت في حاجة. روان بعياط: اهدي يا خالتو هو عمل حادثة بسيطة بس اهدي إن شاء الله خير متقلقيش. لكن اعتماد كان أغمى عليها من الصدمة. روان بصريخ: خالتو! الحقني يا أحمد. في أوضة أحمد ونور، أحمد سمع صوت الصريخ وبص لنور بقلق: هو إيه صوت الصريخ ده؟ نور باستغراب: مش عارفة انزل شوف. أحمد بخوف شديد: ليكون ماما حصلها حاجة... وخرج من الأوضة بخوف شديد.

أحمد نزل بسرعة على الصوت لقى مامته واقعة وروان بتعيط. أحمد بخوف وخضة: إيه اللي حصل يا روان؟ روان بعياط شديد: ياسين عمل حادثة يا أحمد وطنط مش بترد عليا. أحمد بصدمة: إيه؟ ياسين عمل حادثة؟ طب طب هو كويس؟ روان بعياط: مش عارفة بس أنا خايفة عليهم أوي يا أحمد. أحمد قرب من مامته بخوف وحط إيده على النبض وعشان هي دكتورة فعارف وللأسف مالقاش نبض. عند ياسين الدكتور خرج من أوضة العمليات.

فتحي جري عليه بسرعة: ها يا دكتور هو كويس صح؟ الدكتور بحزن: والله أنا مش عارف أقولك إيه. يتبع.