رواية اشواك العشق الفصل الرابع عشر 14 - بقلم سندس محمد

نور بعصبية: قصدي ما أنت بتحبها، فلازم كل حاجة تاخد بالك منها، ولا إيه يا أحمد؟ رد عليا. أحمد بعصبية: نور، أنتِ عارفة إن الموضوع ده من قبل ما أتجوزك، ليه تفتحي في القديم؟ نور بوجع ودموع: عشان أنا قلبي موجوع منك يا أحمد، وقلبي عمره ما هينسى أي حاجة، أنت فاهم؟ أحمد اتنفس بهدوء وقال لها: بصي يا نور، أنتِ عارفة إني بحبك، وإن اللي حصل زمان ده كان غصب عني، لكن أنا دلوقتي بحبك.

نور غمضت عينيها وقالت: ماشي يا أحمد، وأنا هحاول أصدقك، لكن لو اكتشفت حاجة غير كده هننفصل بكل هدوء عشان أنا بحبك وبحب روان أوي. عند روان في أوضتها، قامت من على السرير ومسحت دموعها بكل هدوء، ولبست عباية شكلها حلو وحجابها... ونزلت. كانت اعتماد قاعدة تحت، وأول ما شافت روان نازلة عليها قالت بحب: ما شاء الله عليكي يا بنتي زي القمر. روان ببسمة: شكرًا يا خالتو. اعتماد: تعالي اقعدي جنبي يا حبيبتي. روان قعدت جنبها.

اعتماد باستغراب: هي توحيدة فين؟ روان ببسمة: تلاقي ياسين قتلها. اعتماد بضحك: والله مش بعيدة، ممكن يكون عاملها. ياسين نزل وبص لهم باستغراب: إيه بتضحكوا ليه؟ طب ضحكوني معاكم. روان بصت له بقرف وما ردتش عليه، بس ياسين لاحظ نظرتها ومهتمش. اعتماد: لا يا حبيبي ما فيش حاجة، إحنا بس بنسأل على توحيدة. ياسين بخبث: لا خالتو، اتجوزت بقى. اعتماد باستغراب: اتجوزت من غير ما تقول لحد إزاي؟ ياسين بص لروان بخبث: آه، اتجوزت حد تقيل أوي.

روان الفضول بان في عينيها بس عملت نفسها مش مهتمة. ياسين بخبث: اتجوزت كامل المنشاوي. روان قامت من مكانها بصدمة: أنت بتقول إيه؟ ياسين بخبث: إيه؟ أنا بقول اللي حصل، أكدب يعني؟ روان بصدمة: لا أنت أكيد كداب، بابا ما يعملش كده. ياسين ضحك بسخرية: والله يا روني، هو يعمل كده وأكتر من كده كمان. روان: لا لا، طب إزاي وليه يعمل كده؟ ياسين بص لها بسخرية وما ردش. اعتماد بحزن: ليه يا توحيدة تعملي كده؟ ليه؟

ياسين بخبث: عادي، هي تعمل أكتر من كده كمان. روان دموعها نزلت وهي مش مصدقة أي حاجة. ياسين: طب يا جماعة أنا همشي بقى. اعتماد: رايح فين يا ياسين؟ ياسين: رايح مشوار يا ماما. ياسين خرج من البيت وركب عربيته واتحرك... بعد شوية لقى عربيتين ماشيين وراه، مهتمش... لكن العربيتين حوطوه. وياسين حاول يفلت منهم لكن للأسف العربية بتاعته اتقلبت كذا مرة.